大煲皇煮廚 (已結業)

食完唔夠一個月，又心思思想食翻大煲王，因為cp值真係爆哂燈❤️今次點左花甲水蟹鍋:淨係個湯底已經回哂本，入面有N隻鮮甜既蜆同一隻爆多膏又有肉既蟹。邊係水蟹丫!!!今次同上次一樣我都係擇左刺生，真開心，打邊爐同刺生都係我最愛海膽應該係加拿大海膽，好肥好甜，仲好味過上次！送既手切牛肉一樣咁高質素，睇得又食得今次送既海鮮併盤仲正，有鮑魚丫之後已經唔得閒比相機食啦⋯⋯淨係影左送既鮑魚......上台仲好生猛識郁㗎！成個碗咁大隻....最後成隻蟹食哂，湯都飲左幾磅，個湯甜到呢

以前來過幾次打邊爐，一直覺得質素不錯，又不算貴。今晚2個女仔去到荃灣完全唸唔到食乜，天氣咁凍我就suggest打邊爐去到居然full house!!要等位..等了大概20分鐘。好驚訝要等位，可能因為對上幾次來都完全不需要等位。可能天氣凍個個都想恰下恰下XD入座之後侍應姐姐問我任食定散叫，蒸氣定邊爐 原來出了咁多款，難怪多左咁多客人。下次同男朋友試蒸氣海鮮佢最鍾意食。今次我們2個都不算餓，不想浪費所以要了散叫邊爐。(但任食其實好鬼抵!! 9點前 $248加一， 9點後 $228加一。 ) asahi只係$14.5，仲係大瓶!!!抵抵抵手切安格斯手肉好好食!!好足料，塊塊都有2mm厚，口感極佳，肉味濃冇筋，不肥，仲勁大碟!!!連我呢個牛魔女都食唔晒..蝦滑墨魚滑新鮮彈牙，唔錯。粟米幾甜。響鈴炸到好油，不建議整體好評，好味呀~ 會再來

9點前後係$248，$228。每人都有一份海鮮拼盤，足料，再加刺身，一盤靚牛肉。最後係幾款靚湯底都免費。選了醉雞，見到好足料。任食的食品幾好，叫得最多都係肥牛，唔錯架👍叫埋啤酒每人$300

天氣開始涼，打邊爐就最正咁啱見到openrice 有個火鍋專爛介紹呢間餐廳，就即刻去試下。本身只係諗住二百幾蚊送咁多野:又送刺身，又仼飲野飲，又送海鮮，又送手切肥牛,肯定質素平平啦，點知超級驚喜。（本人什少寫食評，但呢間野真係好值得分享）呢個係送既刺身，要同高質素既魚生比當然冇得比，但絕對好味過好多將貨就價既日式放題。食火鍋送刺生，仲要好食既，仲想點！海膽仲要完全唔腥臭（宜家好多日式餐廳既海膽都。。。。）初頭諗住送既海鮮，仲要仼食火鍋送既，肯定係雪藏野，又霉又冇味啦⋯⋯點知呢碟海鮮原來係新鮮海鮮黎，仲要樣樣勁大件！質素比多續碟收費既餐廳高好多！送既手切肥牛，正其實淨係以上呢三樣野已經值回票價，見到海鮮質素咁高，我就嗌左個象拔刺身，二百幾蚊大大盤，我同老公都差啲食唔哂。好爽好鮮甜好好味！仼飲野飲竟然有一楂楂既竹庶水。呢間餐廳做仼食果然有誠意！仼食既野我已經掛住喪食唔得閒影。湯底我擇左最common既豬骨湯，我忍唔住我食左幾舊煲湯既排骨(好好味）同豬筒骨我食得最多既係帶子，花膠但最驚喜既竟然係粟米同三寶丸既蝦丸。蝦丸有粒粒蝦肉又彈牙再次讚賞呢間餐廳提供的高質素的新鮮食材，二百幾蚊食到咁高質

