大安茶冰廳

营业中

休息中

呢間餐廳係結集左傳統嘅冰室 再加埋現代嘅咖啡店☕️🍴夠晒特別！上次嚟到就試左呢到嘅名物——啡立克！係將好立克再混埋落咖啡到 兩者甜苦味道撞埋 出奇地有驚喜 真心唔錯 幾好飲💕

位於九龍油麻地廣東道830號地下的「大安茶冰廳」之前是一間老牌港式地道冰廳，主要賣茶餐為主，不過而家「大安茶冰廳」經已轉了新形象，以全新cafe shop的感覺重生，沒有了A餐、B餐、下午茶餐、換來各式精品咖啡、特式西餅。相信不少住在附近的街坊都希望可以再品嚐「大安茶冰室」的老牌茶餐，因為都幾多人排隊，所以我今朝都叫了一份外賣，分別是「檸檬曲奇」及熱的「啡立克」，檸檬曲奇檸檬味濃郁，曲奇口感非常有層次雖然價錢稍嫌貴了一點點，但份量十足值得一試。另外我是第一次嘗試好立克+咖啡的組合，想不到原來兩者非常配合，十分驚喜！整體來說都10分滿意，而且店內的環境裝修後10分舒適，相信油麻地又多了一個聚腳點了

今日去油麻地食一間新舊交替既茶餐廳，大安茶冰廳。茶餐廳好近油麻地果欄，食完仲可以去揀下生果，幾方便。••••••••••••••••••••••••••••••食物選擇唔多，因為我哋未食正餐，所以冇揀多士，我地食撈麵/通粉，飽肚啲。首先叉燒太陽蛋蔥油撈麵，叉燒得四舊，撈麵比較普通，賣$68有啲貴。跟住叫咗個咩都有嘅通粉，其實就係餐肉，火腿，腸仔，太陽蛋，通粉煮得唔夠熟，醬汁非常無味，咁又$68，性價比比較低。咖啡拉花就非常好，專業既Lv. 不過杯coffee now 個Horlick 味唔係好夠。個人意見，黎飲咖啡可以，食物真係有需要改善下。••••••••••••••••••••••••••••••

廢廢 ，咖啡好普通囉 成間嘢係咪個特色舊茶餐廳做新咖啡店嘅嘢 冇啦 佢嘅蛋糕好普通囉 但講真佢價錢唔係貴 食佢個風扇擺設😂去完一次冇下次 對唔住 要求係高 但我係兩個月前去 有人話好既可再俾機會

失望甜品-大安茶冰廳Fb:下一站豬欄; IG@Pig7station聽聞大安茶冰廳最近換左style,走懷舊路線既新派cafe 感覺幾特別，小🐷同小仙子就諗住去試試啦😗門面放滿蛋糕，另一邊係懷舊汽水樽，連waiter嘅服飾都係懷舊冰室feel去到門口已見到條人龍，排7-8人，因為趕住下一場關係，決定買外賣😅點左焦糖蛋撻 $36同檬茶曲奇 $36，睇個價錢係有d期望架😅焦糖蛋撻: 原來之後先發現蛋撻面比少左脆脆😰即刻遜色左😢蛋撻係凍既，Tart底有焦糖，除左蛋漿好滑之外，都唔覺特別好食🙄Tart皮唔係特別脆，如果呢個價錢，Bakehous蛋撻好食d檬茶曲奇: 比個名吸引住😛咬落有淡淡檬茶味，同埋粒粒檸檬乾🧐不過口感唔似曲奇，介乎鬆餅咁😅idea唔錯，味道普通行懷舊路線既cafe幾新鮮，可惜食物質素麻麻😓打卡之餘都要着重食物質素既😥

幾日狂風暴雨後，趁著天氣稍稍放晴，即刻出去搵晏仔食😄🤭。記得之前睇YouTube 有條片訪問左間舊式茶餐廳轉手左比班年青人，即刻上網check check ，原來又剛剛係油麻地附近，甫即去餐廳門口視察現場。咦！仲有一個卡位，我地即刻入去，服務員亦即招呼入內就坐😬😬。坐下來好好睇吓餐牌，原來食物選擇不是一般茶餐廳般那麼多，最後都揀左幾款試試😊😬⋯⋯點左： 京蔥沙嗲牛肉比高（封門柳）五香肉丁滑蛋花生醬多士籮柚泡芙啡滑啡立刻以為少少嘢 但其實份量都幾足，味道都不錯，很有創意的食品製作心思😊。有機會下次可再嚟🤭🤭

