大澳德發 (已結業)

今日同朋友黎大澳德發食晚飯 2個人叫左一個蒜蓉卜卜蜆 好乾淨好新鮮 酒味夠 2個人食份量岩岩好另外叫左2隻扇貝同兩隻聖子 都係蒜蓉粉絲蒸 夠新鮮夠大隻 味道一流主食叫左一個脆皮豬手 一個椒鹽鮮魷豬手唔會好咸同份量好夠啊一個生啫生菜豬手出色 皮脆肉嫩 唔會好老好鞋鮮魷大隻新鮮 唯一我自己唔中意係佢粉槳比較厚埋單8xx 以食左咁多海鮮同呢個質素 物有所值其實2個人食呢個分量好似有d 多但難得同朋友有得聚會下 就放縱自己一次啦😆😆😆以前要系大澳食依家唔洗真系好

喺銅鑼灣行嚟行去唔知食乜好，最近又成日食西餐，所以想轉吓口味🥢。經過謝斐道嗰邊，「大澳德發」嘅店員係咁叫人入去試吓，見招呼咁好，又有唔少人食緊，就決定幫襯。餐廳分上下兩層，可坐𨋢或行樓梯去二樓，我哋上咗去二樓，環境唔錯，而且望到街景，感覺開揚👍。佢嘅格局好似茶餐廳，但就一啲都唔逼夾，坐得舒服。佢同其他茶記一樣有提供茶餐同晚飯小菜。不過小菜款式繁多，而且更有好多樣係同海鮮有關🦐。餐牌上嘅每一道菜式都好吸引，當中更有孖寶套餐，我哋嗌咗優惠孖寶D($288)，有豬手同雜菜煲。三弄脆皮豬手(原價$188)，哇哇哇，豬手勁大隻🍖，以依個價錢嚟講性價比極高，佢比起喺西餐廳食平好多，而且味道亦一啲都唔遜色。豬皮整得好脆，咬落卜卜聲，豬手肉就切得夠厚身，而且充滿骨膠原，肉質唔嚡。🐷豬手有經鹽水醃過，所以唔使沾汁食都已經好夠味，鹹度恰到好處。咁大隻豬手我哋又點食得晒呢，所以連骨打包咗，返到屋企仲可以拎去煲湯添。大澳海味雜菜煲(原價$128)，雖然佢係四周圍都有得食嘅雜菜煲，不過就滋味好多🤤。蔬菜菇菌款式豐富，有齊菜芯、白菜、西蘭花、冬菇同埋金菇等。除此之外，佢更配以大量大澳海味，包括蝦乾、蝦米同魷魚，🦑

大澳德發 Tai O Tak Fat🌟整體: 兩層巨型大排檔式餐廳 不過更乾淨舒服 經典大排檔美食 水上人家菜🏠環境: 大量卡位 擺位寬躺 裝修新淨乾淨🧑🏻‍🍳服務: ✔️☆║．．．．．．．．．．．．．║☆‼️ 金沙脆鮮鱿 $108好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 鹹蛋黃量十足 外皮炸漿厚度正常 唔會過咸 即叫即做 夠香脆✅ 魷魚稍嫌有咬口多咗少少 未夠嫩滑‼️ 薑汁炒芥蘭 $78好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 今次失策左 唔記得未到芥蘭最當做日子 不過好彩呢碟係芥蘭苗居多 依然 爽脆嫩滑 可以一戰✅ 調味幾好 鑊氣十足 唔太油‼️ 蟹籽瑤柱蛋白飯 $98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 一個瑤柱蛋白炒飯好唔好食 要睇佢炒得乾唔乾身 係咪粒粒分明 ✅ 呢個合格 可以食到每一粒飯嘅彈力 乾得來唔太油 瑤柱鹹鮮味都幾出‼️ 蜜椒金薯牛仔粒 $118好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 薯仔處理幾有趣 外焦脆 內軟到變薯蓉 都

