大吉居酒屋 (已結業)

啱啱中環見完客，有点兒餓……諗住簡簡單單 食個午飯就算！眼見翠華條人龍就云低咗，等得嚟都餓死咗！見倒对面有間居酒屋……大吉！ 個招牌好細好唔顯眼 ……好耐之前聽朋友講過吓有間咁嘅嘢， 好似係食放題之類嘅嘢……上到去先知……原來轉咗型雖然好多客人！勝在吾使等位！午市時間店員都好忙……但都好有禮貌咁極力推介呢度嘅魚生飯同壽司…… 佢話呢度嘅壽司飯用嘅係日本北海道七星米……一定要试！於是我就点咗個三色丼定食個名好似好普通！事實上一啲都吾普通……非常正整個定食都非常豐富…… 有前菜、咸莱、沙律、 麵豉湯、蒸旦、甜品同主菜~魚生飯先講吓個飯先!真係冇介绍錯……飯粒鬆軟，口感清爽……赤身~口感堅實，有彈性!三文魚籽~晶瑩剔透粒粒都好飽滿!帆立貝~肉質都好豐厚、非常鲜甜!仲多咗兩件自家製玉子燒㖭店員話就連用嘅寿司姜都係廚師自家醃製……非常好味……喺中環區用呢個價錢食到咁高質素嘅定食……今餐真係非常滿足下次一定会再嚟试吓呢度嘅寿司先

中午時間途經威靈頓街見到有個廣告易拉架牌幾靓而上左呢間日本餐廳食lunch 大概12:30中環來講午市唔算太多人點了一份北海丼定食份量都算豐富有牡丹蝦 海膽 帶子 好新鮮又有蒸蛋同沙律甜品 蒸蛋好好味價錢2佰幾中環來講唔算貴下次可以再來

本人認為食居酒屋就要食新鮮、好味、有質素嘅食物，我知道呢間餐廳之前係做任食放題，但係對於我食量比較少嘅人當然係重質不重量啦！而且放題係限時嘅，我係鍾意兩個人慢慢食慢慢嘆，我唔鍾意只係顧住食嘢，現在這間餐廳轉左散叫食物，正合我心意！我叫咗幾款食物，食落去都唔錯！天婦羅係即叫即炸的，蝦肉好新鮮，紫色番薯好甜好粉，正慢煮牛脷，牛脷好厚身，而且肉質好嫩滑，呢個份量其實都有三份一條牛脷，所以都幾飽同埋幾抵食！我們叫咗芒果天婦羅蝦卷物，芒果好新鮮，而且係即叫即包的，所以食落去天婦羅🦐好爽脆以及仲係暖的，味道亦都好清新！重點係依度用嘅飯全部都係日本貨，所以每粒都好鮮甜米香，好味！最令我一試難忘嘅就係呢度嘅秋刀魚刺身，店員介紹呢個月份秋刀魚好當做，其實我未食過秋刀魚刺身的，每次食都係雪藏嘅秋刀魚，我好怕魚嘅腥味，但係今次都大膽咁試吓啦，既然店員極力推介，點知一試難忘，估唔到秋刀魚刺身係咁好味架，又肥美，肉質又好嫩滑，放上少少嘅青檸汁，令到鮮味更加突出，我極力推介呢一味食物比大家我當晚食嘅事晚餐，鋪頭嘅人唔係好多，最啱我適合喜歡寧靜，慢慢同我嘅另一半一面傾計一面食飯，環境氣氛亦都唔錯，服務態度亦都好好，

好失望裝修完之後d嘢食少咗好多，原先lunch set 成本簿，依家變成3頁A4紙，之前$133個銀鱈魚set依家變成$228，貴咗勁多！多咗個蒸蛋，少咗天婦羅、三文魚他他同埋飲品，原來蒸蛋咁貴㗎。都算啦，銀鱈魚塊皮燒成咁，叫人點食點食！以前2個禮拜食一次，依家已經唔想再幫襯。

