大吉居酒屋 (已結業)

多年前喺中環食過呢間叫大吉嘅放題，印象不裕，最近得知餐廳已轉型為居酒屋，設有多款單點日式料理，質素應該有所保證！未夠七點已經差不多滿座，餐廳不停播放的日文歌曲，甚有和風感覺轉為單點後食物內容好似更為吸引，刺身、壽司、卷物、一品料理等等選擇多不勝數，價錢適中高湯海膽啫喱海膽份量都算幾多，幾新鮮同鮮甜，配合滑溜溜的啫喱一齊食，口感同味道都好特別！汁燒魷魚筒原隻魷魚筒燒得色澤端好，口感軟林，富有魷魚香味，好味道！特雜錦壽司壽司分別有刺身蝦、吞拿魚、三文魚等等，全部都好新鮮有光澤，有魚香，高質素，最欣賞係當中嘅吞拿魚茸卷，脆脆紫菜包着肥美吞拿魚茸，魚脂在口裡蕩漾，正！

今日放咗工去咗中環搵個朋友，佢就推介食大吉，佢話之前係食放題嘅，但係依家轉型做咗居酒屋，咁就一於去試吓啦。我地七點幾上到去，人唔算多，環境清靜好舒服，最啱同朋友傾計。前菜我地叫咗個油甘魚沙律，油甘魚好新鮮，好開胃，值得一試。主菜叫店員推介嘅大蝦天婦羅，果然真係冇介紹錯，咬落去蝦肉炸完都好彈牙，隻蝦又好大隻，真係好好味。然後叫了一份花魚一夜干，一上枱見到條魚係好大條，食落魚唔多骨好多肉，點埋醬汁兩者好夾。最後叫一份軟殼蟹牛油果卷，味道不錯，值得一試，附上由店舖自家製薑片，令整道菜唔會有飽滯感覺。值得一提店員態度好好，會同我地介紹食材同會問我地食物質素如何，真係好有親切感。最驚喜嘅就係，原來有依家去到11月30日，晚上六時起，全單會六折。即話今次我地叫咗4道菜，埋單時都只係三百幾，真係物超所值。

瘋狂日本愛好者又出動日本野真係食一百萬次都食唔厭 我又去唔到日本食 唯有係香港周圍覓食今期黎到中環食大吉居酒屋 記得佢之前係做日式放題 近年轉左居酒屋型式日式放題可以任叫任食 但就限時 居酒屋可以慢慢食 幾岩我裝修依舊走和風 樓底高 唔會有壓迫感野食選擇十分多 好似比以前放題仲要多我地就揀左軟殻蟹沙律辣吞拿魚卷汁燒魷魚筒鹽燒手羽（二串）軟殻蟹沙律軟殻蟹份量多 好多膏 岩岩炸到金黃色 又唔油膩 一咬落去脆卜卜內邊又軟淋淋 正鹽燒手羽將雞翼分一半拎去燒 勁方便食用 燒至外皮脆卜卜 入邊仲係好juicy 見到都忍唔住食晒佢汁燒魷魚筒原條魷魚上 燒完切開一塊塊 方便食用 魷魚爽口彈牙 醬汁調味岩岩好 辣吞拿魚卷上面鋪滿蟹子 一口size 一啖食落去 d蟹子係口入面爆開 口感多重 吞拿魚新鮮 唔係好辣 一流勁滿足ge一餐 下次會再黎

今次食日本野!係食居酒屋我印象中居酒屋係chill d同埋可以吹下水飲下酒咁不過我就無叫到酒飲啦哈哈btw原來呢間大吉居酒屋以前係做放題形式依家轉左做居酒屋食日本料理，相對品質都會有番一定啦haha白魚仔日本蕃茄沙津 ($98)沙津汁再配蕃茄都幾夾，因為本身沙津就係要酸酸甜甜咁開下胃份量都幾多下，都夠2個人食白魚仔都係一d下酒菜(?)所有配料都係要黎開下胃，係幾夾既明太子手羽 ($78)隻雞翼係去左骨既，再塞左明太子入去燒得好香口，連埋明太子就更加香同埋係燒到外皮係有少少脆啦但入面都仲有肉汁我覺得明太子燒完個味道係更加出，同雞翼都夾既蒲燒鰻魚忌廉芝士卷 ($138)忌廉芝士係入面連埋一齊食又唔會覺得好膩咁鰻魚係薄薄1-2片，中間都仲有少少菜食落其實幾有層次感，而鰻魚味都冇比芝士搶過因為係白色個隻芝士，又唔算特別濃整體都好夾深海池魚刺身($128) + 吞拿魚背刺身 ($147)池魚好似未試過咁樣食，係實肉同有少少爽口既食落都幾有鮮味，唔會有油膩感而吞拿魚就厚厚的一塊，相對就肥膩d啦haha呢隻吞拿魚又未去到入口即溶個d，係比較實肉少少既2隻魚都係好新鮮

