大自然素食

营业中

休息中

總結: 可以再試🤩 1. 強烈推薦俾想試素食但無從入手嘅人士！！！ 味道同肉食90%似 ！！！可作過渡性素食🤣2. 咕嚕肉必叫！基本上枱枱都叫！3. 聽友人講咖哩豬扒飯都必試！話說除夕個人原本想去食Pizza但係又覺得太Heavy最後係太子試左第一次嘅素菜入到去枱枱一碟咕嚕肉 唔洗諗即叫！兩個人叫左四款菜咕嚕肉同肉基本冇分別 份量多🤩三文魚刺身口感雖然唔似 但係蘸豉油食味道都好似👍🏻椒鹽豆腐同芝士薄餅就同平時相若

今日大約19:45係大自然始創中心食飯，連菜都未上就即刻走都走唔切，點解？有成隻手噤大嘅老鼠🐭係頭頂跑！！！等上菜期間，距離我地張枱一米都冇嘅頭頂有隻大老鼠，即刻執嘢走同同侍應講，個侍應竟然唔去處理仲叫我地繼續坐低食😡，話隻老鼠唔會走落嚟（但隻老鼠係準備緊跳落黎），又叫我地唔好影📸。當我地出左門口離開，佢追出嚟話隻老鼠走左，叫我地返入去坐😓。究竟佢地平時見過幾多隻老鼠先可以噤淡定？其實一開始佢地嘅服務態度已經搞到我地一肚氣 💨。去之前已經預先book枱，一行六人去到竟然俾張四人枱我地。我地叫左六人餐，嗰侍話張因為張枱唔夠大，所以啲菜要慢慢上，但原來佢口中的慢係由落單後半個鐘連頭盤都未上，如果唔係見到隻老鼠即刻走，都唔知會仲要等幾耐。其實book枱時知唔夠六人枱可以答full咗，而唔係為咗做生意夾硬屈六個人坐四人枱然後答我地話冇辦法。之前都幫襯過幾次，啲食物都幾好、價錢又相宜，但今次之後，一定唔會再幫襯🙅🏼‍♀️！

食過幾次員工態度仍然維持極差，因為食物幾好，陪媽媽食，每次問佢攞個餐牌又矮又西咁，遲遲都唔拎，又串。完全唔明白點解仲可以冇改善，有次我都廢事叫佢拎自己去拎又要串，真心唔會再去幫襯！比錢買難受！

Lunch time 去食兩位唔洗等呢個木瓜沙律（$16）幾乎每一張枱都會叫黎食，不過唔知點解我好唔好彩，隻木瓜特別細過人地嘅好多😂平平地過下口癮都幾好嘅。片皮鴨本身對呢個好大期望，不過食落真係還好，個人對西芹非常反感😅點解片皮鴨會配西芹嫁？食第一啖我朋友問我係咪啲鴨燶左，我自己唔係好覺，可能係因為啲醬好似燒烤醬搞到佢有錯覺。咕嚕肉呢個真心好食，好食過真嘅咕嚕肉，而且食落去啲肉感好真，但係又唔會似真咕嚕肉咁油膩。三樣嘢加埋$25x

我哋9個人食，7女2男，叫咗嗰精選素宴A (半席) ⁃大自然小食拼盤 - 有蝦片同啲類似泰式嘅小食，無乜特別⁃夏果碧綠金銀帶子 - 相對普通，但帶子食落有口感⁃田園千島石板鴨 - 唔太中意食芋頭，無食到⁃原隻鮮菠蘿🍍咕嚕肉 - 好高分，可能佢擺盤太靚，加埋嗰汁，完全唔似食緊素😚⁃鮑魚雞絲翅 & 瑤柱金茹扒西蘭花🥦 - 同平時食嘅味無乜太大分別⁃馬來咖喱雜菜魚柳 - 魚柳像真度好高，咖喱汁做得好好食😋 所以成碟都加咗好多分⁃古法鹽焗雞 - 唔知食緊咩😂 有砂礓粉掂”雞”⁃薑米菜粒魚蓉炒飯 - 好食，都係似外面嘅炒飯⁃意大利肉醬焗意粉🍝 - 外型不太討好，無食到😗⁃腰果露 (糖水) - 開粉糖水🧐再加咗三文魚刺身同埋金沙南瓜蝦⁃刺身食落嗰感覺好似食緊真三文魚，係視覺同味覺嘅新體驗⁃黃金蝦都係，可能因為自己太中意食鹹蛋嘅嘢，所以入面係咩配料都覺得好好食😂半席加兩嗰餸，9個人食飽到傻，份量好足夠😚順帶一提， 呢度嘅侍應態度唔係幾好😂

