大排檔小炒 (華發大廈)

营业中

休息中

最近天氣開始涼左，好啱食熱辣辣嘅炒餸，果日就去左銅鑼灣一間人氣大排檔，餐廳出名各款鍋氣小炒，仲有生猛海鮮、煲仔飯等等，而且份量都唔少，好啱一班朋友一齊去食👍‣ 金牌臘味粒煲仔飯（細）($148)上菜有驚喜，估唔到細份都咁大煲，食材亦好豐富，有臘肉、膶腸等等，而且仲有店員即場幫手撈勻，見到有唔少飯焦😍食落好香脆，火候啱啱好，味道唔錯，值得推介😋‣ 拔絲咕嚕肉 ($108)作為幾乎必嗌嘅招牌菜之一，果然冇令人失望！咕嚕肉色澤新鮮，炸得好香脆，重點係好掛汁，真係做到拔絲嘅效果🥰糖醋汁味道亦唔錯，唔會太甜，同樣份量都唔細，推介推介😍！‣ 大排檔小炒王 ($128)賣相睇落好有鍋氣🔥韭黃同韭菜既色澤好新鮮，配料好豐富，有魷魚乾、蝦乾、菜脯、腰果等等，食落口感豐富爽口，味道唔錯，份量亦細，總體質素唔錯，值得推介😝餐廳環境裝修好企理，座位都幾闊落，服務上菜都好快手，態度唔錯，重點係食物水準好高，想食炒餸嘅朋友就不能錯過啦😜💰Total: $428 ($214/pp 已包括10%服務費)📍大排檔小炒灣仔駱克道405-419號華發大廈地下(到訪分店)灣仔天樂里2-4號金豐商業大廈地舖

好耐無食大排檔，見呢間兩間分店都喺灣仔，口碑應該唔錯，所以就揀放工黎試下。黎到6點鬆啲已經勁多人😱，雖然叫大排檔，不過座位同普通餐廳其實差唔多，坐落唔逼🙌🏻又乾淨企理，加埋大排檔特有既嘈雜背景聲好有feel😂。落完order即叫即炒，大約等15~20min就有得食。🔅蜜薯牛柳粒 ($128)黎大排檔其實主要都係想食呢道菜😋。大大碟相當足料，有滿滿既牛柳粒🥺。薯仔炸到外層好脆，沾埋蜜糖好惹味🤤，如果再多啲薯仔就正🥺。🔅黃金脆鮮魷 ($128)鮮魷炸得酥脆又夠晒爽口，個人最鐘意係炸粉唔會一路食一路跌😝。鹹蛋黃味濃而不膩😋，份量仲要勁多😳，好抵食👍🏻。🔅拔絲咕嚕肉 ($108)咕嚕肉炸粉唔厚，炸得啱啱好，肉質夠嫩唔鞋口👍🏻，啖啖肉，唔似出面酒樓有時入面淨係得肥肉😎。醬汁酸酸甜甜，送飯一流🥺。💬Overall每道菜大份夾抵食，食到好滿足🤩，涼住冷氣食大排檔小炒真係perfect🥳，好適合一大班人聚會，啤一啤🍻。

《勁鑊氣之選🤤》———————————————-#大排檔小炒 🔥-呢間位於銅鑼灣嘅人氣大排檔，啱曬行完街去食飯，有不少有鑊氣嘅小炒，仲可以舒服涼冷氣咁食到大排檔風味，坐得舒舒服服😌-🐂 蜜薯牛柳粒呢款係餐廳嘅其中一款招牌菜，薯仔粒炸得好香脆，加入蜜糖，一夾起仲會牽絲添🍯 黑椒牛柳嫩滑多汁，一啲都唔韌😙-🦐 乾燒蝦油粉絲煲熱辣辣咁原煲上枱，炸炸聲咁滾起，超正😍 蝦油好鮮味，撈埋落啲粉絲、椰菜同蛋絲度，索晒啲蝦鮮味，份量十足，直頭可以當主食咁食😝-🦑 黃金脆鮮魷鮮魷爽口彈牙，外皮炸得脆香，上面有香濃嘅咸蛋黄香，非常邪惡，惹味得黎唔會好膩☺️-⭐️價錢參考：（另收加一）蜜薯牛柳粒： $128乾燒蝦油粉絲煲： $128黃金脆鮮魷： $128🍌抵deal 指數：7/10💰人均消費：$200

