大喜慶魚翅酒家 (已結業)

係銅鑼灣走了一陣係時候醫下個肚啦走到時代廣場後的一條橫街俾一個唔多起眼的餐牌吸引住套餐到係由32蚊至58蚊重唔收加一茶介呢度係大喜慶唔係大家樂喎叫了兩個套餐兩個人share黎食一個係咖哩雞套餐一個係臘味套餐餐咖哩雞ok喎又唔會大辣臘味套餐d臘肉就肥左d當然除左食佢d平價套餐你可以選擇飲茶但價錢就冇咁經濟啦

星期六我地department第一次係呢度攪function，幸好我跟隨曾到過些的同事一起來，否則都未必輕易找到。我們book了二樓全層，地方舊而且很細，好聽點算叫做有懷舊的感覺。食物方面，翅真的一梳梳，與花膠一起燉，味道都算ok。那條魚過咸，而柚皮也沒想像中好，個汁頗油，反而鍾意佢個炒飯，炒得乾身唔油，又有恰到好處的薑味，那個蝦子炒麵也不錯。平時飲宴的炒粉麵飯多數無咩人食，現在反而最好食，真攪笑！講到佢的服務態度就真係唔得啦！叫佢換下碗碟都黑面，仲好似覺得我地好煩咁，食野都要受佢氣咩！又舊又唔係特別好食，服務仲要…唉…我諗我都唔知幾時會再來了！

高師傅的菜色實在一絕, 大喜慶的懷舊菜色來得精彩, 不過似乎祇可耐不耐食一次, 因為脂肪膽固醇實在超錶(我指的菜色)。記緊要叫多幾個friends, 唔係點叫多幾款餸 菜!

一間名大於實既店舖,可能佢志不在此,唔食貴野唔會有好野?小弟喜愛柚皮,好多網友都知,但真係好食既,唔該有人知既通知聲!呢度d柚皮,我直頭唔想講,有乜理由d'茨'同柚皮係1:2架?得個咸字,椒盬鮮魷又淋又唔好食,椒鹽茄子又係個句,多油到可以炒菜,薑醋無旦,究竟呢度有乜野得嫁?左諗右諗,都係排骨d柚皮好d,此外個順德煎焗魚咀都好好味,但值唔值咁去呢?

今日食友又聚，地點選了大喜慶。勞煩雪怡來探路，見蛇羹可窩上，亦有散賣，加上其他點心，應有可吃之道，所以就拉隊來了。一時到達，大家已坐定定。除了蛇羹，亦叫了幾味點心及廚點。拿來點心紙一看，上次來吃的懷舊家鄉點心已沒有了，想起那金錢雞卷及大包，真的是口水流。沒多久，點心也上檯了。計有蝦腸、叉燒包、臘腸卷、柚皮蒸排骨、牛肉及鳳爪。點心是大路款式，但水準不算好也不算差；叫了幾個廚點，先來的是鮑汁扒柚皮，柚皮薄薄的，面頭的蠔油茨汁是相當的厚，正中本人的死穴，所以只試了一小片。茨汁完全是蠔油的鹹味，柚皮雖薄，但有些少渣，麻麻地；順德煎焗魚咀的魚頭先炸後再用蔥段、紅辣椒、蒜片焗過，賣相是不錯。魚頭面頭炸得香口，內裡的魚肉及魚云都算嫩滑好味，呢味菜食得過；薑醋如牛油果所言，是可以多一點薑味，這裡的是甜了一點，可能要遷就大眾口味吧！Honey說薑也不錯，吃過也沒說錯，是渣多了一點。；蛇羹叫了小窩的，份量也不算少，七個人剛好一人一碗。這裡的蛇羹還是第一次吃，用料也豐富，但論精細及用料的份量就比不上桃花源。佐料只得檸檬葉絲，沒有菊花及薄脆，硬是好像缺少一點什麼似的。還叫了兩碗白飯來個蛇羹撈飯，如MM太座所言

走中高檔路線但環境不配合.在場須有大師傅,但其實反而味道不夠大眾化...菜式幾特別,但味道一般...而且酒家很舊...而且在橫街,給人不好的feel.但一去無防,有些品質及菜式幾好,價錢須貴,但吃到一些特別的菜式,值得的....值得一提,佢地有自製豉油(頭抽).品質味道就見仁見智..不竟天然生晒..全天然發酵...可以一try