食物真系唔錯，但我諗應該好多人都俾前台個員工搞到已後都唔去，事源一，本生打算生日中午食素，我等左接近2個鐘本來入得架（因為我無訂到抬，所以我明白都要等），由12點等到差唔多下午茶啦，個接待員一見到熟客排都唔用排，還可以直接入去？！其他人都見到我地排左好耐，都覺得個接待員很過份，最離譜我問她咁幾時入得呀？她話要再等喎，你店再好食，都食到一肚氣啦！如果你店只做熟客的，請麻煩貴店寫明只做會員，街客不接受！事源2，其實nee間野個接款員工都唔系得一次啦，有一次我屋企人去食，都未點菜，就要趕你走，打算叫你付錢，我諗咁樣做法系得太子分店的員工才做得出。

我一向好少食其他素食店，但今晚有位朋友好鍾意素食，而佢又係我一位敬佩的師姐，所以來這裡試下。佢個沙律原來真係好大個架，都幾抵食，又幾好味，但記得汁另上自行加會較好。太多汁會無咁好食上湯竹笙時蔬都清清地，我都幾鍾意食竹笙嘅，幾好！👍🏻乾扁四季豆係我好鍾意嘅菜式，不過不失，幾好！正常嘢要推介一下個炸豬大腸，真係好好味。我如果會再去都會再叫黎食。仲有呢個素叉燒包，好好味！但唔夠我之前食開果間甘好味。🤪🤪🤪

我今晚八點諗住帶阿媽食健康D，去咗太子大自然素食食晚飯，我地叫左三個餸，第一個木瓜沙律，見枱枱客都叫就試吓，食落口D沙津又硬又唔新鮮，好似隔夜餸，聽到收銀阿姐叫廚房冇嘢做，準備定明天D嘢食，日日都係咁啦，之後第二個叫左個鮑魚雞絲粥同媽咪清下腸胃，點知啲粥好似水咁，仲難食過白粥又冇乜料，第三個餸仲衰，叫左碟腐竹銀杏湯浸豆菜苗，我同媽咪全碟豆菜苗都咬唔爛，全碟吐返出嚟，問職員點解咁硬，佢話呢隻菜係咁職員問我埋單未，我話轉頭先，嗰陣未夠九點，而且我仲食緊野，我出咗去廁所十幾分鐘返黎見到佢吹我媽比錢埋單，我問佢而家九點十五分，唔係收十點咩，職員話要拖地，叫我埋單拖地，呢間真心覺得垃圾餐廳，食物已經難食，員工態度又衰，希望佢快啲執笠

這一晚想吃素菜，最後決定到這間「大自然素食」吃晚餐。「大自然素食」一向都是走新派素食路線的素食店，既然來這裡找素，除了傳統的素菜，當然也要點些沒有那麼傳統的吃。「大自然素食」的彷刺身一向像真度極高，這天我便先以「三文魚刺身」（$68）作為頭盤開開胃。多件口感和味道都似模似樣的厚切彷三文魚刺身，蘸點刺身醬油和日本芥辣，像真度就更高了。作為頭盤小吃，絕對是稱職之選。「燒汁雜菜鰻魚粒」（$98）的鰻魚粒也像樣，口感與真的鰻魚有七、八成相近，加上與鰻魚醬汁相近的燒汁調味，外層炸得香脆的素鰻魚，上桌後趁熱吃，味道都不錯。不過那些作為大配角的雜菜，就顯得有點馬虎求其，不吃也罷。也吃點傳統些的，來一個「竹笙羅漢鮑片炒麵」（$88），就是最基本的羅漢齋炒麵加點竹笙和素鮑片，味道正正常常，及格，但不會特別高分。這晚有特價的燉湯供應，只賣 $18，當然大受食客歡迎，幾乎每檯都有點來喝，而且在我用餐期間，已經火速售罄。這價錢便宜的「野生松茸黃耳花菇燉湯」雖然材料充足，味道可是十分清淡，就像是溝了水一般，雖說素菜宜清淡而不濃味，仍令我覺得只是強差人意。最後還有免費奉送的糖水，是傳統的「蕃薯糖水」，味道適中不太

