大安茶冰廳

营业中

休息中

油麻地有趣懷舊茶餐廳feel cafe ☕️新cafe勁懷舊feel，打造成茶餐廳嘅cafe 好有gimmick 🤩 有唔少fushion野，幾有趣,有唔少懷舊又加啲西式fushion 甜品，手寫單so cute 🥰 連伙記嘅服裝都勁有茶記feel___ ___ ___ ___ ___ ___ ___ ✨啡立刻 $44 以好立克base嘅latte, 味道有啲似oatmilk latte,又有啲胚芽嘅味道，新嘗試！✨阿美 americano $32 豆種偏中焙，味道較濃✨apple pie 阿婆批 $36 雞批樣嘅apple pie 🥧 so vintage ，曲奇批皮脆jeng,個裝好味😋，但略嫌入面啲提子乾唔太夾蘋果批

陪伴左油麻地街坊逾50年既「大安茶冰廳」上年靜悄悄結業後，原來係有新搞作， 最近轉型做cafe，以全新面貌同大家見面門面保留返已往茶記既模樣，入面既裝修亦都以懷舊茶記為主調，但水吧就多了部cafe不可缺少既專業咖啡機，真係新派 x 懷舊既fusion啡立刻當好立刻遇上咖啡，真係一款非常特別既飲品，正正係茶記同咖啡店既融合可惜味道真係不似預期，無論好立刻定咖啡味都好淡，真係頭幾啖飲到咖啡味，之後成杯都係好淡既好立刻味，失望檸蜜傳統茶記飲品，微微既蜂蜜，整杯都好清，但價錢就變左cafe既價錢檸茶曲奇又係玩茶記cafe crossover，係軟身既曲奇，雖然個樣唔多靚仔，但茶味都幾出，再加埋面塊檸檬，真係好有檸茶既味道Cafe同茶記crossover係幾有諗頭，但可惜食物同咖啡既質素都未如理想，cafe既價錢，茶記既質素，Gimmick呢樣野真係過眼雲煙，香港人好現實，唔好食唔會再幫襯

我本身未喺到寫過食評但係今次真係忍唔住要寫一次，當係警世文。佢開張嘅頭一兩日試過：大伏。個檸茶曲奇無檸檬味，想嗌杯dirty外賣飲但係個侍應話唔可以所以我求其嗌咗杯iced latte，點知飲落去嗰浸味似係over roast，炒燶咖啡豆嘅苦味，飲咗半杯都無就寧願返屋企自己沖嚟飲算。 嗌咗兩樣好簡單嘅野，點知差不多等咗二十分鐘，仲要三催四請先有，嗰陣裡面係未坐滿人嘅所以我唔見得點解要等咁耐。裝修又唔算係靚，唔見得點解咁多KOL覺得佢咁IGable。今次我當豪比佢，絕對無下次。

📍 #大安茶氷廳呢間一定要去! 好欣慰最近終於搵到間好滿意嘅Cafe啦💛#試食小日記🗒 我哋3點去到係冇乜人嘅，排咗2個位就到我哋啦，建議一定要坐卡位先有好照片😂入面嘅店員好有禮貌好好人，大讚～試咗檸啡同主打嘅「啡立刻」，檸啡略嫌偏淡味道還好，「啡立刻」係非常有驚喜，估唔到好立克咖啡兩樣嘢會咁夾，唔會好甜啡味又夠濃，首推呢個！另外杏霜卷蛋都好出色，杏霜同想像中一樣係好香，夾落卷蛋度冇違和感～檸茶曲奇都好特別，呢個比較甜少少，入面有啲果乾粒味道好舒服，都係好食嘅！一開始都抱住人氣都唔代表好味嘅心態嚟試，但整體係好驚喜～店員話4月頭開始有鹹食啦，我會再嚟㗎٩(˃̶͈̀௰˂̶͈́)و

當初想來完全係因為 KOL@samishome 餐廳嘅懷舊風格同創新既食物組成強烈對比係吸引嘅哇。我仲記得當日排隊差唔多一個鐘唉。呢一個鐘很後悔。肚餓。凍。仲有少少雨其實嗰日都有少少唔好彩 坐咗個風口位 無論係咖啡定係嘢食 上咗枱冇幾耐就凍哂😥所以坐左15-20分鐘左右就閃咗 好鬼凍🥶Menu上既野食全部都甜既 對我黎講太甜太漏啦👋🏻🙅🏻‍♀️1. 奶醬貝果🥯 (呢個算好食但凍既)2. 焦糖蛋撻 (if少甜加少暖會更好)3. 蘿油泡芙 (夾心係好傳統既奶油加菠蘿)4. 阿婆批 (蘋果撻)At the end 剩係得個Bagel食得哂 😬食完之後。朋友們呢一刻話好想食個沙嗲牛麵😂Any肥。如果唔使排隊嘅話可以去飲杯咖啡☕️👌🏻又或者。買外賣就唔使點排隊😙

