大和堂咖啡店

营业中

休息中

裝修好特別 保留咗放中藥材嘅櫃 個個位置成為咗barista bar 食物方面都好中西fusion📍雞蛋仔與雞配口水雞辣辣蛋黃醬見到幾乎枱枱都有嗌 個炸雞好脆又唔會乾仲好juicy 個汁完全係超乎想像 本身好怕口水雞mix蛋黃醬會甜咗冇咗口水雞個好爽口嘅香辣味但一食落去 個陣辣味超出 食到個口辣辣地 就食番啖甜甜嘅雞蛋仔中和下📍大和堂菠蘿油菠蘿包夾牛油就食得多 估唔到夾鵝肝一樣夾 唔會太膩 📍奶醬多係一個好邪惡嘅奶醬多 平時傳統嘅係淋煉奶同花生醬 而今次就將花生醬變成雪糕嘅方式 食落花生味更濃 仲加埋啲果仁脆脆 口感更豐富📍偽椰青嘅coconut chocolate cake造型好可愛 仲要真係放咗支飲管係上面就更加似椰青 食落外面嘅朱古力脆皮唔會過甜 唔會甜到蓋住入面coconut mousse嘅清甜📍大和堂拿鐵咖啡咖啡加上茶香同牛奶 味道balance得好好📍cold brew用果香味重啲嘅豆 帶荔枝同玫瑰嘅香味

香港有不少有歷史的地方，近年也有不少地方經過活化翻新，成為新一個打卡熱點。這次去了家位於九龍城的咖啡店，前身是中醫館改建而成。環境保留了原有設施，百子櫃仍在店內，簡約裝修環境舒適🙈。-▪︎大和堂拿鐵咖啡｜污糟啡+HKD$21跟餐點飲品有優惠價升級，熱飲咖啡有可愛拉花欵🤭。拿鐵咖啡加入百花蜜和伯爵茶，拉花是可愛的貓貓，咖啡味道香濃，多了百花蜜的香甜味。污糟啡有層次感，先攪拌均勻再飲，咖啡質感順滑，感覺咖啡味較重。-▪︎大和堂咸班戟 HKD$98熱辣辣的味道挺香，可因喜好而加食物。裡有煙肉、煎蛋及荷蘭醬，另有蜜糖配著吃。咸班戟堆砌成小山丘📸，蛋味香濃質感鬆軟濕潤。煙肉配煎蛋口感較豐富。-▪︎大和堂聯乘李輝記漢堡包 HKD$168漢堡用料豐富賣相吸引，另有香脆的粗薯條配著。裡有李輝記安格斯牛肉、芝士、焦糖洋蔥及煎蛋。安格斯牛肉較厚身，肉質軟腍帶肉汁。-▪︎大和堂曲奇 HKD$48有三款口味選擇，想得特別一些點了加應子，把中式食物加進去，帶來不一樣的口感。加熱後的味道挺香欵😎，曲奇鬆脆的口感，加應子味道微甜，味道配合無違和感。-

試咗呢間復古文青咖啡店”大和堂”, 前身為區內老字號中醫藥館，歷史超過80多年相當悠久. 店主好有心不忍老店結業於是承接再加以活化轉型. 為咗保育店主盡量保留店內者日色彩. 除咗金漆招牌，店內一大排深啡色實木百子櫃、掛牆牌匾及畫作、鐵閘等，全部好有懷舊氣息充滿歷史感. 室內樓底高，空間感十足，坐得舒適. Menu 除咗有Cafe常見菜式外，仲有港式口味同中西融合款式幾特別㗎. ⭐️拿鐵咖啡☕️🉐🐻熊仔拉花夠精美好治瘉，面層加上伯爵茶粉點綴增添香氣既有茶香又有咖啡香，另外仲加咗百花蜜. 整體味道獨特，只此一家. ⭐️自家製焦糖咖啡☕️口感順滑Creamy唔會太甜. 焦糖味幾香. ⭐️口水雞三文治🌶️🍗🥪呢道中西融合菜式味道非常出色. 口水雞炸得香脆嫩滑，辣度剛好仲有自家製蛋黃醬夠惹味，配上蕃茄、花生、芫荽、沙律菜等口感清新. 麵包皮烘過好香口. 薯條炸得金黃香脆唔油膩. ⭐️大和堂班戟🥞🍍🍓🫐有三大塊班戟，口感結實棉滑咬落鬆軟，淋上楓糖漿再塗上牛油，唔想咁邪惡，食返啲菠蘿、士多啤梨、藍莓中和一下，口感豐富. ⭐️王牌血氣茶🫖食完甜品意猶未盡，叫壺茶開心分享. 試咗呢個王牌茶. 有桂圓、紅棗、黑枸杞、玫瑰

