大自然素食

营业中

休息中

疫症期間諗住買外賣，俾錢嗰時覺得咁平先知而家自取外賣做緊半價，人均 $80 真係抵過去茶餐廳食個晚餐，但職員話外賣半價做埋呢個星期，下星期做堂食半價，下星期應該成為我嘅飯堂，野食味道質素 ok，唔錯幾好食，平時唔係食開素，都覺得ok，仲要咁抵食，真係平靚正！我叫左5樣野，半價左 $1602個人食，每人都係 $80超抵！～竹笙黃耳蛋白翅，柚子田園沙律，豉汁帶子蒸豆腐，海鮮鴛鴦飯呢4樣都好味。菜膽鮑魚雞絲燴翅...就麻麻地！

今日咁啱15 ，過嚟食，撞正齋期，所以冇折扣，冇優惠，冇套餐，冇半價，不過買單嘅時候，會有幾張現金卷俾你，下次食飯嘅時候，可以用，滿$200 ，可以用一張50，份量都算大，可以嘅，冇糖水送，兩個人，叫左四樣嘢，都食唔晒，不過食物唔算太熱，食物嘅味道，濃度，啱啱好，無一般齋鋪咁淡花款都算多嘅，都揀咗好耐，前菜，冷盤，湯羹，炒粉麵飯，壽司，意粉，煎炸類，正常齋菜，通通都有齊，不過服務員嘅態度，一般，好似叫你快啲食完快啲走咁

11月23日又到天赦日, 食素!雖然我都係一個齋口唔齋心人士.... 嘻嘻....原本打算落洗衣街素食一家, 食飽之後去放生, 行到去.... 吓? 執咗? 唔係嘛！唉......記憶中鄰近有另一素食店大自然, 唯有轉場囉....點咗個迷你招牌三色骨, 生炒臘味糯米飯, 香濃芝士 pizza.迷你招牌三色骨 : 三色骨其實用上沙拉醬, 草莓醬同陳皮, 最香濃係沙拉醬, 口感好似係冬菇"頂", 外相, 味道同口感都滿意.生炒臘味糯米飯 : 最大期望點知係最失望, 因為毫無糯米飯香, 唯一可取係花生夠香脆.香濃芝士 pizza : 名符其實, 芝士極香濃, 而 pizza 底亦夠香脆, order三樣 pizza 係最滿意.食飽滿腹! 出發去放生!

去過尖沙咀、現崇山，及太子這間分店，要數好吃度及招呼殷勤度非太子這店莫屬。太子店大枱2張左右，其餘屬3-5人枱。店內大部分素食都幾可亂真滿足我這些想葷吃素的人，其中點了 大自然燒味拼盤，當中最喜歡熏蹄彈牙有質感，大概是混合了蒟蒻粉做、叉燒咸甜剛好似半肥瘦、炸大腸嚼起來基本和真大腸沒分別，而且容易令人一夾再夾；海鮮鴛鴦飯，如喜歡多汁飯食 ，這個就甚是開胃，朋友的小孩吃了一碗再一碗；香煎黑椒金錢扒，似是用猴頭菇厚切，黑椒汁掩蓋了菇菌的草腥味，又不會過辣。

話說我同同事每年都會去一次雲泉仙館食齋。今年，就唔啱時間，我冇得去食，但係我又好掛住嗰度嘅芋頭魚，於是就去咗搵一間素食店懷念一下芋頭魚嘅味道。咁岩經過大自然素食，一坐低首先就點左芋頭魚先，然後就再叫一個菜膽雲吞。店員將前菜：蕃茄仔放低喺枱面，我朋友唔多想食，於是我自己成碟食晒，因為佢甜甜地，又幾好食喎！主角芋頭魚上場啦！當然唔會忘記幫佢影張相啦！切落去好鬆脆，即刻點啲汁放入口。唉！竟然冇乜芋頭味，食多幾啖，都係得啲甜酸醬嘅味道，有啲失望添。

前幾日與朋友來了太子大自然素食食睌飯，十分氣憤和失望!  雖然食物不差但因某些服務員態度差劣，尤其是那位肥肥的服務員，再好吃的素食，我們也不會再來光顧！在埋單時，那位肥肥的服務員沒有理會我們有會員卡便走到櫃枱出單，沒有即時改單告訴我們應付多少，還沒禮貌地說"比錢先，費是我走來走去"，離開時更對我們用不友善說話。我們永不會再來光顧！

