大壹冰室 (已結業)

位於荃灣大壩街的大壹冰室在Lunch hour時，門口通常都有人在排隊，可能今日有微雨的關係，一去到就有位了。這餐廳的午餐選擇很多，應該是其中一個能吸引客人來排隊的因素。這裡的午餐與大部份餐廳一樣都會奉送中湯或西湯(羅宋/忌廉)，比較不同的是還有味道不錯的蒜蓉包。今次我選擇了忌廉湯，味道適中，不會太咸。另外，個人認為這裡的蒜蓉包十分出色，那開胃的蒜香和脆脆的口感，是其中一個我再次光顧的原因。正餐方面，除了平日的餐牌，餐廳亦有提供每週之選，而我今次就點了每週之選內的蒜香蜆肉意粉。意粉一到就聞到濃濃的蒜香，整體味道都不錯，份量亦足夠一位成年男士飽肚，但略嫌洋蔥及配菜過多，有點遮蓋了蒜的味道。價錢算是公道，$55元(凍飲再加$3)環境方面，今次坐在餐廳中間一排的卡位十分舒適，牆邊的位置看起來比較擠迫，但仍是可以接受的程度。餐廳的年輕侍應的服務態度都很好。整體來說都很滿意，會短時間內再光顧。

餐廳環境幾靚，沒張臺面有靚靚瓷磚，但食物真係麻麻，點了其中3樣食物都係白汁的，狂加芝士粉都係沒味的，加到放棄的心情，點救都救唔到。白湯似沒味的BB糊，好糊狀，罐頭湯都好味過佢，西蘭花似白烚，三文魚粒好腥，意粉好乾，同白汁撈唔到，白汁的食飯，食落都係同一隻味。額外加咗瑞士汁雞翼，出咗係好淡好淡ge滷水汁味加強勁雪藏味雞翼，沒葉過d雞翼就煮，而且唔入味，最正常係唯一一杯水吧出的熱菜蜜，最後係唔再爭扎，食唔到落去。

幾年前有人介紹我先生去，我先生就帶左我去試，第一次印象一般，無特別，唔難食，叫食得飽肚第二次，我先生又話要去，是旦啦，唔駛等位，唔好味，但因為肚餓，勉強食飽先今日⋯⋯再比多次機會佢啦，頂！！羅宋湯無味，飲落好水，有小小辣味囉，蕃茄唔係好貴姐，唔駛咁呀，飲左2匙放低，見到阿仔飲白湯，飲到好好味咁，又試下先，癲架！無味既奶水！？！我要左唔記得咩名，係白汁豬扒飯，好神奇用罐頭雜果煮既白汁，白汁中有粒椰果😰😰果個汁係無味架！果塊豬扒係厚呀，不過係那到鬆左，無肉味既豬，唔知佢用乜醃製，怪怪地⋯⋯好肚餓既情況下，加D鹽加D胡椒粉撈埋D飯食左一半，真無唔想辛苦自己😭😭最後一杯凍檸茶⋯⋯用平檸檬，無茶味，有怪味垃圾！我今日去食左一餐垃圾！一世都唔會再去！唔明點解仲會有人排隊去食

行街行到攰攰地，又唔想食得咁heavy ，當然等下午茶時間啦。呢間野要排隊，我哋親熱樓梗係排埋一份啦，好彩好快都有位。一客炸魚樓薯條，一客芝士蛋糕，鐵板燒牛肉飯，仲有個煙三文魚意粉。平平哋，味道都不錯，估唔到下午茶嘅份量都咁多，對我們女士來說，分量足夠有餘，大件夾抵食。

星期六在荃灣行街，行到攰攰地就諗住揾間平靚正的餐廳仔坐低食個LUNCH。呢間餐廳外表幾好架，同埋門口都好似有好多食評訪問，咁咪入去試吓。先來一個餐湯，味就淡啲啦，我估佢落多D茄膏應該會好少少，餐包就夠牛油味，不過如果佢多少少蒜味又會好少少。到主菜我叫左個鰻魚汁海鮮抄飯，先要一讚個賣相係幾好，咁啲飯就有少少汁，唔似啲中式抄飯咁乾身，但都粒粒分明，如果佢多汁少少，就有少少似RISOTTO，不過海鮮就真係少左DD，佢啲料真係切到有啲細粒，如果大粒啲同多啲就好啦，咁味道都OK 的，一樣，如果食開重口味的朋友會覺得淡左少少，不過如果你想食得健康少油鹽糖，咁呢個就會啱口味。值得一提係間餐廳其實都有心攞少少DECORATION 架，個牆身係有個BENCH 放滿啲舊式玩具，咁睇吓都賞心樂事的﹗

