大戶屋

营业中

休息中

今日happy Friday，同事帶我黎呢到食lunch，12:15黎到攞飛，好多人，結果等左30分鐘先有位，如果叫外賣都要等20分鐘，所以下次一係早d出黎，一係電話叫外賣。賣相：一睇就知吸引啦，盤又大，放到滿哂咁，好日式。味道：左上角茶碗蒸熱㷫㷫，入面有舊雞肉，重點係蛋蒸得好滑。左二係紫菜，冇咩味，用黎送飯都ok左三係白蘿蔔，非常多，用黎配鯖魚好夾，凍凍地少少酸，可以中和魚既鹹味左四係雜菜，仲有泡菜tim呀，酸酸地好正，好開胃右下係麵豉湯，熱㷫㷫，唔會太鹹，夠正宗左下係白飯，似係日本米，夠淋，又大粒登登登，主角黎啦！鯖魚一流，皮煎得非常脆，魚夠嫩，重點係少骨，非常重要，因為我好唔鍾意lur 骨，呢個魚係可以食到啖啖肉，間唔中食到有骨，但可以咬碎，食得好爽。整體黎講：除左要排隊等得耐之外，食物冇咩好挑剔，下次會再黎幫襯。

每月一次部門食飯第一次幫襯，由於不設訂位，只好早少少出發，好彩夠近，去到立即可入座。餐牌選擇多，有午市套餐，主餐牌單叫，如主餐牌想改套餐，加$23 就得，同套餐價差不多。我選了期間限定，芝麻櫻花蝦烏冬配燉蛋，另自選魚生飯 （三選一，但忘記影相）烏冬份量比想像中多，彈牙好食，但醬汁一般，無乜味燉蛋好滑，好好味😋魚生飯新鮮套餐非常抵食，一定夠飽，如果兩位女士，可order 一份再加小食，多d 變化服務態度亦算有禮，反應快，離開時有基本講多謝

As someone of Japanese descent, the food here feels like comfort food. I was missing the food as I could not visit my Japanese family members this summer, so I decided to dine at this restaurant just to make me reminiscence. I ordered the beef teishoku and my friend ordered salmon sushi. Such affordable prices for the quality that you get. We indulged in dessert aswell (a scoop of ice cream with red beans) to finish the night. So much variety to choose from so I highly recommend!

以前成日會去太古果邊果間大戶屋今次黎到中環呢間空間比太古果間大 坐得舒服d大戶屋d炸豬扒/雞扒一向都好好食咁耐無試過就叫左個晚餐set炸雞扒飯盒+冷soba☺️炸雞扒果然好好味 好脆 炸粉唔太多雞扒下面鋪左好多沙律菜再下面就白飯 炸雞扒+沙律菜+白飯咁食會無咁漏😌冷soba 連個碗都係凍架🥺麵好彈牙 好好味啊☺️雞肉串燒set呢個就有d失望有雞肉，大蔥雞肉同雞棒上到黎個樣唔似平時串燒咁啱啱燒好既樣似一早整好整番熱比你咁😰所以下次唔會再叫串燒了~

星期六晚去咗中環 L Place 的大戶屋食飯，其實之前已經去過這間餐廳好幾次了，我還是覺得中環店比較舒服，比較容易找到位置，環境很舒適，服務員也很殷勤，我點餐時，服務員也會有一些推介給我的，但是我最後還是點了我最喜歡的’銀雪魚西京燒’，一定要加錢轉套餐，因為一定要跟飯吃才滿足，份量也很祝，有前菜，有燉蛋，有麵豉湯，當然也有主菜，味道真係好好吃，賣相也一流，跟我在日本或者泰國吃的味道一樣，真心喜歡，真心推介給大家可以一試。

每次想食大戶屋就一定要9秒9出去，因為在等入lift位置都會排長龍。有幸今日唔駛排隊就拎到位😊😊餐牌有熟食和魚生選擇，飯或烏冬都有同事揀左"大戶屋招牌定食"，有香炸牛肉薯蓉🐮🧆牛肉太少，薯蓉好滑燒豬腩肉~外層香脆，肉質鮮嫩，🐖🐖中間肥肉爽口不膩雜菜沙律~蔬菜新鮮🥗🥗，醬汁醒胃我就揀左"蘿蔔蓉雞扒煱定食"原煱熱辣辣更能帶動雞扒醬油嘅香氣，麵包槺包住雞肉炸過，保留雞的肉汁和香滑🐔，雖然經醬汁再煮沒有脆口，但上層加上蘿蔔蓉中和了油膩感，加上配菜吸引所有醬汁好入味。日式蒸蛋好滑🥚🥚，好有蛋香，抵讚🧏‍♀️最好係食完可以坐多陣，唔會趕你走

好似好耐冇寫食評🤣呢排真係好忙🙈🙈成日都講啲好食嘅嘢 不如講吓啲唔好食嘅嘢🤭🤭呢一間啦係前排好鍾意食嘅大戶屋佢個銀雪魚同埋佢個炸豬扒都好好食但係呢個牛肉壽喜燒真心中伏🙃🙃個湯底好鹹 鹹得來又唔覺得佢特別好味 牛肉唔夠滑絕對唔係入口即溶嗰隻 咁當然啦百幾二百蚊唔會expect佢係和牛咁嘅質素 但係好老實呢一個比起我之前喺尖沙咀食另外一間70幾蚊嘅 70幾蚊嗰個仲好食 😖😖所以係唔抵食 不推薦啊🙅🏻‍♀️🙅🏻‍♀️🙅🏻‍♀️

