大壹冰室 (已結業)

經過幾次依間餐廳都排哂隊，仲要越夜越多人，難過今日唔係好多人，試試佢先，餐廳坐位有D 迫，唔好攞住太多野入黎賣相都唔錯，但3隻雞翼有1隻裏面係生傢（唔係有血浸個隻，係D 肉仲係透明+血個隻）真係食唔到，浪費左tim明白西冷本身脂肪唔多，不過真係有D韌，而且好多根， 鍾意有咬口既人士可以黎試試原隻雞扒， 睇落去都好震撼，而且唔貴，肉質嫩，重點係去哂骨，女士們可以保持儀態咁瘋狂食食雞，但建議要人多D 先好叫，因為都幾大隻，食左2/3之後會覺得大家D 漏

今日約左幾個朋友行街吹水，行完新開激安雜貨之後，就一齊去覓食路經一間大壹冰室比拒門面吸引，就同朋友入去試吓，我哋每人叫左個午餐，午餐包餐湯或沙律同飲品一杯。我叫左烤焗纽西蘭牛柳粒配芝士茄茸汁意粉。牛柳有口感，意粉味道交淡，午餐黎講，價錢都Ok

約咗朋友去荃灣行街,行街買嘢之前,先搵個地方食嘢,然後再去shopping,行過大壩街,見這間大壹冰室門口有個午餐banner,都幾多選擇同抵食我哋大概13:45到達,其實已過了午飯時間,都要等位,呢間餐廳真係幾多人食午餐可跟沙律或餐湯沙律,湯,唔係用碟或碗上,而係用杯上,朋友話湯好夠熱,有一枝餅乾,好脆,沙律菜新鮮日式咖喱蛋包飯配肥牛,朋友話蛋都幾滑,裏面係炒飯 味道唔錯紐西蘭穀飼西冷跟薯菜,牛扒都幾大件,肉質幾軟熟,但薯條就唔熱同唔脆總括嚟講,食物唔算太高質素,但一個價錢,有湯,有主食,仲有飲品,都算幾抵

諗住食下午茶行下周圍一圈最後選左依間，叫左個下午茶，服務員幾有禮貌～叫左個牛仔肉配意粉加華田，10分鐘俾到我時間差唔多～點知佢俾左飯我人地減肥呢⋯食落去出奇好食，牛仔肉唔韌煮得啱啱配埋D汁重好味，可惜只有三塊食完先知無依家得返D飯同汁唔知食唔食好⋯

食物沒有味道酥皮湯加十蚊 但係唔加好個加酥皮嘅味道完全不能接受輪到上菜嘢飲上兩次意粉上兩次總共四次四次都想錯咗隔離枱睇住隔離枱拎過了個啲侍應好似當冇事咁樣就畀返我純粹黨體驗試過就算數

今日去荃灣，剛剛經過呢間冰室，見佢門口個餐牌吸引到，就同朋友入左去。我叫左個香草烤美國雞排要蒜蓉汁，而我朋友叫左個吉列豬扒。下個午餐包一杯飲品和湯。個羅宋湯唔夠味，只飲到辣味。我個烤雞飯，蒜蓉汁味道唔會太濃，不過都可接受，雞排淡淡肉。至於我朋友個吉列豬排，塊豬排唔夠脆，d飯唔夠熱，味道真係唔吸引。價錢黎講都平，不過味道就一般

星期日這晚見門口都有4張枱要等， 但我和朋友都照等， 因行過附近大部分食店都要等位。 入到去，座位空間非常逼， 其實坐得唔太舒服。 我和朋友叫了2 個套餐；1- 帶子白汁意粉 2- 咖哩蛋包飯跟雞扒， 2 個餐都加了$10 轉酥皮湯另外包埋2杯飲品。個人認為食物質素和價錢是成正比的， 如果只為填包個肚為目的是ok， 但由於座位太逼夾，如果想同朋友好好relax 下、傾下計就一定唔適合了。此外這裡有位男侍應的態度亦需要改善下， 事源於我和朋友叫了2個餐但想share, 叫了該位帶眼鏡的男侍應， 請他給2隻碟比我哋， 他吟吟沉沉話自己好忙， 一陣先拎比你哋啦， 最後都係無拎嚟， 我和朋友廢事麻煩， 加上又搵唔到其他職員幫手， 所以照食算了，但心裡覺得不是味兒。我哋都唔會再嚟🤦🏻‍♀️ 事實上類近的食物，荃灣亦有好多選擇。

今晚喺荃灣搵食，大家都想食西餐，就好自然會諗到荃灣廣場對出個條街， 之前食過呢我覺得幾好食，性價比幾高，所以今晚嚟encore今次嚟到，見到佢個Menu轉左，本身想食威靈頓牛柳，但唔緊要啦三文魚都好吸引，最後我哋叫咗一個烤焗酥皮三文魚配香草汁配意粉（$128），同一個極上燒豬肋骨配自家製醬汁（$98），仲轉左一個餐湯做酥皮湯，上菜速度都幾快啱啱落完單無耐酥皮湯就送到了酥皮忌廉湯（+$10）, 忌廉湯味濃郁酥皮好似冇之前咁重牛油味，不過不失。沙律菜伴芝麻醬，沙律菜好新鮮，用呢個杯裝都好得意。首先上咗個豬肋骨，份量比想像中大份，有炸薯角同汁燒蔬菜伴碟，汁燒蔬菜好好味好入味，直情想叫一份嚟食呀豬肋骨亦都好易咬，醬汁十分入味然後上嘅呢道烤焗三文魚，好有驚喜，我哋切開來睇酥皮包住三文魚，入邊仲有一層白汁，令到成個菜式嘅味道有層次。