假期想試新餐廳，就去了早前某報道介紹的餐廳。可能是早上，唔使排隊，還有很多坐位隨便坐，餐牌全日都是1個，咸點只有1個通粉，1個三文治，我們也只能點了1碟牛腩通粉，1件五香肉丁炒蛋花生醬多士，1杯啡立刻，等了15分鐘，通粉來了，牛腩有4塊，硬得咬不開，只能吐出來，還收$98。由於冷氣太凍，到飲啡立刻時已經變成凍飲。炒蛋還好，可能是有五香肉丁。食客有9個，但職員卻有7個，所以不停地在廚房旁邊打牙鉸。名過於實，給報道騙了。

其實我不知道大安已易手，今天看完中醫路過，以為只是表面裝修，行近門口發現舖頭換上一班年輕人，內裡好像在做攝影訪問，然後有個女生上前說今日餐廳只提供3款熱食，有點餓的我，心想支持下一班年輕人啦，所以沒有看價錢就入去。坐下來才發現意粉是$98，okay, 支持下年輕人啦都坐低坐囉。落了order繼續閱讀個餐牌，原來是一間文青咖啡店，主打輕食。等了15分鐘，我和朋友叫的牛面頰羅宋燴通粉終於到，然後個店員和我們說，餐具和水要自己去櫃面取！嗯！！！牛面頰羅宋燴通粉味道勉強可以，因為唔夠味，個牛面頰堅韌到一個點，我咀嚼好耐仍然咬不開。$98一碟通粉不應該是這個質素。埋單走人的時候，我們企在櫃面等了良久都沒有人來收錢，但店內其實沒有太多顧客，有個店員見到我們在等也沒有反應，我最後唯有大叫收錢啊！明明身處一間在茶餐廳，但實情是幫襯緊一間文青咖啡店，店員還是沒經驗的，感覺非常搵笨！請不要將懷舊標本化！

53年歷史的大安茶冰廳因店主移民 由年青人接手 保留部份舊店原貌包括卡座位、招牌 、「歡迎光臨」牌子、牆上的菜牌及掛鐘經過嘅街坊都會望多兩眼提供精品咖啡 甜品 蛋撻早前加入四款熱食 有燴通粉 沙嗲牛肉bagel雞卷撈丁 五香肉丁多士.#檸茶曲奇 $42推薦✨🍪好好食😋茶味嘅曲奇成日都食 今次融合港式元素 檸茶外脆內軟 仲有果肉！好香紅茶味.#啡立刻 $44即係好立刻+咖啡☕️由第一啖飲到後面 味道平均一路都飲到horlicks嘅味 有創意之餘 都幾夾.#五香肉丁滑蛋花生醬多士 $62全新嘅配搭 有新鮮感 試一次咁多😝如果唔落花生醬 沙律菜同番茄 應該會好啲

油麻地50年老字號「大安茶冰廳」今年易手重開！新一代接班人將佢改頭換面，由裝修去到店員穿著，裡裡外外每個細節都展現緊「懷舊復古」嘅姿態，門面就落足心機喇，但老字號嘅風味又留唔留得住呢？ 🤨《 杏霜卷蛋 》 $28 2 / 5賣相靚仔，卷蛋口感濕潤，不過太多𝘊𝘳𝘦𝘢𝘮變左入口實的的感覺好𝘏𝘦𝘢𝘷𝘺同油膩，杏霜𝘊𝘳𝘦𝘢𝘮略厭有點死甜，質素好一般，仲盛惠廿八大洋 💸 最不解係我哋食剩三份一個放埋一邊，店員問都冇問就直接拎走咗，雖然睇落都似唔會再食，但都應該問聲呀……《 牛面頰羅宋燴通粉 》$98 1 / 5成碟嘢除咗「鹹」都食唔到其他味，好似錯手放多咗好多鹽咁🤢 真係要食一啖飲勁多啖水…… 牛肉冇鮮味，咬落似擦膠勁多筋，重點係上菜速度奇慢！完全對唔住個價錢😓《 京蔥沙嗲牛肉比高 》 $72 2 / 5等最耐係呢個，起碼20分鐘，雖然沙嗲牛肉本身就濃味，但哩個調味又係誇張地鹹😵‍💫 牛肉用上封門柳，好矜貴所以比得三片🥲 其餘係洋蔥同菇，仲有看似花巧加上去嘅檸檬碎，味道係格格不入😵‍💫 唯一比較好係𝘉𝘢𝘨𝘦𝘭有嚼勁，外層夠脆🥯總括黎講，今次嘅用餐體驗認真麻麻😖 一間餐廳如果淨係花錢花心機係

