大煲皇煮廚 (已結業)

✿╮❤╭✿✿雜感女生 好味日記✿˚*•✰。大煲皇．港式火鍋=食得是福。✰•*˚✿✿舌尖上的荃灣✿✿❤餓底飯聚❤❤如果有外國朋友問我，香港人最愛吃什麼??除了茶餐廳，我一定會說是打邊爐(火鍋)和自助餐 (包括放題)香港人的確甚麼時候也可以吃火鍋和自助餐就在荃灣住的朋友，推介了一家當區居民頗中意的特色的火鍋自助餐因為這位喜歡吃港式打邊爐的朋友去了這家半自助海鮮火鍋店在席上的基本上有90%都是香港人2.5小時半任食，包括頭盤刺身拼盤或深圳辣雞鍋火鍋供選擇的湯底頗有特色，共有6款，於是我們點了花甲水蟹鍋水蟹火鍋湯底實在有點(海)「鮮氣」附送的一客手切安格斯肥牛，吃得出的牛味香濃和鮮味 半自助海鮮火鍋包括一客「環球海鮮」份量夠大，令人非常滿足聖子王、肥美生蠔、鮑魚、龍躉片加入湯令到火鍋湯底更甜再加上有超過30款任點任食配料包括：牛柏葉、鮮蝦雲吞、魚皮餃、蟹棒、豆腐、烏冬等等令人目不暇給 這兒的食客主要是香港人通常都是下班後一大堆同事到此大吃任點任食慰勞一下工作的辛苦以258蚊一位而言 其實是頗ok的平日的話248蚊一位就可以了

一直聽說荃灣有間用料新鮮，晚飯時間總是要等位的火鍋店，晚上9時後火鍋食品還有7折。今個星期六晚火鍋發燒友們決定出動，目的地就在荃灣大煲王。大煲王位於海壩街，即荃灣士林夜市後面，大大個招牌不怕找不到這裡還有近期好hit的蒸氣石鍋。火鍋店必有的醬油一應俱全。火鍋配料詳細，圖文並茂。濟公豬骨鍋 $108放滿豬骨，非常足料。竹串海蝦 $68新鮮生猛，上枱時還是活生生！蝦肉鮮甜爽口手打蝦滑拼墨魚滑 $68兩個滑都打得夠膠身，呷下非常彈牙，有口感。田園蔬菜拼盆 $78女士就是愛吃蔬菜，這個拼盆有齊粟米、菇、蕃茄、蔬菜等，滿足到所有人的慾望。手切安格斯肥牛 $198肉質肥瘦均勻，放入鍋中數1,2,3,4,5，便可拿起品嚐。呷下牛味重，不太韌象拔蚌仔 特價$68-4隻 x 2份蚌仔新鮮彈牙 ，鮮嫩可口，最重要是無沙，抵食7個人order了滿枱食物，7折過後每人才二百多元，這個價錢吃到如此高質的火鍋，無介紹錯

好想食火鍋，今次唔去任飲任食，試下呢間註明新鮮食材試下，又可以火鍋，又可以刺身，果然不負眾望，生蝦刺身果然新鮮，爽口彈牙，最勁係海膽刺身，好小會食到咁大件海膽，入口溶化，有食緊牛油既感覺，要小小咁食，生牛肉亦很不錯，叫完要再叫，叫左3轉，火鍋配料亦很齊全。

