大呷台灣 (已結業)

假期就是這樣子的了，什麼時候起床、什麼時候吃早、午、晚餐，甚至不吃也可以任意安排。在中環逛了一會，隨意走進這店子，不隨意的點了一個午餐，悠然地吃著，好不隨意的一個下午。假日，多自在的隨意~ 😊食物質素如何? 不管用吧~ 

星期日夜晚九點幾，係中環選擇唔算多，剛好男朋友話想食牛展飯，打開外賣平台見到呢間有，心諗滷味應該點都唔會死啦。最後叫左個滷味拼盤加白飯，拼盤成100蚊，唔緊要，覺得食得飽就好………結果裡面係鹵豆腐一舊，非常細，唔夠兩隻手指公加埋咁大，重點係老細想食既牛展變左做金錢肚因為係外賣，所以翻到屋企打開先知。可能係台灣滷味既關係，滷味食落去唔知點解有好明顯酸味，值得讚既係，珍珠米白飯係唔錯，分量唔細，食落口感好好~

諗住返工係附近搵下有咩好食啦，本身諗住同同事去食酸辣粉，但點知比呢間舖頭嘅外觀吸引左入去食。 雖然最近台灣開返關，但都無咁快去到。咁咪諗住食餐台灣野懷念下以前去旅行嘅日子啦。 點知啲嘢一上枱就知道中伏喇。首先杯凍檸茶已經好似去咗小人國，照睇都係得200ml。完全係《食神》入面嘅「隻杯有咁細得咁細，啲冰有咁大粒得咁大粒，枝飲管有咁粗得咁粗。」嘅完美演繹。 咁飲品呢啲野都係其次，但個肉燥飯冇得抵瀨啦。身為一間主打食台灣菜嘅餐廳，肉燥飯呢啲野係基本野。個飯係大，但佢居然可以難食過罐頭肉燥。汁少又肉鞋，食完就真係燥。 個雞排炸粉厚都唔係問題，但佢黎到嘅時候只有中心係暖嘅，明顯炸好左之後放咗一陣。所以佢啲皮係少少脆、多多韌，味道一般。 小食蒜香四季豆味道正常，冇乜特別，所以不評論。 總而言之，中伏指數甚高。直升機指數🚁：3.8/5推薦指數：1/5（如果你想做勇者就去啦！）

今次第一次寫食評，因為食物質素太差超難食。依間餐廳我行經過好多次但都無入過去，今日兩點幾鐘，我又趕時間，見有好多位，就入去。都係諗住叫碗麵，簡簡單單食飽就算，絕對無抱咩期望。手機落單叫左一碗肉燥麵加貢丸同花枝丸，小菜叫鹽酥雞。鹽酥雞細細碟，細細粒，睇相都睇得出係好差。右邊仲有一塊得炸漿無肉嘅皮。碗湯麵嘅肉燥好難食，味道又有d怪。深啡色嘅貢丸我咬左半啖都無再食，花枝丸望吓都無試。白麵係正常嘅，紅蘿蔔甜甜地，菜都正常。埋單有折，$71，可能因為下午茶時段所以有85折啦。但有折都無用，食物質素太差，超難食。

Lunch time入到去已經坐得好迫見咁多人諗住可以都OK點知個食物質素差到仲衰嗰啲30幾蚊嗰啲兩餸飯。完全睇唔出係點樣樣台灣嘢我食咗都唔夠一半我已經情願去第二間填飽個肚好過如果你希望喺度識到台灣嘢真係唔使諗如果希望食得到餐正常嘅我情願你過嚟下低嗰條街食中環大排檔。啲食評全部都係假嘅唔知道有邊個會覺得依間嘢好食。我全部同事都覺得呢間嘢已經係back list。 奉勸大家都係唔好嘥錢落尼度買個外賣返公司食好過。