舊牛肉硬到假牙都甩 我份人唔中意浪費食物 試左好多次希望食哂佢 但真係頂唔順 d意粉係水煮完就上碟 一d味道都無 係完全無味。唔會再幫襯 永無下次 門面係幾光鮮 但d食物完全唔得

睇呢間餐廳午市餐牌既選擇都好多而且係價錢公道既西餐 就入去試下午市套餐隨餐有餐湯,餐包,飲品一杯都幾好喎 凍飲(+$3) 都可接受餐湯可選擇紅湯 白湯主食我揀左 西冷配薯菜再跟服務員推介 西冷叫七成熟等候午餐期間都睇到餐廳門口有貼滿報道好似好多報章有介紹店舖雖細 但都有d佈置 西冷到啦～都幾大塊～切落都有少少韌 都切到有筋位但肉質都算林 多汁至於薯菜都脆身 部分比汁浸林左啦份量都可以呢個價錢算唔錯 西冷$60 唔洗加一 呢間午餐又多選擇 會再黎試下其他

好耐無去大壹冰室吃東西，以前好多時候都是幫襯隔離的西餐廳，因為大一要排長龍。今日去大壹冰室吃午餐，唔需要點排隊就可以入座。午餐時候當然選一個午市套餐，叫了一個 日式鰻魚汁海鮮炒飯 及 煙肉蘑菇炒意粉配芝士忌廉汁。餐湯先來，羅宋湯是可以的但是白湯忌廉湯真的有點鹹。日式鰻魚汁海鮮炒飯好像見飯不見餸，但飯是有味道的！煙肉蘑菇炒意粉的芝士忌廉汁太稀，拿不住意粉，煙肉和蘑菇的量也多，味道也可以。

平時路過也有多人排隊，今日見無人就去試下平價西餐，本巳有心理準備，但入到去更伏。也不明白沒味道沒服務也可以排長龍，其實附近也有很多食店味道比她便更好，絕無下次。紅湯無味，配上最好的garlic面包三小粒三文魚多汁意粉，食落口似漿糊數粒蜆肉温泉蛋多汁意粉，小朋友食到想嘔豬柳意粉最平也是最差的，又硬又變味，意粉凍的，汁又唔夠，上台一刻難易形容飲品不值一提等食中看到服務更意想不到：1. 隔黎枱要求換碟，再聽到店長先生回覆：小姐唔好介意，我地的餐碟全部也是‘賓’的，就算換另一隻也是一樣，我本來也心想小姐都傻的（但見到店長拿起碟時，看到碟上明顯沒了一忽）2. 頭頂的冷氣機滴水，剛好店員放餐飲，我拿拿臨跟她說滴水，點知她像聽不到的沒理我，照舊把飲品放在同一位置; 沒所謂，我自己的把餐飲移走及調位便可。3. 門口有人看到此店員行過便直接問有無位，但店員眼不見為乾淨，店長即時招乎，但當我們放底餐具二分鐘，繼續喝餐飲時，那個女店員特別開甘口給我們單據（其他枱沒有的）

平時好多人排隊既呢間冰室，上星期路過見到冇乜人排隊，就去左試下。環境唔錯但個人感覺偏暗，地方唔大但都企理，負責招待人入去坐既果個大叔好有熱誠....講返正題，呢日同友人一人叫左一個下午茶set，我例牌叫左杯熱奶茶，覺得杯奶茶好似比起其他茶餐廳好似冇左種入口濃厚的感覺，但都可接受的。野食方面，我要左個馬蘇芝士焗吞拿魚意粉，味道還好，但份量偏少，麵質適中，唔會太軟太硬。友人要左個芝士肉醬焗薯條，呢個份量足夠，味道濃加上芝士，同一般肉醬意冇分別....偏油，不過不失。整體而言都唔錯，可以一試。

晚餐時間去開荃灣朋友介紹食呢間排行晒隊既大壹冰室 餐廳門外貼滿報道介紹大約等了十五分鐘左右就能安排入座。共有28個不同套餐可供選擇套餐可加10元把餐湯轉酥皮湯而加29元就可額外加兩款小吃。今次我地就叫左一個西冷扒五成熟餐配意粉西冷熟度可以 中間會是紅色的但可惜太硬也有很多筋。另一個套餐則選了墨汁煙三文魚意粉份量十分足夠 。食物質素整體而言合理相比食物 服務態度更值得稱讚即使在很忙碌的情況 依然保持十分良好的態度

轉角見到的第一間餐廳 看門口menu好似都可以一試 但是坐下之後看一眼openrice🙀好想逃跑💨除了就是好差好差好差最後避開了其他食評提及的「地雷」點了三個菜第一個上來溫泉蛋黑魚子沙律？？不想做任何點評跟著是餐湯 忌廉湯好奇怪味道 超市買個罐頭仲好飲過佢🤮榮登「餓死都唔想食系列」榜首👍🏻鹵水雞亦尚可 肉質不夠軟嫩豬手皮不夠脆 sauce又無救到佢 不推薦 黑松露帶子蛋包飯 我覺得最好吃 雖然無乜黑松露味 但好大一份仲有味道都算還好T骨又是超大份 肉質算不上好但都不算差 對得起這個價錢雖然食物質素真的好一般 但真的好大份量 想飽肚一定沒問題