大澳炭燒雞蛋仔叔叔 (已結業)

食點容易找尋，而且沿路也嗅到炭燒的味道，很特別。向叔叔買了十元一底炭燒雞蛋仔，他從容自在地專心炭燒炭燒，完全沒有避開大家鏡頭。可能他也當了自己是一個賣點了，嘻嘻。就連他的小車子也貼了他的炭燒雞蛋仔報導呀。雞蛋仔燒得有點黑，但很脆，同時也有蛋香。熱熱的，很實在。我和朋友都喜歡呀。但等候時間很長呢，天氣炎熱，十分痛苦呀，哈哈建議一食，味道好，叔叔的專心和炭燒技巧，值得一讚哦

食過某著名炭爆雞蛋仔,覺得真係見人見志la,可能我唔好手神但係呢個辛苦伯伯燒既,睇往真係係度慢慢同你燒,大熱天時都幾係野,仲只收你十零蚊..support !!味道一流,真係外脆內軟,好有heart 味!!下次去大澳真係搵搵佢,但係佢好似齊撈下午,見到佢係你夠運喇!!p.s. 食還食記往小心走左斑巴士,d巴士好疏 , ha 同埋可以叫定兩"底",到時想食又要趕巴士就..

假日去大澳, 其中一個目的, 就係要試阿叔雞蛋仔. 中午行過都未見開檔, 有點失望. 就遊走於純樸水鄉. 逛完行番出大街, 見到佢準備開檔, 立即排隊等食. 只見阿叔用電風扇吹猛個火, 反幾反, 燒起咗, 脫模, 但原來都未得, 起勁的用葵扇撥, 用意應該令雞蛋仔表面脆D, 一人檔口, 但工序一絲不苟, 那理等候的人數眾多, 是對品質的堅持.由於剛開檔, 不用排很久,就有得食. 炭燒真係好食D. 質地亦做到外脆內軟. 可惜蛋香還是不及兒時吃過的, 這只怪食材量產化, 品質不及從前.總的來說還是十分好吃的雞蛋仔!

吃完車站豆腐花，大伙兒繼續漫無目的地在島上閒逛，行到某處，聞到雞蛋仔香，心知傳說中的雞蛋仔叔叔已離我不遠。果然，再行多幾步就見到其真人和那條人龍。人龍並不算太多，只幾個人在前面，但每人都買成五、六底，因此也要排十五分鐘左右才買得到。十蚊底的雞蛋仔，要了三底。顏色偏深，驟眼睇來有點燶，有朋友看了照片都問我係咪過了火，但其實火路是剛好。用碳爐燒的，吃落更加香口，內餡軟綿綿的，蛋味豐盈，不會像吃風似的感覺，確是不錯。雖然要排隊，難得一次入大澳，也值得買番底試下。

馳名的雞蛋仔伯伯人龍不斷 沒有停過手對著炭爐 不斷忙他的一手撥扇 一手轉雞蛋仔看出他的那份心機雞蛋仔的表面比街上買到的燶但十分香脆而且內裏軟綿綿 一讚有機會一定要來大澳看伯伯的風采喔 =p

咁岩大澳落緊雨諗住走..行經時終於見到雞蛋仔叔叔正在整緊雞蛋仔..叔叔都幾好人仲會同我地笑下咁*0*都要買埋先去巴士站..雖然果度風大雨大..但愈黎愈多人去等XD真正以炭爐燒整出黎的雞蛋仔,唔係好多地方仲有得食整完再用扇吹1吹..令到外脆內軟..外面係深啡色~整好即食番舊..蛋汁又濃又甜..勁有蛋味''完全係覺得超抵..最後食哂都仲未停得口咁XD有機會,,實要再買過!

