大廚薈 美食藝廊 (已結業)

朋友話上網講呢間放題反應好似幾好 就一齊去試下真係好抵食同朋友叫左個羊架黎食 香得黎又唔會好羶 又唔會好"奀" yummy!!個放題仲有點心可以叫...叫左籠蝦餃試下 唔錯!!幾好味 拍得住 酒樓水準仲有好多中西式甜品...我個人比較喜歡食中式甜品 試左個蓮蓉西米露 意外地好味!!未試過西米露配蓮蓉...味道竟然可以咁夾 又香又唔會甜到漏個日去咁岩撞食 有雪場蟹送 數量有限送完即止 !!味道好鮮甜有機會都會再搵朋友食多次 真係抵食!!

剛去完新加坡番黎就掛住個邊既食物結果係香港Food court俾我搵到新加坡食物因為放題，所以同朋友樣樣都有試少少放題價錢都幾合理，幾抵食講一講星馬先，海南雞飯份量一個人食剛剛好，再加多個咖喱唔算辣，都唔會好水，味道不錯日式食物叫左吉列豬扒咖喱飯和北海道拉麵自己中意食咖喱，所以食得出星馬同日式個分別，餐廳都做到，不錯 

見到咁多人講到好差但試完唔覺得咁誇張啲雞翼夠脆 似沙嗲王果隻蒜蓉雞翼咁好食！好多蝦！夠入味平價放題有多國美食算質素唔錯而且午餐有平套餐 加$10有埋糖水滋潤晚飯做放題真係開心過自己煮啦^_^

團購見到呢間以Food Court形式嘅放題店，有多國菜試又標榜係名廚主理，咁就買左同朋友去一試喇係一個地庫嘅Food Court, 地方都幾大嘅以星期日黎講都算少人，又或者可能我地早啦，六點去到仲有好多枱係吉嘅。有中西日泰越星馬等等嘅菜式，點完之後就自己去攞野飲喇有雪櫃可以自取罐裝飲品或者係旁邊有個水吧可以叫店員即場整俾你。我覺得水吧嘅野飲ok喎，有茶記嘅水準，而且快靚正，款式亦夠多食物逐一上枱，份量的確好少，少到好似試食咁，不過都無所謂，無謂食幾款就飽哂呀嗎刺身：最基本嘅三文魚都唔掂，腥之餘又唔肥美，劣。反而甜蝦ok冬陰公湯：得個椰味，唔辣又唔酸，差海南雞飯：雞係冇味嘅……飯好散唔係黃油飯……雞肉串燒：寫住推介，但係一啲都唔熱，有冇燒過都唔知。淨係食到個醬汁味同埋有啲雞軟骨係咬口雞絲粉皮：好味，麻醬夠香，加上爽口嘅青瓜絲，不錯擔擔麵：佢係有好重嘅麻嘅感覺而冇應該有嘅花生醬香味，麵質正常三文魚忌廉意粉：係全晚我唯一覺得好食嘅！份量好多，彷彿想以佢黎填飽你咁意粉係硬度適中，個汁都好creamy香口，我自己一個食哂成碟甜品，芝麻卷：唔知乜黎㗎，咬落去一pat野整體上款式係好多，但係冇樣精

Food Court 放題真係第一次見咁吸引團購就買黎試下但係上黎LI到D食評麻麻試完又唔係D負評講得咁差，要平反下今次同家姐兩個人去，博盡食左勁多野見到有擔擔麵忍吾住試好正呀，D麵有咬口，湯底濃之後仲食左好多野質素平均黎講都OK天婦羅又吾厚漿，夠哂熱Encore 左好多次呀家姐就最鐘意食刺身，佢話好新鮮我就暫時吾食得生冷野無食豁左出去食燒雞皮，燒得好香好脆怕肥吾敢叫多round值得一提，有雪場蟹送，外表麻麻但係家姐話好鮮甜食到隻手肥騰騰無影到相下次同呀媽去再食過先影相