同朋友喺銅鑼灣行街行到攰，但又唔算太肚餓，諗住搵間食小菜嘅坐低食下嘢傾下計，經過呢間大澳德發，見到係主打水上人家菜未試過，就同朋友入去試下。餐廳裝修都係水上人家嘅主題，見到天花掛滿晒啲蜑家帽同埋牆上都掛左啲竹製篩，好有情懷水上人家菜當然要試下佢啲海鮮啦我地叫左個優惠孖寶B，二百幾蚊有兩款海鮮都幾抵食椒鹽鮑魚4隻鮑魚係有炸過嘅，上面鋪滿左炸蒜同彩椒，都幾惹味，鮑魚肉質幾彈牙頭抽乾煎海中蝦有八大隻，煎得幾香幾入味，忍唔到係咁啜蝦殼上面嘅調味😂惹味卜卜蜆煲蜆嘅份量都幾多，調味係比較清淡嘅，食完濃味嘅可以食呢個中和返😁

同屋企人喺銅鑼灣行完街，見到有間《大澳德發》食店，店內環境充滿大澳風味，都幾有趣👩‍🌾，所以一於試試！食物有單點和套餐選擇，重有好多必食推介！晚飯必食三寶＄4481)椒鹽焗鮑魚，一碟有4隻，即叫即炸好香口，加上大量熟蒜，好惹味👍🏻👍🏻！2)大澳鹹香雞，咸香味濃，送飯一流👍🏻，單吃會感覺偏鹹！3)三弄脆皮鹹豬手，整隻豬手碎上，方便進食，外皮脆卜卜，肉質亦保持到水份，最緊要冇肥膏😊！脆豆腐拼墨魚餅 ＄108豆腐可以用入口即溶來形容😋十分嫩滑，灑上椒鹽和熟蒜，超惹味！而墨魚餅足料有咬口！菠蘿拔絲咕嚕肉 $88見每一枱都有點，當然要試試啦！外層脆口，啖啖肉，拔絲效果一流，每一口都掛滿酸酸甜甜的醬汁，肥瘦適中，超開胃😋😋！

今日約了朋友去銅鑼灣行街，見到間餐廳，入去試試。叫了一個好豐富早餐，食物ok，肉質好，唔喊，有味道，份量多，我最愛這款多士，熱奶茶有茶味，滑，上層環境舒適，但員工態度就一般般，當日電梯壞了，要行樓梯，下次我都會再去試。因舒適。份早餐我食唔哂

呢間餐廳一行入去就覺得佢既裝修好有心思，連餐牌都係特別設計過～我地一行三人叫左五個餸，侍應哥哥們都好熱心推介左唔同菜式俾我地。我地見隔離台個豬手上台既時候香噴噴，即刻忍唔住叫左。另外再叫埋卜卜蜆煲，蝦籽蟹肉撈麵，蒜容炒白菜同埋蜜椒金薯牛仔粒。飲品就叫左薏米水同埋咸檸七。落完單先知原來叫滿400蚊就會送一隻奄仔蟹，即刻覺得好開心首先上既係蒜容炒白菜，最平凡既菜先係最考功夫。原本以為平平無奇既菜式一入口就食得出師傅好用心煮，啲白菜非常入味跟住上既係卜卜蜆煲，侍應們都好用心教我地幾時先食得，而啲蜆亦係鮮甜多汁！另外推介既係金薯牛仔粒，薯仔外脆內軟，實在想一粒接一粒咁食～總括黎講呢度既野都好推介大家黎食，完全唔會失望

