大四囍

营业中

休息中

同朋友經過跑馬地食lunch，早前已經見到呢間嘢social media 到有人介紹下，雖然唔係食晚餐，但係都想試吓佢午市如何。嗌咗個焗豬扒飯，有幾好食喎！幾大份有驚喜，期望下次過嚟再食佢嘅晚餐！

睇到社交媒體網站post 山長水遠同朋友嚟食飯，叫左幾個餸，其中鼓油雞係好食。可惜係服務太差，未到9:00開大個冷氣，凍到我無辦法要立即走，否則實病。香港食市市道麻麻，再有咁既服務態度，食物再好都只會浪費廚師既心機。

午餐二人套餐，土魷蒸肉餅，鹹魚雞粒豆腐煲，上湯浸菜心，外送老火湯米飯，價錢只是二百多，相比同區米芝連餐廳又好吃又便宜，而且份量足夠大，兩個人吃不完，值得推介！下次試試晚飯啦！應該更加好吃😋

星期三訂位 星期日食飯佢係都要星期六先覆你有冇位都算打黎個陣話海鮮要預訂咁我地唔食海鮮所以冇預訂去到雞又要訂 蒸牛肉餅又預訂 乜都要預訂星期日朝頭早 又打黎幾次原來追我比訂金咁你星期六唔講！？服務真係好差下面講食野小炒皇 $188佢應該改名做濕炒皇班頭腩蒸飯 $198味道可以生炒菜心苗 $118炒得岩岩好蒜香骨 $168蒜香味濃d會好d因為食得出肉質妹妹哋薑蔥桶蠔煲 $同出面個d唔同佢呢到係有湯的唔收汁整體價錢唔貴 幾抵食野食就真係幾差下 食材唔算新鮮不過我叫唔到佢推介個d野食 所以可能呢到有影響另外希望商家明白我地唔係唔想食多d野只係大部分冇提我預訂商家一係咁過黎叫我地叫下湯呀 叫下咕嚕肉我食完係舊蒜香骨之後我下次黎都係食素算總結有下次菜炒得好食岩素食者👍🏻👍🏻服務就差！

早前約了大班朋友到跑馬地，有一間新派中菜館：「大四禧 」好吸引！環境舒適，食物水準不錯👍其中我自己特別喜歡：鮮菠蘿咕嚕肉豬肉用上梅頭肉，肉味濃郁軟腍，外皮松脆而內里細嫩，配上甜酸汁一流！鮮菠蘿有輕炙燒更顯鮮甜！欖菜四季豆鑊氣十足，粒粒四季豆香脆可口！薑汁芝麻湯圓 薑湯的薑味夠辣、夠香濃👍🏻👍🏻湯圓內有滿滿的芝麻餡，外皮夠薄夠煙韌，內餡的芝麻蓉非常香濃，甜而不膩❤️大四囍 📍地址： 跑馬地昌明街1-3號地舖

好少去跑馬地行，覺得好似冇咩好行好食，但今日落去做嘢，所以行左一圈，發現有間飯館，好似間名人飯店😂好想試試😄飯館唔大，但坐位闊落，坐得好舒服😌二個人點左3個小菜。仲有二件蝦多士，真係好耐冇食過咁懷舊美食，炸到剛剛好，蝦肉爽，咬落唔會一口油。👍但真係好有家味道，感覺返屋企食飯，好味😋瑤柱桂花炒魚肚，魚肚吸收瑤柱同桂花味，同雞蛋炒到干干地身，配合一齊食，好正😊梅子蒸排骨，跟我媽媽煮味道一樣😄酸甜適中，排骨又林又入味，好食😋濃湯蝦干浸勝瓜，本身自己好中意食勝瓜，濃湯跟蝦干湯浸過啲勝瓜特別甜特別爽口，真係好有家味道🤭估唔到跑馬地有間咁好食飯館，下次都要帶媽媽嚟食🤭