早兩個月同屋企人去大自然素食，個個食到讚不絕口。趁住父親節，就帶佢地再食過。今次我地去太子分店，位於始創中心。前菜係黑木耳，爽口美味，鐵質豐富，岩晒我三文魚刺身賣相同平時無分別，沾上Wasabi、豉油，口感都有八成似。極力推介士多啤梨骨！賣相吸引，好惹味，加上酸甜既士多啤梨，配飯一流如果第一次黎唔知叫咩餸，可以試下上次都有叫牛油果多士，食過番尋味。今次要扣少少分，邊位焗得太熟，有少少焦，不過仍然脆卜卜黑松露雜菇焗鮮蘆筍好濃郁黑松露味，蘆筍更有抗氧化、防癌既功效，絕對係高纖又健康既首選芝士海鮮焗飯有驚喜，睇相已經感受到個種澎湃，芝士、配菜要湧出黎，十分足料，份量多到要大胃王先食到最後每位都有一碗糖水，初頭以為係紅豆沙，原來加埋西米，第一次見同食西米紅豆糖水，幾特別

服務態度奇劣，尤其是那位肥肥的服務員。我們一行三人點了2個餸，未食完便送甜品，叫我們埋單，我們告訴她會再叫多1個餸，她竟黑臉話不可以。我堅持下才黑口黑臉落單，走開行還同其他人說我們阻住張檯。今後請我也不到這兒!

間中靜心，去食齋真係唔錯。呢間嘢好多年，朋友話朋友推介。即係大家覺得唔錯啦！我其實都係睇openrice人地食乜叫，點左呢個柚子沙律，緊正，夠味，夠大碟，D菜夠新鮮，個沖係醋加沙津汁，好明自己調，而調得好好 味，食不停食到無。不過過百蚊貴左少少。西蘭花就麻麻地，硬左少少，上面金菇候頭菇絲無乜味。呢個咕嚕骨超正，齋排骨本人點整都好味 但佢好入味，仲有新鮮菠蘿，好fresh。炒金邊粉講明有點辣，確係有點啫，接受到吧。，呢個芋頭魚，無乜芋頭味，炸得好嘅，但芋香不足，加上甜酸醬唔夠酸甜囉。整體食物質素係好嘅，但....好快送上糖水，再個半鐘唔夠，就話訂枱嘅人到左，我都係訂枱喎，bbok嘅時無講過限時食，唸住坐下傾下計舒服D，點知係好快要走人囉。仲要好快吹第二次叫人走。整餐平均人均消費約$120多（有九五折卡下）

平時做做埋埋唔少陰質事，所以襯佛誕走去放生同食齋，扮吓好人！去大自然食齋係內子提意，佢話貪大自然泊電單車方便.去到大自然，佢話重有半個鐘先係 Tea Time 喎，細問之下先知原來 Tea Time 時段係半價！咁無計啦，落樓下睇吓電話囉....結果睇電話變上台出電話！洗費重貴過去大自然食正價餐！嗚嗚 ~~>_<~~pizza 一向係去齋鋪必點，所以點咗個香濃芝士 pizza，生煎迷你叉燒包，甘薯咖哩角，鮑魚雞絲翅同四寶翅.鮑魚雞絲翅/四寶翅：首先熱到辣咀，飲到尾都係辣咀，相信同個不锈鋼兜有關，我中意雞絲翅個湯底質感，但中意四寶翅嘅濃味，四寶翅有發菜同竹笙，兩個翅嘅配料如果多D更理想.熱到頂唔住，叫個椰皇先！生煎迷你叉燒包：外表可愛，入口同真叉燒包當然相差好遠，味道有D特別，相信同我少食齋有關.香濃芝士 pizza：點五款菜最好味嘅菜式，pizza內軟，邊皮位置脆口，餅底唔會太厚，而且芝士味夠香，滿分！甘薯咖哩角：外表炸到過咗火，問我介唔介意？我話唔介意，不過我寫食評會放相上網，反問翻佢介唔介意？佢聽我噤講，即刻換過碟！雖然望埋去炸燶咗D，但外皮香脆不減，內裡餡料不少，

星期六好朋友係太子行禮結婚，去觀禮之前上咗黎大自然素食食飽飽先~就咁嘅，聽就聽得多大自然素食呢間野D 服務好差，其實我又覺得唔算特別差，咁當然你唔好諗住佢會賣笑啦~野食方面其實好正，叫咗個黃耳素翅燉椰皇、竹筒飯、椒鹽淮山、西多士2件。坐底會有碟小食前菜，係大豆芽菜，唔算辣都幾惹味好食。個燉椰皇好足料，黃耳、素翅、紅棗、黨參等等，藥材料雖然比較多，但入口藥材味配合埋清甜嘅椰皇又幾正，藥材味唔會偏濃，而且個椰皇仲可以食埋肉~竹筒飯比較普通，而且份量偏細。不過都幾香幾好食。椒鹽淮山有趣嘅係要配合埋佢嘅脆卜卜碎一齊食先有味道，帶少少咸同辣都幾惹味，如果就咁食只會食到淡味嘅炸淮山~西多士見差唔多每檯都叫，但等得比較耐，催過一次個姐姐好似無咩反應，但之後都好快黎到，唔算無服務。西多士咬落有濃郁芝士味，而入面仲有啖啖沙律醬味，雖然芝士應該係假嘅又無拉絲，但真係好邪惡呀~~~

