大快活

营业中

休息中

下午茶來到，比較少人，叫餐後等了約10分鐘，可接受的時間。食物方面，午餐肉有點過燶（每人標準不一，可能我要求較高)蛋、麵、湯底正常發揮，另外加$6 配了腸仔一條，用了apps 的優惠所以減了$6 ,一共$37,以這個價錢，有位坐，吃得飽，不錯了。

我冇圖😓😓因為食到一半先想寫，但望落去好正常。叫咗1份咖喱牛腩飯$58蝦仁炒蛋$59 有湯-首先以前睇廣告，咩椰香咖喱牛腩飯幾咁吸引😔好似大快活招牌之一咁，真係好失望。個汁稀到好似水咁，淡茂茂，牛腩超級韌 咬唔郁嗰隻。完全就係小學$18午膳嘅質素，水咁樣 冇味道😔我仲要去攞鹽攞胡椒粉調味。-蝦仁炒蛋問題一樣都係質地好鞋，唔香都算，仲要懷疑佢冇攞鹽冇餐廳炒蛋嘅光澤。蝦仁都係。-真係退步咗好多😔😔

西多士即係兩塊麵包中間搽滿花生醬，然後沾上蛋漿再去油炸。作為一份西多士，最起碼要有兩塊麵包啦。不過sorry，大快活嘅西多士真係出色，只得一塊麵包，中間係乜嘢都冇，就係咁一塊白麵包拎去炸，蛋漿都只係得薄薄一層。咁樣可以叫做西多士咩？！完全侮辱左西多士！應該改名做炸多士就啱！入口韌到爆，好難咬開，而且完全冇香味。極差！凍檸茶都係冇味嘅，雞翼就還正常，起碼係熱辣辣。但係比件西多士真係激到好嬲，必須劣評。咁樣一件不知所謂西多加隻雞翼加杯凍檸茶，索價$33，我一定唔會再食。

因為男朋友學車同練車嘅關係，我地成日都會黎青衣，因為夜晚嘅時候人少車少，又容易搵位練泊車。呢日練車後，我地同埋另一個朋友就去食野，美景呢度嘅餐廳多數都係做早午餐，因為附近有ive 學生，夜晚大多數都關鋪。我地唔想行咁遠，諗住食完可以練多陣車，見大快活未關，就入去食喇。餐廳少人，容易搵位，而且落單叫餐過程2-3分鐘，基本上落完單再搵位都唔遲。落完單收銀會比個感應器，放係枱上就有人會送餐，唔洗自己去排隊拎野食。什扒鐵板餐（燒汁）+迷你粟米飯+熱檸茶$56蜜味燒脾肉燥飯+熱檸茶$45脆爆豚皇飯（日式咖喱汁）$47+大綠茶$8最欣賞係個什扒，咩都有，$56價錢但咁嘅份量係超抵嘅！相信黎緊我地都會繼續幫襯😋

.今次買左呀活咖哩牛腩飯食，雖然係外賣，但份量同堂食一樣咁多咁抵食，啲牛腩同牛筋好多，薯仔適量。牛腩同牛筋煮到入哂味，肉質唔韌，牛筋有啲彈牙，有啲係非常腍。 除此之外，又有啲椰菜食，雖然街食椰菜大多數都是淡而無味，但加埋濃郁咖哩汁總算放得入口。

成個美景咁多間食肆，我選擇大快活的原因最主要係因為佢唔算太多人，可以坐得耐，因為我要等人拎野。比起前排食MX, 真係差天共地，平均餐價，相對合理，仲有人送餐埋位。點解大家都係快餐，可以差咁遠。大部分人都係打邊爐，我就唔跟風了。阿活咖哩其實都唔錯，個咖哩幾香，不過咀生飛滋，就唔掂辣野了。香葱豬扒飯：兩塊薄豬，白飯有上色，香葱都算夠撈飯。跟餐湯有：粟米，青紅蘿蔔各一，兩小塊瘦肉，加6蚊有啖湯，算係咁啦。

在附近工作了一段日子，心血來潮走黎食早餐，無期望就不有失望呢鮮茄腸片通湯不夠熱，茄味不錯炒滑蛋配蘿蔔糕比較欣賞炒滑蛋，係幾滑既！而蘿蔔糕應該煎完後放了一段時間，所以完全不熱

放暑假啦，小朋友最開心，但作為媽媽嘅我就大件事啦，每日貼身照顧足足24小時，星期一至星期日，完全冇時間休息，加上天氣又熱，一買完餸就成身汗，但如果係咁冷氣又會好貴電費.....所以好多時lunch 都會落樓食，又唔洗煮又唔洗熱仲有冷氣tim。今日就帶小朋友落大快活食，又近又大，d位唔洗迫。我叫左個油雞燒鴨瀨，因為天氣實在係太熱啦，都冇胃口食飯。點知個面黎到，見到燒鴨有幾件個近骨位仲係紅嘅，食落去仲有少少漂白水味tim......油雞都還可以嘅，不過我真係唔明點解呢間大快活嘅菜永遠只得椰菜？！但我諗呢間大快活係我食過最難食嘅一間....