位於跑馬地呢一間中菜，唔算太難搵，門口有錶位，都方便泊車。酒樓位置唔算好大，有一間房仔，6:30 去到，有一台熟客喺度飲緊嘢。侍應安排咗我哋入去間房仔，間房可以放到三張兩人枱。坐低咗之後，侍應好殷勤咁問我哋飲咩茶，叫咗菊花茶同水，亦都上咗花生🥜炒得幾脆幾好食之後就推介咗我哋「是日廚師精選」，叫咗薑蔥斑腩煲 - 薑蔥炒得好香，完全吸收晒斑腩嘅鮮味。斑腩味道亦啱啱好。成個菜色香味俱全、香氣撲鼻羊肚菌扒豆腐 - 豆腐炸得外脆內軟，羊肚菌亦都炒得好靚，好入味，碟旁邊仲加咗啲蝦子，非常之有特色瑤柱桂花炒魚肚 - 菜式賣相一流，炒得，亦都好乾身，好有鑊氣，可惜略嫌太鹹四喜紅燒翅 - 侍應不停推介，叫我哋試呢下呢個翅。雖然唔環保，不過呢個翅真係好好食，個雞湯煮得非常之好味，如果唔係咁飽一定會配一個白飯總括嚟講，所有菜式有少少重口味，但係勝在非常之地道，大部份菜式都好有鑊氣，唔係咁多中菜做到，值得推介

大四喜(跑馬地)今日老公放工嚟接我，佢話帶我食中餐。我哋嚟到咗位於跑馬地嘅大四喜，進食各款美食。餐廳食物選擇豐富，而且每款都好吸引。餐廳環境闊落，坐得好舒服。1.蝦多士2件 $96蝦多士好厚身，表面佈滿芝麻，食落非常香口。師傅炸得非常香脆，而且食落唔會好油。麵包嘅部份已經好香脆，而蝦滑嘅部份非常鮮甜彈牙，美味。2.粟米蟹肉羹 $88粟米蟹肉羹用料高質，質地較傑身。蟹肉份量多，味道鮮甜美味。而粟米都非常甜，整碗湯嘅材料配搭得非常好。3.生拆蟹肉炒大良奶 $198蟹肉炒鮮奶賣相非常好，鮮奶炒得非常有光澤感，食落奶香味濃，而且好滑。而裏面仲有好多蟹肉，蟹肉拆得好乾淨，完全冇骨，食落鮮甜美味。4.籠仔荷葉班頭腩蒸飯$198咁我哋都叫咗個煮食，荷葉飯好大碗，而且用荷葉包住嘅飯特別香噴噴，有種特別嘅香味。班頭腩好新鮮，魚肉好滑。蒸飯就已經帶有點點嘅魚味，好好味。

朋友住在跑馬地介紹一間隱世粵菜小店, 主打傳統粵菜。這間小店位於昌明街，坐電車去到總站直上幾條街，左邊位置，尚算方便。餐館中式裝修，掛牆大電視，餐牌有不同菜式，更有懷舊菜。薑蔥紅燒龍躉魚煲 $288一放上枱，打開個蓋香噴噴，其他食客都給這個餸菜吸引，因為真係好香。 龍躉肉質彈牙，紅燒薑蔥惹味。荷葉飯 $168小時候已經好喜歡這道菜，依家好多餐館未必有做。每一粒飯有荷葉嘅清香，有叉燒蝦仁瑤柱再用炒焗方法，非常美味。蒜香骨 $168炸得香脆，蒜頭香味濃郁，送啤酒一流。