比較愛食鑊氣小菜，所以今日來到銅鑼灣，選擇了謝斐道食水上人家菜的大澳德發晚餐。餐廳分上下兩層，裝修新潮優雅。menu 菜式較多，不過我都很快揀到喜愛的菜式。鮮胡椒生啫龍躉腩$128 鮮胡椒生啫龍躉腩整個煲連蓋上，當侍應揭開蓋的一刻，一股熱氣飄出，啫啫的聲音，及飄出的一陣陣香味~~~，嘩~~，真是色香味俱全，裏面很多胡椒粒、冬菇、蒜粒、洋蔥、及蔥……，非常惹味，龍躉腩切得頗大件，很腍滑，食落夠鑊氣，又惹味!蒜蓉粉絲蒸扇貝 兩隻 $76面上的粉絲吸收了海鮮的鮮味，都很美味，扇貝雖然不是很大隻，但是較新鮮，很清甜！德發招牌炒飯$108德發招牌炒飯裏面有翠玉瓜、蝦仁、燒肉粒、蛋碎、芫茜蔥菜……等等，全都切成細細粒，整個炒飯食落有帶脆的口感，仔細看嚇，原來是銀魚仔經炸過，而且炸得較脆口，所以整個炒飯很有口感，又多重口味！晚市惠顧滿$400，即送鹽焗奄仔蟹一隻橙紅的鹽焗奄仔蟹，雖然不是很大隻，但卻有較多橙色的蟹糕， 經鹽焗後味很香，而蟹的肉質也較鮮甜，當真抵食！蒜蓉炒菜心$68 蒜蓉炒菜心炒得清脆軟嫩帶蒜香，廚師的廚藝真的不錯。

想食正宗大澳水上人家菜唔一定要入大澳嘅, 今次試咗呢間喺銅鑼灣嘅, 都唔錯～ Menu成個passport咁, 好特別! 除咗有小菜外, 仲有多款海鮮供應#碧綠龍躉球龍躉球好大片, 一碟有6件, 配菜有西蘭花🥦、野菌、紅椒、黃椒。有鑊氣, 龍躉球肉質鮮甜彈牙, 調味調得啱啱好; 西蘭花好爽脆, 係一道唔錯嘅海鮮菜式!#美極生炒牛肉飯炒飯材料挺多的, 份量又多! 炒得有鑊氣, 飯粒顆顆分明, 軟硬度適中#瑤柱走地雞 賣相好掂! 我哋叫左半隻, 份量比想像中還要多, 可供約3-4人分享。走地雞鋪滿蔥、炸蒜、瑤柱, 雞件肉質嫩滑, 雞皮夠香, 皮肉間帶點油脂, 配白飯一流🍚! 呢度嘅自家製檸檬薏米水都唔錯, 唔會太甜, 底下有好多薏米!

近排食得西餐同日本菜多，食中菜都唔錯，呢間「大澳德發」絕對唔係係大澳，而係位於商場林立既銅鑼灣，行完街去醫肚非常方便七味炸豆腐($68)豆腐炸到金黃色,外脆內嫩,加上野味而且微微帶辣既炸蒜蓉,令豆腐增添不少風味椒鹽解魷($108)粉漿做得好好,令魷魚受猛炸過之後仍然保持到鮮嫩多汁,而且魷魚好厚肉,咬落爽彈而且啖啖肉,唔會出現炸粉厚過魷魚既情況蒜蓉粉絲蒸扇貝($38) 2隻起扇貝肉厚而且新鮮,落少少蒜蓉同豉油已經帶出本身既鮮甜味,用粉絲索哂剩底既湯汁先係重點豉椒炒蟶子($148)大大條肉,入口爽脆鮮甜,另外豉汁夠杰身,做到掛汁既效果,而且豉味香濃,$148有4隻絕對抵食三弄脆皮豬手($188)$188黎講真係好大隻,餐廳會切好先上枱,唔使自己同佢搏鬥,食得好舒服~豬手煮得夠淋,入口帶咸鮮味,而且豬皮炸到脆卜卜,咬落咯咯聲,食得好過癮,比起好多西餐廳做得更好鹽焗奄仔蟹($88)會成煲新鮮連爐上,係你面前開火焗熟佢,鬧鐘響起就食得,鹽入面仲加左香料一齊焗,開蓋時會聞到淡淡既香味。奄仔蟹好多膏,吸收左鹽既咸味,令蟹肉更鮮甜生啫唐生菜($88)又係連煲一齊上,打開蓋仲滾緊,生菜入口仲爽脆,而且有