上星期，找了一天跟我的同事好朋友Winnie the Pooh (有看我YouTube channel :Maggie and her tummy，就知道她是誰了)去了公司附近的居酒屋吃吃東西談談心，很久沒跟她好好坐下聚餐了。這家大吉居酒屋本身是做放題形式的，Winnie the Pooh 之前就吃過這家的放題，它說就一般般，這次變成居酒屋，單點形式的，那我們就給他多一次機會吧！草莓特飲和桃味特飲：有些真實的果粒在杯底，整體的話桃味的會好一些。刺身質素算是中等，可以點些來試試。炸軟殼蟹沙律：有挺大隻軟殼蟹。花魚一夜干：就是那條大大的煎魚，與煎得剛剛好，吃下去也算多汁。一邊聊天一邊吃是一個挺好的選擇！鹽燒手羽:這裏的侍應說是日本來的雞翅膀，雞翅膀烤得剛剛好，但$68只有2隻有點貴了！整體環境適合下班來小喝一杯，跟朋友聊聊天，食物也過得去，也算是下班來輕鬆一下的地方！

放工有得去食好嘢特別開心今晚黎左哩間前身係放題，不過竟然轉左為居酒屋嘅餐廳食日本嘢，真係高質，意想不到咁好食中位價錢，但食物份量夠，真係值回票價的先黎哩個店員極力推介嘅海膽啫喱，真係好有鮮味，而且好特別嘅texture 本來心諗點解海膽配啫喱都可以咁嘅價錢，原來黎到啲海膽係咁新鮮，而且啲啫喱仲係用魚湯特製嘅，真係好有特色各自嗌左2杯特飲，一杯桃一杯士多啤梨，味道較得不錯，唔太甜又夠晒氣炸蝦天婦羅真係必嗌！喺香港從未食過咁新鮮，咁大隻嘅炸蝦真係炸得好好味，又一啲都唔油，蝦迷一定要試！一定一定！辣吞拿魚壽司都係一樣咁有質素！吞拿魚刺身配埋辣嘅膽片喺入面，好有口感，而且夠晒新鮮又嫩口，食落一啲腥味，一啲渣都無燒花魚嗌到埋黎真係好surprise, 從未食過咁大嘅一條魚，調味好特別，煎得夠晒香最後有佢地餐廳自家製嘅柚子芝士軟蛋糕，一啲都唔膩，又有淡淡嘅芝士香，好滑好軟熟！

今日男友帶我黎食日本野🍙🍣🍙🍣🍙其實好少系中環食日本野。裝飾都幾靚，環境寧靜，超級舒服😌叫左個飛魚籽沙律$58清涼爽口🥗🥗🥗🥗沙律醬唔會過多雜錦壽司🍣$258原來啲薑仲系自己醃，好爽。帶子好鮮甜，好大粒呀🤭其他都好新鮮👍🏻👍🏻 花魚一夜干 $128燒到個皮好脆，金黃色，仲好香，條魚好嫩滑，配埋個酸酸地既汁仲好味。雜錦天婦羅🍤 $168炸到金黃色，唔會太厚粉，最重要系好新鮮個蝦。好有鮮蝦味，好爽口紫蕃薯🍠好甜。

以前去中環有很多時間食飯，都會貢上去《大吉居酒屋》食自助餐。最近從朋友知... ，放題轉型為居酒屋，食日式料理為主啦！ 上到去就見到午市優惠 ，中午12:45 前結帳13:30 後入座有85折優惠，立即🤩.職員服務周到，經常為我們添水。也樂意解答問題地方舒適, 適合大班朋友聚會, 不會太迫夾喎軟殻蟹沙津 HKD 88 這裡天婦羅做得很色 。蟹腳有肉地而且好長。完全晤多油，控制得不錯。油甘魚刺身 HKD 98共有3件，每片都是厚切、肥美 ！ 那種魚油香好正！ 還用冰冷的盤盛著，保持著溫度。 秋刀魚刺身 HKD 88 有光澤，好鮮甜！鹽燒手羽 （兩串） HKD 68 共有兩串，燒得剛剛好，很乾身。 味道談談而裡面全熟。 大蝦天婦羅 HKD 178 Presentation 得不錯。 差點捨不得食！蝦size 很大，外層粉又不厚而且炸得金黃色的，蝦肉質有鮮味！ 整體服務、食物很好！ 經理還詢問客人意見以保持食物質素。

