大和堂咖啡店

营业中

休息中

大和堂中西cafe泡沫咖啡 $42咖啡豆幾香濃，唔會太苦澀，好香味nutty味，色澤剛好。好飲！大和堂鮮奶咖啡 $48呢個唔係普通既Latte，入面加左伯爵茶，再加左少少蜜糖中和返咖啡再加茶既苦澀。係特別既，但未到係好飲。反而有少少遮蓋左咖啡既香味。但環境係幾特別架，本來係中醫診所，有懷舊感。野食都中西合壁，幾適合同朋友傾下計坐下。

咖啡店身處的唐樓是戰前建築物，建於二十年代。原舖是一間叫「大和堂」的藥行，1932年創立後在九龍城屹立八十載。藥行2017年結業，2018年咖啡店開業。老闆將舊舖活化為懷舊咖啡店，保留大和堂的名字和裝修，水吧位置還有近百年歷史的百子櫃。

玫瑰鮮奶(凍) $46因為個staff唔小心整錯熱既俾我哋 之後都好好咁換返 但個人認為熱飲既賣相靚好多haha 飲落都幾重玫瑰味 好香滑都唔會太假 而且唔算太甜 感覺都唔錯🥰評分: 8/10🌟卡邦尼意粉 $128店舖用上24個月巴馬臣芝士 食落味道特別濃郁 而且意粉非常掛汁 好creamy😋 但風乾豬面頗肉食落偏咸 同埋個口感都唔係人人鐘意 整體黎講芝士味好rich好欣賞🤩評分: 7/10🌟鮮果雪糕窩夫 $88窩夫同雪糕有兩大舊 兩個人share一人一份唔洗爭😆 首先窩夫整得有微微蛋香夠厚實 但就唔夠脆同熱🥺 鮮果份量較少 而且焦糖味雪糕食落較甜 個人都幾鐘意 但男朋友就話一般😹 加埋草莓醬同朱古力醬食落會更甜 個人認為唔落草莓醬會比較好食🤓評分: 6.5/10🌟西班牙油炸鬼伴雪糕 $78係cafe好難得見到既甜品🤤 首先個份量都多 大約有6-7條churros 食落都脆身同有好香濃既肉桂味 不過再熱啲會更好食！😌 加埋朱古力醬同阿華田雪糕一齊食 口感會更加豐富 但雪糕就唔係幾食得出阿華田味🤧 整體都唔錯 但食食下就有啲膩 如果份量有得選擇會更好🥲評分: 7.5/10🌟——————

早已聽聞呢間特色咖啡店，難得同朋友入九龍城，就試一試。我地平日黎到，唔洗等位，簡左簡右，最後叫左卡邦尼意粉、All Day、窩夫再加兩杯咖啡。三款食物都好食，原本以為會食唔哂，最後都食清光🤣卡邦尼意粉好有咸香味，成碟粉唔會好水，值得一讚👍🏻All Day就正常野，擺盤可以靚返少少，如果有返少少沙律菜就perfect～窩夫都做到外脆內軟，連埋個雪糕食，正另外咖啡都好香，鐘意飲咖啡嘅朋友都值得黎試下

【2021 年 2 月】原來又漏了篇食文冇與大家分享 ...這餐是農曆年的時候與儍爸撐枱腳的悠閒下午茶 ...話說好多時周末，去九龍城搵食兼買餸的時候都見到很多人排隊等位，搞到我們都想試吓 ...這日平日嚟到 ...門口雖然不見有人排隊等位，但都要等約 15 分鐘才能入座 ... 大和堂咖啡店 ... 前身為『大和堂蔘茸藥行』這幢戰前唐樓建於 1920 年代，是典型的廣州騎樓式建築物，見證了香港的歷史變遷是不少電影的拍攝場地楊千嬅主演的港產片《乾柴烈火》中的家就是取景於大和堂店主把大和堂舊舖活化為懷舊咖啡店，並保留了大和堂的部份裝修 ...藥店的金漆招牌門口的舊式鑄字鐵閘掛上掛著昔日的牌匾具有百年歷史的百子櫃提供的食物有意粉、熱狗、漢堡、窩夫等輕食和加入了香港元素的食物和飲料 ... 啡走、雞蛋仔與雞等儍媽的 ...。Flat White (HK$42)。鮮果雪糕窩夫 Fresh Fruits Waffle (HK$88)鮮果雪糕窩夫 ... 賣相不錯 !!!窩夫烘至香脆，配上焦糖雪糕、藍莓、香蕉、朱古力和士多啤梨醬，味道好豐富儍爸的 ...。招牌大和堂鮮奶咖啡 TWT Latte (

Formerly a traditional Chinese medicine shop opened in the 1930s,  Tai Wo Tang has now transformed into a cafe where old meets new and east meets west Stepping inside, the vintage herbal medicine cabinet backdrop instantly transported us back in time and the framed documents hanging on the wall offered a rare glimpse into its historical gloryHaving visited a few years ago, we were pleasantly surprised to see that the menu had a new look and feel, but almost everything including the signature ite