上次食左個沙薑雞飯，覺得出奇地好食，咁今次又蒲開呢度，又入尼試下睇下有冇驚喜啦。(其實真心話係月尾食頹飯是常識吧，不過呢度都5平😂 喊出尼)今日冇咩胃口，咁唯有食下辣野刺激食欲啦，所以今次試下呢個咖哩牛腩飯。望落個賣相都ok啦，頹飯都已經5奢望個樣有幾好睇啦😔 聞落果陣咖哩味都幾吸引ge，所以就 itadakimasu 喇~食落，其實都係普通咖哩飯，薯仔同牛腩ge比例都係一比一咁，可能因為之前個沙薑雞啦，對佢無形中有少少期望。咁食落之後覺得佢只係普通咖哩飯ge時候，5多5少都有少少失落感ge，不過又未去到難食。其實係大集團食野，食到above average ge野算係bonus啦，5好成日抱好大期望😔。

去得大快活，都諗住係食頹飯填飽個肚就算啦。點知竟然有意外驚喜？可能今日個大廚心情靚靚，所以又煮得好d。望落去，賣相就普通啦，但隻雞d肉就出奇地好嫩同好滑（我真係形容緊隻沙薑雞。。。個汁好正，好岩送飯。意外好味晚餐get！

雖說係大企業，明既，唔洗做得好好，又唔洗要留客，不過都可以好Ｄ，個炒蛋都ＯＫ的，ＫＥＥＰ到都係滑蛋，不過，魚柳真係好差，我食到炸粉一定仲多過魚，好似食ＧＥ麵粉咁～蘿蔔糕都冇乜好講，味冇料冇甚至蘿蔔都唔多，有少少啦，粉就最多，不過都預左ＧＥ，講真大集團的早餐係咁ＧＡ啦！但係愈加愈貴，呢家一個最平早餐都成３０蚊ＬＵ～加個通粉同凍飲分分鐘$40啦~HAHAAA

其實原本諗住去大快活係食煲仔飯架，點知去到冇晒，跟住我揀左食鐵板牛扒＋珍寶芝士腸o個個餐～冇配野飲揀左配湯。講左個湯先，真係幾好飲，佢話明點都唔落味精，又真係幾鮮甜ge～料都幾多丫，唔錯，琴日係老黃瓜豬骨湯，D豬肉仲可以食架幾林又唔會好柴～至於個扒，佢冇配飯／意粉等等，但對女仔黎講都夠飽，個牛扒肉質唔差，厚身得黎又唔會軔，夠林又易咬，不過個汁真係好咸，咸到好誇張，影響左個扒～（汁有得揀燒汁同黑椒汁，我揀左燒汁）個珍寶芝士腸，係脆皮的，都幾多芝士下～

今日禁岩神禁早就要仆出去做運動，當然要係附近食番個靚早餐先啦! 大胃人生路不熟就揾間大快活，試下佢地既豬扒有無低質左估唔到雞扒都仲ok, 好脆又唔會話有多骨無肉食咁，最緊要係佢記得比沙律醬！無沙律醬就好似無左個重點咁,而炒蛋就唔太老，還可以啦，份量再多d就正,不過杯咖啡真係好難飲，用同樣價錢去支持小店可能更好！

今天很想吃雞脾 + 紅豆冰，但炸脾太油膩惟有轉１轉改吃油脾。現在已經３月，但天氣仍然寒冷，冷飲都是少喝為妙。最後點了 豉油皇雞髀上海幼麵 配 低糖綠茶走冰。豉油皇雞髀大大隻，醃得入味但不會太鹹。肉質軟腍，整體感覺不錯。上海幼麵上有大量配菜，小許蔥花。上海麵較粗而質地較軟，有小許鹼水味，略嫌“林” 了點。每次看見茶餐餐牌，都不明白為什麼雞翼配珍寶腸都要$26。這個雞脾餐售$３０,相對較划算。

今天很趕時間，只有20分鐘食午飯，為左趕上當然選擇最近的快餐店！相信香港人一定識這間快餐店了，其實快餐店選擇很困難，因為快餐就是要快，不過經過多次「白老鼠」經驗，巧手菜就要先諗諗，而這次介紹係「香蔥豬排飯」，制作快而精，味道穩陣，甚至我已將佢列入小弟本快餐店三大食品之一，三大食品包括咖哩雞飯，焗豬排飯同香蔥豬排飯！香蔥豬排飯：其實豬排厚薄適中，很入味，肉質嫩滑鬆化，香蔥加油，加上少許豉油，小弟覺得超一流。小許提示：香蔥豬排飯本身蔥油是好味來源，不過小弟試過有時會太多油，好像小弟怕太肥的想減肥人仕，可以先將多餘的油量自己用匙舀走，香蔥是主角之一，千萬不要移走！ 小弟有次試過舀走一滿滿湯匙！ 多多蔥少少油是最美味的！