跑馬地依間中菜好多人都推介，今次特登入跑馬地就係為咗食佢🫢🫢🫢這間餐廳環境唔錯，，座位都闊落，入面仲有房間，可以靜靜地食飯🤩豉油王虎蝦煎米粉底虎蝦肉質鮮嫩多汁，米粉的煎炒帶來口感的層次感，豉油的醇厚味道提升了整道菜的豐富度😝😝加煎米粉底真係好食好多，推介大家都要加！❤️❤️🤩京蔥炒牛肉牛肉炒至剛熟，保持了肉質的鮮嫩，京蔥仲要有好多，大大碟，好香🥰🥰🥰🤩羊肚菌燒豆腐想食健康啲，可以叫這個菜式，亦都係店舖推介嘅菜式，肚菌份量都有好多，有陣陣嘅香氣，燒豆腐都好滑😋😋總括嚟講，依家嘅小菜都唔錯，啱晒聚會食飯👍👍

今日去搵完表姐後，就係附近食晚飯。位於跑馬地嘅「大四囍」環境舒適，餐牌主打叫小菜食飯，款式選擇好多，包括海鮮、小菜、飯麵、小食、湯羹及甜品等。籠仔荷葉班頭腩蒸飯 (2位用) $198菜式看似簡單其實頗花工夫製作，師傅先炒香米飯，再用荷葉墊底放在籠內將班頭腩及炒飯蒸熟，荷葉香氣夾雜着班頭腩的鮮味🐟班頭腩夠厚肉，肉質好滑溜，份量足夠二人享用。大四囍小炒皇 $188每次叫餸食飯都必叫的菜式！小炒皇用了韭菜、瀨尿蝦乾、豆腐、魷魚及銀魚仔等鹹香材料，也加入了菜寶及腰果爆炒，整碟餸會更香口，口感更豐富‼️蝦多士 $48 (每件)蝦多士外脆內軟，炸過麵包散發出濃濃酥香，蝦膠彈牙爽口🦐，夠晒足料，高顏值的小食🤩薑汁芝麻湯圓 $45薑湯的薑味夠辣、夠香濃👍🏻👍🏻湯圓內有滿滿的芝麻餡，外皮夠薄夠煙韌，內餡的芝麻蓉非常香濃，甜而不膩❤️餐前小食 $28/碟一坐低，店家馬上端上前菜🥰係花生及豆類脆口小食🥜茶位 $15/位

👦🏻👧🏻一直都覺得跑馬地有唔少隱世美食，今次行橫街就發現咗 - 大四囍 呢間中菜館。餐廳裝潢簡約舒適，食物價錢以銅鑼灣/跑馬地區計都算合理/抵，難怪有唔少回頭客！🌟蝦多士蝦多士一上碟已經係十分吸引，金黃色既多士配上薄薄一層彈牙爽口既蝦膠，食落啖啖鮮蝦既鮮味，蝦膠面沾滿白芝麻，相當可口。配上沙律醬更加係將蝦多士提鮮百倍！🌟鮮菠蘿咕嚕肉咕嚕肉炒得幾好，豬肉用上梅頭肉，肉味濃郁略帶脂肪，質感幼滑。外皮炸得鬆脆而內裏肉質細嫩，配上甜酸汁簡直係一流既配合！鮮菠蘿有輕輕炙燒過，食落鮮甜冇酸味，值得推介👍 。🌟揚洲炒飯揚洲炒飯炒得粒粒分明但唔油膩，入面非常足料，有勁多蝦同叉燒，味道可以話係夠哂豐富！😼🌟生拆蟹肉炒鮮奶炒鮮奶呢道小菜絕對能夠食出師傅嘅功架，蛋白鮮奶夠曬滑嫩，仲食到陣陣牛奶奶香味。蟹肉份量相當充足，每食一啖都可以食到蟹肉😍。呢道餸調味簡約，用上少量金華火腿，其咸香就足以為鮮奶提鮮味。