第一次學人寫食評，估唔到係劣評！見雜誌介紹，見一間兒時，經常幫襯嘅老字號，易手重開。諗住懷緬一下，食個早餐，誰知道會中大伏！價錢貴！選擇少！食物上枱時竟然係凍的！一個普通的公司燴通粉(價錢一啲都唔平)，都煮得難食過人😩，完全不能接受！從來未試過食兩啖就放棄☹️咖啡普通個唔普通！完全令人失望！令到大安茶聽蒙羞😤可能佢本身個定位唔係一間冰廳，以係一間Cafe，所以唔着重食物出品嘅質素！應該唔會有下次！

坐在大安茶冰廳能感受到新舊交融，產生出來的化學作用。 今日和朋友去品嚐一下他們推薦的舊式冰廳，門面、室內裝修都很懷舊，看到餐牌似曾相識但內容卻不一樣。牛面頰羅宋燴通粉，牛面頰肉質林滑，通粉被濃厚的羅宋湯包裏著，好滋味。Latte 有著淡淡的果香，幼滑順口，在茶餐廳飲到一杯拉花的咖啡感受有點不同。啡立刻（Horlick Coffee)完全冇諗過這個配搭，味道不錯，不常飲咖啡的人也可試試。焦糖蛋撻 樣子精美，味道不錯，以懷舊情懷 精緻食品來迎合新一代的顧客。

⋆⁺₊⋆.大安茶冰廳..去個日咁岩佢哋咖啡機壞左ㅠ所以無緣去試佢地嘅咖啡（sad) 懷舊冰室同cafe就見得多啦～以懷舊冰室為主題嘅cafe 就真係第一次見ㅋ.五香肉丁滑蛋花生醬多士/ 🥨🥨🥨🥨 / $62 /.呢個配搭簡直係無得輸ㅋ意外地全部野都好夾୧( "̮ )୨✧ᐦ̤.京蔥沙嗲牛肉比高（封門柳）/ 🥨🥨🥨🥨 / $72 /可能因為用封門柳去整所以牛味好重！而且加埋京蔥同沙嗲～同埋bagel 本身嘅外脆內軟( ˃᷄˶˶̫˶˂᷅ )讚！..⌫ 大安茶冰廳 (油麻地)油麻地廣東道830號地舖.#油麻地咔嚓#cafe咔嚓

這冰廳歷史悠久， 新老闆保留原有裝修的味道再加入新元素，難怪每天都有很多人排隊光顧兼打卡。先談飲品，叫咗似乎是鎮店之寶的啡立克及Latte，啡立克其實就係咖啡加好立克，味道不錯，不過如果你係想飲咖啡嘅話呢杯野應該唔合你心意，因為咖啡味好淡。Latte味道唔錯。佢有4款cake，我哋叫晒黎試。菠柚泡芙入面啲菠蘿同柚子食到新鮮嘅味道，d生果嘅汁無搞到個泡芙濕立立，難得。杏霜卷蛋嘅杏霜味好香，同件卷蛋嘅質感好夾，兩樣舊嘢走埋一齊變咗樣新東西，一d都唔夾硬。檸茶曲奇係淋淋地嗰種曲奇，食到中間檸檬味重啲，味道都唔錯，不過就似乎無乜茶味。焦糖蛋撻係4款之中唯一嘅熱點，蛋嘅部份做到香滑兼備，出餐前火槍燒一燒個面，唔會太燶。整體體驗唔錯，不過如果要排隊就唔係好值得。