幾乎每兩個禮拜就要來一次食日本嘢我差唔多次次都會捱過牛食茄定食之後再加山芋泥飯啲牛舌永遠都係熱辣辣咁係個鐵板上面切得都算幾後唔會覺得好少肉分量足夠之餘仲有沙律有湯有蒸蛋個飯好快就會食完因為一啖牛舌一啖飯再加佢個麵豉醬真係好好食下面有少少洋蔥但係我就嫌佢略為生左少少如果唔係擺得好正中嘅話佢基本上係同生嘅洋蔥冇分別個鐵板完全無煮到如果有埋個甜品就會再開心啲啦但係喺中環來講呢個價錢算係咁至少係過江龍我唔使擔心係咪食緊美心先啦

今日係上環做完瑜伽好想食得健康d, 就諗起日本野，上openrice立即搵下附近有咩好介紹，比我搵到附近有大户屋。一直都試下大户屋，今次就順利成章試下。雖然星期六但上到去都8成滿。今次做完瑜伽就清清地叫左個鯖魚定食，佢仲可以加錢選唔同既飯，有五殼飯 海藻飯 小魚飯 雞蛋拌飯等等.....上到枱個定食賣相都好吸引，仲有麵豉湯同蒸蛋。。。第一口食條鯖魚，魚油好香但唔油，飯仲用左日本新瀉米。整體都好滿意，環境都好舒服，同朋友聚會一個唔錯既選擇👍👍👍👍👍

對大戶屋呢個五花肉定食不嬲都情有獨鍾, 基本上每次嚟親都係嗌佢$112定食有齊麵豉湯,蛋,飯,CP值都算不錯。呢度嘅五花肉會切到細細件,女仔食就好方便,而且雖然佢望落好似細細碗飯,但係其實成個set如果食晒會好飽,五花肉當然係有一啲肥肉喺度,不過好彩唔算好油,肉質口感都很不錯。就算我去唔同嘅分店叫呢個定食質素都差唔多,品質上係幾有保證而且大戶屋價錢又唔算貴,夜晚喺中環想搵個地方食日本嘢,簡簡單單都係一個幾好既選擇。呢度勝在環境唔會好迫,就算好多人傾計都唔會好嘈,經常都會去食下。

今日早左食lunch 12:00未夠就已經入左去 一入去得幾個客係到 點知隔左10分鐘 好多白領陸續入黎 12：15已經full 晒第一次黎到大戶屋食燒魚 睇到菜單果時已經好吸引 估唔到 食落口 真係好好味 燒得真係唔錯大戶屋用既米真係好好食 每次都要讚翻食指數

之前係太古aeon食過最近先發現原來公司對面都有😍😍上一次lunch time時間黎食真係好多人排隊搭lift上去 上到去差啲連等位既空間都無所以今次專登遲少少先食我地1點半左右上去食就即有位啦🎉朋友叫左牛肉壽喜燒鍋 生雞蛋沾牛肉好正😋我就叫左雞肉蘿白蓉鍋 都一樣好好食個汁好好送飯 真係一陣就食哂食碗飯😍以後都會成日黎食架🥳

這家日式料理在香港開了一段時日，今天終於有機會吃。還以為每個定食所包的前菜、茶碗蒸蛋、麵豉湯全都一樣，原來前菜有所不同。我的燒生薑醬油牛脷定食，前菜是熟菜；朋友的燒鹽穀熟成五花腩定食，則是沙律。至於茶碗蒸，配料不多，只有一塊豬肉和一塊冬菇。這裏的麵豉湯，沒有豆腐粒，只有腐皮及海帶；而湯鹹度適中，卻屬難得，皆因我喝過的麵豉湯大都過鹹。朋友十分喜愛她點的五花腩：脂肪多，偏鹹。對我來說，這五花腩卻太油太鹹，一定要拌著白飯或蔬菜吃。怪不得碟上的沙律、蔬菜，份量若沒有比豬肉多，也是1比1。餐牌相片中的燒生薑醬油牛脷，每片都被割到「體無完膚」。而我得到的實物呢，卻每片都很完整，賣相比餐牌的單調得多；而且牛脷焦了一點， 韌了一點點，實在不算討好。牛脷的調味倒是沒問題，因此那個顏色似芥辣、味道跟牛脷不搭的微辣味噌醬，對我來說有點多餘。這裏環境舒適，午市繁忙時段不用等很久便能入座，侍應也勤，只是上菜有點慢。

I love Ootoya! I actually discovered it in NY, and was happy to find it in HK, where the menu is more extensive, and where prices are lower. The breeding of their deep fried pork cutlet is done just right. Great for a causal lunch.

食過銅鑼灣 太古 既大户屋 今日黎到中環食依間 同行一致覺得依間最好食唔知係咪因為佢相對少人 又臨近收工 所以味道特別好呢！定係關個廚房/師傅事？一行7人叫左3個二人餐一個叫定食（其實係太多 根本食唔哂）都不能盡錄既勁多前菜 因為二人餐包 兩個小食 一個沙律 兩個主菜 仲有兩杯野飲 都係三百五 其實都真係十分相宜既價錢抹茶豆乳 佢話無甜⋯ 嗯 我有保留橙汁可爾必思 嗯 有趣 但下次唔叫我地覺得銅鑼灣既份量比中環依到少好多呀例如以下既炒豬肉片特別係個五花腩銅鑼灣得一排 依到有兩排！軟殻蝦沙律 份量又係好多雞野菜 正常既大户屋味😂牛排盒 牛排嫩 唔錯滑蛋豬排飯 又係唔錯我自己都食左牛舌飯 同屋企人叫既「魚花」魚飯 都唔錯大家都食到捧住個肚咁走埋單都只係千四蚊到仲有得儲分中環大户屋 我會番黎架！同埋佢服務都算唔錯因為中間有隻小昆蟲飛左去我一個醬料到佢都換番個醬俾我