大澳德發 (已結業)

大澳德發坐得闊落，樓高2層，menu多海鮮，小炒！價錢 ok.酒香凍鮑魚，1份4件，每件切開2邊，爽彈有咬口質感油潤，陣陣清香酒香滲出，好 buy呢碟餸！做得幾出色。蒜茸粉絲蒸聖子，蒜香味濃沃入味，粉絲索哂味，聖子乾淨無沙，size都算大隻，口感爽身帶鮮味！滋味無窮。三葱滑雞煲，非常有鑊氣既一款！上台時"必必百百", 打開蓋香味強烈，醬汁濃而不咸，雞肉都幾多又嫩，洋惹，蒜粒等配料都好入味！好好食。送飯食相當不錯！

姊妹花今日就扮孝順女同屋企人出去食下野特意搵來水上人嘅傳統味道比佢哋試吓大家各叫自己鍾意食嘅嘢爸爸最鍾意七味豆腐配花技豆腐嘅炸醬唔會太厚加上夠滑好方便而且花枝大大舊媽媽就想簡單啲叫左大澳鹹鮮蒸馬友馬友有驚喜微鹹之外仲要好滑真係估唔到姊妹花就比較重口味叫左豉椒炒花甲拎嚟送啤酒真係好正鮮鮑三蔥滑雞煲成個雞煲都好大個仲有好多唔同嘅配菜馬拉盞生啫生菜加咗馬拉盞即刻有少少泰式口味仲嗌多個椒鹽炸九肚魚食夠左$400呢度仲主動咁送咗兩隻焗生蠔俾我哋食總括來講性價比超高佢地之後仲叫我地多d同佢搵食

同屋企人喺銅鑼灣行完街決定搵間餐館去食下野爸爸媽媽比較鍾意食傳統味道竟然見到間大澳德發主打係水上人風味菜真係要即刻試吓入到去有兩層而且成個位置較闊坐得好舒適而且裝修都好新穎入邊有唔同嘅主菜款式好多因為我哋四個人就最簡單首先嗌左個優惠四人餐想講呢個餐真係幾抵因為只係五百零蚊已經有四個餸大澳鹹鮮蒸馬友豉椒炒花甲鮮鮑三蔥滑雞煲馬拉盞生啫生菜七味豆腐配花技餅水上人味道咁一定係主打海鮮啦簡單嘅嘢最難做得好食雖然好似簡單嘅蒸馬友但係因為配上左大澳風味雖然只係簡單咁樣蒸但魚鹹鹹地而仲好滑身好正雞配上唔同嘅菇類而且加埋蔥雞又香又滑成個好惹味普通嘅生菜加埋馬拉盞而且加咗啲蝦乾只係菜都已經好送飯七味豆腐外脆內軟加埋大大嚿花枝餅呢個小食真係唔錯最後食埋嗰個炒花甲平均每人百零蚊成家人一齊食好味又大碟真係唔錯

大澳德發銅鑼灣謝斐道477-481號肇明大廈1樓及地下A號舖Shop A, G/F & 1/F, Shining Building, 477-481 Jaffe Road, Causeway Bay大澳有香港威尼斯之稱，大澳菜又會係點呢? 去過幾次大澳, 買過海鮮乾貨同鹹蝦醬, 唔通菜就係用個度架最出名架手信? $118 小炒皇 韭菜花好爽口, 呢碟小炒皇好足料, 有大澳特式, 加左好多炸過架蝦乾好好多, 仲有鮮魷, 炸腰果咁$98 大澳香蝦蒸滑雞，蝦乾蒸雞是第一次食，雞件好滑食入口有陣蝦香添$118 蒸倉魚有豉汁，簡單亦都美味，豉汁撈飯是家常菜滋味精。小炒好精彩，家常菜得來惹味香濃，絕對係添白飯架。