又是行山後又一下午茶之選，因為大家都有點肚餓而且又累，但時間又有點晚，所以選擇去吃點心。在不知往那裏吃時，便看到這間大煲皇煮廚，二話不說便進入取位了。大煲皇煮廚地方都算幾大，有2層的，還有電視提供，點心選擇也不少，還有假日優惠點心，這餐下午茶HKD166/3人，價錢是不貴的收費，真的不錯。*********************看看茶價，週日每位HKD7和點心由HKD12.8至HKD25.8收費，不算很貴的，以假日來說都說是不錯了。 還有假日優惠點心和粉飯類。點心選擇也不少，下午時間前來都能吃到不貴的點心，又不用等位，對於我們行完山又餓又累的人來說，實在太好了。 芝士蝦春卷，HKD14.8，假日優惠點心之選。春卷入口香脆，還能吃出芝士的香味和蝦的味道，這個點心實在好吃。 原隻蝦餃皇，HKD23.8，假日優惠點心之選。蝦餃每一粒都是蝦仁，味道都很清甜的蝦味，好吃。 鮮蝦荷葉飯，HKD43，假日優惠點心之選。送上枱時是能聞到陣陣荷葉的香，但可惜吃下飯時，飯粒相對很濕，荷葉味不足，像是一個沒什麼特別的炒飯。金牌流沙包，HKD16.8，以原價中點點心收費的金牌流沙包，吃下內裏的流沙

今晚本來諗住試吓大鴻輝中心11樓新開間一鍋堂, 5點打去電話係長响, 我以為係用緊, 點知隔咗一陣再打都係長响, 唔通係未開門所以唔接電話? 一直到6點幾都係 busy tone, 我諗佢哋太好生意, 根本唔接受訂位, 於是轉軚食大煲皇。  喺 openrice online 訂位, 點知顯示 full 晒, 唔係咁黑掛 , 唔信邪打電話去撞吓彩, 服務員姐姐話有位, 太好了, 佢仲好有禮貌咁問我哋係去食火鍋定蒸汽鍋, 我上次黎都唔覺有蒸汽鍋食, 可能係最近真係好興食蒸汽鍋, 連佢哋都做埋, 不過我話要問吓其他人意見, 依家未揀到, 要去到先至決定, 阿姐都話無問題。 後尾各人決定都係食火鍋, 我哋揀咗個蕃茄薯仔豬軟骨鍋, 鍋入面都有唔少豬軟骨, 仲係幾大件同幾林吓, 唔錯。先黎一個蔬菜拼盤, 入面有鮮冬菇、秀珍菇、金菇、粟米、蕃茄、唐生菜、白菜仔, 估唔到仲有皇帝菜, 仲以為淨係俾啲油麥菜、娃娃菜之類既平價菜添呢度出名既即炸響鈴梗係要食啦, 熱辣辣炸好上枱點甜酸汁即食又得, 放入湯底滾2滾食又得,風味各有不同。 另外仲有潮州魚蛋、雲吞併水餃、豬肺。 水餃同雲吞個樣差唔多, 都係圓碌碌

今日好想去打邊爐，之前去荃灣一直都去開城市中心附近的榕榕，但已經沒有了又吾想去大型酒樓食。所以一直都去返九龍區食。點知在榕榕原址開了一間新酒樓，今次係份開2層吾同的打邊爐。1樓係食海鮮九層塔，2樓係普通打邊爐（我最喜歡），因為9點後有7折，我地就等到9點入去，人數不多只有一半（沒有榕榕咁多人，但坐得都舒服）。樓下已經見到有胡椒豬肚湯＄68，仲要係9點後＄48已有交易。當然即叫…點知原來＄48係多左一個雞字（胡椒豬肚雞），所以我叫胡椒豬肚係原價…唉，怪自已睇吾清楚。胡椒味不足，要叫待應再加先好味，豬肚多又淋，味道吾錯入味，但酸菜冇味，整體吾錯。佢都有9格調味品選擇，當然我地辣人叫整左個超辣汁（但原來佢湯底好足料，所以不用任何調味）我地叫左個＄98折左＄68的吞拿魚腩刺身，講真一般吾太新鮮，肉質有點梅，冰又開始熔….下次可以吾好再叫。我地2個講真叫得多左，因為沒想到消夜原來同平時一樣多，所有都叫新鮮大份，雞肉半隻＄68仲未折，餃子足料又滾完吾會爛。魚頭都新鮮，響鈴夠熱又夠脆（仲有一個醬汁）。菜籃＄78，好多菜同放得好精美，2個人根本食吾晒。最後係拿了一半回家。牛肉＄168未折，我地已經不是

