大山日本料理

营业中

休息中

食日本嘢有好多好地方 但想坐得舒服 旺角人多擠迫 唔係好多選擇。 今次我介紹呢個地方係上樓嘅 而且地點方便 座位舒適。星期五放工一上到去唔使等位 絕對係忙裏偷閒的選擇 最重要最重要價錢真係唔係貴。食物質素最實際首先叫咗條大件夾抵食的加州卷， 加州卷 用上日本米 飯粒好好味 用了好。 大大件 好咬口 兩個人食一條都半 飽。之後我哋就叫咗一條 牛油果軟殼蟹卷， 軟殼蟹脆卜卜 牛油果 好新鮮 牛油果的清甜 賠償軟殼蟹 味道恰當好處呢度服務員態度好好 地方整潔 值得推介

琴日同朋友去旺角行街，朋友話呢間餐廳裝修得好靚，好有日本feel，帶我去試下。餐廳環境真係幾好，我同朋友坐卡位，坐得好闊落。餐廳用咗不同顏色嘅燈籠去裝飾，好有日本嘅感覺。~~ 三文魚刺身三文魚好厚切，好新鮮。食落好香油脂味，口感同味道都一流。~~鰻魚卷鰻魚都算大片，加埋青瓜，玉子，蟹柳，同埋燒汁，味道超夾。~~照燒魷魚筒即叫即燒，等咗10分鐘左右，燒得好香。份量都算多，足足一條。食落好爽口，配埋個照燒汁，好惹味。~~德州雞皮餃子第一次食雞皮餃子，原來好好味。用雞皮當餃子皮用，雞皮食落脆卜卜。肉質嫩滑，好好味。

好耐冇食過壽司啦，喺旺角行開街搵到呢一間好日系嘅居酒居-大山日本料理佢不但之性價比高，食物都唔錯架，而且座位多數都係卡位，坐得好舒服😌店舖嘅裝飾好有日本feel，掛咗好多日式燈籠同壁畫，感覺好似去咗日本咁呀🤭壽司：蟹子軍艦，爽脆嘅蟹子，粒粒分明，識落好新鮮好爽口，正😍花之戀壽司味道不過不失，用料十足，餡料被兩塊長長嘅三文魚包圍住天婦羅壽司蝦天婦羅食落熱辣辣，好新鮮，食落爽口彈牙牛油果軟殼蟹卷壽司卷份量好多，而且舊舊足料，上面綠油油嘅牛油果食落軟林林，帶有淡淡牛油果香，再加上滿滿的沙律醬、蟹子同炸到脆口嘅軟殼蟹，呢個配搭一流！和風炸雞雞肉全部都係大大舊，食落脆卜卜，仲非常之Juice，滑嫩。配上滿滿的照燒醬汁、沙律醬同和風紫菜，食落真係好香口，好似食緊大阪燒咁正呀😍😍😍總括嚟講，價錢親民服務一流，會再幫襯😍

今日又同女朋友去食好西 今次都係食日本菜 🤣🤣🤣是不而遲 同大家介紹下今日食左D乜一開始就叫左『三文魚腩刺身』魚脂味都幾出 唔錯『油甘魚腩壽司』同上 可以一試 係會比㠮日通油甘魚多左陣魚油魚脂味 就好似升左個Lever咁『海膽刺身（細版）』好新鮮 一D都唔腥 加埋脆卜卜既紫菜 簡直係冇得輸『醬油七味燒左口魚邊壽司』我真係好鐘意食左口魚邊 冇乜食過邊間係難食 呢間都唔例外 非常好食 左口魚邊亦都係油脂比較多 做壽司就岩晒跟住黎左個『三文魚明太子串』之前未試過咁食 覺得出奇地夾 三文魚本身偏淡 但加埋鹹鹹地既明太子 味道岩岩好 『德島雞皮餃子』外皮煎得好脆，好香 餡料又多肉汁 伊之棒👍👍👍最後叫左個『蟹籽海膽炒飯』飯底本身炒得好香 海膽份量都好足夠 加埋蟹籽既脆卜卜好感 另到我每啖入口都好有新鮮感 好滿足最後最後叫多左個『吉列黑豚』廚房炸野係有一手 外層非常脆 但脆之餘亦都做到好多最後補多句 上次速度好快 係我見過日本野最快 🤣🤣🤣