以前打邊爐叫「任食」, 時代唔同左啦🙈依家興用「放題」呢個字眼而且依家香港經濟唔算太好, 好多人都會揀又平又抵食既野食, 今日黎到荃灣既大煲皇, 價錢抵食之餘而且仲有好多野送😀😀😀💁🏼送 刺身拼盤 或 深圳辣雞窩🙆🏼送 手切安格斯肥牛一碟🙋🏼送 環球海鮮💁🏼以及 特色火鍋湯底 八選一 雖然打邊爐之前食刺身好似有啲奇怪🙈 不過味道方面絕對拍得上日式放題店, 除左魚生, 八爪魚, 仲有帶子, 赤貝 & 北寄貝 😀😀😀 有五款種類我地叫既係花雕醉雞鍋湯底花雕醉雞聞落去味道濃郁, 我地成碟醉雞一次過倒落去滾雞肉醃製得宜, 食落有淡淡嘅花雕酒味, 而且我哋煮嘅時間啱啱好, 所以雞肉食落好嫩👍🏻😆雖然係送, 不過質素絕對唔差! 安格斯肥牛脂肪分布均勻, 而且係薄切關係落水1X 秒已經好快熟, 而且食落都有牛香味, 質素唔錯😋👏🏻最後免費送嘅仲有呢一碟海鮮拼盤聖子, 海蝦, 蜆, 鯇魚片 & 生蠔真係估唔到送嘅海鮮拼盤都有咁多款式😍😍😍蜆, 生蠔都幾大隻! 海鮮唔算10分新鮮不過味道都算鮮甜, 整體味道都唔錯嫁😀👍🏻雖然係任食火鍋, 不過呢度嘅食物比起我以往幫襯過既火鍋食材好! 而且呢度嘅服務態度都

又來到每月同事生日飯，每次都最少十個人或以上，所以任食火鍋算是最佳選擇，而且地點在荃灣，大家離開的時候都算方便。打邊爐當然不少得飲可樂。先來辣雞煲，不過我遲來了，已經給同事吃清光。火鍋底就是花甲水蟹鍋，還有甜粟米、冬菇、蕃茄等，味道鮮甜，但不會太重味精。花甲質素中規中矩。而水蟹新鮮，蟹肉鮮甜，不錯。因為我跟另一位同事有要事做而遲到，幸好也有海鮮留給我們。海蝦好大隻十分爽口彈牙。而北寄貝、蟶子較迷你，但也說得上鮮味可口。安格斯手切肥牛每塊是厚切，至於味道還可以吧。之後有其他配料任食，選擇眾多，我就點了蝦、帶子、花膠較貴的配料，哈哈。花膠都幾厚身，有嚼口，吸收剛才的海鮮湯底精華，一流。

< 中式放題勝利者 >< 超級海鮮火鍋放題 $248 >一開頭先黎講辣雞煲，醬汁頗濃，雞亦算入味，覺得唔錯既！但係食完雞煲唔係用返雞煲汁打邊爐既，係另外開一煲打邊爐既，我揀左花甲水蟹湯，煲湯的確幾鮮，另外再送一碟手切安格斯肥牛同環球海鮮盤，有鮑魚有蟶子包羅萬有，仲有 70 幾款火鍋配料同飲品任飲！真心推介呀

打火鍋～ 條心癮起左就忍唔住去食～店的格局似酒家般，而且有三層！好彩一早book 左位，不需等候，直接入座。 九點半前入座價$248，任食！ 頭盆二揀一，刺身拼盆或深圳辣雞煲。因為個人不能食辣，最終選了刺身拼盤！刺身小碟上陣，尚算新鮮，三文魚就一般般，冇跟！魷魚新鮮，加了蟹子，配芥末醬油，味道更好。 選用了太公魚頭渦作湯底！大大件魚頭，湯中有好多配料，味道不是味精味：有我最愛豆腐皮、紅棗、紀子、肉粒、芫茜等。豆腐皮浸了魚湯，好入味！正！手切肥牛和海鮮併盤全部都好正 手切肥牛真係不錯，望落就已經睇到脂肪分佈平均，一碟十多塊左右，其實算系厚切！食落牛味重，而且夠哂滑，嫩口！放落熱煲中，約落七秒就可食， 海鮮來了！海鮮新鮮而且乾淨，味道鮮甜，以餐來說，質素非常好！蟶子大大隻，超厚肉，一咬下去，鮮甜呀！肉質爽，可是有點沙 仲有生蠔！非常好食，一啲都唔腥。 蝦是我的最愛，好新鮮呀，大大隻！肉質彈牙！鮮甜！吾洗點豉油都咁好味。食肉獸一定想知，任食肥牛是甚麼級數，我覺得沒有比手切差很多，老實說對我這種不嘴刁的我，其實覺得已不錯！鯇魚片十分爽脆，而且未到一啲都唔腥，配上火鍋湯底，沾些少汁來吃，

