大自然素食

营业中

休息中

一大一B，又五係有人等位，因為要放bb椅，所以坐2-3人台，收我兩個茶位，這不是重點，我愿意比，重點係個服務員態度，叫佢搬開里面張椅放bb椅入去，佢d面口真係衰，好似話我麻煩甘，最後，點了菠蘿生炒骨（菇），肉碎茄子，難食到爆，真係無下次

幫襯過不同的大自然素食，可是沒有一間和太子店相同，這裡是會令食客頭痛的，為何？請聽道來。1．本店牆飾是用鏡，所有聲音都完全反射，食客發出少少聲都會在此不停迥響。2．除了一位外，所有店員都是面黑聲大。兼用不友善的嗓門同客及互相溝通，結果就是嘈、嘈同埋嘈。3．有一位樓面和廚房素有積怨，故此一邊待客一邊與廚房互罵，食客被迫做聽眾。4．相信工作上的壓力頗大，服務員便在收拾餐具時發洩情緒，利用洪荒之力掟入收集處，製造不必要噪音。如此這般加在一起便會令人覺得坐立不安，頭痛欲裂，直至走出餐廳，噪音既去，人也平靜下來了。說到食物方面，味道算是不差，但樓面與廚房之間真的是有問題。齋期落單時千叮萬囑要走蛋，結果又係全碟都有蛋。雖然都肯更換，對於只有一小時的放飯，這樣又壓縮了時間。特別一提是餐前小食的車厘茄，調教味道很好，值得推介。

一個人午餐，點了燉湯和多士燉湯清甜，用料很足，黃耳素肉素翅，味香，超香。牛油果吐司，很大塊，最少點2塊。牛油果配上素吞拿魚及沙律醬，味道對的，唯一個人吃有點油膩。

今個下午跟媽媽試另一間素食店🥬，這是一間連鎖素食店，中午有午市套餐（包湯），價錢大眾化😁。 頭盤奉上車厘蕃茄，我們點了豉汁倉魚塊猴頭菇煲仔飯🥘和叉燒炒意大利粉，例湯是粉葛湯。煲仔飯熱辣辣🔥，豉汁不會太濃，配飯🍚剛好，我本身不太喜歡這類素倉魚，反而猴頭菇不錯，至於少意大利粉，略嫌太油，最喜歡的還是例湯。

餐廳員工帶我地到大枱與他人搭枱，我地仲等緊另外兩位朋友，但一名貌似係經理既員工因我地忘記將所有的茶杯揭開，以為仲可以坐多兩個人，對我地大聲呼喝，鬧我哋搞到佢以為枱上面仲有位，將其他客人叫咗入嚟。除此之外，在食飯期間都聽到其他員工同客人鬧交，例如趕住叫其他客人賣單，一句講曬服務態度差到離曬譜，以後都唔會再去。

難得一次食下素，環境狹窄，2個人安排左一個主要走廊位，超級迫，完全無跟限聚領既安排，雖然全場爆，但基本座位都是狹窄，座位係餐具櫃前面，啲侍應呀姐成日攞餐具，攞餐具又大大力，又大聲同佢啲同事講野，但又好奇怪，問佢野又唔多願答🙄，我地叫左3樣餸，居然話，張檯放唔落，即係叫我地唔好叫？好喇，環境太嘈，唔好講話可以同朋友傾下計，仲嘈到頭都痛😵，啲野食未食晒，問都唔問就收左人隻碟，真係一啲禮貌都無，仲限時食45分鐘，離晒譜，唔會再幫襯👎🏼

今日我們二人同行去太子的始創中心的大自然素食 ,職員好有禮貌地叫我等一會就有位！ 點了兩款餸一個小食, 我還跟店員說夠嗎？她很好說夠啦！唔好叫啦！唔好浪費！ 真的好好呵！食飽收碗後還送甜品！ 真的非常滿意的一餐！整餐晚餐達至90分以上，非常好味！

好耐無食喇 以前銅鑼灣返工 最鐘意食 下午茶有半價 最低食 今日就走左去太子試下先一坐低就叫左幾個餸個名不太記得 大概是菠蘿咕嚕肉五柳魚黃金蝦 南瓜新出嘅炸豆腐（忘記名稱）仲有個湯整體上一般 魚同肉都唔錯 個湯太傑 不過足料最差係個黃金蝦 勁厚粉 唔夠黃金 即係無乜咸蛋黃 蝦係素食 但唔知點解都有點不新鮮的感覺 又唔脆 在銅鑼灣好好味係必叫菜式😔失望豆腐係好靚 但脆到界親咀 好有創意 但我麻麻地 朋友就覺得唔錯 芝士牛油果多士到喇 我至愛最少要叫兩件 朋友唔食 可以自私食🤣🤣真係要等二三十分鐘架 坐係就要即刻落單最後仲叫左個炒豆苗（是有機豆苗）怕草青味就唔好叫喇 下次都係去返銅鑼灣

