大喜屋 (已結業)

一直都有口皆碑嘅大喜屋，裝修後再黎食，刺身都能夠保持水準，其他日本料理選擇無以前咁多款式。但出奇地好味嘅中式食物，如海底椰雪梨雞湯勁正👍，朋友們都忍唔住飲咗3盅，豉椒炒蜆好有鍋氣，d肉質炒到恰到好處，馬拉盞炒菜又炒得幾好味，有嫩滑嘅菜質，其他都ok。最好味嘅係炸榴槤，若果喜歡食榴槤嘅你會叫完再叫😋，回味!但款式就好似無以前咁多選擇，但味道都唔錯。若定期轉換吓菜式值得再試。訂位時註明有朋友生日慶祝，送你海膽刺身。另外每位都可以選擇一款雪糕。

本身滿心期待去食既，但最後既經歷令我不得不打返食評，請睇到最後🙄🙄與友人食飯，提早兩日打去預定兩人位置，但到達後安排坐一張4人枱，出入既路都頗窄，肥少少都好難行入去。點知坐底冇耐，經理又安排多一對情侶坐係我哋隔離，變左好似4個人一齊食野噤，細細聲講野都聽得好清楚😅位置唔太舒適都唔緊要，食物質素好就得啦~ 一開始點既單都到齊，刺身味道亦唔錯，係帶子、赤蝦同蟹腳刺身好腥，似係唔新鮮；熟食方面比想像中好味!壽司細細件 可以食多幾款又唔會太飽 味道👍🏻👍🏻甜蝦三文魚都好味 但帶子、大赤蝦同蟹腳都好腥🤢🤢根本食唔到。。另外主要原因想尼食既係因為見到佢有梅酒同清酒任飲，點知真係唔飲好過飲，雖然都知道任飲嘅通常唔會好得去邊，諗住一試啦，但梅酒係完全冇梅味同酒味，飲落仲怪怪地添；清酒就普普通通亦都有少少怪味，建議大家都唔使試了😅差不多食晒第一round點嘅嘢食，咁就落左幾張紙，點知差不多等左15至20分鐘先再有嘢食，啲侍應都好忙唔得閑理我地，同朋友係7點15分入座。*****有一位女經理係八點半就同我地講要截單，問我地仲有冇野要加，我同朋友就話有啊因為你哋啲嘢食遲左尼，我哋寫埋甜品同其他嘢食就再落單啦

平時食親大喜屋都係放題 冇諗過佢地個lunch都算ok 以尖沙咀地段黎講 lunchset多款色 價錢又合理 平過隔離the one個d商場餐廳***我地一行二人叫左兩個set 雖然貴少少但可以任揀兩款菜 我地一個叫左牛肉鍋同刺身 一個就叫左花之戀壽司配串燒 白飯可以任添 仲有沙律同湯飲 正常都會飯到好飽 牛肉鍋個樣睇落去麻麻地 但個刺身係ok算新鮮 唯一可惜嘅係個花之戀真係好細粒😂若果真係唔飽都仲有甜品食 最愛tiramisu😍

日本放題林立~不過成日都爆場要Book定枱是常識吧! 星期五準時放工後一於去食餐好既!最近去左大喜屋和殿•大喜屋, 2間都係大喜屋既豪華版, upgrade左唔少食物, 比一般大喜屋多左好多選擇! 殿•大喜屋原來更係加強豪華版, 凍熱清酒, 梅酒任飲之餘, 出面似半自助餐咁任拎前菜小食, 甜品, 雪糕! 而極尚大喜屋既全部飲品食品都係落order紙~最重要係殿•大喜屋多左海膽手卷! 海膽仲要唔係求其比少少你架! 都有好多味道又鮮甜👍🏻不過我想讚既係普通大喜屋其實性價比好高架! 比殿•大喜屋平左至少$100, 但好多野都係大喜屋食到~當然海膽手卷除外啦~印象中2間刺身既選擇都差唔多, 連好似係其他放題見唔到既池魚刺身都有, 一試之下又幾好味! 唔腥! 最緊要所有刺身都食得出夠凍~處理都唔錯~刺身沙律試2款都鐘意食~黑松露帶子沙律有黑松露帶起味道! 發現order紙有燒羊鞍! 一上枱見到熱辣辣即食!超好食!又多肉好嫩滑呀!自己整都未必控制到咁靚既火喉呀!焗到肉都啱啱熟咋~廚師好野👍🏻跟住試蟹粥和人參雞湯, 粥夠綿但係蟹味唔夠出, 即使有一舊蟹🤷🏻‍♀人參雞湯都ok~人參味清清地唔濃, 又多