大呷台灣，位於中環威靈頓街，過年諗住食得蘿蔔糕多，嚟食下台灣嘢，點知完全畫伏，個人認為屬於恐怖難食，慎入。首先，$83炸豬扒新竹米粉，塊炸豬排完全無味，外脆無味肉死實實，碗新竹米粉就更精彩，完全無味，係連個湯都真係無味，食左一啖就放棄。$83真係屬於災難級搶錢，自己煲碗公仔麵都一定好食過呢碗野。仲話係台灣新竹米粉？？$78古早味蚵仔煎，漿粉多過料，細細隻迷你蚵仔，但連普通台灣街邊車仔檔都好過呢間，反轉個蚵仔煎就見到完全無料。一慘再慘。$58肉燥飯伴糖心鴨蛋，肉燥飯味道算極普通正常質素，但隻糖心鴨蛋係冰凍的，注意冰凍的，應該剛剛係廚房雪櫃拎出嚟。飲品方面就更加精彩，叫左一杯凍椰香古早珍珠奶茶，拎出來個陣係熱椰奶加冰，杯冰溶晒之後，杯野係無味，最奇怪係明明係珍珠奶茶，但杯野係無奶茶，實在差到忍唔住叫店員換過杯普通珍珠奶茶就算。伏仲未完..$33桂花烏龍冷泡茶，餐廳比一個茶包+凍水，完。總結，$308食左一肚火，一生不會再嚟。

今日同朋友去中環睇畫展，行完都黃昏，我地揀左附近的地方醫肚。今次我地見到呢間店以台灣傳統美食為主，不妨試下台灣的古草美味。來到店舖，一定要試試他們的招牌牛肉麵，無論賣相和味道都似足當地口味，所以我地揀左晚巿套餐，牛肉麵配珍珠奶茶及牛肚乾拌麵跟上湯，仲有兩款小食地瓜條及豬耳條。牛肉麵：牛肉經長時間炆煮都依然充滿彈性，肉汁豐富，煮得香濃入味。湯底用新鮮牛骨熬煮而製成，更加美味，每口都是精華！麵底用台灣拉麵，麵質吸湯，吃一口麵，然後再喝一口濃湯，一個字，正！小食和乾拌麵就富微辣的外省風味，麵條QQ彈彈，也是滿滿台味～

紅燒豬軟骨湯麵連台醬涼拌茄子(套餐)＄70紅燒豬軟骨湯麵相比之下，麵最好食，豬軟骨口感偏瘦肉台醬涼拌茄子不過不失，無咩特別，正常味道芒果布甸特飲（凍）$16套餐特飲只需$16，原價要＄33，係咪好抵好吸引，我都覺…😅但堅吾值，極致素化劑味，沒有一絲特飲的影子，落單請”萬”思，再自行決定所謂”布甸”只是細細粒椰果，千萬不要上當，呢杯堅係被名字耽誤，實則是一杯普通芒果椰果沖劑的素化劑，呢間可以blacklist，謝謝🫠仲要加1，除咗上菜，其他請自便，手機落單😅飲品上枱，我問姐姐，杯飲品咩名堂，對方報以一個微妙眼神，彷彿在告訴我: 小姐呢杯咪就係鼎鼎大名的芒果布甸特飲，有眼都睇得出喇，你竟然吾識睇🤷🏻‍♀️ 這應該就是我餐飯服務費支出的終極回報吧，至少大家都算有互動😵‍💫😵‍💫😵‍💫也印證咗”你不尷尬, 尷尬的就是別人” 完勝👏👏🎉🎉🥳🥳餐飯總支出=紅燒豬軟骨湯麵連台醬涼拌茄子 $70芒果布甸特飲（凍）$16+1服務費= $95值吾值，見仁見智，而且最奇怪就係我post嘅飲品相只俾1星，批出黎有3星，似乎後台用咗神來之筆😂😂😂 今次cap圖才po😎

呢度既選擇好多, 份量大之餘又唔貴😎基本上呢度所有食物都會係跟餐, 而每個餐都會跟一個小食同一個主食, 飲品就另外用跟餐價加😉滷雞腎/涼拌萵筍🥒雞臀好大舊味道正常, 萵筍就相對出色同埋整得好入味又夠爽口好開胃😁紅燒雙盛牛肉湯麵🐮($80)有牛肉, 牛筋, 湯底有濃濃既藥膳味飲完成個人暖笠笠, 麵底好彈牙掛曬湯, 碗麵麵幾大碗同足料, 食完係會勁飽🤤古早蔥油雞湯麵🐔($78)雞湯底冇咩太特別, 比起牛肉麵會清啲😚 古早蔥油雞既醬汁甜甜地帶有蒜粒超好食, 比較少食到既味道🤓 香芋綜合珍珠芋圓奶茶🧋(+10)跟餐叫只係加$10真係幾抵, 香滑既芋頭奶茶配上彈牙既珍珠芋圓飲完都幾飽🤭係中環搵到間抵食夾大件既台灣野都唔錯, 味道我個人覺得係幾有驚喜😋

