大山日本料理

营业中

休息中

搵唔到想叫嘅定食，叫服務員過嚟好耐先有人應(啲服務員故意扮睇唔到)，嚟到仲要好唔耐煩個樣😅叫我自己再搵下先同時比個黑面我。可能我專登同你食飯得罪咗佢，放假真係好唔想同人爭執，睇嚟要避上大陸🤣

平時喺旺角搵食最大苦惱就係要搵一間方便，又要坐得舒服既餐廳（當然好食都重要）。今次見Openrice 話菜街個邊有間叫大山日本料理唔錯又舒服，緊係要試下啦！🔸角切魚生飯：份量好足！有齊各款魚生包括三文魚、吞拿魚、蟹柳、鯛魚及蟹籽，仲有玉子。刺身都好鮮甜，吞拿魚唔會有筋，玉子甜甜地，非常好食😋🔸牛肉壽喜燒配珍珠米：壽喜燒湯底幾濃，但又唔會好鹹，配埋牛肉撈飯，一流！牛肉肉質幾嫩，牛味都重。🔸磯燒鮑魚及蟹籽魷魚刺身：鮑魚大大隻又新鮮！店家亦都好細心，預先將鮑魚切開一半，方便大家食。至於，魷魚一樣新鮮，又爽口，好岩炎炎夏日食！最後值得一讚係店鋪裝潢風格好有日本feel，店員又好nice，值得大家一試！

今日同朋友出旺角玩，行到兆萬肚餓，上左黎呢間食（係兆萬對面搭lift上2層），到去坐喺卡位望住出邊繁忙街道非常舒適，叫左個豐富的dinner😆😆現燒火炙薄燒A5和牛壽司 $78🐂🍣🤤：A5和牛真的不要太好食🙈🙈，佢燒到有d位微焦香，佢唔加上大量醬汁都已經極品😍 A5肉質十分嫩軟，入口即化。剛上桌時和牛仲散發著誘人的油花香。入口肉質的鮮嫩和舌尖上融化的感覺簡直是絕妙的享受😍😍 佢仲要好大塊肉，分左好幾次食d肉，可以單獨品嚐😋 然後再搭配上壽司飯、配料同醬汁，味道更加豐富，強推！！！💪🏻💪🏻💪🏻角切魚生飯 $78🐟🍚😍：魚肉新鮮，刺身種類都唔少，有三文魚、劍魚、吞拿魚、八爪魚、希靈魚… 三文魚同劍魚油脂同肉質都幾好，味道齒間留香😆 希靈魚的味道都好似比出面的更為濃一d。飯粒軟糯不易散，醋味合度火炙黑豚肉拉麵 $78🐷🍜😆2塊大大塊幾厚的黑豚叉燒，油脂分配比例好好，肉質口感唔係個d煮到干／老的咁，但同時味道好足👍🏻 湯底正正常常，但個🥚同拉麵都好高質👍🏻 蛋好入味，裡面熟度剛剛好，拉麵彈口唔會焾同時本身有d拉麵本身的味👍🏻牛肉壽喜鍋 $58🐂🫕👍🏻：我好鍾意食壽喜燒，呢間價值合理😆 性價比都

旺角是香港🇭🇰美食的聚集区，其中日本料理又是这里最出色素质的餐饮的代表～今日周五，得闲来旺角逛逛，看到在烟厂街旁边有一家日料人气好旺，于是便来试一试～ 这间店叫「大山日本料理」，店铺里的装修就很和风style，经理和店员都非常热情！作为食肉兽，决定尝一尝他们家的一些日式料理！ 🐮A5和牛寿司 绝对的看家招牌，牛肉的品质真心一级棒！上面的酱汁也调的非常好吃！寿司的米质也超好！ 🥩秘制牛扒 用的是上好的西冷牛扒，牛味十足，味道鲜嫩！吃起来爽口不弹牙！配上蘸料真的一个大满足！ 🍔照烧鸡扒 没想到鸡扒也可以做的这么好吃！份量也超足，强烈推荐！