跑馬地有不少小巷當中隱藏大大小小餐廳.當中一間中菜主打小菜及手工菜.裝修簡潔高雅,座位寛敞,明亮燈光,整晚坐得舒服自在🔸 大四喜小炒王($188)一般小炒王必備都是韮菜,菜脯,蝦乾及魷魚等,而當中加入脆魚仔,瀨尿蝦乾更添香氣.韮菜嫩口並無草青味🔸蝦多士($48/件)多士炸得不過火,金黄鬆脆.蝦肉有彈性.如蝦膠份量做得更厚身就更為完美🔸薑蔥龍躉頭腩煲($288)熱氣騰騰煲仔菜端上枱時,聽到是沸騰吱吱聲,飄來勁香薑蔥味.龍躉肉厚身有彈性,份量不少🔸薑汁芝麻湯圓($45)本身要叫杏仁蛋白可惜當日售完.但薑汁芝麻湯圓亦不錯.薑汁芳香甜度剛好,湯圓共4粒,煙煙韌韌

突然間去想去跑馬地吃蛋撻飲奶茶，順便入去探朋友，當然少不了吃餐好晚飯，這個任務就交俾原居民。她說大四喜是新開的新派中菜小館，以傳統粵式中打造出精緻菜式。餐廳面積雖然不大，但完全沒有壓迫感，設有兩間客房，典雅的中式裝修。茶錢每位$15花生 $28 焗得好香嘅花生，超大碟，好似食極都有。小菜選擇也不少，有某些菜式需要預訂。蟹肉炒大良鮮奶 $198 炒鮮奶控制火喉最重要；太大火就層燶、太細火就食落成口油。目測眼前的蟹肉炒大良鮮奶沒有多餘的油份，入口是軟棉的口感，蟹肉份量慷慨，品嚐到牛奶的甜味和蟹肉鮮味，再下一城可以加少許黑醋吊味試試看那個口味是自己喜歡的。我較喜歡不加任何額外調味吧，仲有一定加碗白飯咕嚕蝦球$228看似不難的煮法，以蝦隻開邊，上薄粉漿再炸，上咕嚕汁只是幾個步驟。但可以做到炸皮薄如紙，外脆內爽 可見蝦肉是何等新鮮，咕嚕汁味道酸甜適中不黏口，再配上一口燒過的菠蘿吊味，雙重味覺衝激，無論擺盤和味道也深得我心。薑汁炒芥蘭$118 一個字夠「薑」食到可以令我輕微感覺發熱，就是薑汁的魅力所在，芥蘭炒到翠綠火候剛好，快炒加火喉兩者也不能缺一。多謝好友請客。

同朋友試咗跑馬地呢間中菜館，位處比較隱蔽的橫街內，食完覺得好好味，又見開業兩三年網上都冇乜人分享過就梗係要開心share啦. 今次完全體現到越簡單菜式先越彰顯廚師嘅功架，平凡彰顯不平凡，簡單就是美. 小店裝飾典雅撲實中國風味濃厚，環境乾淨企理，人均三百幾價錢相當合理，用餐體驗愉快.⭐️生拆蟹肉炒大良奶口感香滑清新. 非常足料多蟹肉，蟹肉鮮美. 鮮奶同蛋白炒得好棉滑唔會油膩. 西蘭花好爽咬落颯颯聲. ⭐️琵琶豆腐外脆內嫰，豆腐保持滑溜，內裏釀滿蝦、冬菇、蛋白等食材原汁原味，口感豐富. 醬汁調配好好將食物味道層次昇華. ⭐️鮮菠蘿生炒骨賣相非常好，三色椒色彩斑斕，新鮮菠蘿份量多. 食落好開胃甜酸度啱啱好，豬梅肉皮薄香脆肉質鮮嫩。 菠蘿非常鮮甜而且輕輕燒帶過有焦香. 另外叫咗兩個白飯，啲餸全部都係下飯好材料. 可惜有啲菜式例如炸子雞豉油雞等等要早啲預訂即日係冇得食㗎. 有興趣嘅朋友記得預訂. 同埋呢度日頭有點心套餐款，而且價錢相宜，下次一定要嚟試吓.