大澳華記香脆雞旦仔

营业中

休息中

難得去大澳當然要食下碳燒雞蛋仔好香碳燒味，外面脆又夠熱(即叫即做)，咬入去好多餡咁，可惜味道太淡食完後先見到隔離行入少少又有另一間，一樣價錢一樣碳燒，下次有機會再試下另一間

來到大澳一趟，打算吃最有名的伯伯炭燒雞蛋仔，才知道原來早已結業小小的大澳平日開著的店鋪不多，我們沿著人潮走發現了這樣的一間雞蛋仔不知道是不是因爲那個時候大澳都沒有其他賣雞蛋仔的店所以大家都來排這家我們大約排了30分鐘左右才到我們而且還是最後的那幾個真幸運店主只有一個爐雞色仔在爐上翻來翻去一直傳來陣陣蛋香大約烤了5分鐘左右就完成了!新鮮出爐的雞蛋仔外表微燶食落不算脆口，反而有少少似雞蛋糕但是它獨有的炭燒味道值得一試

好老實講， 我都幾喜歡光顧小店， 希望支持一下小店。但若果不好食(個人感覺)，我會如實講出我的感受!請店主見諒， 因我不是賣廣告!知佢出名和見人多排隊, 所以買來試下! 一排就排了大半個鐘! 說實在, 佢真係碳燒的, 但可能人多排隊, 師傅未等雞蛋仔涼透變脆已經入袋, 所以食入口時是淋的! 而且蛋味亦不是太足! Anyway, 總算試了! 但下次未必會再買! 論價錢, 佢不算貴, 但論質數就只屬中下貨, 自己食過都知有不少檔口好食過佢。

山長水遠入大澳探朋友，當然要食出名雞蛋仔。我記得幾年前食過雞蛋仔伯伯既雞蛋仔，那種入口鬆脆既感覺，真係回味無窮。出面無一間店舖能比得上！所以今次懷著期待既心情再戰雞蛋仔！行呀行，見到有兩間炭爐雞蛋仔，其中一間有二十多人排隊，我估就係阿伯啦！但係明明記得阿伯年紀好大架，呢個似叔叔多啲！唔緊要啦，可能係屋企人掛。。跟住就排左一小時十五分鐘！終於到我啦～點解⋯雞蛋仔唔係金黃色既？而且唔係入紙袋即散開一粒粒既？個外表同一般雞蛋仔無分別，原來唔係伯伯果檔⋯噢。。。算啦，等我試下先。外層都算脆，裡面有一半係空心既，另一半都算軟熟，但無咩蛋味喎。級數低過北角雞蛋仔少少，仲要等咁耐，一定唔值囉！真係超懷念伯伯既雞蛋仔，其實伯伯仲會唔會開檔呢？今次大澳之行真的好有失落感，食唔到念念不忘既味道⋯

呢間可能唔係出名嗰間，但係喺大澳街市隔離，比較當眼易揾。我同朋友去買嗰時咁啱人唔多，但下晝三、四點回程就見到店外人潮洶湧，大排長龍，建議想食要趁早，2pm前好去排，如果唔係人太多，又要露天曬住等勁唔舒服。呢個雞蛋仔口感比平時嗰d好，冇烤得太脆，搞到好似食空氣咁，亦唔算係太鬆軟變到好似海綿蛋糕，反而好厚實同有彈性，啫係好彈牙、QQ嗰種感覺。同埋烤出黎真係金黃色好靚，味道又幾香但係唔會太甜，幾好幾好。值得一試呀

正所謂難得好天氣又喺屋企坐到悶悶地 ,就決定去大澳行一個圈,當做吓運動 經過咗成個鐘嘅路程,終於去到目的地大澳!!!一入到去見到好多唔同嘅小食檔不過都好似冇咩特別咁,所以行過就算…但係突然之間我見到一條望落去好似長過彌敦道嘅人龍(講吓笑啫不過堅係起碼有廿幾人排緊),我就緊係唔蝕去龍頭睇吓咩事啲人咁緊張,行緊去嘅時候開始聞到一陣香味,一睇原來係雞旦仔呢一吓真係忍唔住 自己都排埋一份。排排吓老細突然間派個紙袋仔俾我, 我就問做咩事要派紙袋仔,原來雞蛋仔唔係不停供應,所以冇紙袋仔嘅朋友就唯有下次早啲嚟啦

