大少燒味茶餐廳

营业中

休息中

🌟大少燒味茶餐廳（大埔）近近地買左呢間燒味黎試吓 等緊期間都見到好多客外賣 睇黎都幾有人氣🌟叉燒（例牌）外賣翻屋企仲係熱辣辣，叉燒份量足 夠軟腍唔會好柴 蜜味夠 個人好中意食叉燒覺得幾出色🌟燒鴨(例牌）無鴨騷味 鴨皮都脆口 點埋酸梅醬食真係好正🌟燒肉（例牌）食燒肉最中意佢個皮夠脆卜卜 份量都好足 ～🌟大少潛艇覺得幾特別所以叫埋黎試下😆入面夾住叉燒同煎蛋仲有芝士🧀超吸引面包夠鬆軟仲要搽左牛油 好邪惡🌟凍奶茶呢杯奶茶茶底幾濃同飲落好滑 唔錯👍🏻呢到嘅燒味飯都好抵食😚下次同朋友想食燒味都會再黎呢到食🥰

大少係大埔街坊斬料首選咁受街坊歡迎的原因不外乎平同好味中午買燒味飯$35就有交易呢個年代黎講真係性價比之選👍🏻今日週末就去買燒味番屋企加餸😋.🫧玫瑰豉油雞 $140豉油雞以特製醬汁醃製雞肉鮮嫩多汁色澤誘人😍大大隻肉量多 .🫧海蜇燻蹄 例牌 $88海蜇燻蹄口感獨特海蜇清脆 燻蹄則帶有濃郁的煙燻風味加埋啲靈魂酸汁 味道勁開胃🤤.🫧大少叉燒 例牌 $88叉燒燒至外表微焦內嫩 甜中帶鹹的味道令人忍唔住一口接一口.🫧大少潛艇 $40充滿創意的潛艇有雞蛋🥚·芝士🧀·同大大舊叉燒芝士半溶的狀態真係好誘人一咬落去啲蜜汁湧出黎 熱辣辣食好滿足🤪🤪

中秋節快樂 團年飯尋晚提早慶祝中秋節 食團年飯😆咁多人緊喺要斬料加餸😈 經過呢間燒味店 見咁多人買外賣同堂食 又湊熱鬧買啲外賣🥡🔆乳豬其中一款經典燒味 乳豬外層香脆且肉質嫩滑，一用刀斬就會聽到切豬皮嘅鬆脆聲睇到乳豬皮外皮燒得脆脆的 拎到返屋企偷食咗一口 仲喺熱熱地 脆脆的 油脂唔多，點埋乳豬醬同砂糖，鹹鹹甜甜又酥香。🔆叉燒算喺肥瘦均勻 蜜汁叉燒外皮被蜜汁包裹內裡鬆軟多汁 微焦外皮 入口香甜 肉味濃郁🔆乳鴿師傅話食先切呢隻乳鴿 所以外賣返到屋企先切開 食得出乳鴿有醃過 乳鴿都算有肉地 擺咗一陣 都仲食到皮脆脆的🔆大少潛艇因為冇食晏晝嘅關係 我哋叫咗個潛艇🤣個潛艇入邊有芝士、蛋、叉燒 攞到返屋企仲係暖笠笠 溶咗嘅芝士撈埋叉燒蛋好好味呀📍 大少燒味茶餐廳 (大埔)大埔大明里23-39號金福樓地下B號舖

晚餐懶得煮飯就會去買燒味外賣~經過大少燒味就叫佢哋嘅招牌大少潛艇🥖加燒味外賣~當然要叫埋海蜇燻蹄👍🏻★豉油雞(半隻) ★豉油雞的外皮色澤金黃，散發著誘人的香氣。雞肉鮮嫩多汁，搭配特製的豉油醬，味道恰到好處，鹹香中帶有一絲甜味。★叉燒 (例牌)★叉燒的色澤紅亮，肉質柔嫩，甜中帶鹹的醬汁滲透每一塊肉。★海蜇燻蹄 (例牌) ★海蜇清脆，燻蹄口感柔軟。沾點醋汁，好開胃。★大少潛艇★大少潛艇絕對係重點推介！熱狗包夾住叉燒、煎蛋、芝士，口感豐富，味道濃郁。搭配美味，相當滿足。【大少燒味茶餐廳】📌大埔大明里23-39號金福樓地下B號舖