週末約咗朋友喺銅鑼灣食飯，佢話要同我食大澳美食，我問：銅鑼灣都有大澳美食？朋友就嗱嗱聲帶咗我嚟呢間餐廳開餐😆我哋叫咗幾樣大澳正菜😆- $118嘅「招牌小炒王」：有大量新鮮韭菜、大澳蝦乾、脆卜卜嘅腰果、八爪魚🐙、魚乾仔，炒埋一齊，非常香口😋- $138嘅「豉汁銀絲蒸白鱔」：白鱔本身味鮮甜，加埋味道濃郁嘅蒜頭🧄豆豉一齊蒸，又用咗粉絲薦底，之後再加大量香蔥絲，食落好惹味😋- $98嘅「大澳香蝦蒸滑雞」：雞肉🐓嫩滑，加埋大澳蝦醬、黑木耳、紅辣椒🌶️、蒜頭🧄一齊蒸，又係好惹味😋- $68嘅「楊州炒飯」：米飯炒到粒粒分明，仲有頗多嘅蝦仁🍤同埋叉燒粒😋- 消費滿 $400 送「蒜蓉焗生蠔兩隻」🦪朋友同我都食得非常飽，仲好開心可以喺銅鑼灣食到大澳風味😆

銅鑼灣謝斐道昔日的澳門茶餐廳已變成今日大澳德發，餐廳以懷舊漁港設計為主，幾有特色，以往經過常吃澳門葡撻已消失，今日就改一下，係酒樓很喜歡叫嘅乾燒伊麵下午茶歺，有韭王，冬菇，香濃的蠔油煮麵，這個伊麵不太肥膩，味道啱啱好，加杯凍檸茶，不錯的選擇😘😘

疫情開始之後，銅鑼灣嘅鋪頭都轉咗好多。今日嚟新開嘅大澳德發。 大澳德發提供港式大排檔菜式，但裝修一啲都唔大排檔，有好多舊香港嘅裝飾。 前菜揀咗陳醋木耳，清新一下。小食點咗七味炸豆腐，但一啲都唔細碟。呢款炸豆腐係我比較喜歡嘅，唔係傳統嘅椒鹽豆腐。 店家提供不同套餐優惠，揀咗海中蝦配鮑魚。海中蝦係煎嘅，咸淡適中。鮑魚可選椒鹽或酒泡，我哋揀咗椒鹽，超級香口熱辣辣。另外仲點咗豉椒炒花甲，花甲好新鮮，連配菜都好味。蟹肉西蘭花，有好多蟹肉，絕無欺場。

大澳德發，位於銅鑼灣謝斐道，交通非常方便，餐廳分上下兩層，座位全部以四人卡座設計，寬敞舒適。餐廳以水上人家菜海鮮類食品為主打。二人晚餐先來一個開胃前菜，陳醋木耳，陳醋帶酸木耳冰涼爽脆。餐廳有幾款優惠孖寶選擇，推介豉油乾煎海中蝦拼椒鹽鮑魚，水上人家菜式味道果然不同，新鮮中蝦乾身味道濃，鮑魚以椒鹽方式處理，味道意料之外出色。豉椒炒花甲，炸豆腐等等看似簡單菜式，餐廳制作均水準以上。七味炸豆腐粒粒乾身脆口，外脆內軟。

之前喺炮台山試過呢間食水上人家嘅菜「大澳德發」，原來開咗分店喺銅鑼灣，所以特意嚟新分店試吓。蜜椒薯仔牛柳粒：醬汁夠哂香甜，薯仔嘅外皮被一種好似焦糖脆脆包裏著，而牛柳粒好大粒，牛味濃郁，火候控制恰到好處，仍然保持肉質嫩滑，滿滿嘅肉汁。蜜餞金錢鱔：呢度主要食水上人嘅菜，所以特意點返道金錢鱔。用香甜嘅蜜汁煮，金錢鱔有炸過，仍然保留香脆嘅魚皮，但肉質仍然彈牙嫩滑，又夠入味，除咗食到蜜汁嘅香甜味外，亦食到鱔本身嘅鮮甜味。沙嗲銀絲滑牛煲：呢個煲比預想嘅大，份量都幾多，呢度好爽手啲滑牛肉比咗好多我哋，佢呢個沙嗲汁都不得了，勁惹味，啲金菇同粉絲索晒啲汁，用嚟餸飯真係不得了。蒜蓉燒生蠔：表面有好多蒜蓉，辣椒仔，而蠔燒得好香，離遠都聞到，蠔仍然有好多肉汁，肉質鮮嫩，加埋表面嘅蒜蓉一齊食就更加惹味。檸檬薏米水：薏米去濕，加埋檸檬可以排毒，味道又好，唔會好甜，啱晒啲女仔飲。