黎到大澳，點可以唔試下佢最出名既炭燒雞蛋仔架因為朝早落大雨既關係，所以假日都未見多人，排左大概十分鐘左右就到我可能因為後面有人排隊既原故，雞蛋仔都未完全乾透就入袋，所以無甘脆唔會太甜，頂果啲因為無焗住，所以脆啲。外脆內軟 而且粒粒都有料到，唔會空心其實唔係睇住佢整，我都分唔出係米碳燒

話說，我的同行者很喜歡吃雞蛋仔星期六下午才入大澳，行1行見到很多人排隊，我們又去看看遠處傳來陣陣炭爐味，再加上雞蛋既香味我們決定去排隊買雞蛋仔怎料，雞蛋仔很好賣，叔叔說有紙袋就有得賣，沒有紙袋就賣完我們很好運拿到紙袋，排了15分鐘，有傳聞既炭燒雞蛋仔吃雞蛋仔，雞蛋味很香，味道控制和火喉控制非常好值得推介給大家但一定要早點去排隊

第一次同另一半去大澳郊遊, 當然想試下一些地道美食, 在街市旁, 見到好多人排隊, 得知原來賣碳燒雞蛋仔  我們先前往文物酒店, 回來仍然見到有人排隊, 排了十五分鍾, 見到雞蛋仔伯伯倒蛋漿, 我們炮製碳燒雞蛋仔 眼見伯伯十分辛苦, 我同另一半自己心裡覺得一點內疚, 所以我們都十分珍惜每一柆雞蛋仔, 籍這機會在這裡替他打氣, 果然碳燒雞蛋仔同平時一般不同, 口感外脆香口, 有碳燒味道, 不枉辛苦排隊得到的 $17一底其實幾合理, 相信食過的人都十分認同, 下次去大澳都會再光臨

入大澳都係陪人去, 因為假日入去真係好多人.........見到近街市有檔野排晒長龍, 嘩! 雞蛋仔呀, 炭燒喎, 排隊會被蚊咬架喎(附近有檔咸魚檔, 特別多蚊), 唔緊要, 山長水遠黎到就排啦~由於係炭燒, 叔叔要逐底整, 真係都幾耐下, 排左半粒鐘, 終於到我勒~! 接過底雞蛋仔, 聞下先, 唔算好香, 食下先, 嘩! 好味喎! 係隊長細個食到果種雞蛋仔, 有少少炭燒既燶味, 個邊脆脆地, 裡面唔係實心, 有半邊係空心, 你可能覺得半邊空心好扼錢啦, 但我覺得其實成舊實心仲難食, 成舊粉團, 食半底已經投降, 又或者以前賣得平, 雞蛋佬唔倒甘多蛋漿, 整多幾底, 賺多D.半來係買左一底share食, 我一路行一路係甘食, 自己一個食晒~ 好耐都無試過食到細個果種口味既雞蛋仔!

今日係大澳周圍行下，突然見到唔小人排隊，仲以為有咩平野買，點知過到去先知，原來係炭燒雞蛋仔。之後我就即刻排隊買番一底。買左食落口果下講真個句，我覺得其實無咩太大驚喜，一開始都算幾熱，唔算太脆，但係好快凍晒同淋晒，真係比較一般左一啲。。。

我一直以為這就是那個炭爐雞蛋仔阿伯, 原來一直都係錯的, 呢度又係次次會經過, 經過會買的雞蛋仔, 條龍唔算好長, 等一餅雞蛋仔要等10分鐘, 因為即整即燒的, 都係炭爐的, 做好後會係旁邊用一架風扇仔吹一陣先入袋的, 雞蛋仔係好實心的, 唔係得個殼的, 入面軟軟地, 出面香脆, 好香雞蛋的味道, 好好味的, 沒有退步啊.

由大澳酒店行返出黎後, 經過華記, 又是忍唔住買一底雞蛋仔黎食.不過整一底都要D時間, 天氣咁熱, 老板咁近個爐都唔好話唔辛苦...馳名用碳爐燒既雞蛋仔, 個人覺得特別脆口!

兩次去大澳都係食e間...今次食完先發現原來有好幾間炭爐雞蛋仔E間嘅炭爐雞蛋仔比一般雞蛋仔軟身，味道比較淡，聞落吾算香，但食落帶淡淡香味. 下次一於試下其他幾間!

在餵貓的附近，見到這家炭烤雞蛋仔還小排隊了一下，邊等邊拍照，嘻嘻其實還有一家炭燒雞蛋仔，也覺得很吸引只可惜找唔到這家人氣高高的，也有人買了2-3底所以我們也等了很久才買得到外脆內軟的雞蛋仔很討好內餡好像蛋糕一樣，綿密又好吃一下子就給我們秒殺了有空的話再去大澳，買蝦醬吃美食