今次係黎到大和堂，除咗食嘢外，更想回味一下，以往嘅風貌。室內和牆上面，保留大和堂蔘茸藥行時期的老件文物。蕃茄薯仔魚湯汁花甲意粉平時自己煲蕃茄薯仔魚湯，都冇諗過可以煮意粉，今次食過感覺都唔錯，意粉吸左湯汁，味道唔會太濃，意粉口感彈牙，配上花甲同蕃茄仔，簡單帶清新。自家製三文魚慕絲炒蛋多士配三文魚子多士脆口，炒滑蛋(夠滑)加埋三文魚子(鮮甜味)味道唔錯，幾有創意。自家製焦糖咖啡焦糖味唔會過甜。雞蛋仔與雞(西檸汁)雞蛋仔軟硬適中，西檸雞就係炸到香脆，雞肉有肉汁，食落好開胃。朱古力咖啡（轉燕麥奶）朱古力唔太甜啱我口味。整體而言咖啡好飲，拉花亦唔錯，加分。

Tai wo tangSince 1932用味道 留住溫度每天傳承香港記憶老字號中醫行轉生成懷舊咖啡店!除咗嚟打卡Coffee 同鹹點都認真唔錯Will definitely revisit -Eggplant & Mushroom Pappardelle Pappardelle is best suited to thick, rich and often meaty sauces, but this one uses Chinese Mushrooms and their stock with silky aubergine flesh to create a creamy and slightly spicy thick paste that is just as satisfying and also vegan friendly!-Flat White (Nutty - Brazil Natural)a blend of micro-foamed milk poured over a double shot of espresso. Creating a smooth an

女兒放假，話帶我去九龍城打咭和食新fusion餐。大和堂咖啡室是由有80年歷史的「大和堂蔘茸藥行」舊建築活化而成，店內裝修非常懷舊，保留了昔日藥行古色古香的百子櫃、牌匾、鐵閘等。食物主打中西合壁菜式，除了有常見的意粉、咖啡之外， 還有多款獨特創新的菜式。雞蛋仔與雞配西檸汁：以港式雞蛋仔配炸雞，炸雞外層酥脆，肉質嫩滑，淋上西檸汁，食落味道酸酸地，唔覺得有油膩。雞蛋仔好有蛋香味，值得一試嘅fusion 雞蛋仔。蕃茄薯仔魚湯汁花甲意粉：花甲鮮甜，意粉吸收咗魚湯汁好鮮味又彈牙,加埋脆脆嘅薯粒和車厘茄，多種口感又美味。山政小山園槙之白抹茶鮮奶：口感微澀，抹茶香十足，色澤鮮明，加入濃郁的鮮奶後，抹茶層次的茶香融入了鮮奶，口感順滑。Coffee latte ：牛奶中和了濃縮咖啡的濃苦味，讓整杯拿鐵咖啡呈現出柔和，牛奶與咖啡味平衡，突出咖啡的香濃與牛奶的乳糖甜。奶醬多：多士有蛋香味，加上自家製花生醬雪糕、煉奶、花生果仁脆脆，無論口感和味道都一流！