是日晚餐唔知煮咩好，就黎左大煲皇斬料加餸。見到門面燒鴨隻隻都好大下，今晚就食佢啦！回到家打開外賣盒已聞到好香的燒鴨味。外皮燒得十分香，咬下仍然脆口。肉質實而不硬，帶點柔軟，口感十足。連皮一起食，皮脂下滲出陣陣鴨油，更加香味美，送飯一流。65蚊半隻，味道算是不錯，但由於食過更加美味既燒鴨，故是次只可以俾OK。

約咗幾個中學同學聚餐, 喺 openrice 搵到呢間食評好似唔錯, 一於試吓, 可以喺 openrice 網上訂位好方便。 8:30去到, 服務員服務唔錯, 坐位唔太迫, 不過冷氣好勁, 成晚都好凍。揀湯底都諗咗一輪, 有好多選擇, 仲可以揀雞煲我哋揀咗個蕃茄龍蝦湯底, 有成隻龍蝦, 隻龍蝦送到黎仲郁緊, 好新鮮, 都算幾大隻, $98又唔貴喎我哋點咗個牛拼盆, 啲牛肉既雪花好平均, 仲有牛肉粒、牛脷同中間有個洞既牛肉, 有啲硬, 唔知係牛既邊個部位見到有新鮮魚卜, 呢款出面好少有, 我叫咗一份, 好大隻好新鮮佢哋既響鈴係即炸既, 上到枱仲熱辣辣, 即附上一碟甜酸醬, 可以就咁點黎食, 不過我都係鐘意淥黎食。 我哋仲叫咗花膠件、脆鯇骨腩、皇帝菜等等, 全部都好新鮮, 份量亦唔少後尾忍唔住叫多個象拔蚌刺身, 好鮮甜, 個個都食到好飽, 好滿足

晚上唸唔到食咩，唔緊要，打邊邊係一年365日都適合的野食。之前已一直好想黎呢間試下，個名好霸氣──大煲皇。但一直無人陪我黎食，傷心中…今日有阿肥黎同我食，坐底立即送上d花生小食，並送上醬料，基本酒樓必備既火鍋醬料都有，算係咁啦！叫左個冬瓜瑤柱翅群雞鍋，有隻雞，又有冬瓜，又有翅，最面頭仲有三粒大大粒既瑤柱，好重本哦！雞就一定係冰鮮架啦，但沾上自己溝既混醬，都好好食。滾緊既同時，叫左三文魚腩刺身一磅，好似係98蚊。三文魚腩刺身好滑，肥美，魚味濃，好正。雙拼餃大大隻，涵料豐滿，但皮略厚。同埋叫左美國牛，睇落雖然無咩肥位，但牛味也不錯。滾滾下d冬瓜都已熟透，吸收哂d湯汁既精華，又淋又鮮甜，正！菜分別叫左糖生菜同白菜仔，白菜仔好新鮮，洗乾淨左，無沙泥。糖生菜都好新鮮，但有幾塊個葉尾部黑左。食完飽飽返屋企。

其實係第二次嚟大煲皇，果然仲keep住水準！今次打邊爐叫左太公魚頭煲，湯料相當足料哦！大大嘅魚頭，仲有矜貴嘅花膠，湯底藥材味好重，但湯好香好甜！開始打邊爐前先品嘗下個湯，真係好補哦。呢度嘅手切肥牛一定要試！不單止賣相吸引，只要放入湯中焯兩焯，肉質好嫩好鬆化，而且牛味重，好香。生蠔大大隻，新鮮！波士頓龍蝦都好新鮮，不過蝦肉較少，就略嫌唔夠喉^_^''Order咗一隻象拔蚌刺身，超超超級新鮮，肉質爽彈，肉味鮮甜，絕呀！好快就KO咗！其他嘢食都新鮮好味，而且大大碟，可以再三光顧哦！

今次來到荃灣既大煲皇食火鍋,格局類似酒樓,並且有一個好難忘既經歷,唔係想講味道有幾好,又或者幾新鮮,而係食到爆炸了.爆炸原因係....個魚卜....原來食之前係要督穿佢...如果唔係後果自負.我真係唔知....o個種威力,令我成為了全場既焦點.咁個火鍋湯底又真係幾足料,叫做冬瑤翅群雞鍋$138,就係有成隻雞,加埋瑤柱和,冬瓜同埋翅仔,越煲越甜!叫呢個湯底就食到半飽.其他食物配料還不錯,美國雖然只是冷藏貨,但肉味夠濃~魚卜除左會爆炸外,其實就是新鮮大大粒!不過呢度既三文魚腩肥就夠肥,但係相對上就無咩味.希望其他食客多多包容,放心,下次唔會再爆嫁啦.