星期三難得去大埔，順便去大少燒味茶餐廳斬料外賣返屋企。燒肉貴妃雞雙拼飯燒肉有鹹香味，燒肉皮幾脆，貴妃雞都算濃味，仲有兩條菜心。叉燒玫瑰豉油雞雙拼飯叫左走薑蓉，叉燒唔肥，但又唔會鞋口，豉油雞幾嫩滑，白飯索晒啲雞油食好正。大少例牌燒鵝 (指定下庄) 叫左下庄，成隻燒鵝髀切到好靚仔甘擺係面，燒鵝皮夠脆，肉質嫩滑，蘸酸梅醬最正。大少潛艇係熱狗包夾住叉燒、煎蛋、芝士，唔係一般既夾熱狗腸，幾特別，夾住叉燒就多左d咬口。

#過時過節 食飯最方便緊係買燒味加餸，大少係大埔區內幾受歡迎嘅燒味茶餐廳，午市外賣雙拼飯都係$35，抵食👍🏾燒味款式有乳豬、燒鵝、燒肉等，當然唔少得個人最愛嘅叉燒！「大少潛艇」啱晒叉燒控，裡面有叉燒、煎蛋🍳同芝士🧀配搭中西合璧，下午茶時間配杯奶茶都幾嘆☕️另外叉燒例牌份量俾得好足，切得厚身有口感，半肥瘦叉燒軟腍有肉香，少少肥肉加上蜜汁甜甜哋，淨食定送飯都好正油雞皮爽肉嫩，雞皮甜甜哋薄薄一層，連皮食都唔油膩，肉質滑嫩，配上薑蓉更加滋味🥳

這間就在大埔墟街市附近，附近也有挺多燒味檔的，不過就只有他有堂吃，但價錢比起其他店會貴一點，不過有質素，難怪經常看到要排隊！燒鵝燒鵝是下庄，大大隻燒鵝腿，吃起來肉質挺嫩又有彈性，而且燒鵝皮很脆，鵝味很濃，吃的時候沾上燒鵝汁就很夠味了，配酸梅醬就解膩。燒鴨特別叫了留腿，整隻拿著來吃非常過癮，而且吃得出鴨肉很新鮮，肉質不會發梅，很有彈性，也沒有鴨騷味，醃得也很入味！燒鴨皮也保持到脆度！叉燒潛艇（40元）這個來到店員特別介紹，配上大大件的叉燒，煎蛋和芝士，用麵包夾住，就是一個中式漢堡包的感覺，叉燒肉質鬆化，蜜汁味香甜，配上香濃的芝士和蛋，味道挺不錯油雞腿肉質非常嫩滑，而且醬油味很濃，肉很多，挺有驚喜的！

呢度既燒味靚過酒樓多多聲🔥大埔人行返大埔墟大明里呢頭搵食一定要試🥢今次我地兩個人食lunch～叫左咁多野都只係大約 $300🥵分量多到要打包🤭🤭🤭🤭1️⃣例牌叉燒 🐽2️⃣例牌乳豬 🐗3️⃣大少潛艇 🚤4️⃣淨瀨粉🍜呢度既叉燒同乳豬真係一流 半肥瘦 完全唔鞋 有豬味😝個乳豬更加不得了 大大件 塊皮超級香脆 仲要都幾熱👏🏻優質茶記👍🏻 我地自製雙併燒味瀨 超正✨

❣︎ 大少燒味價錢大眾化🤩燒味可以單買或配飯配飯$35仲送埋例湯 呢個價錢超值👍🏻燒味款式齊全🫶🏼今次單買外賣加料🥡♡⋯⋯食評⋯⋯♡ ☻ 4.5/5 ✨ 乳豬例牌 乳豬皮酥肉嫩 啲皮咬落去好脆口 口感豐富搭配上乳豬醬汁 香味四溢✨ 叉燒例牌 叉燒厚切 蜜汁晶凝通透 望落都增加食慾肉質鮮嫩 醬汁的甜味均勻地滲透進每一塊肉中 正✨ 大少潛艇 鬆軟的熱狗包🌭包裹著雞蛋·叉燒和芝士咬下去的瞬間 感覺到蛋香和叉燒的甜味交織都幾有創意🤪

同男朋友假期留喺屋企休息夜晚諗唔到食咩 就去咗大埔街市附近行吓 見到呢間燒味店門口嘅燒味好吸引 而且源源不絕咁排隊 裏面都坐滿滿晒 好似好吸引 即刻買返個外賣上車試吓先 叫咗幾款店員話必食嘅燒味有我最鍾意嘅燒鵝髀 都係唔使$100食落去肉汁滿滿 而且個皮好香嫩 油脂感十足我哋兩個share啱啱好再叫多咗個乳豬飯兩個人一齊share 乳豬咬落去香口卜卜脆 肉嫩無比 仲有啲可以食到嘅軟骨 咬落去唔會好油👍🏻👍🏻見到佢嘅叉燒好似好吸引 就叫咗呢個梅頭叉燒蜜汁香濃 燒到油香四溢男朋友唔夠喉仲叫咗個大潛艇口感好豐富 而且好多配料 必食之選！