這間酒家地方很舊，食物一點不好吃，而且吃完之後，肚子感到非常之痛。所以，奉勸大家要考慮清楚，才決定進入這間酒家吃飯。

記得我爸爸以前很喜歡用金錢雞送酒睇波。有時也會幫他去買。少時候不懂欣賞，爸爸看我想試就給了我一件，我只吃了雞肝，肥豬肉當時覺得好恐怖。現在，我爸爸有了高血壓及心臟病已很多年了，我也幾乎忘記有這樣東西。如今想起來，用來送酒也?真的不錯。最近有朋友讚大喜慶的燒味十分有「燒味」味道，並不是普通行貨。唔，有機會一定去試試。

金銀潤係冰肉釀豬肝。冰肉即醃過酒的全肥肉，與豬潤同吃風味一絕。以前好多賣臘肉、臘腸、臘鴨的燒臘舖都有得賣，家陣少人食，賣的地方都少左好多。

What is金銀潤? I though it is a kind of watch before!

自從大喜慶搬到現址都未幫襯過，以前舊舖反而拉衫尾來食過兩三次魚翅。今日同個行家來飲茶，呢度下晝都幾多人，聽個行家講係因為D點心平左的關係，佢係熟客所以好快有位。兩個人叫左六個點心：雞球大包幾大同足料，係我至喜愛的廣東點心之一，可惜唔係間間酒樓有得賣；煎粉果亦不錯，外皮脆入面仍保持濕軟，浸上湯吃仍脆口，有水準；蕃薯棗比一般春卷有特色，香口又好味道；柚皮蒸排骨中的柚皮好食過排骨，這裡的柚皮無苦味，略油膩但好味；芝麻糕有芝麻味又有椰汁味，平衡番其他油膩的點心，幾正；金錢雞卷又係另一個我的至愛，浸了玫瑰露的肥豬肉加雞肝，簡直是人間美味。可惜而家無咩人識食和敢食，所以都好少地方有得賣，好似只有老店如蓮香、得龍、大榮華同呢度有。其實點解九唔搭八的煎鵝/鴨肝都敢食，但呢味傳統廣東點心又唔敢食呢？真奇怪。同金錢雞齊名天下的當然是金銀潤，不過有得賣的地方就更少。最後叫了碟叉燒蝦膏炒飯，叉燒是肥叉，好香口好正。埋單二百蚊有找，感覺係平左好多，點心食物水準都不俗，物有所值。題外話：臨走見有雷射商標大閘蟹，價錢相宜，雖近水尾，但搞多餐蟹宴都好喎！

this restaurant 燒味&大飽is verygoodand I eat 金錢蟹盒this is goodbut this food No.01 is 陶陶居(MACAU)I will updatehttp://www3.plala.or.jp/ATSU/oldhk/hk.htm

I went mayI like this and soupGoodI wanted 金錢蟹盒but "MOU"photo & other datahttp://www3.plala.or.jp/ATSU/oldhk/food1.htm#causewaybay

我都要回應此店所作所為，是飲食界最不要得的扮高尚而低格，伙記又沙塵又趕客；而客人不吃所為貴價鮑魚、魚翅、燕窩，就會用不禮貌的態度，令客人難堪，唯有知難而退，海闊天空，走為上策，是但叫三個小菜就埋單走人，價錢幾鬼貴啊！原來入o 左謀人店，你估下幾多錢呀？答案是六佰大元，心情都痛惡又無奈，衰o 左，價錢貴都無問題，但那些伙記乞人憎，只有寫下此評，發洩o 下，同時告誡各位食家，以此為鑑。

今晚同幾個朋友行經銅鑼灣特然肚子餓，便走進" 大喜慶魚翅酒家" 吃晚飯。於是我們點了幾個小菜及幾支啤酒，但沒有叫什麼魚翅及鮑魚。點知那些服務員態度即時變差，而且說話中帶有諷刺性，結果令我們食都食得不舒服! 雖然我們沒有叫魚翅及鮑魚但都不是罪過嗎? 為什麼要"X" 眼看人低呢!