今日有野做去左荃灣，之後大概兩點半左右就周圍遊下睇下有咩好食，咁啱經過呢間餐廳，見佢門口都幾待正，加上睇埋裏面都坐咗唔少人，所以就入咗去幫襯喇。午市套餐餐牌選擇都幾多，最後擇左忌廉汁白菌焗鮮三文魚粒飯。午市套餐跟餐湯、飲品同餐包。餐湯味道一般而且口感好似糊仔咁。👎🏻 👎🏻忌廉汁白菌焗鮮三文魚粒飯 ($52) : 上枱前好期待，不過食落口就大失所望，一嚟芝士唔香之剩味道又唔濃，二嚟芝士份量太少，成個飯都好似係度食梗個無汁既白飯咁。

呢間一到午餐時間就會排晒長龍 但食物質素好一般🤷同埋野食都唔夠熱 覺得比傳媒吹捧得太誇張 荃灣有咁多好西 點排都未輪到呢間😩 唯一比較有特色就系佢個裝修 枱面有繽紛嘅馬賽克拼圖😊 👉美國費城烤西冷扒配黑松露野菌汁($58)見到塊扒個樣都整得幾靚 以為會幾好食 點知都伏左😿叫左7成熟 個廚師都煮到塊扒有7成熟嘅👌但肉質幾韌 而且食落去系有雪藏味🤕 👉蘇格蘭煙三文魚 蜆肉天使麵($49)呢個天使麵我覺得好食過塊扒🤔起碼啲三文魚同蜆肉味道都正常 唔會有怪味 而且個忌廉汁配天使麵都幾夾 食落去唔會覺得膩👍

日前同兩個朋友聖誕節團聚喺荃灣廣場影布甸狗， 影到忘我境界，不知不覺已經三點幾四點，大家都好肚餓，於是搵嘢食， 大家都想食得經濟啲，於是就走去荃灣廣場對面的大壩街附近搵食，遠遠見到大排長龍， 心諗實冇死， 就選擇咗呢間大壹冰室，喺門口外面掛咗大大個餐牌，價錢50至30幾蚊不等、圖文並茂清清楚楚，D嘢食一啲都唔hea 雖然多人，我哋排隊排咗大約十五分鐘就入到去， 餐廳裝修但平民化的價錢，不過座位就略為擠迫，其實下午茶時段已經有很多選擇，大家嫌選擇仲唔夠多，可以叫埋午餐，價錢都唔係相差得太遠

12月26日，見到成條街得佢一間餐廳有人排隊，於是就試下。店內枱與枱之間十分近，出入要十分小心。叫了一個黑魚籽忌廉蟹肉燴濶條麵及一客美國精選肉眼牛扒。濶條麵味道正常，沒有什麼特別。落單時侍應問牛扒七成熟ok否，我們答ok,但上菜時是十成全熟，而且是典型連鎖快餐店用鬆肉粉餣到軟曬那種質感的牛扒，味道與口感俱差。早知如此，我不用付$110去嚐快餐連鎖店$70有找的食物。真的不知道為什麼門口會有人排隊的。

平時成日見到有人0係度排隊 剛巧經過無人排隊 咁就入去試下 點知係一個「伏」我地兩個人 我一人入去搵位先 朋友隨後到 侍應先安排我入去最尾張二人枱 位置十分狹窄 當我想坐入去張長梳化既時候 隔離枱既食客 突然同我講 「小心」 原來我想坐既位置有攤一蚊大既汁0係張櫈到 OMG!!! So dirty 之後我調左位！下午茶餐牌款式多 圖片都幾吸引 價錢都平民化 可惜⋯⋯ 當我唸緊食咩之際 有個無著侍應衫既侍應（老細吧）將我隔離張枱合併到我坐緊張枱度 然後有三個大漢朝住我張枱行埋來想坐底 併桌唔緊要 唔好坐埋我朋友個位呀 大佬問都唔問下 就叫客入來坐 我以為自己去大x樂/大x活 個d快餐店霸位 要同其他人講 「個位有人架」後尾 三個大漢都好無奈要比人拆散分開坐我叫左呢個香煎自家漢堡排 上菜係有三件漢堡排 薯條份量應該同相中差不多 （我食左三四條）D薯條係硬架 而d漢堡排係無肉質既感覺 好似bb 食既糊仔 “淋bet bet” 好難食 除非佢話佢係份子料理 否則唔係 我真係接受唔到呢間冰室 要排隊我唔會食 唔使排隊我都唔會再入去食 總之唔會再食 ！88

