大喜屋 (已結業)

近年食左好多放題,基於我好少會打電話去book定位既關係,真係想食既時候,打去就近邊間就食邊間,所以大大小小都食過好多間唔同既放題,如果係尖沙咀黎講,幫襯得最多次數既一定係大喜屋,因為平日既大喜屋基本上係即call即有位,永無托手爭！至於係食物質素方面,當然我自己覺得係性價比最高所以先一來再來啦,無論4個人,6個人,定係10個人,店員都會係第一輪order比到好多份量既刺身拼盤,都知道大家年青人食刺身既速度好快,所以第一輪比多d,等佢有時間做第二輪既單,呢個策略真係幾好！不過,對於飯桶既我黎講,佢既壽司真係一般般,盡量避免,叫鍋物仲好！

今晚同朋友又出動。係開飯見呢間日式放題餐廳，見評價吾錯就過去睇下…係睇門口廣告價錢，見到價錢大家都覺好平仲諗住可能都係一般野點知食完大家都幾滿意這次放題。這裡款式很多, 刺身、壽司卷物、沙律小食、串燒，甚至飲品 ！甜品雪條也有很多款選擇, 再加上每碟份量不多, 壽司size也小小的, 最開心就是可以試多點款式首先我地點左前菜泰式鳳爪有泰式風味，賣相唔錯又辣又醒胃刺身方面，更值得一讚，賣相可以媲美高級日本料理餐廳！未食都已經流口水最重要係，每次叫刺身嘅量都非常足魚片佷厚身，口感肉質很好魚腩肥美，入口有融化感，魚油很足！壽司的味道如賣相一樣也不錯, 最欣賞 這裡的飯量靠少, 對任食來講絕對吸引之後啲燒物都好正呀！鹽燒燒牛舌調味做得幾出色，而且新鮮燒出來夠哂香炸物我試左個炸芝麻雞翼天婦羅蝦彈牙入口仲好熱辣辣！好超值既放題呀，食左個半鐘我已經要投降！不過幾大就幾大食足兩個鐘。

8月來到，進入夏天最熱的日子。咁熱的日子食日本菜，感覺好像也不錯因此決定了慶祝好朋友生日選擇大喜屋來試一試。選擇了8:30入座，8:15去到餐廳樓下已經大排長龍，原來預約了也要排隊上去入坐。等待的時間令人肚餓的感覺加強，時間一到8:30，我們急不及待上去。餐廳環境不錯，光線充足，枱與枱之間我覺得也十分闊落。食物方面，刺身選擇好非常多，也非常新鮮。除左刺身、壽司等凍食外，還有不少熱食，如炸物，炸物質素也是不錯。甜品和飲品選舉種類也很多，每一個人來到大喜屋都會揀到自己最喜愛的

今次和老公去吃大喜屋午市放題，好滿足，因為中午人流不算太多坐得好舒服，食物質素也好好。我覺得他的羊架數得好好，另外壽司刺身也不錯，尚算新鮮，下次可以再食👍👍👍

上次食呢間大喜屋係對上一個月都未有既時間，有班朋友又約食放題，如果有睇我上次食評都知我進行緊瘋狂瘦身計劃，我就提議咁不如食呢間喇，雖然我無幾耐之前先食過，但係真係比出面個啲黎得少油，班朋友有好幾個都有keep緊fit，所以好快就決定左。當日等位唔洗好耐，同埋叫返上次我覺得清新之選既食物，柚子沙律啊、皮蛋啊、燒菠蘿啊、雜菇窩啊⋯⋯表現仍然好似我預期一樣，可以話係保持到水準。原本帶朋友去之前我話真係唔油膩，即使係雞翼或者雞軟骨呢啲都無話會好油，配埋的檸檬汁效果就更好添喇～原本都少少擔心帶到朋友黎大喜屋個水準會無上次咁高，結果都唔會，水準保持到令我對佢大大加分啊。最後成班話要減肥既人，見到佢啲雪糕口味真係太太太吸引喇，全部口味都好特別，唔係出面求其都買到的，搞到最後個個都破曬戒，哈哈

大喜屋揀咗尖沙咀彌敦道的分店， 這間座位的舒適度 非常高， 留座 訂枱時 ， 以講定想坐卡位窗口邊， 店員也回覆盡量安排， 到了當日 也可以安排我們坐在窗口邊， 相當好。 這間分店也不止食過一次， 店內的員工 速度也很快， 無論收碟 點菜 我也非常快。 點的食物數量，也沒漏單，非常好。 講到食物質素 這一間非常好 ， 全部也很美味 特別串燒 刺身 牛粒 羊扒 ，也有特色飲品，讚。 不過價錢就有點兒貴， 差不多三百蚊。