_____好味指數：🌟🌟🌟🌟🌟抵食指數：🤑🤑🤑🤑一直剩係得炮台先有嘅大澳德發終於喺旺區銅鑼灣開分店啦！地理位置都算方便，以後就可以再幫襯多啲啦🎉除咗炒粉麵飯仲可以叫小菜，店舖有兩層空間大座位多，啱晒一班朋友嚟叫餸食飯🍽✅惹味卜卜蜆煲師傅只用蒜、辣椒、芫荽等簡單調味去保留蜆本身嘅鮮味👍🏻一打開煲已經聞到好香👃🏻蜆肉肥美飽滿，食完蜆之後仲會加入魚湯同白飯煮成泡飯🍚泡飯吸收哂蜆同香料嘅精華，鮮甜得嚟仲香辣惹味😋❇️金磚豆腐拼花枝餅金磚豆腐外層炸得金黃香脆同時保持豆腐完整嫩滑，功夫一流！而特別要讚嘅係花枝餅🦑入面混左花枝粒同馬蹄粒，厚身得嚟又有彈性，咬落有少少肉汁，唔會太乾身，又唔會重油膩感，作為小食非常推薦！✅椒鹽焗鮑魚鮑魚輕輕炸過，外脆內軟，口感軟嫩又唔韌，而且上面仲撒咗一堆炸蒜，特別香口，記得要連埋一齊食啊！✅菠蘿拔絲咕嚕肉咕嚕肉外皮香脆，再拌勻糖漿，拔絲得嚟酸酸甜甜好開胃，而肉質結實有口感，而且唔多肥肉，可以放心食多幾舊🐷✅蒜蓉粉絲蒸扇貝&蟶子可以揀豉椒炒同蒜蓉粉絲蒸，今次揀咗後者✌🏻扇貝飽滿有口感，而蟶子就鮮甜彈牙，而粉絲都蒸得啱啱好，配埋蒜蓉同豉油一齊食真係好滿足🤤

《海式海鮮小菜🎣》———————————————-#大澳德發 🇭🇰-呢間大澳德發一直都有聽過，除咗炮台山本店外，佢嘅銅鑼灣分店樓高兩層，裝修雅致，主打水上人家常菜，海鮮小炒非常出色🤟🏻-🐽 三弄脆皮鹹豬手呢款招牌菜我見每枱都有嗌，外皮香脆，裡面嘅肉質嫩滑，帶少少肥膏，但又一啲都唔油膩，啖啖肉，最適合食肉獸一族😚-🐚 豉椒炒蟶子加米粉底豉椒炒呢種經典煮法最考師傅功力，豆豉嘅濃香同燈籠椒嘅甜味拎嚟炒蟶子就最啱，超級惹味，突出蟶子嘅鮮甜😆 個醬汁配搭外脆內軟嘅煎米粉餅，索哂啲精華咁食認真一流～-我哋另外叫多咗個蒜蓉炒時蔬，時令蔬菜炒得夠哂鑊氣💕 最驚喜嘅食買滿$400就有兩隻焗生蠔，蒜蓉味突出，蠔肉飽滿鮮甜，抵讚❤️-⭐ 參考價錢︰三弄脆皮鹹豬手： $188豉椒炒蟶子（加米粉底+$15）：$148蒜蓉炒時蔬： $68🍌 抵deal 指數：8/10💰 人均消費︰$210

人生第一次試水上人家既菜式💛🥰💛 最驚喜係全部店員嘅服務態度都好好😍 好nice💛 店鋪既裝修都配合左水上人既主題～🥕三皮脆弄豬手豬手既份量超多～ 外皮燒得好香脆😋 肉質都幾嫩滑😚 一開始仲驚佢燒到好乾好柴🥰🥕金磚豆腐拼花枝餅金磚豆腐真係食到停唔到口🥰 皮薄～ 外皮炸得好酥脆～ 內裏又好軟滑花枝餅除左大塊仲有一定厚度😂 食落彈牙多汁～ 有少少似手打出黎～ 而且有極小量嘅馬蹄增添口感又唔會蓋過佢嘅香味☺️ 🥕椒鹽焗鮑魚 外層有一層薄薄既炸粉～ 幾香口～ 估唔到鮑魚都仲爽口彈牙🥰