情人節去了大澳, 行行下見到好多人排隊, 原來是炭燒雞蛋仔伯伯很用力燒, 但排到我們時只剩下一底, 後面的人都沒有法子離開, 我們很好彩呢~~~因為是最後一底, 所以蛋汁只是剛剛好STICK住, 但都好啦, 老遠入來都買到~~~吃了第一口, 幾好丫, 脆身, 但其實吃落去又好像跟出面的沒有太大分別gimmick 大過好吃, 吃到最後幾粒已經不好吃了, 還是趁熱食好d~~~要買記得好d入去, 5點多已經賣完架啦~~~

等了整整一小時,終於等到一底其貌不揚的雞蛋仔怎知,,一咬下去,,口腔充滿炭香及蛋香味,,外脆內軟不消幾分鐘就消滅了一底了伯伯用心的堅持,,相信食客都會食得出來的

真係要試一試~炭燒夠風味..不過每底要2分鐘伯伯每底都唔馬虎, 所以好多人排隊,要食的話,要有少少耐性啦~

為何第二底？只因之前已經在另一間名不見經傳的鋪子吃了一底，本打算就此別過，卻又很巧合的看到“酷叔叔”。沒法子，為食精神貫徹到底，再來一底吧。酷叔叔動作到家，用北京話形容即是一舉一動頗有“范兒”。不過成品雞蛋仔就不太“型仔”，也不打緊，好吃就得。蛋香濃郁也很甜，鬆軟度不錯，但外皮就不及先前吃過的脆；至于炭燒的風味，對我來說也只能算嘗個新鮮。

離開永安街過咗橋去到石仔埗街，呢度有幾檔賣海鮮，買完拎去酒樓食，價錢唔貴，呢段路有幾檔小販，最旺係呢位阿伯嘅雞旦仔，成日都排長龍，阿伯好有心機慢工出細貨，唔會好生意就求其，整完會先放響到揾把大葵扇“put put”先。一路等一路睇海鮮檔生劏十斤重大海鱸，既殘忍又剌激。睇完劏魚show就有得食。如果北角個D夠脆口而牛頭角個D有內涵的話，阿伯呢檔就兩者俱備。另外，有一檔燒魷魚乾都係由一位阿伯處理，燒得好香，燒好後阿伯仲會好有技巧咁剪咗燒燶咗嘅部位出嚟，呢兩位阿伯個種處事認真嘅態度，時下年青人好應該學吓。

雖然假日要排好耐隊，不過都值！真正以炭爐燒o既雞蛋仔，蛋汁又濃又甜，燒完再吹一陣令到外脆內軟，而且自己會散開一粒粒，十蚊底真係一Ｄ都唔貴！下次入大澳都一定要再排過！

2008-10-19只係得蛋仔賣，都好喔阿叔好cool，一言不發淨係收錢好多人排隊一睇佢o的蛋漿就知道唔係出面勁溝水o個o的電風扇仔吹呀吹，好快就整好一底蛋香唔係話特別濃，但就係有o個種炭燒味，同埋好實在o既軟腍去大澳o既人真係要幫襯o下呀

２００８／８／３１小吃一四﹑五年前第一次和朋友去大澳一遊，第一次吃到炭燒做的雞蛋仔(那時候不知道此物是這麼’珍貴’)。還記得做雞蛋仔的人是一位伯伯，白髮斑斑的了。那次雖然一底四人分，雖然只吃過一粒，但回味至今。今天，再踏足大澳。穿過小橋後見到有檔賣雞蛋仔的車仔，沒有人龍的，是沒有一個人在排隊，心想是否在開飯中傳聞的炭燒雞蛋仔叔叔？最後也不理這麼多，見叔叔剛好做好一底出來，就立即買，不過叔叔沒有即包裝給我們，默默地等了兩分鐘，叔叔才施施然入袋給我們。拿上手，並不燙手，只是微熱，深啡色的外表，和吃慣的蛋黃色分別很大，每粒只有手指頭的大小，外層半脆身，內層佔一半是軟林林像蛋糕般的質地，整體味道是帶輕微的苦澀 。見叔叔是用幾部風扇仔分別來吹住炭爐和出爐雞蛋仔，葵扇已成過去式。當然，伯伯的雞蛋仔，也是再吃不到了。

Had to wait for awhile for the "egg cake" but it was worth it. I've tried this kind of cooking "egg cake" a long time ago but never saw it again. So i was quite happy to see it again. The crisp was very nice n soft inside. just perfect. I hope next time i go, he'll still be here!!! it would be very nice to see him in the winter, so i'll feel very warm. =]