大喜屋可以話係老牌放題，五六年前開始已經係被譽為地最好食嘅放題。上一次去食已經係四年前嘅事，今日與朋友再去，質素依然keep得這麼好！我哋二人大約六點已經到咗餐廳，安排嘅餐桌雖然不大，但已經夠擺好多食物。要幾多黎幾多食放題就係放棄管理體重嘅時機，我感受到呢度最大嘅優點，就係你叫幾多佢就會嚟幾多，絕對冇漏單。一開始我們就點左一大盤刺身，三文魚、赤蝦、油金魚、劍魚腩、帶子、松葉蟹腳，全部都好新鮮肥美，以呢盤刺身入身是放題的規則吧！中日泰樣樣齊另外呢度都有好多前菜小食，例如枝豆、海蜇沙律、帶子沙律、泰式鳳爪。留意番呢度嘅嘢食唔限於日式，有其他不同種類嘅菜式，就例如呢個馬拉盞炒芥蘭，味道不會差過其他泰式餐廳！壽司手卷精緻又的骰最怕放題嘅壽司同手卷有大大嚿飯，呢度就唔同了，每一件壽司嘅飯都唔多，而且睇得出佢件件壽司都係細心製作，唔係一塊刺身加一舊飯咁簡單。海膽手卷唔係度度有，一定要叫了！燒物天婦羅熱辣辣呢度嘅燒物有好多種，我最愛就係羊架同豚肉，即叫即燒一食落口爭啲辣親，大家小心啲！天婦羅粉漿薄，食多幾件冇問題。甜品雪糕包羅萬有睇下個甜品櫃都知有幾多甜品食，佢為榴槤控的我最愛的當然是呢個炸榴槤波波

近年日式放題越做越多，但質素參差，好怕付上咁貴價錢但遇上伏！今次有朋友介紹，決定試試這間大喜屋的放題。我地book weekday 6點食，需於8點交枱，一到餐廳我同朋友眼見款式眾多的餐牌就已經眼花撩亂，瘋狂點了滿枱的食物。刺身.壽司篇:我地幾乎每款刺身都有叫，甜蝦鮮甜，食得出其食材新鮮。特別喜歡其油甘魚、三文魚及劍魚都是厚切，口感十足，啖啖魚肉食到停不了口。壽司方面，好喜歡每件一口size的可愛造型，特別是迷你版的花之戀，更重要是能夠滿足眼闊肚窄的我。前菜編:黑松露帶子沙律清新，帶子彈牙鮮甜。最特別是在日式放題店竟會找泰式鳳爪及麻辣豬耳，份外開胃。燒物篇:餐廳做得最出色的無疑是燒物，燒牛肉片的肉身呈現粉紅色，生熟度掌握得剛剛好，燒出牛肉香味同時又能鎖住肉汁。燒羊鞍的肉質嫩滑，充滿羊肉香味而又不會太騷。炸物篇:天婦羅選擇多，漿粉不會太厚。炸芝士做到芝士拉絲的效果，忍不住食完再追加!甜品同樣款式多多，甚至有Haagen daz及movenpick，十分豪華！最後要一讚餐廳上菜速度很快，而且竟然完全沒有漏單，確實是放題店中少有

香港人特別喜歡吃自助餐和任飲任食放題，一次過享受到多款食物，琳瑯滿目令人眼花繚亂，我也不例外，對於放題有一種糾結心。其中大喜屋集團可說是香港日本放題界之龍頭位置也不為過，當中文遜大喜屋的介紹提及“匠心”，那是一種令人肅然起敬的氣質。匠心首先是虛心;匠心是恆心;匠心是細心;匠心是不斷追求的執著心。如果每個人也執於此心態，平靜虛心鑽研，精益求精定必在任何事上有意想不到的結果。位於彌敦道74-78號文遜大廈的大喜屋，再次甫進入文遜大廈內的候梯處，有一位大喜屋年輕員工有禮地為人群登記安排進入餐廳，5樓電梯門大開，這裡的歐陸裝修依然吸引，牆壁上寛闊的雲石窗台上放了書籍，甚有格調的灰鏡、書架、相架、花瓶陳列品一絲不苟依舊富有歐陸氣息，環境氛暗燈光更營造了一份浪漫。職員細心講解並交代還枱時間，相當有禮貌及專業。眼前有兩本點菜紙給客人選擇*刺身選擇很多，三文魚、日本空運油甘魚、希靈魚、北寄貝、象拔蚌、蝶螺、松葉蟹腳、鮮赤貝、北海道帶子、鮑片、甜蝦及極大赤蝦。刺身當中以肉色橙紅的三文魚最為鮮味，油甘魚厚身肥美而油潤，滿口油香。赤蝦大隻鮮甜爽彈。帶子也不甘示弱口感腍滑，令人回味。現今的日本放題菜式多元化，