Encore餐廳！大排檔小炒！之前已經介紹過一次，因為太掛住佢地既薑蔥焗桶蠔煲，今次同媽咪再黎食🥰🥰水準依舊，果然冇令我失望！服務態度都好好，超推介！♥️..▫️ 【薑蔥焗桶蠔煲】⭐️⭐️強烈推介⭐️⭐️之前黎已經食過一次，水準依舊！香氣十足，鑊氣強勁！同媽咪都好鍾意呢一款菜色，而且桶蠔夠晒大隻，其實食一兩隻已經好飽肚！大隻厚肉，處理又乾淨，食落去滿足感爆燈！非常惹味～而且一點腥臭味都無，d蔥段吸晒香氣同精華，yummy！大力推介！😍..▫️ 【椒鹽九肚魚】⭐️⭐️強烈推介⭐️椒鹽九肚魚表皮酥脆，魚肉還嫩如豆腐，簡直係內脆內軟，而且炸得好乾身，整體不錯！🥳整體味道幾好，如果再椒鹽多一點就更加完美了！送啤酒係一流選擇♥️😍充滿香港風味可以一試..▫️ 【醒胃黑醋骨】😍醒胃黑醋骨酸酸甜甜，配飯都幾惹味，黑醋汁包著排骨，醬汁晶瑩亮亮的！肉質唔柴口，帶點半肥瘦，整體都唔錯🫶🏻

大排檔小炒位於駱克道嘅大排檔小炒，交通好方便，地鐵站過嚟都係10分鐘內就到。大排檔嚟講佢嘅裝修都算好新淨。今次同朋友嚟食坐張細枱，但係都好闊落，放到4個餸以上，店員們都好有禮貌，抵讚☺️👍🏻值得一提佢哋叫啤酒嘅話係用戰鬥碗飲，好有特色😜同朋友都好肚餓所以叫咗幾個小菜，全部都好好味。😚就算唔係叫招牌小菜都咁好味，我相信其他小菜一樣咁穩陣👍🏻拔絲咕嚕肉真係做到有拉絲效果，就算放耐咗入口一樣都係好脆，甜酸比較調教得啱啱好，絕對係我食過最好食嘅咕嚕肉之一😋魚香茄子煲茄子好腍好入味，個醬汁好香濃，仲有種出面比較難食到嘅鑊氣，可以送到好多碗飯食😋黃金脆鮮魷外層炸得好脆又好薄，仲有大量嘅流沙鹹蛋黃醬，真係好有驚喜，分量仲有好多😋脆炸BB鴿外皮好脆，雖然係BB鴿但係啖啖肉，一隻兩份真係唔係好夠喉🤤

=======:::========🥰地道撚手小菜🥰位於駱克道嘅地道大排檔 充滿港式風味 環境乾淨舒適 深受街坊歡迎 （冇去過啲咁乾淨嘅大排檔）-🌽椒鹽惹味粟米 $78粟米香甜新鮮 配合椒鹽 格外惹味開胃 適合餸啤酒-🍗大漠風沙雞 $168/ 半隻雞皮非常脆口 食落卡卡聲 雞肉亦都好新鮮幾嫩口，我同朋友都爭住食-🥓拔絲咕嚕肉 $98咕嚕肉炸得好脆 配合特製酸甜醬汁 非常正宗 撈飯食好好味-鍾意地道廣東菜嘅朋友真係不容錯過！-📍大排檔小炒 (銅鑼灣)銅鑼灣駱克道405-419號華發大廈地下A號舖

之前同朋友嚟食過一次 一直念念不忘 忍唔住又揾朋友再嚟💛如果你想揾間小炒黃得嚟又好食好有鑊氣嘅 就一定要嚟呢度大排檔小炒喺銅鑼灣駱克道近鵝頸橋 另外仲有一間分店喺灣仔 食物選擇都有好多 海鮮/豬牛雞/菜係基本 如果想食再地道啲嘅野都仲有煲仔飯/炸大腸呢啲比你揀🤪▪️ 脆炸BB鴿分開四邊 share嚟食就啱晒🥢外層勁脆 肉都幾多汁 而且一啲都唔油 好犀利👍🏻本身配咗淮鹽同豉油 不過我哋覺得就咁食都已經好夠味▫️ 黃金脆鮮魷一食即刻嘩出嚟😍醎蛋黃起晒沙 味道濃郁 雖然邪惡 但真係好鬼好食 鮮魷口感又夠爽口彈牙 而且又係做到唔油膩 要比💯▪️ 拔絲咕嚕肉一嚟到即刻試吓係咪有拔絲效果先😆真係有嘅 呢度嘅咕嚕肉一直好受歡迎 質素真係好高 無乜肥肉 甜酸度啱啱好 而且每一件都好脆 就算食到尾聲 咬落去都仲有咯咯聲㗎▫️ 魚香茄子煲用砂煲上菜 一直保持到個温度🔥呢個應該係我食過最好食嘅魚香茄子 好有鑊氣 夠晒醎香 送飯一流🍚真係停唔到口小菜份量全部都唔少 我哋兩個人叫咗四樣嘢 係有少少過分嘅🥹不過飲埋酒 加埋一都係$500多啲 真係好抵食