以前去大吉就係鍾意佢由頭食到飽.... 又有好多野食 eg日式刺身點知依家得個定食 又貴左好多...琴日上菜又慢 又上少左3個人茶碗蒸淨係上左1個 催左15分鐘先上番淨番2個之後番到office先醒起 原來連甜品都冇上 叫個饅魚飯 薄到唔想食.... 以後唔會再去

周五下班後，我跟朋友約了一家日式料理餐廳，因為是吃到飽！所以我中午就沒什麼吃了，要保持戰鬥力💪🏻💪🏻💪🏻畢竟我挺能吃的，我們去的是8:30-23:00 的時段，其實挺喜歡這時段的，因為吃到飽二個小時，就要被趕走，挺無言的😞😞 一坐下來我們就開始點，三文魚挺新鮮的，我們叫了快40片 總共下單4次，帶子刺身跟虎蝦刺身都挺不錯的，海鮮新鮮！吃到飽就是怕不新鮮但是都挺不錯的👍牛油煎帶子，焗蠔，魚乾都挺不錯的下酒，這家店的啤酒也是喝到飽！我喜歡白酒煮花甲，所以叫了三次，馬拉盞炒野菜都不錯！但是但是他們家最好吃的是「火炙壽司」我的媽啊！炙三文魚跟左口魚壽司，入口即化，三文魚本來就新鮮，被火烤過，那炙烤的香味十足，左口魚有點油油的，炙烤後真的不得了！我一個人就剋了15個，吃到最後隨然把飯拿開了，只吃左口魚～～還是覺得好好吃🤤🤤這家放題在中環，$200多的價位，讓我吃到走不動😂 下次還是再來💪🏻💪🏻挑戰更多的炙燒壽司❤️❤️

公司包廳食飯，第一次時，D同事話試過好好，介紹去食，點知去到中伏，地方細，坐得辛苦，跟住發覺點餐無乜款揀，如果要多元化少少，就要額外加錢才有得食，變得食物品種很少，好了，都硬食，其他食物上枱後，發覺味道好差，跟外面其他刺身壽司店比，係完全唔好食。跟住，想可能是公司包的，未必好食，自己同老公再試一次，都好差，服務員忘記order,及態度奇差，枱面放唔唒，又唔執枱，有少少湯水剩，都要你飲哂佢，我覺得個侍應玩唒嘢，以後請都唔嚟，好無禮貌。

自從上次向隅了團購優惠後，今次趁新一輪開賣甫開始便火速購買。由於時段一除服務費外要再多加廿元附加費，於是我選了八點半至十一點的時段二，原本以為這個時間會有些食品已經售馨漏單的清況，但出乎意料地，點什麽有什麽，讚! 而且份量也沒有欺場，炒蜆，炒飯，泡菜煱也十分大份，只是味道略嫌鹹了一點，壽司手卷及刺身也十分新鲜，雖然不算很大件，但這樣正可讓食客們多試幾款味道。飲品方面選擇種類繁多，各種汽水啤酒茶水益力多等樣樣齊備，雪糕有movenpick 及Haagen Dazs， 但只有巧克力味，如果有云呢拿味就更好。服務方面，上菜快，收碟快，訂位接聽時間快，讚

午餐冇食放題轉食set lunch$158一人前套餐, 飽到癲！可以自選兩個主食+一個刺身/壽司首先黎一個沙津同湯沙津有2片鴨胸幾香口刺身拼盤有兩隻甜蝦、兩片三文魚、兩邊油甘魚、一片帶子好新鮮特別係油甘魚， 油脂分布平均三文魚海膽丼細細碗，不過個餐太豐富，最後都係食唔晒三文魚海膽唔臭，香甜網燒牛扒好香牛味，唔使點任何醬汁已經好夠味唔會好肥送飯一流甜品有得揀雪糕、豆腐花或者乳酪識揀一定揀雪糕！hagaan daz wor!!