之前老豆生日已經黎過，今次再黎，都冇令我地失望。你知好多時d餐廳第一次去食好味，第二，三次都唔係o個回事，只怪香港生意難做。我係好鐘意飲湯架，打邊爐湯底好緊要。選呢個搖柱雞湯魚翅湯就serve到我個要求。先飲啖湯，食下雞，之後其他火鍋料慢慢送上。呢度好多嘢都好好味，推介牛拼盤，樣樣都有得試下 - 牛舌，牛展, 牛粒etc...好重牛味，正! 魚標又係另一推介。不過今次都有野要挑剔下，就係個響鈴炸得未夠時候，其他餐廳o既響鈴係一早整定，呢度係即叫即炸，附上甜酸sauce，你可以either放湯食or點個sauce就食。今次就係可能油唔夠熱，都未係炸起就上，內裡有d太油膩嘅感覺。放左湯食就ok嘅。

話說荃灣區有幾間火鍋一直都想試，但係就成日排長龍或者即日訂唔倒檯，是日即興好想打邊爐， 最後上openrice見倒呢間大煲皇， 決定黎試下~本身諗住去到要等位就轉場， 點知黎到即刻有位~ 唔使等~ 正~！坐低無耐啤酒姐姐過黎做promo,Asahi大支裝$20@2支好抵！！叫左兩支~我地兩個人點左手切肥牛， 脆肉鯇， 豚肉片， 桶蠔， 墨魚滑+蝦滑雙拼， 生根， 豆腐， 唐生菜肥牛肉質ok， 但我略嫌唔夠牛味， 而且完全唔似手切肥牛， 似安格斯肥牛， 不過無問店員有無黎錯~豆腐選用百福滑豆腐至愛~蝦滑好正！ 好多隻蝦響入面， 仲好新鮮彈牙~墨魚滑一般， 無乜味咁~豚肉片都ok，脆肉鯇好正！ 夠爽口~完全無諗過桶蠔會咁大隻， 大過隻手掌， 一碟只有5隻， 但有4隻都係大隻~ 而且比平時食嘅桶蠔鮮味~！！ 如果唔係叫左咁多嘢食， 真係想叫多碟！埋單7百幾蚊~ 食到攬住個肚走~ 好滿足！

星期日同啊爺啊嫲飲茶，去左食點心，呢度d點心都幾高質素，同埋坐得既舒服呢個姜汁糕好值得推介，賣相好令令，一層一層，姜味好濃，個糕整的好軟糯，如果冬天食真係一流。燒賣就冇咩特別，同普通茶樓都係一樣冇料既腸粉，開頭我以為會好dry,冇味，但呢個腸粉，好滑好滑，唔係點咬都吞到。呢餐整體唔錯，下次會再黎

今晚同幾個舊同事聚舊，因有朋友講過呢間嘅食品都算唔錯，所以就黎試下，我哋一行四人大約晚上7:00到，可能時間仲早唔使等位，我哋一坐底就叫左個湯底，個湯底都幾足料個侍應仲同我哋講先食左湯底裡面嘅同飲埋湯先加湯食其他野，個湯底真係唔錯，值得推介，最估唔到又有驚喜就係個美國肥牛，開頭仲以為佢落錯枱，因為好少見到普通肥牛係咁嘅樣，口感唔錯，正！其他配料都好新鮮，侍應仲同我哋九點後火鍋配料仲有7折，可以值得再黎食過，呢餐飯埋單九百幾，價錢都算OK啦