下午是FOOD COURT,夜晚是放題,實在是很有創意的IDEA,可是食物質素也要注意一下吧...而且大部分都是澱粉質,飯麵也很大份,擺明想質飽你..."沒有圖片"送的長腳蟹: 不要送好了,又不新鮮又咸又細,不知所謂刺身: 算是眾多食物之中最好的,雖然質素一般,但尚算新鮮並沒有腥味出現擔擔麵: 好油, 成碗麵紅色的,但辣度還好,至於我所期待的花生醬味?另開玩笑了...吉列蠔咖哩飯: 蠔味道還不錯,但飯太茶記FEEL亦太多,想點呀, 咁多飯, 我黎食放題嫁...天婦羅: 粉太厚,但味道還過得去雞皮串:你肯定你有燒過?根本就係一塊濕淋淋的雞皮!免治雞肉: 又係唔好食,鞋到冇朋友冬蔭公湯: 又係油到冇朋友,純粹酸+辣就想騙過我?太天真了馬來炒貴刁: 干炒牛河冇牛版本,邊有咁深色, 咁闊身既貴刁嫁...一D都唔好食飲品: 除左罐裝汽水, 其他都不知所謂,叫幾樣飲品, 好立克檬茶檬蜜,睇住佢茶記咁既整法, 半分鐘整好1杯都知奶野,第一, 淡!好立克好似水咁,完全冇味第二, 過甜!睇住佢所謂蜜糖係一大支糖水,第三, 檸檬好唔新鮮!搞到杯檸蜜又苦又過甜...好複雜成餐飯好快飽, 好滯,因為樣樣野都好

昨晚同老婆去呢度食放题，食物種類不多飯同麵佔咗一半，癀告賣的餐紙上好多都没有。當D食物來的時候赫了我一跳，我以為去咗小人國食飯，冬蔭功，味噌湯等湯類只有正常的五分一，鱼生用日本鼓油碟裝又細又薄２個人就俾２小件，D寿司同手卷可以睇到師父功夫了得，做得出咁精致小巧旳食物，D鱼生order咗３次之後就唔會再来，D日式咖哩牛肉飯只有２粒牛肉，蓮園的点心上枱的時候我以為係公仔点心添，個外形同口感同食公仔点心無分别,我末去過蓮園，但任何壹間点心專門店都吾應該有的咁嘅出品。上海獅子頭己經好细舊但重要分開一半。講番送既蟹細件唔在講好似食蟹乾咁十分之難食。全晚最食得過嘅就係海南雞飯同西米焗布甸。其實大部份食品都唔係太差只不過食物的份量實在太寒暄。呢的放題最多只值７０元。

呢間野成日係報紙雜紙見到佢既廣告，見好吸引又咁岩做緊團購優惠，於是我就帶埋屋企人一齊去食印象深刻既係入面既蓮園，因為點心水準真係同跑馬地店差唔多。大大隻蝦餃，晶瑩剔透，咬落個皮又唔會太厚仲有個西米蓮茸布甸夠哂甜，又夠熱，小朋友特別鍾意壽司方面，款式冇日式放題咁多但好多基本款都有齊，好似三文魚，甜蝦，手卷，燒物我叫左碟三文魚刺身，都幾厚幾吸引不過食既時候，我略嫌刺身唔夠凍甜蝦就夠哂鮮甜，配埋wasabi真係好滋味仲有叫左個吉列豬扒飯，細細碟咁豬扒炸到金黃色，又香又脆，好岩口味整體我覺得都唔錯，老婆同小朋友都食得好開心

見完客係寶勒巷，唔想食茶餐廳怕肥，但又想平平地，去左Food Court貪佢近近地，叫左個宮保雞丁飯，D雞無皮，好健康，辣味適中，有蔥好香，分量剛好，適合減肥人士。仲有酸辣湯送都唔洗50蚊！抵食！

朋友睇完XXX雜誌介紹，於是係月尾前試一下，點知......各位第一次寫食評的原因：中伏先講環境，轉咗卡位，真係坐得舒服D嘅。但係個地下真係太冼喇。至於佢地員工嘅服務態度真係算唔錯架，都算誠懇有心。但係食物質算就真係好差！！！先上檯係佢送嘅，我真係寧願佢唔送。未開餐，先扣分。跟住就當然係刺身啦，但係......又係唔好食，再扣分。比較好食係個三文魚腩，但係我見到係三文魚腩「條」，當堂眼都突埋。之後嘅熟食都OK啦。個燒冬菇同燒三文魚骨都好食。到咗我為咩要開個account 嚟寫食評嘅原因喇：超難食點心。我只可以話「叮叮點心」或者普通魚肉燒賣都好食過佢囉。邊個話「名廚」主理架d 粉果皮硬嘅，燒賣同蝦餃入面「粉」嘅。幸好仲有最後嘅甜品：西米布甸。呢個係個晚最好食嘅食物。另外，要讚嘅係茶水部嘅先生，佢整號柑桔加話梅的確好飲。總結：其實呢個價錢，我都知唔可以要求好高，但係我真係要求正常食物咋。所以，暫時都唔會有下次。不過，我覺得佢地真係有心做嘅，但都係個句啦，做食肆最重要當然係食物質素啦。

一個非常不愉快的經歷我坐了下大約10分鐘後, 落單食品還沒到便有人來問我支付每人$30服務費.落單混亂當時只有最多80人, 但我不明白為什麼總是漏單, 重新落單, 又漏單, 又錯單. 結果有一個食品我要落單3次先到!食物分量非常小生魚不是很新鮮食品質量賣相需要改進飯後我有一種很不滿足的感覺, 我不會再去!