好耐冇正正經經坐低食台灣菜，今次去左呢間位於中環新開張既台式餐廳食晚飯，食完有驚喜🤩🤩🤩：是次食左 - 台式牛三寶麵、鹽蘇柯仔、炸豆腐、鹵水豬脥肉，同埋蒜蓉水蓮（⭐️⭐️⭐️推介）：話說係由台灣直送，食落清爽索索聲，口感一流，正！😋😋😋 配埋杯糖冬瓜茶都幾消暑👍👍👍 味道適中，貫徹咗香港人喜歡台灣食品嘅口味~ 值得一試…. （n年前嘅夏天去，最近先登番, 希望個廚師可以保持到水準啦 😂😂😂）

經過見到好似新開就諗住入去試下 繁忙時間店舖入面得兩三位顧客 但都抱住試下新餐廳既想法入去試下 點知極失望 碗麵可以係用水做湯底 完全食唔落 🥶 份炸雞扒冇任何調味 但已經係算最好味個樣食物 跟住仲要滷肉飯勁多油 朋友話仲有陣酸臭味 完全接受唔到 最後都冇食曬就走左 最簡單同期待既珍珠奶茶都可以係冇味 完全無走甜或少甜都好似水咁… 呢餐可以話係唔知食緊啲咩 就算勁肚餓都食唔落 真心講係我食過最難食既台灣菜 希望店主可以改善食物質素😣

剛巧今日有活動要嚟中環,未食飯嘅我當然要搵下有咩好食🤤~呢一區好多餐廳都好貴,又或者係一啲頹嘢...好彩最後搵到呢間台灣菜~其實我本身都係想食下啲鹽酥雞咁~但估唔到佢竟然有三杯雞柳🐓!其實真係好少台灣餐廳會做三杯,因為真正嘅三杯口味真係勁濃味,又油又鹽咁,未必適合香港人口味~不過可能因為呢度調教過比較適合中環OL嘅口味💄,所以相對少油,亦無咁鹹🧂~不過無變嘅係一樣好足料,好多蒜頭,好多洋葱同好多九層塔!佢啲雞柳好嫩滑,唔算多肥膏~而啲料頭沾滿晒汁,有時料頭甚至仲好食過啲雞😂😂~而佢嘅珍珠奶茶算中規中矩~有茶香味,但又唔會太甜~而我個人就喜歡珍珠甜一啲嘅~總括而言,呢間餐廳味道唔算正宗台灣味~不過有台灣嘅感覺得嚟,又適合香港人口味~所以應該都會覺得唔錯嘅~

從未試過寫食評, 今次真係忍唔住醉雞麵:雞”鞋”到不能形容珍珠奶茶:所謂”台式”餐廳賣既係港式奶茶珍珠食落一堆粉Google一search, 見到得3.X分中晒伏, 大家睇路

从没想到台湾菜可以这么难吃。。。午餐堂食，12点半之前都没有坐满，原来是有理由的。。红烧牛肋条汤面-药材的苦味非常明显，就是一份苦的面，而且面条煮得太过了，完全不韧，难吃。。。葱油鸡配饭-朋友说鸡很甜。。最可怕的就是这个综合珍珠芋圆奶茶，是珍珠还是芋圆也分辨不出，通通煮得比面条还要软烂！就像圆球形的淀粉泥！为什么样这样煮珍珠和芋圆？！？我不理解。。奶味和茶味都很淡，难喝这种口味。。。不会再来了

臨近宵夜時段，我地點咗牛肉麵、小籠包同埋盬酥雞三樣野。牛肉麵佢地用咗五香牛肉，好冧。麵就用咗以前我喺台灣食過嘅闊身麵，香港少見d，總算有番個回憶。最好味仲係湯底，好明顯係秘方，有藥材味，好難形容，香港第二度未飲過呢種味。小籠包嘅料ok，但汁唔夠，皮亦都比較厚。盬酥雞係當日最後一碟，料唔夠，只有小食份量。老闆唔好意思，就主動幫我地取消order。之前我地要求佢調整冷氣，調整完之前之後佢都主動走過嚟同我地交待一番，非常之貼心。