太耐無食 Sushi 🍣 於是同老婆食左個late-lunch。我們係大山日本料理⛰️食左呢幾款，現燒火炙薄燒A5和牛壽司（1件）和牛薄片都幾大塊，熟成是半生熟～ 有地方燒過，但都有地方算係未燒到、有種sashmi 的感覺。如果中意原味啲，叫少醬都得。鵝肝壽司😍 好中意，有少少焦糖甜味，零舍好食。鹽燒厚切牛舌串（1串）佢每間日本餐廳都會叫的必食。咁呢度都冇令我失望，入口嘅溫度都幾熱。加埋檸檬汁，惹味、彈牙。玉子壽司純粹個人特別中意食玉子紀念下原條海鰻壽司醬燒的海鰻鋪在壽司上，好長，我用手機度咗影低紀念下，原來有成22cm。磯煮鮑魚壽司磯煮鮑魚的味道濃度都適中，肉質彈牙，有少少微甜的味道。

同朋友係旺角行街，想食日本野，係樓下睇緊Menu時諗住上去，店員見我地睇緊，主動帶路🤣🤣終是就上左去食特盛海鮮丼飯魚生好新鮮，冇腥味，隻蝦好甜好爽口，將蟹籽撈勻，每啖都食到蟹籽嘅口感👍🏻丼飯都煮得唔錯，唔會太酸而且粒粒分明火炙和牛壽司和牛入口即溶十分嫩滑，配上鹹鹹甜甜嘅醬汁，食完一件會覺得唔夠喉泡菜豚肉鍋非常足料，泡菜味好濃，蔬菜量亦好夠，豚肉係比較肥嘅五花肉薄片，但食落都唔會太油膩，湯底偏鹹少少，如果配飯食就剛剛好

同朋友係旺角東行一陣，一路傾計，慢慢行到去油麻地附近。就搵下有咩好野食，見到呢間鋪既選擇都幾多，而且價錢合理，所以決定試下🤗🟠現燒火炙薄燒A5和牛壽司（$78/1件）呢件和牛壽司上枱好有氣勢，一件長長既和牛鋪係面。和牛一食入口肉味好濃，油脂分佈平均，好有油脂既香味，但又唔會好膩個種，肉質仲好嫩🤤個細汁少少甜甜地，就咁食都已經非常美味😽職員仲好細心叫我地唔要快d進食，因為岩岩整好既時候係最好味🟡鰻魚卷（$68）一碟6件既鰻魚卷，每件既鰻魚都幾大塊，而且鰻魚入口既質感好好👍🏻🟢特盛海鮮丼（$88）海鮮丼有多種刺身係入面，件件都好新鮮，而且夠哂大份，2個人齊齊share都得😝🔵豚肉泡菜鍋（$58）泡菜鍋嘅材料豐富，有唔同嘅蔬菜、豆腐、泡菜同豚肉，份量亦唔少。而且個人好中意佢既辣度，少少辣夠惹味，但又唔會辣到食得太辛苦🙈環境方面：餐廳裝修幾有日本嘅氛圍，燈光同環境都好舒適，適合同朋友慢慢傾偈🤠服務方面：餐廳職員反應好快又有禮貌而且夠貼心。另外，亦好欣賞餐廳既壽司上枱時，個碟仲係和暖既🥰地址：旺角西洋菜南街2W-2X號2樓