昨天滿懷希望的入去食放題，但卻換來的是一肚氣。 首先入到去個地好滑，行步路都要好小心。免得跌左落地。第二，待應態度非常之差。追問食物何時到時，待應回覆食             放題係要等架啦。 第三， 食物質素好差。第四，發現每枱都同一現象就係不段係度追問待應我點的食             物何時到及投訴點解成日漏單 (叫果樣沒有果樣)。下次一定唔會再去食。

我都知openrice既食評只可以用彩數黎評論一間野到底得定唔得，但見呢間野係groupon做優惠，又係新開，我諗都唔會好差姐，好啦，提早幾日訂台，星期五7：30，之後佢話！下？7：30？8：00前要走，但我買張野係寫明8：00後離座，搞左一輪都算啦，終於等到星期五諗住同男朋友一齊試新野，點知一入到個門口已經覺得有小小中伏既感覺，成場煙霧漓漫，油煙味超重，不過買左唔通唔食咩，行埋櫃櫃台先會有人招呼你，重點係個男人話其實網上打錯係8：00後入座，佢照比我入，我算！之後求其搵個位放低我地就話會搵張紙比我地寫食乜，結果？行左去之後就當無左回事！咩經理？2次，2次都話會拎紙比我，到最後結果又係係我面前行黎行去當無事發生過！搞到我地要去隔離台拎紙，我唔明點解無人既台先會有落單紙，就算d侍應refill都唔會比紙有人既台！！！咁都算啦，d野食係個場仲未多人既時已經出現嚴重漏單！最離譜既係我入第2張紙既野食都到，第一張點既野點十樣至少5樣無到！最令我接受唔到既係碟白勺牛柏業居然有不明物體，而佢比我既反應係一聲好細聲既唔好意思！咁就當咩事都無發生過！我唔明點解廚房同傳菜可以睇都唔睇就出菜比客人！就正正

在團購買了coupon慶祝父親節，看過前人極力推介及宣傳廣告以八位名廚主理為賣點心有一定期待。訂了八點正，七點四十五分可以入座，food court格局一行五人圍住圓枱座，點菜紙上有齊中日泰韓越意多種食物，甜品及飲品。熟食起初上菜都好快(椒鹽蝦、烤牛、青酒蜆）,往後可能人漸多點了的食物開始越來越慢，已漏單越來越多。大概沒有出現的有以下……炭燒尤魚、燒鴨河、免治雞肉串、越南春卷、咸水角、蟹子沙律、玉子壽司、蟹柳壽司、加州卷……而最令人火大的是他的刺生部，八點左右點的刺生，到差不多九點出現，而已有多枱的食客已經不厭其煩再三催促，負責的員工只解釋order多要等候，而多次催促的食客陸續配給到刺生，經過本人的催促大概九點十五我終於都等到部份order的刺生……而北寄貝本身紅色部份呈現粉紅色口感怪怪的，最終三次刺生order只出現一次！！作為放題為賣點的食店，要準備好食材人手的應該是餐廳，而不應食家準備好包容食物質素不合格、包容失縱的食物、包容不合理的等候時間……首次在此留食評，因為要給會去或想去的人給真資訊。

見到呢間The Open Food Gallery開左冇幾耐,心思思想試下因為成大班同事一齊去,所以個日都叫左幾多野食個度係以food court形式經營,有8間餐店,都幾多款式選擇聽員工講夜晚仲有得食放題,有機會真係要放工黎試下呢個吉列咖哩豬扒飯係我同事叫既，佢話份量大大碟，實夠飽！而我自己就叫左個越南生牛肉河，好好味之後仲有碟炭燒魷魚筒大家一齊share食，我最推介係呢個，唔會太硬，燒得岩岩好呢個food gallery以food court形式黎講都幾多野食,而且仲有員工serve埋,尖沙咀又多個新食店!唯一係lunch多人排隊,排到出門口,排左都幾耐下好彩野食好快到,咁就可以慢慢食,同同事傾下計