九龍城大和堂咖啡室係區內有名嘅咖啡室☕️佢係活化嘅建築物，入邊嘅食品同埋咖啡都非常有水準，所以久唔久我都會去幫襯，今日下晝又特登去朝聖吓💘為咗試更多嘢，我哋叫了以下食品分享:🍳大和堂聯乘李輝記漢堡包- 李輝記係九龍城區出名嘅凍肉舖，佢嘅漢堡扒出品保留了牛肉嘅鮮味同質感，平時啲漢堡扒可能會好肥，呢個食得出肉香同肥瘦適中👍🏻漢堡扒配合鮮洋蔥同酸瓜酸酸甜甜，伴碟嘅薯條新鮮炸起，非常吸引🍳all day breakfast - 有法包，茄汁豆，鮮蘑菇，大粒蕃茄仔，薯餅，德國腸，非常豐富😋平白咖啡☕️- Flat white 果然冇令我哋失望，咖啡香濃，奶同咖啡嘅比例非常完美💘呢度嘅環境同擺設古色古香，絕對適合過嚟享受一個平日嘅下午❤️

📍 大和堂咖啡店 (九龍城)💥大和堂咸班戟牛油班戟鹹香鬆軟香脆煙肉同流心太陽蛋🥓令到個配搭更加豐富加埋楓糖漿好有層次感💥雞蛋仔與雞顧名思義就係炸雞配雞蛋仔🧇今次揀咗香辣蛋黃醬微微嘅辣更加帶出雞蛋仔嘅甜係必試嘅招牌💥美式咖啡用上Fruity嘅咖啡豆☕️飲落非常香口順滑夏天消暑解渴一流💥大和堂拿鐵咖啡同平時嘅拿鐵咖啡唔同大和堂咖啡用上伯爵茶同蜂蜜作調配🍯打做出獨特嘅拿鐵味道大和堂咖啡店 (九龍城)九龍城衙前塱道24號地舖

之前成日都會經過一間舊式的中藥房改裝成的cafe ….. 大和堂咖啡店…. 一直都冇機會去…. 今日朋友專程一齊去來一個late lunch 🤪⋯⋯ 大和堂咖啡店..仍然保留以前中藥的百子櫃…牌匾等和舊式中藥的風味…坐在這裏喝咖啡，別有一番風味😘可惜今日原本想試嘅雞蛋仔同埋三文治都已經沽清😮‍💨沙嗲牛肉粗麵…..原來是闊條麵，沙嗲醬汁都不差！牛肉好入味！大和堂聯成李錦記漢堡包…荷包蛋煎得幾靚…安格斯牛肉漢堡，味道不差！

呢間餐廳行 Chinese vintage 但食物中西合璧，慶祝母親節、老婆食過幾中意🍝🍅蕃茄薯仔汁煮意粉花甲意大利粉的質地煙韌彈牙，醬汁真係有一股蕃茄薯仔湯都味道，但在此之上食得出加咗少少泰式香葉🌿🐔雞蛋仔與雞菜式個名就似日式親子丼一樣🤣 有趣令人想試吓。當中嘅雞就係炸雞，有傳統中式的西檸汁可以配搭🍋 入口酸酸甜甜地開胃！另外選擇有蔥油汁和辣汁。兩杯飲品都吾錯☕️Piccolo Latte 可以加$5轉比較fruity 這咖啡豆，酸味的而且比較重。飲完之後我另外加多咗支新鮮橙汁🍊 take away , refreshing Rose Milk 🥛 🌹我老婆好鍾意嘅一杯嘢飲，因為佢覺得甜度啱啱好，而且基本上成杯都有濃密嘅奶泡（可能有啲似Babyccino）地址：衙前塱道（宋王臺地鐵站B出口）

鍾意cafe hopping 嘅人應該有興趣試吓呢間喺九龍城嘅「大和堂」。Cafe 別具一格，前身係中醫館，融入西式嘅設計，幾靚，啱晒打卡。今日lunch就同朋友嚟試吓。🍽️ 大和堂聯乘李輝記漢堡包 $168安格斯牛肉鮮嫩多汁，太陽蛋、芝士、酸瓜、洋蔥同茄汁既配搭啱啱好，配上一杯Ice Mocha，perfect!🍴 三文魚籽松露炒蛋多士 $98鬆脆嘅麵包配上三文魚滑蛋，唔錯呀。加埋三文魚籽入口後嘅滑嫩口感同鹹味，口感豐富!☕️ 玫瑰鮮奶咖啡 $46呢款都係我嘅favourite，享受到濃郁嘅咖啡味，同時又伴隨住玫瑰嘅花香味，正。