旺角食肆仲多，今日來吃一間樓上日式料理，午餐。我分別叫了以下食物和飲品。1. 辛辣黑豚肉拉麵：這碗辛辣黑豚肉拉麵是大山日本料理的招牌之一。拉麵的麵條煮得剛剛好，有嚼勁，湯頭濃郁而帶有微辣的味道，讓人回味無窮。豚肉則是用特製的調味料燉煮而成，肉質鮮嫩多汁，入口即化。配菜方面，青蔥和木耳增添了口感的層次，整體來說是一碗非常滿足的拉麵。2. 豬軟骨拉麵：這碗豬軟骨拉麵的湯頭清爽而不油膩，帶有淡淡的豬骨風味。豬軟骨經過燉煮後變得軟嫩，入口即化，配上細緻的拉麵，每一口都充滿著滿滿的滿足感。湯頭中的蔬菜也增添了口感和營養價值。3. 三文魚壽司：這道三文魚壽司是用新鮮的三文魚片裝飾在精心調製的壽司飯上。三文魚片鮮美且肉質鮮嫩，配上壽司飯的酸甜口感，每一口都是一種極致的享受。搭配少許醬油和芥末，更能突顯出三文魚的鮮味。4. 北寄貝壽司：這款北寄貝壽司是一道口感豐富的壽司。貝肉鮮甜彈牙，擺放在壽司飯上，整體口感層次豐富。每一口都讓人感受到海鮮的鮮美和壽司飯的香鬆。5. 熱宇治抹茶鮮奶：這杯熱宇治抹茶鮮奶濃郁香濃，深深吸引著抹茶愛好者。宇治抹茶的香濃和鮮奶的滑順完美結合，帶來一種獨特的風味。溫熱的口感更能

放工響旺角家樂坊同友人聚, 塔𨋢上二樓就搵到依間好好食啲日式料理首先點左個現燒火炙薄燒A5和牛壽司依個簡直系店啲signature! 燒得熱烘烘的和牛, 大件又好味, 入口有種簡直系去左日本啲感覺最重點系要熱烘烘果時好食, 因為一凍左就無咁正跟手再食依個牛油果軟殻蟹卷, 有成六件咁多, 但得我哋兩個女生又食得落, 重點系影相又靚 食落好味場內也有卡位, 仿居酒屋的座位, 等人坐入去有私隱, 不過我哋就選左坐酒櫃旁, 有不同啲日式牌子寫著各項美食更有日本空運來的各項美食, 簡直睇到都流曬口水我哋各自點左三色魚生飯同埋角切魚生飯我覺得最有特色的是那件玉子上還寫有"大山"兩個字, 可見很有心思飲埋個味噌湯暖暖胃, 朋友聚腳一流的好地方！

大山居食屋玉子壽司 🍣玉子壽司好抵食！🫡價錢唔貴，仲有兩件和😆
蟹籽海膽炒飯 海膽份量唔少，炒飯用咗珍珠米，個飯仲炒到粒粒分明🤤👍👍👍仲食得出有鑊氣😹
火炙黑松露帶子壽司🍣帶子都唔錯，火炙有拎到有陣燒嘅香味，同時又唔會過熟😸
現燒火炙薄燒A5和牛壽司🍣呢件壽司係最令我意想唔到嘅好食！佢嘅A5和牛牛脂分佈平均，仲要食落無根，好容易就咬得開，肉質好淋，每一啖都充滿牛嘅油香味🤤好高質！超級推介❤️❤️❤️

今日星期三夜晚黎到家樂坊aeon附近，想搵間日本料理食吓，禁arm見到呢個招牌🤩一於上去二樓睇吓，一入去侍應就會招呼你👍🏻枱上面隻杯有綠茶茶包，自己用熱水沖。QR code落單好方便👍🏻 我地兩個人諗左陣，決定要兩個魚生飯（三文魚飯 & 三色魚生飯），都附埋味噌湯；兩件醬油七味燒左口魚邊壽司、4片三文魚腩刺身。三文魚飯幾新鮮好食，塊蛋好濃味👍🏻 ；味噌湯麵有好多料🤩 （e.g. 海帶、豆腐）。三色魚生飯有三文魚、吞拿魚、鯛魚，份量多大滿足！侍應話左口魚好多人叫，一定要試吓！三文魚腩刺身好厚好肥美，完全冇筋，好食😋餐廳附有廁所，唔洗落番去四周圍搵啦～今餐連埋加一大約$300，食得好飽啊～呢間餐廳交通方便，就喺兆萬對面👍🏻