與朋友隨意入咗間茶餐廳食飯，估唔到又幾有驚喜喎😮絕對可再encore👍🏻餐廳有兩層，大部份都係卡座；除咗小菜外，仲有多款海鮮供應，價錢都幾抵食👍🏻食夠$400會送鹽焗奄仔蟹，另鹽焗奄仔蟹任食套餐亦只需$398，啱哂蟹痴🥰.💥鹽焗奄仔蟹（$88/隻）奄仔蟹新鮮即劏，觸鬚及腳仍喺砂窩內顫動，底部加入粗鹽、花椒及八角等，煮嘅時候香氣撲鼻😌奄仔蟹真係超多膏，而且呈金黃色，入口甘甜，好好食😋💥豉椒炒蟶子（$148/ 4隻）蟶子大隻且無沙，煮嘅時間亦拿捏得好好，肉質仍然鮮嫩，以豉椒炒非常惹味😋💥蒜蓉粉絲蒸扇貝（$38，2隻起）扇貝雖然唔算好大隻，但勝在鮮甜肉嫩，唔會蒸得過老，與蒜蓉粉絲係絕配👍🏻💥三弄脆皮豬手（$188）近年食過嘅脆皮豬手都麻麻地，唔係烤到好乾就係皮唔夠脆，但呢度嘅豬手烤到皮脆肉嫩，仍然保留到肉質應有嘅水份，而且味道都唔錯，值得推薦👍🏻💥七味炸豆腐（$68）豆腐新鮮熱辣炸起，外脆內嫩呈金黃色，佐酒會好prefect👍🏻💥椒鹽鮮魷（$108）鮮魷炸得乾身且香脆熱辣，口感彈牙又唔韌，味道屬正常發揮😋💥生啫唐生菜（$88）唐生菜加入咗肉碎，充滿鑊氣又惹味，但若少啲油會更好😃💥柚子蜜（$2

今日再同朋友嚟咗大澳德發食嘢因為上次有好多嘢都未食可以趁着今個機會再試下首先係嗌左一個佢必試嘅卜卜蜆煲粒糯粒蜆都好大隻感覺上亦都洗得好乾淨一上枱打開嗰蓋已經聞到好大浸酒香味不知不覺已經好快食晒一煲之後就係第二樣必試 , 鹹香豬手我覺得比出邊嘅西餐廳仲好味皮夠脆身肉夠滑 有兩款醬分別係沙律醬同埋芥辣醬就算兩種醬一齊食都唔會好漏份量仲好大一定夠幾個人share 之後就係食海鮮一定會食嘅粉絲蒸扇貝同埋粉絲蒸聖子每人一隻粉絲上舖滿炸蒜海鮮亦都好新鮮我將啲卜卜蜆撈埋一齊食好好食我覺得呢個係tips 哈哈不得不讚嘅係餐廳將海鮮全部都洗得好乾淨再嚟就係啫啫生菜煲啲菜好爽好新鮮好甜有種細細個阿媽話玻璃生菜嘅脆口感就算啫啫都唔會好咸 送飯一流又係一開蓋已經好香最後因為朋友鍾意飲啤酒所以我哋嗌左一個椒鹽鮮魷送酒炸粉唔會太厚 鮮魷仲好大隻之後就傾計傾左一晚 其實以前入大澳已經好鍾意食依家喺銅鑼灣有分店真係好好