大和堂咖啡店位於九龍城一棟有90年歷史嘅唐樓🏚️，前身係中醫館，而家活化左做咖啡店☕，保留返好多有故事嘅舊物，例如牌匾、百子櫃、鐵閘等，嘢食同裝修好有懷舊香港特色，睇完《九龍城寨之圍城》再黎食特別有feel🤩🌟雞蛋仔與雞 (西檸汁/蔥油汁/口水雞辣辣蛋黃醬) $138今次揀左西檸雞汁，西檸雞同雞蛋仔都係我最愛💕，炸雞炸得酥脆惹味，仲保留到肉汁🤤，雞蛋仔有濃郁蛋香，外脆內軟，當係主菜食份量有誠意‼️🌟蕃茄薯仔魚湯汁花甲意粉 $148平時最鍾意呀媽煲嘅蕃茄薯仔魚湯🐟，估唔到同意粉一齊食係咁夾~魚湯汁好濃，加埋花甲提升左鮮味😍，平時食開嘅蕃茄薯仔係炆腍果種，變左脆薯粒，惹味又增加左口感👏💯🌟大和堂拿鐵咖啡 $48🌟拿鐵咖啡 $42大推呢度嘅咖啡! 特別係大和堂拿鐵咖啡，加入左蜜糖同伯爵茶，飲落帶淡淡茶香，甜度剛好😌

由中藥材鋪變成特色懷舊café 所有食品都好ig-able，襯番間鋪頭，懷舊+new style fusion 特色文青打卡化 。平日夜晚去，等一陣就入得 。因為夜晚關係，所以無得叫咖啡試吓，唯有下次下晝過嚟先再試 。兩個人叫咗：大和堂菠蘿油，好袖珍，菠蘿油底子採用以前寫毛筆字嘅字帖，寫住大和堂 菠蘿油 。煲仔小食，打開前準備好手機，一打開勁多煙霧彌漫，總共有四件，脆卜卜，好好食 。漢堡包🍔配薯條🍟 終於有件會飽肚嘅食物😂😂 之前個兩碟都係打卡用途，一口就食完 。睇番好似下晝黎映相會靚啲，如果為咗打卡嘅要留意番～ 平日下晝更好😏

朋友帶我黎九龍城搵食,呢間餐廳前身係一間懷舊中藥店,中藥店翻身之後變身成為呢間CAFE,我地見到佢保留左好多唔同特式既位置,好似門口既鐵閘都好值得影同打卡,另外仲有入面沖咖啡既位置既中藥百子櫃都有保留度,我地叫左一份全日早餐,入面有好多唔同既配搭仲可以自己再按想食既食物額外再加,我地再加配左一份煙三文魚,煙三文魚會另外再分開碟上,全日早餐個薯餅好香脆,所有食物都係即叫即整,熱辣辣又新鮮,飲品叫左一杯手沖咖啡,自家制咖啡入口好SMOOTH,有D蜂蜜既甜味幾特別,另外,叫左一杯LATTE,個拉花好靚,同埋一份牛肉漢堡包,漢堡包好大份仲配有粗身薯條,呢度好岩同人傾計同打卡,打卡位置都幾多嫁。

放假最鐘意坐cafe chill下，依間好特別，門面同入面嘅環境都好中式，野食嘅選擇就有少少中西合璧首先叫左個蕃茄薯仔魚湯汁花甲意粉($148)，蕃茄薯仔魚湯好有香港住家飯嘅特色，加埋花甲個汁嘅味道更加鮮甜，意粉煮到Al dente口感好，仲加左脆脆薯粒，特別得黎又幾夾另外叫左大和堂咸班戟($98)，係煙肉、煎蛋再加班戟，簡單得黎好夾，pancake仲煎得好軟熟仲叫左個大和堂石板街窩夫（半份 $68)，有得叫半份幾好，有時食完正餐未必食到咁多但又想試！個窩夫入口好煙韌鬆軟，蛋味都重飲品方面都有特色，試左大和堂拿鐵咖啡($48)，係蜜糖、拿鐵同伯爵茶，入口溫和清香，幾好飲仲叫左玫瑰鮮奶($46)，玫瑰嘅香唔會好假好甜咁！今餐真係好滿足！