照燒魷魚筒$88 一食落去，照燒醬嘅味道好突出，佢比起出邊嘅照燒醬更甜。魷魚筒煮得好好，食落去唔會韌同埋唔煮得過長而乾。個醬嘅太稀同埋太結度都教得好好，每一啖魷魚都黐到呢醬食。火炙豚肉拉麵$78 豚肉片整得好琳，而且上邊燒咗一次先擺落個湯度食。所以食落去好香又有一種灼燒味。拉麵好q彈，唔會太淋。而且湯底好啱我食，唔會好似出邊其他嘅拉麵咁樣太鹹。火炙厚切三文魚腩壽司$22三文魚腩一食落去啲魚油喺口腔到爆炸。有火燒過嘅三文魚腩表面好香，三文魚油嘅甘香燒完之後更加突出咁樣同個壽司飯團配搭起嚟。食完之後三文魚油嘅甘香味道仲喺口腔裏面徘徊。火炙大吞拿魚腩壽司$58 燒過嘅吞拿魚唔係燒到全熟只不過係表面熟咗少少，所以咬幾啖之後就食到裏邊吞拿魚腩嘅刺身。有埋海膽醬喺上邊令到個鮮味更上一層樓，海膽嘅鮮味同吞拿魚嘅甘香夾埋一齊好夾。現燒火炙薄燒A5和牛壽司$78火燒味嘅嗰一種灼燒同牛肉一齊食多咗一份風味。薄切牛肉就夠啦好食嘅話就唔會太暗同埋搶咗風頭。和牛壽司嘅牛味都係出，同甜甜地嘅燒肉醬一齊食好夾。三色魚生飯$88入面有三文魚，吞拿魚，油甘魚同埋燒左大山字眼嘅玉子蛋。魚生飯啲魚生係厚切，啖啖甘香魚油，好

位於旺角鬧市，地點算幾方便。天氣太熱唔想周圍搵食，所以就貪方便試吓。睇餐牌食物價錢都幾抵，Set lunch平均一個都係七八十蚊。其實見咁平反而有啲擔心，因為日本嘢都驚唔新鮮。刺身拼盤配飯 - $88有湯有前菜有甜品，刺身一定唔算好高質，但食落係冰凍嘅都ok。甜蝦比較細隻，但帶子幾唔錯。其他刺身尚可接受。.照燒雞烏冬 - 跟餐兩舊壽司，豬骨湯底略嫌味精味太重，偏鹹。照燒雞味道都香。.海膽 - 嚟到見到顏色都已經知道賴野偏黑，唔鮮甜，紫菜淋晒，只係未算好苦到食唔到。

喺疫情之下冇得去日本，又好掛住啲魚生，喺旺角兆萬中心對面一樓，因為係落地玻璃，又見到啲燈籠，10分養眼，所以上嚟試吓。呢度用好多唔同顏色嘅燈籠做裝飾，好有居酒屋嘅感覺。三文魚籽刺身 $88佢將碟三文魚籽放埋喺碟魚生拼盤度，擺埋一齊好靚。我頂級鍾意三文魚籽，鍾意佢脹卜卜，油分充足，擺喺個口入邊有爆油嘅感覺。呢度啲三文魚籽都好新鮮，大羹擺喺個口度，好震撼！刺身拼盤 （松）$248油甘魚，真係好肥美，好多油脂，唔知係咪特別新鮮，覺得呢度啲油甘魚獨特有魚香味，真係特別好味😋吞拿魚，出面食嘅吞拿魚好多時都有筋，但係呢度冇，都係好肥美，有啲喺日本食吞拿魚嘅感覺。蝦亦都好新鮮，蝦肉好彈牙，我連蝦頭都啜埋，嗰啲蝦膏好甘香，like👍🏼用紫菜包住啲海膽嚟食，海膽嗰種黏口同甘香，真係冇得頂。🤤蕎麥冷麵配日本醬油 $58蕎麥麵清爽又夠凍，冷面汁有堅魚味。😋三文魚明太子串 $38明太子醬，放在三文魚上面，明太子嘅鹹香，配埋燒香的三文魚，味道好夾。燃燒厚切牛舌串$38牛舌燒得甘香， 爽口，又唔會韌。