想食大澳風味，唔一定要去大澳既，係銅鑼灣都食到架。今次就揀左呢間食上水人家菜既大澳德發！佢最出名係三弄脆皮豬手，係店員推介比我地，豬手個皮炸到卜卜脆，唔會好硬，肉質鮮甜，非常多肉，係抵食之選！唔使點醬都好好食，如果點少少芥末醬就更加惹味。椒鹽鮮魷，用左大大片魷魚炸成，都幾厚肉，食落唔會太韌，無炸過龍，加上唔會太咸，味道岩岩好，夠晒香口！大澳海味雜菜煲用左濃味既海鮮湯煮成，見到有好足料既蝦乾、魷魚乾、銀魚仔。菜既份量都好足夠，不過煮得有d淋，如果爽口少少會更好。不過入面既粉絲就加晒分，因為吸收晒湯既鮮甜！好正呀！瑤柱蛋白炒飯唔太油又唔會太濃味，襯小菜食就岩晒喇，份量亦好足夠。仲加左少少蟹籽做點綴，靚晒～呢間餐廳有兩層，好多位，又坐得舒服，食物味道又唔錯，可以再encore！

去銅鑼灣又唔想入商場食飯，搵到呢間係話食水上人家菜，未試過呢種菜式決定試一試！睇個名就知係食大澳既名物～海鮮或者海味咁，選擇非常之多，真係花多眼亂！叫左個三弄脆皮豬手，係超級大碟同埋好大隻！已經起左骨同埋切片，d皮真係堅脆！好多時食炸豬手d皮係硬多過脆，呢間真係有驚喜！！皮炸到脆卜卜，肉質都唔錯，亦都好夠味～值錢唔貴，只係$188，真係超值！唔少得要試下海鮮～叫左蒜蓉粉絲蒸蟶子，蟶子蒸得岩岩好，唔會好韌，而且好新鮮，鮮甜爽口！加上用蒜蓉蒸，配埋粉絲，一定無得輸！主食叫左美極生炒牛肉飯，鑊氣十足，炒飯幾乾身一粒粒，入面亦有好多牛肉粒，無慳皮！加左美極炒，真係香口好多，唔錯呀，仲好抵食添另外叫左個大澳海味雜菜煲，呢個煲巨型到應該可以4-5人食，入面有好多唔同既菜，浸晒係非常鮮味既湯入面，湯係加左蝦乾、魷魚乾、炸香左既銀魚仔！真係好難唔鮮甜呀！然後仲要加左粉絲，索晒d湯，真係好正！第一次食水上人家菜，好有驚喜！非常之鮮味既一餐，下次會再去！！

——📍銅鑼灣❤️話說最近好想食港式大排檔 好想食下港式嘅小炒🔥🔥🇭🇰 就上網search下最近有咩好食嘅大排檔推介💻💻 見到好多人都推介呢間 #大澳德發 裝修唔係一般大排檔咁有「風味」係走寬躺懷舊為主風格🎨————————❏ 菠蘿拔絲咕嚕肉 $88🍍作為咕嚕肉嘅忠粉 梗係要試吓呢度嘅招牌菜 咕嚕肉係用咗梅頭肉來做 啖啖肉冇骨 夾起嘅時候真係有拔絲嘅效果 🍯🍯😗😗❏ 蜜椒金薯牛仔粒 $118🥔🥔呢道菜又係我去到每間大排檔到必叫嘅 薯仔通常喺出邊食都會多過牛仔粒 但呢度竟然係牛多個薯仔🤩 牛肉唔會太un 調味啱啱好💕❏ 蒜蓉粉絲蒸扇貝 $38@1🦪🦪 扇貝超大隻好厚肉又厚身 加埋蒜蓉粉絲吸晒啲海鮮汁 又平又正👍🏻❏ 優惠孖寶A: 大澳鹹香雞+金沙鮮魷 $218食鹹香雞好啱送飯 雞好滑唔需要點任何調味都好夠鹹 金沙鮮魷好大份 好重鹹蛋黃味😍——————大澳德發 (銅鑼灣)銅鑼灣謝斐道477-481號肇明大廈1樓及地下A號舖#winfat#winfat銅鑼灣#winfat港島