由於晚餐時間，座位十分壓迫，一張卓要放滿一個餐的食物空間都十分困難，不過服務員都勒於清埋可以收取之碗碟。餐湯味道一般，好像金寶湯加了很多很多水，沒什麼味道。我很久已想食威靈頓牛柳，這菜式我都有一些認識，是一道英式古老的菜式，香港一向都十分小地方可以食到，外層酥皮，中間有鵝肝醬與磨菇，要控制肉質熟熱是最困難。雖然，這餐廳未可以做到傳統質素，外層酥皮可以厚身少少，但肉質的確控制不錯，平民價錢可以嘗試到高級餐廳都未必有的菜式，如果唔想比高價錢食貴野，依間餐廳的確唔錯。十分多謝友人推介咁好既餐廳比我。

見到幾多人收藏，應該唔錯掛，就去左食，要排隊ga，排左一陣，食完之後覺得真係。。。失望食物既賣相幾好樣！但係。。。味道真係幾一般。。。忌廉三文魚扒焗飯啲三文魚唔係幾好食，個汁好似無咩味。。然後忌廉湯好淡。。好似好多水咁。另一張相個餐又係幾靚，味道好過前面個碟少少。。。但都係，不太好食，我同朋友都係食左一半就唔想食lu，然後就走左lu總結就係。。賣相同味道唔成正比，同埋咁多人排隊，真係有d奇怪，我覺得唔係幾值得來排隊食

昨日，早上諗住去荃灣睇下有咩好食既茶餐廳試下， 最唔明係依加雖然興懷舊，但係都唔需要間間都改自己個名叫冰室，而我地見依間好似有人排曬隊等位以為好味。點之中曬伏！我地叫左白汁炒煙肉意粉之類既野，同埋牛柳粒茄汁焗飯。 其實意粉ok,同一般無乜分別。但個牛柳粒焗飯就超難食！牛柳粒硬到傻左！茄汁味道好怪！而最重要既奶茶咖啡呢⋯⋯咖啡陣味好怪！奶茶唔係奶茶味！總結好難食！還有小插曲，或說旁邊有幾位人士搭枱，佢地叫左杯熱檸水，但竟然杯熱檸水放到佢地張枱時，d水係得返4份1杯咁少！ 佢地都好驚訝咁問侍應「係唔係人地飲完再比我地飲？」

同朋友約係荃灣聚舊，因為大家都一時諗唔到食乜，最後我揸主意去大壹冰室食。呢間舖頭我之前都幫襯過好幾次，環境靚，食物大件夾抵食，質素高，次次帶親朋友去都有讚無彈，但唔知係咪太耐無去，覺得今次質素差左好多……呢間舖頭一向都無得拎籌既，想食就要排隊，每次大概都係排15 mins左右就入得去。今次我地叫左兩個主菜，無叫任何小食。西西里鮮茄焗牛柳粒飯 ($88)呢個係朋友叫的，佢話牛柳粒煮得太熟，好韌，覺得一般。黑松露香菇大蝦意粉 ($78)今次我叫左呢個意粉食，自己食意粉都係食開白汁，無乜試過唔好食，但今次呢個意粉真係有D失望，個汁真係煮得幾難食，有種怪怪的味道，又或者係份量都算多，總之最後堅持食左三分二左右就食唔到落去啦。我自己叫左杯凍華田，朋友叫左凍奶茶，出到黎杯野飲都係勁淺色，飲落口無乜味，得陣甜味，完全唔好飲。今次我對呢個餐廳係有D失望，又或者係因為我地叫既野食我之前都未試過，之前食開日式蛋包飯或者佢個鐵板餐其實都好出色。所以我下次會再黎試下，會比多次機會呢間餐廳。

朋友介紹哩間西餐廳，叫左德國豬手，白汁三文魚天使麵，豬手好大份，味道唔會太鹹，而且皮好脆，天使麵都唔錯，可以中和返豬手既油膩，只係三文魚份量比較少，兩個人食岩岩好。