食物質素 好多種食物都唔多新鮮 海鮮刺身海膽都有少少黑黑哋 睇見都唔太想食仲要等咗一個鐘多食物都未到 追咗三次先嚟服務 全場得兩位侍應 人手唔夠 慢慢慢價錢 貴（食物質素 唔值呢個價錢）第一次嚟試試 唔會再有第二次 非常失望

10.1夜晚10點半去到大煲皇～尋日係假期 已經預左要等位 個阿姐話等2檯就ok 甘霖住都五會好耐⋯⋯半個鐘之後問下阿姐 咦 中未有啊？ 距話唔夠人距要上去幫手 過左10分鐘落離話哎呀 原來有好多位噶 ⋯⋯ 可以上去啦～叫我地上3樓 踏入門口個一刻d冷氣勁到起曬雞皮 ～上到三樓-全部空檯 得一兩圍-姐係之前40分鐘係白等。五好理啦 快d叫野食先 勁餓。 我地叫左個胡椒豬肚湯 前菜要左刺身 😅個刺身雖然話送 但係真係好hea 2塊北極貝 2塊帶子 2只甜蝦 -完成 。 上左個送噶肥牛 賣相都唔差 。 一心等個湯底～結果～過左20分鐘 中未見蹤影 已經凍到死下死下 叫距比杯熱水我地跟翻個湯點解甘耐 又過左10分鐘先話唔記得落單 🙄🙄😑 呢個時候已經過左30分鐘 離走人剩1個半鐘～ 又過多10分鐘 湯底終於離啦 我地就劃野食～劃左5～8種 咩炸魚皮吖 白峴 墨魚滑 脆皖魚片 豬紅 生菜之類～ 又等左20分鐘😫😭結果靜係離左個魚片～之後距附送噶海鮮拼盤歷時差五多一個鐘終於出現啦 _唔理三七二十一 中之起碼終於有野食啦 一咬！omg 我的牙 😶😶 勁多沙⋯⋯全部貝類都係。

走進大煲皇，一開始完全是給他的半自助餐海鮮打邊爐的傳單吸引 頭盤有刺身或雞煲選擇 因為最近腸胃不好，我們揀了雞煲 夠辣味，但沒有搶喉，很滋味，而且很大一煲 6款湯底，我們點了花甲水蟹鍋 水蟹不是太大隻，但熬湯味道算不錯，比較清 海鮮併盤非常豐盛 有鮑魚、魚片、生蠔、聖子、貝類、生蝦 ....等等 海鮮新鮮而且乾淨，味道鮮甜，以餐來說，質素非常好！ 手切安格斯肥牛 一碟10片左右，其實算是厚切，肥瘦均勻，滾5秒吃起來非常嫩口 除了半自助提供的食材，還有可以無限任點的火鍋配料 超過30款 額外點了菲菜餃、粟米、炸魚皮、蟹棒、豚肉、魚片等等 吃火鍋，還是覺得新鮮最重要，其次是食物份量及質素 單看這個飽滿的菲菜餃，又香又有咬口，已滿足了我的口感。 幸運地，我覺得這次大煲皇還真的非常抵吃，而且吃得好飽！ 