今日老豆約左朋友出去食素，跟住問我去唔去試下，而我今日又冇乜野做，所以跟米出去，偶然食翻餐健康餐都好😌我平時都冇點食素，對呢方面都冇要求，所以食乜都冇所謂，我乖乖地坐係度等食得啦😆上菜速度都算快，最先黎左個刺身拼盤🍣估唔到素食都可以做到有模有樣，仲要配上醬油同芥末👍🏻不過口感我就覺得一般般，唔係好啱我口味，之後仲上左個片皮鴨🦆新鮮滾熱辣送到，不過就覺得有啲乾身，唔係特別好食，醬汁還算可以。覺得最好食係牛油果🥑焗多士🍞香脆可口，越食越想食😋，之後仲有魚翅蛋白炒飯，真係估唔到宜家啲素食都做得幾好下，仿真度都高，創意唔錯。

服務差，侍應優先招呼比利是既客人，冇利是比都廢事招呼你。食物ok, 炒飯幾好食，70幾蚊小貴但都收貨。但d菇豆腐就麻麻，d豆腐係滑，但d菇酸的，個汁就咁用豆粉水開，加d鹽就算。d 阿姐冇心招呼人，問多兩句都賺你煩，服務真係差。

吃素, 是今時今日一個飲食大潮流, 大趨勢. 也由於有家人只吃素, 我們也定期會到不同地方吃素, 其中之一, 就是大自然素食.法式牛油果焗多士 $13.8 x 3 這裡的其中一個名物, 就是法式牛油果焗多士. 香脆的多士, 香濃的芝士, 健康的牛油果, 很吸引.蕃茄雜菌濃湯烏冬(跟豬扒) $78 小晴晴來到這裡, 主要就是吃烏冬, 蕃茄雜菌濃湯烏冬, 蕃茄加上雜菌, 自然是健康, 配上的豬扒, 當然不是真正的豬扒, 但也很香脆.原隻金瓜焗飯 $88 我就喜歡焗飯, 如這個原隻金瓜焗飯, 真的未吃, 已經聞到那濃濃的芝士香味, 每口飯也充滿香味, 令人吃到停不了口, 而且用料足, 很討好.原盅黃耳素翅燉椰皇 $48 目測差不多每檯也有點選的是原盅黃耳素翅燉椰皇, 火候十足, 湯頭味清, 下了不少素翅, 椰香突出, 受歡迎, 是有原因的.濃湯粉絲雜菜煲 $78 想吃得健康, 又怎少得濃湯粉絲雜菜煲, 基本上這個雜菜煲, CEO是搶著吃呢.即磨腰果露 $48 x 2 最後, 還有甜品, 就是即磨腰果露. 那又香又濃的腰果, 不算太甜, 很合我意.吃素一樣可以吃得美味, 如大自然素食就是一例.

對, 我真的很愛吃肉, 但人總要吃菜. 這晚就來到大自然素食, 吃吃素, 健康的一晚.原盅黃耳素翅燉椰皇 $48: 8.5分, 先來客原盅黃耳素翅燉椰皇, 是這裡的名物, 要吃就趁早, 這晚七點已經售罄了. 燉椰皇份量不少, 當然用上素翅, 味道清甜, 帶椰香, 愛喝湯水的, 值得一試.法式牛油果焗多士 $13.8 x 3: 8.5分, 至於法式牛油果焗多士, 剛剛焗起的, 熱辣辣, 相當香脆, 面層的芝士味道香濃, 加上牛油果, 又添上點點健康的色彩.濃湯粉絲雜菜煲 $78: 8.5分, 說真的, 我不太喜歡吃那些扮肉的素食, 還是這客濃湯粉絲雜菜煲合我意, 下了不少雜菜, 加上粉絲同吃, 就是簡單而有益的菜式.原隻金瓜焗飯 $88: 8分, 也要來點澱粉質的選項, 原隻金瓜焗飯, 用上大大個南瓜去焗, 面層舖滿呈金黃色的芝士, 飯粒吸收了南瓜及芝士的味道, 挺惹味的.蕃茄雜菌濃湯烏冬(跟豬扒) $78: 8分, 小晴晴的主食就是蕃茄雜菌濃湯烏冬, 湯頭跟粉絲雜菜煲的一樣, 烏冬份量不算太大, 但質感不俗.即磨腰果露 $48 x 2: 8.5分, 怎能不吃甜, 就來客即磨腰果露, 質