👍🏻 薑蔥桶蠔煲上檯時煲內發出滋滋聲 可想而知 一定好夠熱同獲氣🔥桶蠔隻隻都屬於巨大型 有我半隻手掌咁大喔🙈薑蔥調味一定唔會輸 桶蠔熟度剛好！非常嫩滑 有鮮味之餘 又食到醬汁香✅👍🏻 大排檔小炒王去得大排檔緊係叫小炒王 小炒王鑊氣十足 韮菜加埋炸魷魚🦑、蝦乾、銀魚仔等做配菜 非常濃味 送飯好正😎另外份量都好足 我見每一枱都有嗌！注意事項⚠️- 每檯會有一小碟收費小食 非常開胃🤗- 餐廳經常有人龍排隊 想食就先向餐廳訂坐

銅鑼灣人氣大排檔，啱曬行完街去食飯!有不少鑊氣小炒選擇! 可選海鮮 牛豬雞 菜等! 樣樣都有水準，多啲朋友食可以試多幾款食物!.蜜薯牛柳粒 $128: 薯仔粒炸過好香脆🥔 黑椒牛柳嫩滑多汁 加蜜糖甜甜咸咸好惹味☺️ 仲有彩椒爽脆多汁😚.大排檔小炒王 $128: 食大排檔必叫小炒王😉 韮菜爽脆鮮嫩 有蝦乾、魷魚、炸豬皮、榨菜、花生等! 夠曬鑊氣😍.黃金脆鮮魷 $128: 咸蛋黃香濃重味 外層脆香，包住鮮魷好邪惡😋 送飯一流👍🏼

位於銅鑼灣駱克道嘅大排檔小炒，坐喺室內都能夠食到咁有鑊氣嘅小炒，絕對衷心推薦比大家。呢度嘅環境都好舒適，地方好乾淨，座位亦都好寬敞，而且店員嘅服務態度都非常之良好☺️呢度嘅食物份量都幾大，我哋叫咗一個煲仔飯，入面有臘腸，膶腸同椰菜，而且做到有飯焦。招牌菜拔絲咕嚕肉，我本身已經好鍾意食咕嚕肉，呢度做得好唔錯，肉質夠靚。果汁嘅甜酸度亦都適中。仲有個魚香茄子煲，熱辣辣，我好鍾意鹹魚嗰陣香味，好正。份量亦好多。最後一個係黃金單骨雞翼，鹹蛋黃味濃郁，邪惡蛋滿足。外層炸得好鬆脆，值得一試。

🥔蜜薯牛柳粒 $118🍲沙嗲金菇牛肉煲 $108🥧鹹蛋蒸肉餅 $98🔸眾所周知，薯仔牛柳粒嘅主角係薯仔，牛柳只係配角😏今次食嘅呢間新派大排檔煮出極為出色嘅薯仔牛柳粒～主角蜜薯嘅外皮係我係食過最脆嘅😍而甜度都剛好，接近滿分之作；配角牛柳都唔馬虎，保持到牛肉嫰度，水準十足👍🏻整體嚟講仲好食過我食過其他好出名嘅老派大排檔🤣🔸另外兩碟雖然無蜜薯牛柳粒咁驚喜，但一樣穩打穩扎🤩沙嗲金菇牛肉巧妙地唔用傳統肥牛，令到成個煲嘅膩度減少，感覺更昇華；而鹹蛋蒸肉餅十分鹹香餸飯，重點係比平時食到嘅肉餅大咗10%以上，抵食😋🔸可以舒服咁坐，又食到大排檔風味，仲要價位比好多傳統大排檔都要平，呢間餐廳真心值得一試😎

再訪長期客滿的撚手小菜大排檔\( ´ω` )/新派的裝潢仲可以涼冷氣 環境都好舒適之前食過蜜薯牛柳粒&雙餸飯都很不錯水煮魚都有水準耶 送飯剛剛好 還份量十足周圍食啲煲類既小炒都好香🥺除左酒樓 好適合帶屋企人去食下.▫招牌水煮桂花魚 $208上次已經想order 今次終於都食到店員話係3-4人份量 即刻嚇親😶果然好大盆 落滿左花椒同辣椒等🌶️辣度剛好 椒味較重 惹味得黎忍唔住係咁食塊塊桂花魚片都好大片 啖啖肉好爽滑仲索晒味.ᐟ‪‪.ᐟ配料有芽菜.蓮藕.豆卜.木耳等 好豐富desu.▫金銀蛋肉碎浸時蔬 $88食完辣野要食菜清清腸胃( ⋅֊⋅ )‎و落左鹹蛋黃皮蛋的湯底去浸 調味剛好 生菜吃起來好爽口入味😗