今午2:30到太子店午飯，20分鐘後剛剛食完，有一員工沒有説明理由下要求我結賬。我即時問午飯是有時限？那員工表示有個半鐘時限。原本我打算處理完電話訊息後，將會離開。怎料，結賬後5分鐘內，有另一員工對另一員工大聲説＂1號枱唔肯走，擺住張枱＂。之後有另一員工要求我讓出張枱給下午茶人客，我回應需要張單據及仍等待找續。我在2:30坐低，3:10離開。短短的40分鐘午飯，結果一肚氣，還要付上茶芥加一。看見社交平台多人批評太子店服務差，公司admin回應會盡力改善會努力，似乎完全沒有重視執行。永不再光顧😡😡😡

呢間素食餐廳因為疫情嘅關係又做緊全日外賣自取半價優惠🥡不過午市快餐,下午茶餐,特價菜式就唔包‼️款款都大大兜裝到滿一滿 又平又抵食🍴做緊優惠太平 嗌嘅時候都冇睇價錢🤣睇番張單先知原來啲餸係貴過食飯麵🙈不過全部都唔錯😋.農家燒焗竹筒飯🎋 $38冇睇錯真係$40都唔洗😍因為呢個係特價菜色所以就冇半價優惠😛第一次見竹筒飯 好得意 真係用條竹裝住啲飯🤩唔好睇個飯好似好少咁...其實佢壓到好實🙈自己一個食晒都真係幾飽🧐飯入面加咗啲粟米,栗子,香菇,素肉碎😚整體味道都幾淡 有少少dry🤏🏻同人share食會好啲😳.鮮茄焗肉醬意粉🍝 $88呢個意粉好似係新出 個樣望落有啲似焗豬扒飯😂意粉好大兜 面頭仲有啲雜菜同番茄🍅最鐘意一定係佢pat素芝士🧀不過啲汁唔太好食 係甜甜地帶微辣 好奇怪😣同埋份量太好 每一啖都好多汁 食落好濟🥺意粉偏腍身 唔彈牙 可能索得太多汁☹️.豉油皇雜菌炒麵🍄 $78呢個食落就係普通茶餐廳/小食店買到嘅味道🤔不過個豉油味就冇咁濃 味道都係偏淡 炒得唔會好油😝同埋加咗好多菇菇同雜菜 係幾健康嘅選擇👍🏻.乾炒牛肉河🐮 $78上次食過佢個款泰式乾炒牛河 今次啲款個樣都幾似🤭不過就多咗好多雜

脆豆腐是大塊豆卜切開然後向外翻出豆卜肉，再塗上混有西芹的素魚漿炸成。看似炸得很硬，咬落很鬆脆，一啲都唔硬。素魚漿質感和味道與真魚漿無異。芫茜麻香黃金糖心皮蛋，如菜名所說是黃色蛋黃的，個麻辣醬汁調得出色，麻辣感覺只局限於口腔舌頭中，怕吃辣的人都無問題，可試吃一下。素翅燉椰皇，有素肉碎、黃耳、素翅、𣏌子，燉湯清甜，無肉都一樣非常濃味。牛油果法式焗多士，$13/件，2件起。法包上牛油果醬中混有素沙律醬，再灑上大量素芝士焗出來，軟硬兼備，吃不停。一坐下便奉上玄米茶和車厘茄小食，故需付茶芥費呢！

大自然，算是香港新派素食的先驅者，屹立多年，在香港也有數家分店。個人覺得銅鑼灣分店，出品最為理想，縱使連鎖食肆，但出品也是有所分別。在7:00pm前結帳離場，可享8折優惠，下午茶更是半價優惠，所以平常大多下午惠顧。今晚約了一位素食朋友晚餐，在沒有計劃下，便到來用餐。椰皇燉翅，桂圓味較重沙嗲羊肉串，一直是我的至愛，每次必點牛油果多士，招牌名菜之一雞絲粉皮，略嫌麻醬不足豆沙鍋餅，則欠香脆涼拌皮蛋，尚未入味大自然是素食愛好者的好地方，因為提供了傳統素菜外，更多選擇，不用這麼乏味