我應該係十年前既生日飯食過大吉，當時都仲係放題。今次預祝生日朋友又係帶我食大吉？ 到去先發覺，原來大吉已升級為高級日本居酒屋🏮餐廳位於蘭桂坊下面，當日剛好是萬聖節前的星期六，食完剛好去哈佬喂一番！心想：這家餐廳位置正呀！新裝修後的大吉居酒屋無論是裝修還是餐具均一絲不苟，乾淨整潔，色系一致，採光舒服。座位之間有足夠的空間，可以好好享受與朋友分享近況的時刻。海膽高湯伴啫喱（朝鮮海膽）作為前菜點了餐廳獨有的這一份，賣相特別，食材配搭新穎。高湯以啫喱狀態呈現，口感滑溜而味道像日式冷麵的湯頭一般，富鮮味，混合三文魚子及朝鮮海膽一併食，鮮上加鮮的感受，好特別！要特別讚一下海膽色澤光鮮，好新鮮！明太子手羽一客兩件，薄薄的雞肉裡面填滿明太子，明太子的鮮味加上辣粉，好開胃而滿足，唯一可以小挑剔是雞皮再脆一點比較好。油甘魚刺身，魚身呈亮亮的魚油，好新鮮！厚切份量更有口感。赤貝鮮味更加不用多說，非常爽口多汁。份量少少，更顯珍貴。最後點了一份飽肚一點的菜色，份量適中的牛油果包著炸軟殼蟹，少數居酒屋可以把炸軟殼蟹處理得恰如其分，炸的不會過乾，而且吃最後一件時仍然脆度十足，正！大吉居酒屋跟以前放題的感覺完全不同，

大吉居酒屋 (中環)和朋友來到中環，想吃日本菜，見到這家居酒屋，單點有6折很抵食，就試試看好不好吃。海膽高湯伴啫喱 $108朝鮮海膽creamy甜美 底下伴有海藻和q彈的啫喱，口感豐富😉估唔到呢種食法都幾得意同夾到 😺特別配有三文魚籽 一咬爆曬汁 唔會過鹹因為有啫喱中和番🤔.油甘魚刺身$$98刺身肥美後身 油脂豐富 好似一舊脂肪係口中融化 滿足到呢🤤.番薯天婦羅🍤$88番薯味道天然冇調味，外層蘸上薄薄的炸粉炸到鬆脆，內裡番薯蓉綿綿口感，味道似足了薯片呢！😆.汁燒魷魚筒$98成條燒魷魚呀！魷魚燒到肉嫩彈牙，配上濃郁燒汁好惹味，略嫌過鹹，如果配上飯或者烏冬會更佳.白桃果特飲 🍑粒粒草莓飲$52/1🍓兩杯嘢都中規中矩 雖不是用新鮮果汁打成，但味道也不錯，如果少甜會更好呢😋.餐廳做緊單點6折優惠，都幾抵食，去開中環嘅朋友可以試試.

今日行過中環諗住搵間日本嘢食，見到大吉雖然沒有做自助餐，但晚餐提供了六折優惠，所以便上去試試...上到去發覺地方寬敞左，冇以前咁迫...感覺好似大左同乾淨左好多，好適合傾計聚會☺️我哋叫咗個刺身飯、野菜天婦羅、炸雞軟骨同埋炸蠔...d 刺身好新鮮，同以前放題啲刺身簡直係兩碼子嘅事...另外果雞軟骨都係超好味，好想要多一碟不過好似好誇張咁所以就冇叫😅之後叫埋個炸蠔同埋野菜天婦羅，真係食到舔舔脷😋😋😋 最正就係有生啤飲，價錢$53一杯喺中環來講完全唔貴...再加埋食物六折...感覺真係好抵食我哋今晚唔算太多人，可能好多人仲未知大吉開返轉做居酒屋la...另外知道呢度有得存酒，等我下次多啲人都開支酒飲先....最後埋單六折左都係每人三百蚊左右...超級抵食....知道六折優惠做到11月尾....一定會再去食🤣

日日都日本菜癮起，朋友係中環做完野，今晚就黎到佢介紹既大吉居酒屋啦佢之前係放題黎既，但而加餐牌都有唔少野揀，各類型都有Ｄ！海膽高湯伴啫喱呢隻係韓國海膽，我都係第1次食，味帶甘甜，平時係出面好易食到苦既，但呢款就冇最得意係伴啫喱，係一道好有創意既前菜！汁燒魷魚筒嘩，經理一拎過黎我就叫出黎，因為好大條！醬汁均勻，燒得內外都唔乾身，同埋唔會咬唔開！絕對令你食唔停口。軟殼蟹牛油果卷物牛油果有少少生，比較實身；軟殼蟹好脆，整體都唔錯。吞拿魚背壽司好香魚味，又滑又厚身！時令秋刀魚刺身，師傅切到厚厚既一小片，方便入口，仲提我地可以試下點薑食，別有一番風味。火炙金目鯛刺身，又大又厚，係出面好少呢款魚，原來甘好食既！