已經一段時間冇食過任食嘅火鍋，雖然好肥但係條心癮起左就忍唔住去食～先來嘅係有好多款唔同嘅火鍋配料：）.............................前菜無炸咗嘅三文魚，調味做得唔錯可惜放耐左比較冷，同埋裏面比較多骨。.............................食火鍋之前有六款調味好充足：D.............................係打邊爐之前要選擇刺身或者雞煲，好耐冇食過刺身於是揀咗刺身，希靈魚幾得意，一半黃色籽一半係魚肉，爽口又夠酸。其他幾款都夠新鮮：D湯底揀咗沙嗲鴛鴦鍋，味道濃郁。首先一碟安格斯肥牛，質素一般。.............................海鮮方面就有一大堆，最美味的鮮蝦，夠新鮮。其他反而平平無奇，非常普通：D.............................金菇同埋蕃茄要黎給晒啲湯底精華最啱，金菇入貨係入啲大大條嘅，特別爽口！.............................有一款叫蜂巢豆腐嘅物體，幾得意嘅！不過就冇平時啲豆腐金香滑，有啲似豆卜XD 仲有爽口芋絲！................

好耐無打邊邊，今晚就同家人出黎荃灣打下，之前見飲食X女介紹過見幾正咁，今晚親身試下先。自家混醬～飲品除左汽水外，仲有酸梅湯，夏枯草等，幾多野揀。除左任食嘅打邊爐外，仲有雞煲或刺身送，是晚揀了雞煲，味道濃烈，好多香料勁香呀，雞件同蠔菇好多，多汁嫩滑，食佢再加碗白飯就真係正到爆了。食完雞煲係時候開火打邊邊，叫了醉雞煲，哈哈，又係雞，有成半隻雞。湯底勁香藥材味，好香好正。送的牛肉，一睇就知正，靚牛黎！仲有海鮮盤送，海蝦，蜆，蠔，聖子，班片同鮑魚，勁鮮甜！樣樣都超正，好肥美任食都好多野揀㗎，粟米，花膠，百頁，瓜等。鱔片，大魚頭，又係勁新鮮，完全唔腥。木耳，墨魚滑，勁彈牙夾口。蓮藕片，冬菇，烏冬仲有呢盤牛肉係任食個種，雖然無送個種咁正，但呢個任食質素已經正到爆。仲食左好多其他野，就唔一一貼相了，食物多得揀，味道好夠新鮮，份量唔太大可點多幾樣，完全無漏單，抵讚

來到荃灣找野食，見到大埔喎又幾抵食收入開示下佢個海鮮煲大大隻蟹叼落個煲到，搞到個湯底好鬼清甜我哋叫咗手打墨魚丸花枝丸豬肉丸好鬼多嘢食，啲墨魚丸好彈啊，豐富嘅魚肉未。豬肉丸先甜多汁啲海鮮好鮮甜美味我哋叫咗聖子BB仲有蜆。手切 牛肉份外美味，咬落新鮮，肉汁豐富。

朋友住附近成日話有間雞煲很抵食，所以，今次一家大細來嘗一嘗。店的格局似酒家，而且有三層。話哂都打邊爐，醬料吧梗係唔少得，雖然細咗少少，但其實好味既食物根本唔需要沾太多醬。等咗一陣，辣雞鍋來了！😍😍好香好香呀！雞煲仲熱辣辣，發出吱喳吱喳既聲音，一上到台就食得。雞係我最愛，這裡的雞煲很大鍋，雖然不是超滑雞，但入面搭夠。我其實怕辣，但點了少辣也很易入口。蔥，雜菜同菇都入哂味，我食哂d雞都仲要食埋d配菜就知道有幾好味。雞煲就是要重口味！食完雞煲，等咗一陣就開始打邊爐啦！先介紹一下湯底，是豬骨湯，湯底非常足料，大大舊豬骨之外，仲有適量芫茜下下火，外加幾舊粟米更清甜。這裡的手切肥牛真係不錯，望落就已經睇到脂肪分佈平均，食落更加牛味重而且夠哂滑。食完牛，海鮮來了！！嘩～好豐富呀。蟶子大大仔超厚肉，一咬下去，鮮甜呀！大大粒既施奄，肉質爽，可是有點沙。蝦是我的最愛😍，好新鮮呀，配上豬骨湯，唔洗點豉油都咁好味。駝鳥肉：駝鳥肉唔係道道都有得食架，駝鳥肉既口感似牛同豬之間，但見圖一樣沒有肥脂肪！唔會食濟呀！鯇魚片：切得薄薄的一片，放落爐冇耐就熟了！很爽的魚片，但未去到脆，但鮮味搭夠。