好耐冇食放題，經過樓下見大排長龍，一於入去湊下熱鬧啦！一坐低當然要嗌刺身先嗌！甜蝦大隻得黎又幾鮮甜，牡丹蝦就夠爽口，正！忍唔住要叫多round!為左個海膽而叫既手卷，好在手卷夠細件，唔會飽肚，海膽都幾鮮甜唔會腥臭！成日去放題見到有蟹粥都會食下，今次都唔例外，粥底鮮甜有蟹味又夠綿，自己都可以食曬成鍋！牛舌串燒，必嗌！夠juicy又唔會羶👍🏼豬肋骨係比較少放題有既菜式，燒得皮脆肉嫩，唔會乾身！食完咁多主菜之後，梗係要食埋雪糕先夠完滿啦，未試過milk top既cookie味，食落都幾milky，好多cookie碎！😋

同親一大班朋友去食飯，都經常揀放題，而大喜屋既放題係我地都食極唔厭既，第一round緊係叫左刺身呢d頭盤先，以前有泰式生蝦刺身食，而家無左，吸引程度即刻下降！ 之後就開始食熟食，不停encore芝麻雞翼，個皮真係好脆，內裡就juicy, 芝麻味又香！蒜片牛柳粒都係水準之上，都叫多左次， 另外最驚喜既就係炸榴槤波波，咬開d榴槤就流出黎，陣陣飄香，真係食唔停，甜品方面無咩驚喜。大喜屋早前重新裝修過，坐得舒服左好多！

小弟嘅食量比較大所以經常會食放題，但一間好嘅放題有咩條件?除咗食物質素種類外上菜速度和有冇漏單都好重要，大喜屋完全符合條件。飲品方面要落單並非自助，多咗清酒梅酒但無咗桃啤和椰青水，除外仲有啤酒氣水,時令果汁和特飲(葡萄美酒,粉紅飛飛和幻彩霓裳)其中葡萄美酒有酒精成份但唔高，就算唔飲酒都啱飲食放題必定要叫刺身，大喜屋嚟得又快又齊大喜屋壽司水準有時仲高過出面壽司店，至於海膽手卷唔知係未另一分店殿.大喜屋太好食搞到好似差咗自助餐攻略提過，其實肉類方面其實係回本之選，所以一定要推介呢道沖繩黑糖薄燒牛仔肉，牛肉燒到7成熟，加上甜甜嘅醬汁， 切到薄薄一片又唔韌，最緊要食唔飽人多多都唔怕羊架係另外一道回本之選，但其實之前仲有一道芥末焗羊架仲好食，肉嫩多汁不過可惜無咗!(強烈要求大喜屋重新推出)香辣魔鬼珍寶蝦，味道唔錯不過孤寒咗啲!比得一隻蝦咁大把冬陰功海鮮十分足料，除外熱食仲有天婦羅,炸物,煮物及串燒等等，值得推介有如馬拉盞芥蘭,豉椒炒花甲,首爾人蔘雞鍋,川味口水鴨舌.... 實在太多不能盡錄至於甜品都係要落單，哈根達雪糕每人限叫一杯相比下大喜屋食材不及另外三間分店華麗，刺身無拖羅或池魚，更加無凍海