尋日趕住去中環幫朋友求婚，唯有快速食壽司串燒填肚。除咗基本嘅三文魚，吞拿魚，油甘魚之外，呢啲specials都好食😋鹽燒七味左口魚 $18左口魚燒完之後油脂都幾豐富👍🏼 上碟已經聞到香味😌火炙黑松露帶子 $22帶子加上黑松露，火槍燒過之後有種獨特嘅香味～ 帶子本身清甜，配搭黑松露濃少少的味道都幾夾～就算唔使點豉油都夠味。串燒類都係即叫即燒，都幾正。同埋全部都會有檸檬切角 🍋就可以有得揀食得Refresh 啲。牛舌 $38　　我特別中意牛舌～ 口感QQ彈牙之餘，而且肉味濃（可能係因為海鹽？）但好味就係真嘅😋雞軟骨 $38 就已經有兩串～ 都可以一食～ 正常水準發揮燒多春魚上碟即上食，就溫度啱啱好夠保留鮮味。多春魚原條可以㚒得起，唔會散開晒一舊一舊。

唔知大家有無聽過人講，兆萬個頭既餐廳都一定係伏既理論呢？估唔到個頭都有高質既餐廳～呢間店係兆萬對面，裝修好日式居酒屋feel，座位闊落，最埋三五知己一齊gathering 😆 蟹籽海膽炒飯 $128炒飯要好食一定要炒得夠乾身，呢間餐廳啲炒飯就夠晒乾身，粒粒分明，夠晒鑊氣阿！海膽唔腥，好creamy😋 再撈埋啲咬落口會有「卜」一聲蟹籽，口感超豐富👍🏻 牛油果軟殼蟹卷 $78啲沙律醬好似唔洗錢咁吱落去😂😂蟹籽分量都好多！成個卷feel到好新鮮，因為啲軟殼蟹仲暖架🤣 鐵板牛柳 $88本身以為會好油，但食落口又唔係喎，洋蔥中和左個油膩感，同時增加左口感，正！但咸左少少🤏不過呢道菜一向都係偏重口味既，所以可以接受。 帶子刺身 $68@4粒活赤貝刺身 $48@1隻帶子刺身好大粒，食落都算新鮮，唔會有好大浸雪藏味，活赤貝好爽口，好鍾意食呢類食落「sharp sharp」聲既貝類😛

呢間係近日去既第2間既日本餐廳，藍妹覺得成個感覺都好唔同。呢間入到去即刻有位，雖然未夠7點，但都已經有人係到食緊，感覺都旺場。2個人坐哂4人卡位，好寬敞，坐得舒服。雖然環境偏暗，但頭頂有一盞燈照住，整體氣氛都唔錯。👏野食種類唔算好多，正常日本餐廳有既野佢都有，佢仲有我燒和牛同和牛鍋，不過果日比較想食其他野，如果下次再黎，會試下個和牛。野食黎得超快，係超快！基本上係10分鐘內，下面見到既所有野都已經上哂枱。😱—● 蟹籽海膽炒飯 ● 炒得幾好，唔會太油，食到海膽既味道，蟹籽增添左口感，藍妹覺得如果再乾身啲會更好。—● 三文魚明太子串 ● 呢個有啲驚喜，三文魚燒到岩岩好，唔乾，魚油夾埋有啲辛口既明太子，正好中和左油膩感，幾啖已經食哂落肚。—● 德島雞皮餃子 ●雞皮餃子好難伏，最緊要皮薄，炸得好。呢個薄皮炸到勁酥脆，食到lam lam脷。🤭略嫌裡面既肉唔夠多，不過藍妹估都係來貨，唔係自己整。🤔—● 吉列黑豚 ●呢個不得不讚！🥰上左枱一陣我地先食既，但依然好脆，佢既炸粉好好，唔係脆到硬果種，係似天婦羅咁，有啲酥脆，絕對唔杉嘴。豬扒炸到剛好，仲保留到肉汁，肉質唔鞋。🤤🤤—● 油甘魚腩壽司 / 醬油

晚上下班去油麻地逛街隨意找的一間樓上日式料理，因為去的時候還比較早，可以坐係卡位又可以欣賞到出面的街道風景，裝飾好溫馨好有日本feel，服務員態度都好nice。我哋兩個女仔食得唔多，不過因為價錢幾實惠都叫左五件。三文魚卷同軟殼蟹牛油果卷材料新鮮，口味都幾好，性價比非常高，但係如果三文魚卷上沙律醬再多少少就好啦～本人比較鍾意甜少少，雞軟骨上檯時還是熱的，真係好香脆，唔係好油，味道淡d，不過點一點醬油就啱啱好，明太子雞翼都係第一次嘗試，入面係有少少辣，因為都係新鮮煮起，外皮都好香，肉好嫩滑，肉質一d都唔柴。總體來講性價比高，味道比正常偏高，係好值得再去食的一間日式料理。最後仲有個迷你芝士蛋糕，清新脫口，唔太滯都唔會太甜，不過份量就少左dd…鍾意食甜又驚太肥的女士們可以試下呢個