✨炸大腸💰98💫評分: 7.4/10📝記得要趁熱食，好足料好大碟，唔會有怪味，炸到脆卜卜，送啤酒一流，啤酒🍻仲係用飲勝碗裝🤣✨拔絲咕嚕肉💰98💫評分: 7/10📝醬汁甜酸度適中，好開胃，超輕微嘅拔絲，表皮酥脆，入面嘅肉少肥啖啖肉！✨魚香茄子煲💰98💫評分: 7.3/10📝個煲上枱嗰陣熱辣辣好多煙，用黎送飯簡直一流，簡單嘅美味😋，食到鹹魚味香！大排檔小炒 📍銅鑼灣駱克道405-419號華發大廈地下A號舖(銅鑼灣🚇C出口行4分鐘就到)💫評分: 7.2/10💬有冷氣嘅大排檔， 平日都多人食，適合一大班人一齊叫餸食飯，兩個人叫3個餸already好飽，唔驚太熱食唔到大排檔🤣，薯仔牛柳粒都好想試，多啲人嚟可以叫多啲餸🫶🏻❣️其他分店❣️📍灣仔天樂里2-4號金豐商業大廈地舖🏃🏻‍♀️再訪？🄼🄰🅈🄱🄴#大排檔小炒 #新式大排擋 #大排擋 #焗魚腸 #魚香茄子煲 #銅鑼灣美食 #銅鑼灣 #拔絲咕嚕肉 #咕嚕肉 #中式 #大排擋推介 #飲勝碗 #懷舊美食 #香港美食 #foodieblog #instadaily #foodporn #hkfoodblog #discoverhk #tagsforlike #

估唔到港島都可以食到鑊氣小炒 就算閒日星期四晚幫襯都係坐滿人😌😌可見其受歡迎程度 菜式選擇比想像中多 有選擇困難嘅話可以點招牌菜☺️ 今次精選咗送飯 送酒都適合嘅小菜📌豉椒炒蜆 $108惹味到爆 蜆無沙 味道唔會話好辣 仲帶一點甜味 係一款送飯一流嘅餸菜☺️📌牛油白飯魚$128炸到脆卜卜嘅白飯魚真係理想下酒小菜配埋戰鬥碗飲別有一番風味😆😆😆 如果牛油香味再突出/加炸蒜啲會更好😙📌蜜薯牛柳粒$128甜度出過黑椒香味 薯粒香脆 牛柳軟嫩😌

餐廳：大排檔小炒 (銅鑼灣)地址：銅鑼灣駱克道405-419號華發大廈地下A號舖大排檔小炒 @daipaidongfried 分別喺銅鑼灣駱克道同灣仔天樂里開咗兩間分店，兩間店鋪相隔兩三個街口，差唔多晚晚都坐滿人，人氣真喺幾旺盛🔥今次去咗銅鑼灣呢間開咗一年半嘅第二分店，老闆希望做返舊時大排檔嘅特色🥢，同喺港島區比大家用一個相對平民嘅價錢食到高質嘅大排檔美食，堅持貨真價實，用最新鮮嘅食材，同時主張即叫即做，每碟小菜都夠晒鑊氣😋✝️蜜薯牛柳粒 $128大排檔小炒嘅必食推介有唔少，款款都大獲好評👍，除咗拔絲咕嚕肉、鐵板乾鍋爆生腸、蜜燒豬頸肉之外，呢個蜜薯牛柳粒真喺唔可以錯過🤤。牛柳粒同薯仔份量夠多之餘，牛柳粒好有鑊氣，薯仔粒表面焦脆🥔，兩者都充滿蜜糖香🍯，香濃惹味🤩，就咁食有少少溜，配飯食就真喺一流😽✝️北菇雲耳蒸雞 $128即叫即蒸嘅北菇雲耳雞🐔，無論雞肉、冬菇以至雲耳都好腍，雞肉鮮香嫩滑，唔嚡又唔老，加咗醬汁同蔥花，忍唔住食完一舊又一舊✝️鮮茄肉碎魚湯時菜 $98勁大兜嘅時菜，揀咗白菜仔，裏面有雜菌、肉碎、蕃茄🍅、西芹、薑蒜等配料🧄，魚湯一啲都唔覺得加咗味精，就咁飲都好清甜，仲有陣陣蕃茄酸甜香