因在旁邊的Ring’s cafe受到無禮對待因此馬上試試這個裝修及環境也舒服的餐廳看到店面 人手不足 員工十分忙碌食品大致上也算可以只是價格比較高因為食品質素未至於高尚在進入餐廳前並沒有告知有限時安排我們大約坐了2小時 員工才通知我們用餐時間已過幸好我們沒有預算逗留多於兩小時否則這個安排的確令客人失去預算另外看到因為人手不足問題員工對客人也是採取不主動的態度我們下單的一杯咖啡 等了50分鐘才到希望店主好好提高一下服務質素另外注意 早餐不包括飲品 早餐平均消費$180元不要浪費精美的裝修及美味的食物

放假冇嘢做，又冇得去旅行，周圍搵吓有冇好嘅咖啡店。今次搵到偏僻嘅九龍城，見到呢間特式懷舊咖啡店，一於去試吓。環境非常唔錯，樓底夠高坐得又舒服。首先講吓杯咖啡，咖啡豆都OK，不過冲得唔好，飲到未夠一半，成個拉花已經散晒，變咗成杯奶茶咁嘅野至於食物方便，叫咗個雞蛋仔與雞，要咗西檸汁，酸酸甜甜中和返炸雞嘅油膩。我食完漢堡先至食雞蛋仔，所以個雞蛋仔有啲淋，不過整體都OK。大和堂漢堡都不錯，薯條好食而且係配黑松露醬和茄汁，不過食完有啲膩

Bookmark左呢間cafe好耐 但見好多人排隊就諗住遲下先黎 點知遲遲下遲到唔記得😂 今日的起心肝早啲去食11點半去到冇咩人排 等左10分鐘到就有位啦 🙈 叫左三樣野食 一個all day breakfast 一個極邪惡薯條 同埋一個雞蛋仔🤤 淨係賣相都拎爆位啦 估唔到味道都超好味 兩個人叫左成台野食唔知以為幾日冇食野呀😂😂 呢間cafe果然冇令我失望 無論係餐廳環境 食物質素 衛生情況 一定會再黎encore!!!😂

上網搵到呢間咖啡店，大概只係知佢前身係一間中醫鋪，見好懷舊嘅感覺所以就黎打下卡😍黎到都2點幾，門口都要等5個客人一等都等左9個字😣內裏好懷舊😍連佢地既餐牌都好有心思，好懷舊👏🏻卡邦尼意粉$128-煙肉夠鹹，意粉唔會好流，加埋一齊食岩岩好👏🏻👏🏻嘉應子cookies$28🍪-估佢唔到又幾夾幾好食👍🏻曲奇拎出嚟仲係暖既，食落少少硬中間又林，好好食😋😋連張紙都好懷舊👏🏻Mocha$44-正常，都好飲既整體黎講食物質素都偏高，仲要係關10點，可以既話夜晚黎食都得👏🏻👏🏻

今日同男朋友嚟到九龍城大約下午3:15 想食下午茶 喺兩間餐廳之間爭抝咗一陣 最後男朋友聽話 肯排隊食大和堂 🤭🤭其實條隊都幾長我哋差不多排到四點先可以入去 大約排咗九個字 🙈毫不猶豫揀咗最出名嘅雞蛋仔與雞，飲品揀咗大和堂鮮奶咖啡。另外試埋麻辣蛋M5和牛漢堡。雞蛋仔與雞 😋炸雞好香口，而且有五至六大件，有啲似韓式炸雞，好食👍🏻 點埋薑味糖漿都幾夾。雞蛋仔就主要係個薑味糖漿配搭幾特別，但比起街邊雞蛋仔舖頭就爭啲，雖然熱辣辣但係做唔到外脆內軟，整體比較軟身，呢方面略為遜色麻辣蛋M5和牛漢堡 😋比起雞蛋仔與雞 ，呢個菜式更加高分！整體配搭有特色，除咗蛋同牛肉碎幾夾之外，配埋少少辣味，個醬亦都調配得唔錯。牛肉多汁，蛋炒得啱啱好。個漢堡就咁食其實就唔係好辣，有一少杯醬，應該係用嚟點薯角，但係如果覺得個漢堡唔夠辣，搽多少少醬落去個牛肉度，味道層次更加有所提升！😬😛 個人覺得個薯角有少少似就麥樂雞味，不過點完麻辣醬就係另一個感覺。小心⚠️個醬都幾辣㗎 🥵大和堂鮮奶咖啡 😋我本來以為係普通嘅Latte, 杯面除咗有拉花，見到少少茶葉裝飾, 原來係落咗Earl Grey. Earl Grey同咖啡出奇地夾