ᴄʜɪɴᴇsᴇ sᴛʏʟᴇ ᴠᴇɢɢɪᴇ🥗.細細個就成日幫襯呢間齋鋪😛而家越開越多西式素食餐廳🍴但係呢間中式嘅都仲好吸引到屋企人😎野食嘅種類超級多有飯粉麵、壽司、刺身、牛、豬、雞、鴨、海鮮.....真係你喺茶樓見到嘅都可能有🤩佢呢排仲有promotion外賣半價🥡不過淨係做到5.15😫.香樁瑤柱魚翅蛋白炒飯🥚 $88 (走蛋)因為食全素所以走左蛋🤭雖然走左蛋 但係個炒飯配埋香樁同好多蔬菜粒 所以都唔會dry😍素魚翅好爽口 好有口感🤤啲飯炒得好乾身 粒粒分明 好香口👍🏻同埋份量勁多 壓到實一實 好抵食‼️.泰式乾炒牛河(金邊粉)🇹🇭 $68個粉食落幾煙韌 不過可以炒得乾少少🤏🏻素牛肉嘅口感真係同真嘅好似🥰原本expect佢會係pad thai咁嘅味 但係佢真係乾炒牛河黎🤣會帶少少酸同辣😝食落幾開胃😚.黑松露雜菇焗鮮蘆荀🍄 $98呢個真係估佢唔到🤫一打開已經聞到勁香黑松露味 勁吸引😍點知食落 除左有勁濃松露味 仲有勁香芝士味🧀呢到用左素芝士 全素都食得‼️但係因為太多醬 食得多都幾漏🙈不過佢除左菇同蘆筍 仲有好多三色椒 所以食落就會fresh番啲啲🤣.瑤柱金菇扒西蘭花🥦 $88瑤柱係用猴頭菇撕

好耐之前去過大自然素食既太子分店一次，比佢啲員工既服務態度嚇親，之後一直冇再去。到前排佢做堂食半價優惠，就諗住比多次機會佢地，點知真係改善左好多，啲姐姐友善左，食都食得開心啲。個蛇羹真係好神奇，啲素肉既樣係同蛇肉一模一樣，真係呃得下人！生炒糯米飯當然就唔係生炒架啦，賣到咁平仲做生炒會蝕架，不過味道都唔錯。平時好少機會食到冇肉既糯米飯，今次食到覺得好滿意。牛仔肉冇乜特別，個份量就有少少呃秤。睇落以為好大份，原來舊錫紙入面係墊高左，真實份量獵火減左一半，大家要留意下。素翅燉椰皇係每日限量發售架，如果想食既話最好早啲去，或者book位果陣叫佢地留定比你，如果唔係好大機會冇得食。個湯好清甜，啲椰肉夠哂稔，輕輕力就筆到出黎食。啲仿魚生都係來貨，同其他有仿魚生既素店出品一樣，都係蒟蒻做既人工野，耐唔時食下都幾過癮。北京片皮鴨其實就唔係好似鴨架喇，不過我鐘意食佢塊薄餅同埋醬，包埋一齊食細細個啲回憶返晒黎。啲人成日話啲素食者食素肉係齋口唔齋心，其我地都係想回憶下以前既日子啫。十幾蚊就有一碟高麗菜，仲話係有機既添！大家又信唔信咁平有有機菜食呢？係既話真係益街坊！上湯浸翡翠苗整得幾好，啲菜苗煮得恰到好處，

今天和朋友決定去食素食。鬆化芋頭魚有濃濃的芋頭香味，外脆內軟，好吃。原盅黃耳素翅燉椰皇這個是蘇湯，椰子的味道很香，會有素翅及黃耳，很好味。杞子豬潤浸九杞菜豬潤的樣子10分似，口感也有90%相似，配上枸杞，很好味。香酥炸大腸炸大腸的樣子10分似，加上口感也很似。原本炸大腸是很不健康的食物，但變了素食之後，可以解口癮，味道也很好。法式牛油果焗多士牛油果西多士同樣出色，剛焗出來的西多士，上面滿滿芝士，中間夾着牛油果，咬下去10分脆，美味。次外，我們還叫了：雜菜燒汁鰻魚粒、冬陰功海鮮雜菜煲、糖心皮蛋、陳皮白菊素蛇羹，這些菜式平平，沒有什麼特別，味道還可以。