大安茶冰廳好多年前已經開業 傳統味道十足隨住時間過去 好多舊式餐廳都結業保留落黎系珍貴嘅傳統特色大安茶冰廳搖身一變變咗cafe 賣系賣cafe嘅野食 環境仲系冰廳 話系cafe嘅食物，菜式名都充滿港式風味😆🍪 檸茶曲奇 $40檸茶就飲得多 配埋曲奇咁得意🤣大舊就夠大舊 檸茶味其實真系冇乜😹嗒到好真就食到啲檸檬味🍋味道都偏甜🤨🍍 蘿柚泡芙 $40即系菠蘿泡芙與其話系菠蘿 我覺得似蘋果粒多啲🍎裡面啲cream又幾多 本身泡芙冇乜味配埋似蘋果嘅菠蘿吾錯👍🏼🥚 焦糖蛋撻 $36蛋撻原本都系好傳統嘅港式小食變咗焦糖蛋撻又會系咩味道？表面有好多焦糖脆脆🤎蛋撻蛋香味幾濃 呢款比想像中好食😋☕️ 啡立刻 $44即系好立克加咖啡☕️組合幾特別 2種味道又幾match~叫咗2款鹹食 牛面頰羅宋燴通粉($98)同埋京蔥沙嗲牛肉比高(封門柳) $722款個樣都麻麻 相都冇影 味道更一般🙈牛面頰食得系戈兩三舊 其他好多筋🤨成舊水1份勁吾抵京蔥沙嗲牛肉bagel🥯好食啲 牛肉都吾算好多 洋蔥🧅份量仲多

有茶餐廳feel的coffee shop! 陳設裝修沿用大安茶冰室的感覺，不過就賣咖啡☕️蛋糕🍰曲奇🍪！焦糖蛋撻，流心焦糖醬，味道不錯！啡立刻，咖啡加Horlick, 有少少反而蓋了咖啡底。還有其他泡芙，曲奇，比高包，要下次試吓！

返工返咗成個星期，終於到咗星期日，可以回回氣🤩 大約2pm來到大安茶冰廳，有條短人龍，還掂朋友未到，咁我就排住隊先啦，等咗around 30mins 終於入得去啦🥲 我未去過呢間coffee shop嘅前身，不過睇佢嘅裝修同食物都知係主打懷舊情懷結合新派味道，話題性十足，門面一大幅牆身保留咗舊式茶餐廳擺放蛋撻、麵包嗰d包點暖箱，而家就用嚟擺甜品、蛋糕等等。店內就以卡位為主，唔似舊式茶餐廳嘅就係環境乾淨😆 好事來的👍🏻 嘢食同嘢飲選擇都唔多，我哋3個人order咗一杯Hot Latte、一杯Flat White、一杯Iced Coffee Now、一個Almond Egg Roll、一個Caramel Egg Taft、一個Bagel Toast with 奶醬、一塊OT Cookie，差唔多order晒成間餐廳嘅甜品😂選擇較少，價錢亦偏貴，咁就要睇吓味道值品值呢個價啦🤨🤨🤨 Flat White 肥威☕️ $38咖啡味道唔香濃，好普通嘅一杯咖啡，不推薦。 Iced Coffee Now (Horlick Coffee) 啡立刻☕️ $48面頭鋪滿胚芽，飲落幾得意，Horlick嘅甜味混合

星期六下午2:4x去到排隊差唔多到3:2x ，就有得入去食，比想像中快，2個人叫左杏霜卷蛋，檸檬茶曲奇，菠蘿泡芙，牛肉通心粉，凍檸啡&啡立克味道都幾好食😋正常味😁

正所謂窮則變變則通，只要有思考就有創意。這家冰室在油麻地都屹立數拾載，時間巨輪停不下留不來，要改變就要活化，舊瓶新酒改革後人就來了！這天的下午我也來揍一揍熱鬧。🍴原味比高🥯 $24配美式咖啡$32🥯喜歡食比高是哪種獨有煙韌口感，每一口都充滿麵團的味道。☕️甘甜順滑口感厚實，回甘味長是我喜歡的咖啡。🍴京蔥沙嗲牛肉比高🥯 $72牛肉非常軟嫩滿嘴濃濃的牛肉味，配上京蔥帶出另一番惹味。☕️Latte $38一杯充滿藝術的作品，既可喝也可欣賞相當治癒。