位於旺角中心既餐廳，平日八點黎到都係滿座，所以建議大家book定位。火炙帶子壽司 - 有火炙壽司嘅地方就有我🤣 帶子幾新鮮，微微燒過後加上黑松露，正👍火炙芝士吞拿魚壽司 - 火炙芝士冇得輸，吞拿魚口感唔錯，好食🤤海膽壽司 - 正常😌刺身吾算貴，但出乎所料地大件，食落都新鮮唔會有腥味，推薦軟殼蟹牛油果卷必食‼️好多沙律醬搭配牛油果同軟殼蟹好match，飯嘅份量唔多，淡淡都係肉同醬，全場最佳👍👍明太子雞翼好好食，去咗骨入面滿滿嘅明太子🤤

呢間居酒屋有好多精緻嘅日本料理，我食咗好多款推介菜式，大佬我真係好鐘意帶子，叫左個帶子刺身同三文魚刺身，帶子刺身新鮮彈牙，鮮味十足，好正。仲嗌左個火炙黑松露帶子壽司，結合咗黑松露同帶子，黑松露嘅香氣與帶子嘅鮮甜完美結合，令人難以抗拒。鵝肝壽司都好正，鵝肝配上壽司飯，入口即化，帶來絕佳嘅享受，而且係飽肚之選。牛油果軟殼蟹卷結合咗牛油果同脆口嘅軟殼蟹，味道鮮美，口感豐富。如果你鍾意火炙壽司，定要試下三色火炙卷。三色火炙卷內有帶子、三文魚同吞拿魚，三款魚生合而為一，火炙後散發出誘人嘅香氣，再加上啲沙律醬，好食並邪惡到爆。明太子雞翼得酥脆，外脆內嫩，最鍾意呢啲無骨嘅雞翼㗎喇！

落開旺角買嘢，於是又去試新嘢，阿sir網上見到有折，而且Openrice又幾多笑臉，點知中晒伏，我哋食完第一round即刻走，寜願轉場填返飽個肚。🥢四點刺身 $108⭐️⭐️吞拿魚好假又無味，三文魚腩就肥美新鮮，油甘魚厚切但有啲腥，甜蝦唔夠鮮甜，全部都似係放題貨式。🥢津室生蠔 $78⭐️一啲都唔新鮮，所以店方自行安排加茄汁！蠔唔夠凍又無乜蠔味亦帶點腥，因為本人唔鍾意食茄汁，所以先食得出其品質。🥢和風炸雞 $58⭐️⭐️雞嘅質感好奇怪，食落唔似雞肉，係過份腍到唔識形容，份量雖然多但唔好食。🥢牛肉壽喜燒 $58⭐️⭐️⭐️壽喜燒係最好味，起碼湯底對辨，價錢亦非常合理，材料都豐富，可惜無飯或烏冬呢啲配搭，真係嘥咗個湯。二人共消費：$335

我最近Lunch 午餐 試佐間"大山日本料理"係喺旺角嘅一間日本餐廳，整體上感覺好唔錯。我同朋友一人叫佐個包括鰻魚飯、日式窩燒烏冬，另外再叫佐份小食: 牛舌。鰻魚飯方面，鰻魚新鮮，烤得剛剛好，外脆內軟，醬汁濃郁而唔膩口，配埋白飯食更加美味。整體嚟講，係一道不錯嘅鰻魚飯。日式窩燒烏冬就簡單而美味。烏冬麵條煮得夠彈牙，窩燒醬汁味道不錯，微甜微鹹，同烏冬好搭。加埋蔬菜、海鮮同肉類，增加咗層次感。總括黎講，係一道好飽足嘅日式料理。牛舌方面，牛舌肉質鮮嫩多汁，煮得好滑順。炭燒嘅香味好迷人，醬汁酸甜好開胃。呢道菜簡單而美味，係一個值得一試嘅選擇。總括而言，大山日本料理嘅食物質素唔錯，味道好好。鰻魚飯、日式窩燒烏冬同牛舌都係不錯嘅選擇。服務方面都好友善，整個用餐體驗都令人感到舒適。下次我肯定會再去試其他嘅菜式。