放工約左同男朋友食放題，爽呀先來黑松露帶子沙律。帶子好甜好厚，沙律好新鮮今次主攻熟食，聽聞呢到既燒牛肉好好食，即刻點一份！哇真心推介，好香牛味，超juicy. 好嫩滑之後點左豬排骨，啖啖肉，無咩so味，燒得岩岩好，外脆，入面夠嫩滑！食放題又點少得芝麻雞翼呢！好香好多肉汁，雞翼尖脆卜卜，簡直係精華所在仲有必食既榴槤炸彈，超流心！皮蛋冷盤都唔錯，係出面好少會食到，有d驚喜。天婦羅熱辣辣，入面既蝦肉都算大條。最後點少得甜品，星型奶凍好得意。奶味濃整體黎講，食物質素很好，環境坐得舒服，會再幫襯

尖沙咀大喜屋放題平時成日經過都見到大排長龍今次終於book左位去試下嚕環境都唔錯～食放題最怕張枱細😆因爲會唔夠位擺野食呢到就好舒服、夠寬敞而食物嘅種類都算幾多刺身好新鮮壽司都唔馬虎呢兩款（醬燒三文魚同左口魚）都係入口即溶，好正！ 因為佢舊飯細細舊既～所以唔會太飽～特飲都係唔洗另外加錢既～我鍾意左邊果杯有氣既飲品-白桃味～ 唔會太甜～岩岩好！呢個milk top既軟雪糕又係驚喜之作超濃滑既朱古力～加曲奇碎等等既配料愛朱古力既人就岩晒

相約好耐無見既朋友，點知朋友們話想食放題，就上網揾下資料，俾我地揾到呢間，又未食過，就試下book位先，好彩星期日仲未full晒有位。 呢度既款式同其他放題都差不多，都算選擇多，因為我地都唔係好嗜好魚生，所以都係叫左少量黎試下，又幾新鮮喎，都不錯，赤蝦甜蝦都好正反意叫得最多係壽司，細細件又幾好，唔會太多飯，食到飽晒，左口魚真係好正，雖然薄，不過入口即溶。 燒物，我最愛燒牛舌，真係好正，好香口又唔會韌到咬唔到另外試左手卷，賣相就無咁靚啦，份量都不算多，不過入口還可以的。 呢度既炸物都做得不錯，我叫左個榴槤波波，好重榴連味，香到呢外脆內滑。 有燒菠蘿食，燒左既菠蘿真係唔同啲，鎖住菠蘿汁，好味。 好滿足的一個晚上不過呢度飲料不是自助的喔，需要點才有。甜品每人只可以選擇一款。

我個人真係好鍾意食放題久唔久就會約朋友一齊去食下放題，又多款式又飽肚！今次去左尖沙咀一間大型連鎖放題餐廳 ，未夠鐘門口已經排晒隊等入，我都好少見刺身拼盤梗係我哋嘅至愛，油甘魚同帶子刺身係我最喜愛嘅刺身，一間放題得唔得刺身真好重要，呢度嘅帶子刺身真係好甜海膽手卷海膽大大粒而且鮮甜，食落真係好新鮮，唔怪得知未夠鐘已經咁多人排隊天婦羅炸粉適中，識落唔會成口粉沖繩網燒黑糖牛仔肉我最鍾意，牛肉鮮嫩多汁六成熟啱啱好，牛味又香濃燒羊鞍都好好食總括來講佢呢度嘅燒物控制火候好好芝麻雞翼皮脆香口，去到每一間放題我都會試佢哋嘅芝麻雞翼榴槤炸彈更加係必食之物總括呢餐放題真係好滿意，好滿足

一班朋友喜愛食放題，見又唔太貴網上評語又不錯，就預約左尖沙咀大喜屋，依間分店可能少人識d。但原來都係under大喜屋分店。新店裝修新，雖然座位與座位間比較迫，但食放題都是預料之中。最緊要食物新鮮同乾淨。一入座就勁點食物。食物種類繁多，有壽司、天婦羅、刺身、燒物、炸物、卷物、煮物、手卷、特飲、甜品等等...首先點了熟食打定底先，牛肉鍋勁好味，牛肉夠嫩滑，鍋入面既配料仲有豆腐蔬菜等...人參雞湯，唔係太大人參味，一般，不過不失。燒蝦：只蝦勁大只，又新鮮，燒得好脆，但蝦肉仲好嫩滑，好新鮮好有蝦味。十個讚。刺身船：好震撼，樣樣刺身都好新鮮，正。