喺旺角呢個咁方便嘅地點，同朋友經常都去，最近介紹咗一間上樓嘅日式小店，價格相宜之外，亦都充滿氣氛❤️角切魚生飯～當中有五至六款魚生，簡直滿足哂我唔同嘅願望，同時亦鋪滿蟹籽，當飯粒、魚生、蟹籽混合，唔同嘅口感於一息間湧現😋😋蟹籽海膽炒飯～飯粒非常乾爽，絕對符合炒飯應有的鑊氣，口味方面亦都很合胃口，海膽亦都不吝嗇👍🏻和風炸雞～炸雞非常香脆,而且肯定係即叫即炸，炸漿薄咬落啖啖肉兼爆汁😋期待下次再嚟

一向都好鍾意食日本野嘅我同朋友諗食咩就一定係日本野....所以今次都係食日本野刺身拼盤每樣刺身都想食嘅時候就係叫刺身拼盤，就咁睇個三文魚腩都知好厚肥身，食落肥美，吞拿魚油甘魚都係另外叫左d熟食，清酒煮蜆一大煲，上面嘅檸檬唔知做咩，可以唔落，味道清清地，每隻蜆都有肉，唔會話甩肉鐵板帶子個個爭住食帶子大粒肉厚，味香，記住趁熱食，如果唔係會韌鰻魚卷比我想像中細，不過上面塊鰻魚比出面大塊鐵板牛柳，味道重左d，有少少鹹，不過牛柳唔韌，配埋d洋蔥一流要推介嘅燒魷魚除左份量大之外，佢唔韌，好易咬，面頭嘅汁帶起左d味！另外仲叫左d壽司，都係普通冇咩特別，不過值得一提係佢d飯唔會好大，唔洗驚好快飽雜錦天婦羅炸粉唔會好厚，熱辣辣炸雞軟骨其實可以唔點沙律醬，因為就咁食個味都好重，咬落唔會好硬

以前食lunch成日都會尼食，好耐冇尼，行開旺角又諗唔到食咩，所以同朋友上左尼食三文魚加洲卷有朋友好鍾意食d乜卷乜卷，食日本野每之都要叫卷有6件，size唔算大，所以唔會食完就食唔落其他，沙律醬好似多左d照燒魷魚筒e個一定要叫，開頭驚佢會好韌，但尼到嘅時候就已經覺得好香，賣相都好好，份量又大，最重要係唔韌，好易咬開燒雞軟骨我地燒同炸嘅雞軟骨都有叫我地比較鍾意燒嘅多d，雖然燒嘅望落比較油，但佢比較香，惹味d炸雞軟骨，炸嘅反而冇燒嘅咁惹味，好似冇d炸過龍，檸檬建議唔落，雖然我地落少少，但都搶左原本雞軟骨個味雜錦天婦羅炸蝦3條，炸蝦永遠都係最多人爭住食e個天婦羅炸粉唔會太多，記住快d食，如果唔係就唔脆雜錦刺身有海膽，三文魚腩，吞拿魚，油甘魚件件都好肥美，入口半溶

每一次去日本料理餐廳，睇來睇去我都係會揀返吉列豬扒烏冬😚一嚟我好鍾意食烏冬，二來唔係每一間配烏冬嘅餸都係好食，再加上啲豬扒難食都有限😋呢一個豬骨湯底烏冬加$2就可以upgrade做黑蒜油豬骨湯底或辛辣豬骨湯底😎套餐嘅前菜可以揀加州卷或者三文魚壽司😋我最後就揀咗加州卷😋前菜有壽司🍣，然後再加一個豬骨湯底嘅讚岐烏冬🍜，而烏冬嘅配菜有一粒糖心蛋🥚木耳粟米，仲有一塊香脆嘅吉列豬扒，食完成個餐係超級超級超級飽😌不過成個set價值$60，同出面嘅日本料理差唔多價錢，喺旺角來講都算係比較實惠🫶🏻🫶🏻⭐️吉列豬扒烏冬 💰$60