之前一出炮台山地鐵站，走過馬路已經見到那家店，沒想到最近銅鑼灣也開了分店，面積更加廣闊，食物款式也有一點不同。另外，上菜速度亦相當有效率。這間分店推出了不同的新開業優惠，堂食的話只需惠顧滿$400就會送鹽焗奄仔蟹，但當天已經售罄，轉為送焗生蠔。蠔上面鋪滿了大量蒜蓉。蠔肉熟透後變得很細小。蒜蓉蒸龍躉腩龍躉腩厚肉有骨，骨頭大條，容易挑出來。龍躉腩底下的粉絲跟豉油汁混合，粉絲入味、軟腍。珍珠蠔肉碎炒滑蛋嫩滑的雞蛋，火喉控制恰好，炒蛋夾雜肉碎及蠔仔，蠔肉飽滿，粒粒都鼓起來，跟蛋一起吃，鮮味突出。蒜蓉粉絲蒸扇貝難以失手的一碟餸菜，扇貝厚肉彈牙，滿滿的粉絲吸盡蒜蓉及豉油的精華，很惹味。

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️喺銅鑼灣行街發現咗間新開無耐嘅「大澳德發」，可以唔使去大澳都可以食到大澳水上人家菜💁🏻‍♀️見佢菜式又多又吸引一於試試佢😝⭕️ 菠蘿拔絲咕嚕肉食中菜必點嘅咕嚕肉，而呢個真係拔絲㗎❤️鍾意佢夠邪惡，一嚿接一嚿😈⭕️ 惹味卜卜蜆煲第一次食，聽到啲蜆加熱嘅時候卜卜聲勁得意🙃蜆肉雖然唔係好大隻但係鮮甜飽滿，加埋蒜蓉芫荽辣椒粒，簡單咁吊一吊味已經好香🤤食完蜆之後煲裏面仲有啲精華，可以加埋魚湯同埋飯落去做泡飯𠻹🍚⭕️ 椒鹽焗鮑魚估唔到椒鹽同鮑魚原來都夾㗎喎💯炸完嘅鮑魚特別香口，口感彈牙又一啲都唔韌👏🏻 ⭕️ 蒜蓉粉絲蒸扇貝&蒸蟶子兩款海鮮都鮮甜，配埋蒜蓉粉絲無得輸嘅💁🏻‍♀️⭕️ 金磚豆腐拼花枝餅呢個雙拼啱晒我呢啲貪心嘅人😆豆腐細細粒炸到金黃色，外層酥脆內裏滑嘟嘟，配埋啲椒鹽炸蒜，非常香口惹味。花枝餅都係出色之作，好厚身好多墨魚粒，食落口感十足唔會成口粉🦑呢間絕對有驚喜，本人表示食到好滿足🥰佢位置又咁方便，一定有得encore呢💃🏻

通常多人唔知食咩好，就會去食小炒。呢到既選擇都幾多喎! 唔知呢到係咪出名食海鮮，見到好多海鮮類。我地叫左個優惠孖寶套餐B ，有椒鹽鮑魚同埋頭抽乾煎海中蝦。蝦超級大隻，仲要好彈牙D肉，食得出好新鮮，同埋煎得好香好夠味! 椒鹽鮑魚佢係去埋榖比你，所以食落好方便! 椒鹽咁整做到佢係炸炸地咁，幾特別~ 好鐘意呢到既蜜椒金薯牛柳粒，夠甜，牛柳粒又夠淋，唔會咬唔開! 金薯係外面少少脆，入面仲係淋! 三弄脆皮豬手見好多人推介，所以叫左，個皮係吉超級脆! 而且好多肉，啖啖肉，好滿足。啫啫芥蘭煲好香，入面仲有少少肉碎同埋蝦乾提下味~金磚豆腐配墨魚餅個豆腐係好嫩好滑，墨魚餅都幾大舊一塊。碟碟送都好好送飯，食完好飽! 但每人都係200內，幾抵