跨越50年的歷史，見證時代的變遷，大安茶氷廳由傳統冰室脫變為煥然一新的咖啡廳，不僅保留了昔日冰廳的裝潢，亦將新元素注入傳統老味道。氷廳將經典的玻璃櫃翻新，放入新穎的點心甜點，別具一番懷舊風味。 星期五下午到訪，有數名客人排隊，部分點心如焦糖蛋撻、杏霜卷蛋等經已售罄，便點了其他甜點:❣️菠蘿泡芙Pineapple puff🧁❣️阿婆批Apple pie🥧❣️檸檬荼曲奇OT cookie🍪❣️鮮奶咖啡/凍抹茶鮮奶 Latte/Iced matcha latte☕️當中推介檸檬茶曲奇，港式經典味道與曲奇相互融合，帶出耳目一新的味道。 📍大安茶氷廳地址: 油麻地廣東道830號地舖

警世文🚫🚫🚫最近應該有好多人想去依間coffee shop打卡但小編同一眾朋友都同意唔推薦依間比大家原因係嘢食質素有啲低基本可以話影完個靚相就可以走🤯欣賞店主保留具香港特色嘅裝修擺設但同時亦希望可以改善下食物水準質素-#檸啡 $42一入口酸到不得了🤭連咖啡味都飲唔到個青檸好似浸咗喺啲啡到好耐每飲一啖都好衝擊最後小編飲咗一啖就想棄依杯評分：0/10-#蘿柚泡芙 $40個人認為個cream唔滑菠蘿粒尚算甜評分：3/10-#焦糖蛋撻 $36焦糖蛋撻味道不過不失大細同普通蛋撻一樣但以依個價錢嚟講真心一般評分：5/10-大安茶冰廳 油麻地廣東道830號地舖

週年紀念本來諗住早D起身已經諗左去邊樹開餐點知老公D上司唔通氣騷擾左成個朝頭早嬲到冇晒行程，原本想去食午餐嘅餐廳都冇啦☹️肚餓到一個點，一落樓下就要食下午茶老公話附近新開左一間Cafe試吓我已經嬲到面無表情😑好彩間餐廳都只係排咗5分鐘心情唔好所以全部都係揀啲甜嘢唔知係咪心情唔好，又肚餓所以我覺得三樣甜品都好好味我覺得嗰個泡芙係最好味，佢個面好似菠蘿包咁，但係入邊係泡芙質地雖然係偏甜，不過對於我個刻個心情唔好，呢一個甜到可以掩蓋我嘅生氣😂老公最怕就係杏霜，見到個卷蛋咁特別即刻想逼佢食懲罰下佢😏老公就覺得嗰個檸檬曲奇最好食我都覺得幾好味佢個質感似Brownie見到啲嘢飲咁貴我哋就嗌咗一杯share總括嚟講情侶拍拖都幾好呀不過就冇試鹹點唔知係點

I love cha chan tengs and I love coffee. I knew it would be gimmicky. I knew it would be all about the gram. But I really really love cha chan tengs so this was a gimmick I knew I would fall or. No shame and no regrets!I visited 大安茶冰廳 on a weekday so it was pretty empty. First impressions - wow, they've really tried to keep the original vibe and decor, which I appreciate. They've redone the place a little to give it a clean and new look without sacrificing the original design or decor (at least

今日去了吃午餐。。有些食品買曬，選擇不多。。cookie是好食味道一流，咖啡有迴香。。值得一讚！！通粉方面開頭吃是好味。。但越食味覺開始感覺越濃多了些。大家可以一試

This place has VERY slow service. The cake was dry. The matcha latte had a lot of powder lumps inside. Beware you have to wait over 20 mins for the egg tart. It would be nice if the employees mentioned it when ordering. When they service you the food they don't even mention that you have to go up to the counter to get your own cutlery. They expect you to know as a first time customer. Yes this place is "instagrammable" but I dont recommend it for the food. Poor service overall.