今日約左幾個中學同學，咁佢地話想食放題，但又想坐得舒服，於是乎就上網搵一下，就搵到呢間大喜屋放題。見佢評價都唔差，而且又幾靚，就決定去試一試。大喜屋基本排曬隊，係香港多人食既地方一定有好野，首先當然係樣樣都點的黎試下先啦，去得食放題，當然要豪食刺身，刺身相當高質而且種類繁多，我地叫左幾Round大滿足，之後叫壽司都好正好新鮮，其中我好中意拖羅蓉魚生塔，又靚魚生又新鮮，再之後就點小得炸物，有炸雞翼芝士波波同榴蓮波波，熱辣辣，正呀，食到差不多，飽飽地當然叫甜品食啦，女人永遠有第二個胃食甜品既，食放題當然係想乜都試下架啦又滿足到我既願望啦，最後到左Movenpick時間，我揀左雪糕為今次既放題之旅作一個完美既句號，下次再約其他朋友黎先

食物一般，燒牛舌又凍又硬。三文魚算新鮮，但侍應態度極之不好，中午放堤由12:00-3:00pm，一到3:00pm立即迫人走，拉起客人櫈，威迫客人立即走，我覺得好差。至少都比15mins時間客人執嘢，其他枱仲客人食緊，為何要強迫我地。如果我地係3:15pm仲未走，你先咁拉櫈迫我地走，我覺得太唔合理。極差⋯⋯

於2018年6月30日與六位友人吃午餐，在2:45不時催促要交枱。2:59數名侍應企在後面，表示要執枱，態度惡劣，仲要倒瀉碎冰！道歉對無！這店服務態度，好似返去大陸食店，令人失望！

每隔一陣，都會約朋友去食放題，去食餐勁既😋。趁星期日夜晚得閒，黎同朋友到尖沙咀大喜屋食放題。先黎食個黑松露帶子沙律。帶子上面淋上酸酸甜甜醬汁，非常開胃。而黑松露味亦很香。跟住開始食刺身，為咗唔做大嘥鬼，我地叫咗少少試下先。甜蝦同帶子都好鮮味。之後就到燒物出場。每次放題必食既燒番薯仔，外皮帶温熱，入面好甜好香😋。羊架一啲都唔羶，而且夾雜住羊脂燒，食落好香，而夠腍。燒菠蘿超好味，好甜😍。不過燒牛舌就嫌燒得太耐，唔夠嫩，但牛味係好夠既。炸物好出色，入口一啲都唔油膩，而且上枱時仲係熱既。由於炸物太好食，即使好邪惡，但都忍唔住Encore多份食😍。之然仲點咗啲壽司食，壽司細細件，可以食多啲啲都唔會易飽。三文魚腩質素都唔錯。最後要食埋甜品，為尼餐劃上完美既句號。甜品細細份，可以試多幾款。其中奶凍最討我歡心，奶味香濃，質地細滑😋。

話說我依家就進行緊地獄式瘦身計劃， 每日都會進行至少一個小時嘅運動， 包括舉重，帶氧運動，重量訓練等等… 咁而飲食方面都非常節制。 今次收到朋友食放題呢我都有少少猶疑，因為之後我就要去旅行…希望可以做一個好嘅身材去迎接！！！ 對於為食嘅我，去放題食少少 ，簡直就等於叫我俾錢浸溫泉唔落水！！最後我都應邀出席。由於要上班遲咗少少去到嘅時候朋友已經叫到一枱餸， 朋友們都對我好好 ，點做一啲相對比較健康嘅餸 咁當中有燒菠蘿， 燒蕃薯仔 ，柚子沙律 ，充滿雜菜嘅泰式酸辣湯， 同埋一碗非常清澈嘅雜菜湯。平時我去食放題， 除咗魚生必點之外，炸物，天婦羅絕對係我嘅最愛。尤其是係炸雞翼 ！但係今次瘦身嘅放題之旅剛好俾我試到放題食物品種多樣性… 哈哈，好似自我安慰… 去放題唔應該淨係食刺身！放題店定期都會更新好多食物！就好似有燒墨魚 ，麻辣豬耳等等…都係跟住飲食潮流衍生出嚟嘅！下次大家都不妨去放題便睇下冇新嘢啦！

收工同媽咪出去食餐好，由於我地都好中意食日本野，就揀左去食放題啦，好彩一早book左位，估唔到平日都咁到人，7點幾入去個陣已經開始有人等位選擇的款式有好多，刺身、壽司、炸物、手卷、熟食、麵類、沙律等。飲品都係任飲，有盒裝、罐裝同自家制既飲品，都幾多種類，真係無得輸呀！打頭陣當然係要試左刺身先啦！刺身選擇有好多，點了三文魚、油甘魚、帶子、蝦等。雖然三文魚唔係三文魚腩，但都好厚身，而且紋理清晰。至於帶子都非常大粒，好爽口。輪到燒物，羊架同牛仔粒都唔錯，香氣四溢！雞翼皮脆肉嫩，而海蝦則爽口彈牙！真心比較推薦大家食佢嘅鐵板料理，馬拉盞炒芥蘭苗超入味！香蘭魔鬼珍寶蝦大隻新鮮弾牙，真係食到舔舔脷，而且最重要既係有movenpick，雖然一人一份，但都好正！整體來講，嘢食種類都好豐富，而且坐得舒服，空間大，值得推介