朋友話尖沙咀唔只一間大喜屋，另一間更好，可惜訂咗位，無計啦。一出電梯，企滿內地客，成地行李喼，唉....第一次幫襯，比想像中好，地方叫做闊落，旺角有d日式放題更窄！裝修后環境唔錯。日式放題，漏單一定有，但唔算嚴重，上菜都好快！其中特別推介燒羊架，BB骨同豉椒炒蜆，其實BB骨即係一字骨，燒羊架夠冧夠入味，BB骨味道帶甜，豉椒炒蜆味道純粹夾自己口味，唔太辣，可惜蜆肉細咗d。又到最唔想睇到嘅情景，香港人唔該珍惜吓d食品啦，話就話放題啫，食唔哂咪叫禁多啦，埋單時見到有圍枱，六條女，食淨半個魚生盤，羊架，BB骨成十幾件，重有燒雞翼，壽司食淨嘅飯，唉.....

Happy friday點少得放題呢！ 同朋友一行四人今次簡左呢間大喜屋食8點半樓下已經排滿哂人，好誇張！入到去點住少少特別刺身食住先！象拔'pon' 好脆口，蟹腳好甜，帶子都好大粒！因為個人好中意食帶子, 所以又點左個黑松露帶子沙律超fresh! 之後又點少得海膽手卷呢！呢到既海膽唔會苦同腥！而且又夠大舊不過d飯都算大舊，建議可以點一件過下口癮。香茫三文魚卷，不錯。呢塊燒牛肉真係極推燒得好好食，岩岩好，一d都唔硬，好有牛既香味必食呀！芝麻雞翼都係我既最愛，今餐一共食左3 隻，好邪惡 格黎果粒芝士蝦球都好過癮，可以拉到勁長既芝士絲甜品仲可以點哈根大師，一人限點一杯，已經好滿足呢間放題係我食過咁多間最舒服既一間，坐位夠闊，加上飲品唔需要自己出去拎，減少左d人係走廊行黎行去，坐得好舒服！而且d 侍應都好nice, 岩咀形既都可以傾番兩句最貼心既係呢到仲有叉電器借，真係邊食邊影相都唔洗驚呀

前幾日朋友帶我去食呢間放題，我哋食8:45嗰一輪，估唔到八點半去到樓下有勁多人排隊搭lift個個都係等入座。我以為起碼都要等半個鐘，但有三架lift所以好快就上到去啦。比起刺身我更欣賞佢其他特色嘅小食/熟食大部份嘅放題都係千篇一律，食嘅嘢都差唔多。而喺呢間，我搵到唔少獨特嘅小食黑松露帶子沙律四片帶子個樣好新鮮，黑松露好夠海膽手卷，冇估錯應該係加拿大海膽。勁靚！飯稍為有點大，海膽新鮮冇苦澀味芝士蟹棒壽司原來芝士同蟹棒都幾match燒翠玉瓜翠玉瓜本身爽口，加小小鹽已經好好味焗杜洛克BB骨呢個好有驚喜睇落平平無奇，食落都幾好食。調味醬有少少似BBQ醬！沖繩黑糖網燒牛仔肉相有色差，真實無咁紅的，5成熟左右牛肉好嫩滑！！叫左三碟。我諗呢碟係呢間店嘅招牌菜之一，隔離左右都有點蟹粥粥底好綿密，有蟹嘅鮮味。再加上半隻蟹都幾有睇頭，啱四至五人食脆炸貓山王，榴槤醬勁多，好愛呢款小食麻辣皮蛋唔算好麻，有少少辣都幾好食特濃朱古力呢款真係冇叫錯！好食過哈根大師！朱古力好香濃，又有朱古力醬喺上面，底下原來係脆米，好有驚喜！！