經過呢間「大少燒味茶餐廳」好多次，見好多人喺門口等外賣，所以上星期我都去果度買燒味返去加餸！喺大埔想食乳豬都比較麻煩，通常都要至少要訂半隻，但見呢度有例牌，所以試吓！一打開已經好吸引，因為望落無肥膏。一咬落去「索」一聲，真係好香脆！盒內裝咗2層，其他燒味店通常面果層又靚又脆，壓住果層就比唔靚唔脆嘅，但大少嘅真係2層都香脆，下次再想食乳豬會返轉頭去呢度買。另外，再買咗盒叉燒，屬於比較瘦嘅部分，入口都惹味，如果蜜汁再多少少更佳。店員介紹我食「大少潛艇」，話係類似熱狗嘅包，見個名咁得意，叫咗個試吓。返到屋企打開，真係一個熱狗嚟，但內裏夾嘅唔係腸，而係叉燒！！個包哄過暖暖地幾香同煙韌，內裏夾住叉燒、芝士同煎蛋，大大件，份量好足，幾特別，味道都不錯，女士 lunch time 食一個已經夠飽。

大明里幾高質嘅燒味店，燒味款式有燒鵝、燒鴨、乳豬等可以單買可以配飯，午市外賣飯盒$35有交易，價錢親民，有飯有麵，所有鍾意食嘅都有齊，而且有奶茶咖啡啱晒我☕️叉燒夠厚切，望落已經好加分，肥瘦均勻，口感軟腍帶點油脂香，少少肥肉加上蜜糖香甜，成件事好完美乳豬例牌份量都好足，薄薄一層乳豬皮，口感香脆唔油膩，肉質嫩滑，做到皮脆肉嫩大少潛艇以鬆軟麵包配叉燒、煎蛋同芝士🧀味道鹹鹹甜甜，芝士係半熔㗎，好有誠意👍🏾唔食飯食呢個都好飽肚

這天下午茶時段，路過位於大埔的大少燒味茶餐廳。點了一客大少潛艇，當中最突出的是以肥美叉燒做餡料，外層是香軟麵包，如果覺得叉燒瀨或其他粉面組合未夠新意的話，可以試一試這嶄新的大少潛艇呢。此外，還帶了一份例牌叉燒和一份例牌乳豬回家加餸。叉燒肉質柔嫩多汁，帶有恰到好處的油脂；表皮焦酥，酸甜鹹味的複雜口感令人回味無窮。乳豬外表金黃酥脆，內裡肉質嫩滑多汁；皮脆肉嫩，豬油恰到好處，口感香濃可口；可按個人口味加入乳豬醬調節味道。

每次下午茶必定會走嚟食既大埔燒味茶餐廳，價錢性價比高又好食，燒鵝燒腩係我特別鍾意❤️，例湯又大大碗。要知道餐廳自己整燒味，真係係香港買少見少。最後一句，夠地道好食過iron man!

大埔多好嘢食係人都知，而廣福道附近，圍住大明里廣場一帶嘅餐廳更加係高手林立。呢日響大埔收工，跟手去親戚屋企食飯，諗起不如去大少燒味茶餐廳度斬啲料加餸啦。叫咗例牌嘅叉燒、乳豬同埋燒鴨，味道嗰啲我晏啲再分享，講一講啲題外話先。就係一定要讚吓餐廳入面嘅職員全部都好有禮貌，尤其是喺我等緊斬料果陣，都有三四位年長組嘅顧客買燒味外賣，但係收銀姐姐都好有耐性咁幫佢哋落單，非常抵讚！熟練嘅燒味師傅好快就幫我斬好哂啲燒味。我上到位親戚屋企，佢哋都話啲燒味個賣相好得。埋位食飯，「叉燒」有少少燶邊，半肥半瘦香氣四溢，食落去又夠肉味。「乳豬」脆皮鬆化，伴隨少少油脂嘅甘香，調味控制得好好，唔好太鹹或者太淡。「燒鴨」有肉汁，兼且唔會靭。都係非常之有水準。講真，燒味就梗係趁熱食最好味，下次再食嘅話，希望有時間堂食啦！