第一次試依間既午市放題，星期日做緊198加一。時間係1215至1500。地方狹窄，員工不足，廚房出單混亂。我見到有一位部長會集齊第一round 既單，再分次序。冷盤刺身出得唔錯，有條不紊。不過熱食就出到一頭煙，串燒、炸物同熱食都甩甩地單。好似我個天婦羅炸蝦，我大概1245叫，夠膽1個鐘之後要再追單先有。重點係我叫2隻！真係幾好㗎，不過我覺得刀功方面可以再鑽研。做過日本餐廳既我，認為師傅唔能夠順應魚紋同筯部去切，而且唔係一致既魚生。仲有切得太深，保留魚皮脂肪，吃落有點韌。壽司都唔錯，尤其拖羅同左口裙邊。其他就真係好抱歉，掛住打大佬，無影相。不過依度飲品十分齊全，第一次見有咁多款。叮叮都話好滿足，只不過出餐真係混亂，唔好期貨港島區服務方面會做好啲。但係都未激嬲我叮叮，就放佢一馬啦。

係中環返工嘅打工仔，辛苦搵嚟至在食，lunch就梗係要對自己嘅味蕾好啲啦今日嚟咗中環somptueux central，呢座大廈內有乾坤，今日就試試朋友介紹嘅大吉居酒屋由於入得嚟食lunch set都有前菜同麵豉湯跟餐，所以坐低未點單已經自動上前菜今日係火腿沙律我揀咗個自選3餸日式魚生飯，$135加一，揀咗最愛嘅鮮帶子、特大蝦，仲有三文魚子，好大碗 好新鮮朋友仲提我，如果唔夠飯可以無限添飯因為啲魚生肉嫩鮮甜，結果真係叫多個白飯添食 真係啱晒啲大胃王 讚

食物ok，服務一般，團購優惠券話清酒免費，清酒跟飲料放同一個雪櫃上下格，清酒放係下格，玻璃門外下格貼咗收費項目聲明，但係一般都睇到上面唔會蹲低睇下面玻璃，打開門攞飲品又睇唔到收費聲明，所以中招飲咗兩瓶清酒，盛惠四百幾元，免費清酒係收埋，問先倒給你

我在openrice看到大吉居酒屋中環店的食評不錯，所以一星期前訂了今晚6:00pm-8:15pm的時段，一家四口前往一試，誰知虛有其名，認真失望。首先服務員態度差，由始至終我沒有見過一絲笑容; 其次食物品質一般，並不出衆; 我們第一輪的刺身來錯了希靈魚(我們沒有order因為從來不吃的)，服務員來收碟時問我們為何浪費，我告訴他是你們弄錯了，他拿單來對清楚是廚師弄錯了，而沒有一句sorry: 更甚的是收費的清酒與免費飲品放在同一冰箱，任人自取，而標明兩人一瓶的免費清酒要order才有，這是否本末倒置，有騙人之嫌。我給的評語是2/5分，不合格，差。

友人買左團購，星期日六點爆哂場。必點刺物同創作壽司，仲有啲熟食呀。未試過放題會有咁高質嘅壽司，真係超好食，落左幾轉單。刺身有我最鍾意嘅大頭蝦、泰國生蝦同帶子，真係好正！團購獨享清酒一枝同梅酒任飲。梅酒唔係好好飲，可以唔叫。清酒配池魚乾好正，一定要試。飲品推介韓國桃酒，好好飲。呢間放題係我過左幾日都掛住，下次要再食！！！

朋友加拿大返嚟香港請佢哩度食放題，點解咁多地方都有放題要選擇呢一間，係因為佢哋嘅食物質素高， order好少錯。 唯一一樣美中不足就係座位唔夠寬敞， 好有壓迫感，坐得不太舒服。 有好多飲品任你選擇又有梅酒送， 仲有 Haagen Dazs 雪糕。以前嚟食又和牛而家冇咗lu，有啲失望。 刺身好新鮮仲有鱈場蟹食。晚餐上網買coupon 198再加64蚊， 每位合共$262