上星期下午落咗九龍城食晏，可能係平日嘅關係，難得大和堂咖啡店唔使等位就可以入座。大和堂咖啡店前身係開業八十幾年嘅大和堂參茸藥行，喺九龍城長大的年輕店長唔忍心老店就此消失，所以將結業嘅老中藥行改裝成咖啡店，仲保留返大部分原有嘅裝飾，例如牌匾、百子櫃、等等、令咖啡店更有特色風格。大和堂鮮奶咖啡店舖將伯爵茶同鮮奶咖啡融合，再加入蜜糖點綴。茶香非常，亦可以喺茶香中品嘗到淡淡咖啡味，味道算係唔錯，絕對值得一試。不過我個人就略嫌伯爵茶味蓋過咗咖啡味。麻辣蛋M5和牛漢堡味道好好，麻辣得嚟又唔會話好強，中間嘅和牛漢堡亦非常juicy。跟隨漢堡嘅有炸到脆卜卜嘅薯堡，點上一樣麻辣嘅醬汁，非常惹味。

Happy Friday嚟個Cafe Hopping，由九龍灣出走到九龍城嘆咖啡！☕️今次嚟到呢間「大和堂」，咖啡店前身係一間擁有80多年歷史嘅醫館，由舊建築活化而成嘅懷舊咖啡店，一窗一櫃都充滿歷史嘅氣息。唔講唔知，原來之前楊千嬅有套港產片《乾柴烈火》都係呢度取景㗎！**大和堂鮮奶咖啡 $48呢杯招牌咖啡係經過咖啡師不斷調配同嘗試，將伯爵茶同鮮奶咖啡兩者之間取得平衡而製成嘅「西式鴛鴦」，飲落會係茶香之中釋放出淡淡嘅咖啡味。不過我個人認為伯爵茶味太濃，令到咖啡味相對變淡，亦缺少咗咖啡應有嘅creamy質感，但味道確實係令人有驚喜嘅，值得一試！**焗豬扒意大利飯 $138焗豬扒飯就食得多，焗豬扒意大利飯就真係第一次試，仲要用中式瓦煲上，感覺幾特別。豬扒無用太多醃料醃製，就只係單單咁鋪上蕃茄醬同水牛芝士就已經好惹味。意大利飯軟硬適中，蕃茄醬味香濃綿稠，完全無因為烤焗過而變得又乾又硬，好味😋**麻辣蛋M5和牛漢堡 $128和牛炒蛋漢堡加麻辣蛋黃醬？呢個combo聽落都幾新鮮，但估唔到又會出奇地夾！個麻辣蛋黃醬帶有少少麻辣又唔會搶咗蛋黃醬嘅味道，味道又幾過癮。加埋個炸到金黃香脆嘅薯堡，好味道！不過

知道呢期好hit, 平日都要排隊，就平日既tea time過黎，果然咁啱唔駛等位，不過因為我有帶🐶，要坐最後面露天既位，嗰度枱比較少，如果帶主子去要等既機會就大d啦。 室內位置環境唔錯，但露天位就差dd， 比較窄，暗，同埋好多人去toilet會行黎行去，而且咁啱嗰日比較熱，佢有部細風扇但唔太夠力。 落order要先去counter俾錢，坐低會俾menu你睇左先，露天位有dog parking裝置，方便行出去落單。menu幾多選擇，d野食仲好有特色，落左單佢會送黎，唔駛自取。 佢即叫即整，所以都要等一陣。-雞蛋仔與雞 (西檸汁): 所有野都熱辣辣，雞蛋仔都脆脆地，但就唔係街邊食嗰d, 似一個脆皮既蛋糕，有成底。 炸雞都好大舊同有幾多舊，成碟野好飽下，我食唔晒。 😅炸雞外脆內juicy, 西檸汁有檸檬皮，酸酸甜甜幾好食- ice mocha: 唔太甜，朱古力味唔太濃，飲到底有d沉澱物衛生：有幫每個客人探熱，客人走左都好快執枱抹枱服務：staff都幾nice幾有禮貌，對🐶都好友善泊車：最方便就門口泊街，或者九龍城廣場

因為佢懷舊特色裝修慕名而來，星期日下午時間，出邊排晒隊。因為座椅唔多，所以都等咗成40分鐘先有得入去。一坐低，職員都好友善咁俾啲紙袋我哋裝住個口罩。諗好食咩之後，點菜要喺出邊個櫃檯比錢先。今次叫咗杯Oat Latte 同 Rose Latte 一，馳名嘅雞蛋與雞 - 好味到冇得彈，雞蛋仔非常之鬆脆，炸雞一啲都唔油膩，加上清香嘅柚子醬汁，等咗咁耐都覺得好值得 二，Signature Burger - 正正常常 三，焗豬扒飯 - 豬扒冇醃過，而且佢個醬汁有別於一般嘅快餐廳式茄汁底，我個人覺得一般般三個人一齊食，大概七百幾蚊埋單 Tips 想試多啲嘢嘅話，最好三至四個人嚟。因為啲份量都幾大下。