大澳炭燒雞蛋仔叔叔 (已結業)

回想起第一次食伯伯既雞蛋仔, 已經係大半年前既事! 一試即刻愛上, 只可惜地方遙遠, 唯有等待下次期會囉... 終於上個week有朋自遠方來, 當然要發揮香港人既好客精神, 帶他到香港水鄉威尼斯一遊啦, hehe..心中既鬼計, 當然只有自己知啦...haha! 到達後不久, 即急不及待, 幸好只得兩個有排隊! 雖然我當天感冒並且失了聲, 但我仍堅決要幫襯! 伯伯的雞蛋仔特別之處是用炭爐燒, 落料十足, 用心製造, 不像其他地方的雞蛋仔, 只得外殼! 而且我見他不用先掃牛油也可不會黐底, 還自然地一粒一粒的分開, 食時極之方便! 一個字"正"呀!朋友試過也讚口不絕還笑我怪不得病到咁都不放過這雞蛋仔吧!

一睇到係炭燒雞蛋仔即刻想買黎食，但係旁邊條長人龍又令人卻步，正心大心細時，剛有一個男的手捧著一包剛出爐的雞蛋仔邊行邊食，食完一粒仲要一條人大叫「正」﹗遂之立定決心苦候，果然十五分鐘的等待係值得的﹗偏深色的雞蛋仔入口又香又脆又軟﹗好食過北角果檔人氣雞蛋仔好多﹗

其實上次去大澳食,已經係4個月前,不過見到有人寫,我又要寫下.因為實在太好食,上次忍唔住買完又買,買左三包,都係一陣就比其他人食晒.這個叔叔的雞蛋仔不只是炭燒,而且最重要的賣點是他的蛋醬混合得非常好,令到雞蛋仔食落好有蛋香味,而且內裡還是厚厚的,不會得一陣風.我未食過北角和牛頭角那檔,不過我認為大澳這檔是我食過最好的.

重陽大澳為食第1章：伯伯的炭燒雞蛋仔，聞名不如試試，排隊時也感到炭爐的熱力，我想原理類似BBQ，雞蛋仔的外層脆，裏面，有陣陣燒焦的香味(但並沒有燒焦)，$10一底，叫了兩底，7個人分，很快便掃清光，雖然排了很久，但很值得。

在出邊食的雞蛋仔，雖然有好多種唔同的味道選擇，不過要食到新鮮熱熱出爐的原味雞蛋仔，來到大澳，當然要食哩檔流動雞蛋仔啦～蛋雞仔即叫即整，夠熱之餘，仲夠哂趣，食完一底會想再食多底，冬天食，更加係極品，試想像下，在咁凍的天氣，手持一包咁熱咁趣的雞蛋仔邊游大澳，簡直人間極品～不過要注意一點係，哩檔雞蛋仔唔係日日都開，通常星期六日開檔為主，星期一至五想要，可能都要睇下大家好彩數，因為平日唔係日日都開架＾＾

經過幾次都好多人排隊今天再經過時難得地只有四,五個人等緊雖然食飽飯但又點可以唔試下呢d風味小食呢更何況呢個係我其中一樣至愛零食外表有別於一般買到既佢係一整完已經一粒粒咁分開色水較深但有一陣炭香味甜度適中外皮脆而內心又滿又實食完一粒好滿足有一個好大既吸引力令你忍唔住一食再食平時唔特別喜愛雞蛋仔既朋友仔都同我搶食結果唔駛五分鐘已經俾我地掃晒正!!!只係10蚊一底超值