都幾鍾意食大自然的素食。。通常都好味😁😁下午茶。。每日都不同選擇。。呢次揀左雪菜火鴨絲炆鴛鴦米粉，都幾特別，因為米粉+粉絲 = 鴛鴦米粉😋👍🏻👍🏻.另外大自然的湯都好好飲。。好足料。。而且份量都好多真係～ 所以有時可以兩個人叫一個粉，再叫小食，都是一個不錯的選擇😁.通常+ 服務費。。。再+ 茶位～每次都去試不同餐。。試過雪菜肉絲炆米，也是不錯的。。好味😁😁👍🏻所以都推介朋友去食。。多人通常可以揀多些菜式😀

平日嘅中午去食都幾多人，可能因為咁，所以佢地都未必夠人手去招呼客人，係叫餐嘅時候，等咗好耐都未必得閒去應你，甚至乎講一句‘好，你等等’都冇，好似見你唔到咁。不過叫咗野食，上餐速度反而好快。其實野食同價錢都唔錯，我地三個人叫咗鮮竹粒斑腩豆腐煲、豉汁煎釀尖椒同埋水蜜桃黑松露芝士焗飯。水蜜桃黑松露芝士焗飯係午餐set,有埋湯都係53蚊，而且幾大份，的確幾抵食，黑松露味幾足，而且唔似係黑松露粉。鮮竹粒斑腩豆腐煲都好大份，好足料，就係油比較多，味道都唔錯。豉汁煎釀尖椒食落同真嘅一樣，就係對我呢講嘅椒太辣。

喺度食飯真係一肚氣 我8點半入座 嗌左4樣嘢 都無諗過會有上菜次序㗎喇 但我無諗過 一嚟就上個飯 就即刻粒聲唔出隊碗紅豆沙落枱 (我係無叫過紅豆沙) 同佢講話我無嗌過 佢就大大聲話呢個送比你㗎！ 真係皇恩浩蕩喇！ 其中一味蟹皇芙蓉翅 碟醋入便有隻蚊滋 問佢可唔可以換左佢 個阿姐又話唔關佢事 其實我都係想換左碟醋啫 唔洗咁大反應嘅！如是者食到8點55分 野又未食晒 就催我埋單！問佢幾點截單又話9點半 9點未夠又要我埋單？真係咁趕收工咩？趕收工咁你又入客？啲服務咁差 啲嘢食再好食都好難返轉頭啦！ 下次想食齋都唔會再嚟呢問囉！

雖然下午茶係半價……叫佢哋攞餐牌落單完全不理會態度超差，好似乞討咁， 半價係你公司自己推廣出㗎。唔係我要你哋做半價㗎，我有畀錢食㗎 ，還好惡咁，等下啦做緊嘢！D食物水準下降，由其係佢哋個大家姐，態度超差，叫佢落單，完全唔理你！

本人於5月3 日致電太子大自然素食並訂位5月12日8位晚上7時. 而當日朋友係7點前已到達攞位, 發現 8 人訂位由2張大小及高低不一 既方枱同一張圓枱組成.當時大家都呆左一呆, 枱既組合甘奇怪但都算,甘因為有一友人未到 就叫左 3 個小食先.  其中一位朋友為方便落單, 就於櫃位取來一張粉紅色紙, 但突然有一位職員A行過, 而且一手搶去該紙張 並且責罵同行友, 說’呢張紙好貴架’.  我地一枱人呆左一呆.該位職員跟手從某地方攞左一張細好多既紙比我地. 甘大約8點左右, 我地既主菜都未到晒, 但突然有另一位職員B送上糖水, 我地覺得奇怪就問佢 : 主菜都未上晒, 點解上糖水? 職員B回答 : 我跟單出, 咩都唔知. 跟手放低就走左去. (其後有朋友講,聽到職員B細細聲講, 攞左就順手上埋) 於大約8:29, 職員A問我地仲會唔會加野, 大家都食飽就唔再加野喇. 職員A就話幫我地埋左張單.當時我先剛開始食果碗糖水(已經由熱變左凍).經過以上所有野, 本人真心開始發火. 一間咩餐廳, 比甘既服務. 但同行朋友都真係脾氣太好都比左錢先. 已於FB 投訴, 但該公司負責人不了了之.   可想而

疫情下，難得好友相約晚飯，誰不知受了一肚子氣，食物是美味的，但服務態度真的有待改善，就連向經理反映，也不了了知，忙於幫其他客人落單，過於敷衍，如此待客之道，實屬過份。