知道大吉由放題轉左做居酒屋，梗係黎睇下佢有冇keep住水準啦！果然冇失望6點就黎到，太早仲未有好多客，座位好舒服闊落，影返張靚環境相先。到7點就開始慢慢多人！海膽高湯伴啫喱（朝鮮海膽）賣相好靚，有好靚既食用花點綴，幾份海膽仲好似係水中浮住甘啫喱好清甜，出奇地同海膽好夾。海膽比起一般日本餐廳好食，唔會苦，仲帶鮮甜，係靚貨黎。入面仲有紫蘇，海藻伴碟。軟殼蟹牛油果卷軟殼蟹炸好香脆，夾埋牛油果，蟹子食提昇整體口感，冇甘乾身，醬同豉油都唔洗點已經好好食。係飽肚之選！唔係誇張，但近年食過最好食既汁燒魷魚筒，冇燒燶到，而且唔乾身，難得有居酒屋整到甘正，我自己食左大半條兩款時令刺身都係第一次食，餐廳職員好貼心，叫我地先食金目鯛。秋刀魚好厚身，而且細心地切左細細片，一啖入口！經理仲比左２小碟豉油我地，因為其中一碟要落薑點黎食。金目鯛有少少火炙，好肥美，而且唔腥。最後仲有小甜品，柚子芝士蛋糕，好清新

今日喺中環做完野，去搵朋友食飯，去左以前一齊去過既大吉諗住食放題，去到發現原來餐廳已經轉型成居酒屋，單點食物並非放題，既然嚟到當然要試下啦。首先要左個軟殼蟹沙律，先講份量，足足有4件軟殻蟹咁多，而且每件都好大件，夠哂足料。而味道方面，炸得十分香脆，但又唔會好乾，加埋下面既沙律菜一齊食就冇咁熱氣。然後就到店員推介既秋刀魚刺身，首先貌相已經好吸引。加上秋天係秋刀魚最盛產既季節，所以味道真係寧舍鮮甜，少少腥味都冇，真係必試！由於係時令魚，menu係冇咖，唔係成日有得食，記得要趁秋天完結前嚟食最肥美既秋刀魚。食完魚同蟹，點少得蝦呢！我地要左份牛油燒大蝦。蝦肉夠哂彈牙，而且牛油味勁香勁香，吮埋蝦頭既蝦膏，一級棒！食日本野點少得壽司。今次要左個辣吞拿魚卷，吞拿魚經辣汁調味，加上脆卜卜既炸天婦羅碎，仲有上面既蟹子，相當有驚喜，真心好好食。而伴碟既醃薑都好爽，又唔太辣。最後店員拎左2件自家制柚子忌廉芝士蛋糕請我地食，出奇地送既甜品都好味，芝士蛋糕不嬲好漏，但加左柚子味恰到好處，變得好清新，為我地今餐畫上完滿句號。

喺中環，諗住食放題，所以就上左大吉諗住睇下有無位啦。點知原來已經無做放題，但由於好攰唔想再周圍搵野食，又見到有六折優惠，所以就試下喇。先叫左一杯芒果梳打同一杯荔枝梳打試下，唔會太甜，荔枝梳打仲有果肉添，唔錯。首先叫左一個油甘魚和風沙律，上到檯我發現圖文不符，同餐牌個樣咁唔同既，點解上檯會靚過影餐牌張相😂油甘魚幾鮮甜，配埋蕃茄同提子乾，帶少少酸味，岩哂做開胃菜！之後食刺身，刺身又係...點解可以擺得咁靚既？竟然可以用刺身砌左一塊葉既形狀！店員推薦我地食秋刀魚同池魚刺身，秋刀魚食得多，但次次都係煎或者燒咁食，刺身真係聽都未聽過。不過店員真係無介紹錯，秋刀魚刺身顛覆左我對秋刀魚既感覺，原來秋刀魚都可以鮮甜唔腥，原來秋刀魚做刺身可以咁好食。另外，池魚都好肥美。呢啲刺身既水準，真係無乜可能喺放題店搵到。跟住就食返啲熱食，點左一份大蝦天婦羅。呢份大蝦天婦羅啲蝦，果然真係大蝦，隻隻蝦都成隻手咁大，而且蝦肉夾口彈牙，食落仲帶有少少蝦膏味，正最後仲未飽，就叫多左一份蒲燒饅魚忌廉芝士卷物，聽落有啲fusion既感覺，食落原來都幾夾，一大粒忌廉芝士咁夾埋饅魚一齊食，口感好滑！趁有六折，下次會再黎試埋其他野食