大自然素食

营业中

休息中

最近覺得自己有點熱氣,所以來吃齋清下腸胃。星期日午飯時間不算多人。入座先端來茶和餐食小食(日本毛豆)。呷一口茶,原來是玄米菜,我們還以為到了日本餐廳。毛豆幾好味,鹹鹹地,愈食愈想食,停唔到口。招牌乳豬連自製掛包($98)外貌同口感都似乳豬,有皮有肉,連肉紋都有,真有趣。自製掛包很軟身,配搭甜醫及青瓜。芒果魚生壽司($18)芒果和三文魚都切成一粒粒,感覺同真的三文魚有幾份似,雖則附上wasabi,但.........又不是真的吃魚生,哈哈,沒有試過。雜果米紙卷($36)內類包著一些西芹之類的蔬菜,不過太多沙律醬了,米紙也比想像中厚,像在吃軟的沙律卷。潮式糖醋麵($48)哈哈,心思思想多點一道菜,吃飽一點,見到糖醋麵以為是主食類,到上菜才覺得怪怪的,就當是甜品吃。味道算是普通得非常。

今晚跟友人補祝生日飯, 她說要吃得健康, 選擇了這個地方, 素吃我本來都不是很好, 因為通常都很多油, 但當食物送來的時候, 完全沒有這個問題!!!我們四人點了5個菜, 1) 霸王西施 - 味道很凊淡, 豆腐很滑2) 吉列芒果卷 - 一般而已3) 沙嗲螺肉 - 口感很像4) 咕囉肉 - 很棒!!!! 跟真的肉很相像, 不油膩, 正!!!5) 炒有機豆苗- 味道很清新, 以為自己在吃草...總括來說, 是很棒的素吃, 味道一流, 也不油膩, 選擇也多, 看出是很用心的出品!但地方比較窄, 看到很多人都坐得不舒服, 也不方便侍應來往...這個就需要改進下了...

似乎個場好應聲，地方好嘈，就算之後餐館剩下一半人客也沒有靜點講番食物，賣相唔錯，睇餐牌好似去咗居酒屋，試了：香芒吉列卷 一般啦片皮鴨 鴨肉賣相似豬頸肉多D，不過包入薄餅味道又幾似片皮鴨日本蕃薯天婦羅 切得太薄，炸得太乾，還是正宗日本店的好吃綜合來說是有趣的素食，可以再去，不過會是第二間分店。

星期五，空氣不佳，成個人沒精打采的。最新一期港澳版米芝蓮出版了，西餐廳仍是摘星大戶，當中有幾間以分子料理著名。筆者對分子料理嘅理解，係以物理及化學方法，改變食物原本嘅外觀及味道。這豈不是中國人最拿手嘅齋菜嗎？筆者對齋菜嘅整體印象一般，都是一些煎炸香口嘢，比較肥膩。是晚走訪了一間位於銅鑼灣嘅素食店，眼界大開之餘，也改變了筆者對齋菜嘅印象。一行八個人，以樣樣都試一吓嘅心態，點了十五款菜式。名字雖有魚有肉，但全部是不折不扣的素食。首先是冷點涼伴芝麻牛塝絲($32)，將牛塝切成細絲，加一點芝麻吊味。牛塝絲入口清涼爽脆，帶一點芝麻香，喚醒味蕾之餘又不失清淡嘅宗旨，是一個不錯的開場。「肉類」先來菠蘿咕噜肉($62)，外表是似模似樣的，食落彷彿是啖著豬肉一樣，唯有分別是冇豬肉咁飽肚。所謂豬肉，其實是用了猴頭菇切成大小不一嘅形狀，再蘸上粉炸，幾可亂真；瑤柱菜脯炒蛋($58)是家常菜，蛋味香濃，炒得也很滑，加上菜脯的嚼勁，十分不俗。兩款煲仔菜分別是濃湯粉絲雜菜煲($52)及鮮淮山木耳雞煲($68)，前者菜種不下五六款，湯底呈奶白色，味道清甜；後者以麵筋仿造雞肉，像真度不及之前的咕噜肉。配料方面，淮山咬落

復活節假期第一天，一家人來了這裡嚐新－－大自然素食。試一下這裡的「魚生」等等。去到，嘩，很多人呢！才知道今天是農曆十五。點了魚生刺身（大）、壽司拼盤四人前、沙爹肥牛金菇卷、蟹粉扒有機豆苗、招牌乳豬件、鴛鴦海鮮炒飯。上菜了。如果是被蒙著眼進來，的確可以騙得到大家的。整體都好味，唯一是...... 為什麼那沙爹肥牛金菇卷的「肥牛」沒有捲著金菇的呢！最大敗筆是..... 居然不收信用卡

久唔久真係想食下素清清腸胃，今晚又約左食慣好清的朋友聚一聚，就選擇哩度，完來環境都好不錯，寬敞得來樓底又夠高，真係可以盡情傾計唔會俾隔離嘈親，約人食飯傾計之好地方。至於野食，真係幾好味又唔多油喎！ 香芒吉列卷：舊炸蝦做得味道好似，不過“淋”左d，但明知係素食會原諒佢，整體都好似樣呀，好似好味過好多日式壽司店。 美極燒豆腐：豆腐本身已經係素，點整都好食，但要極讚佢個燒醬汁，連同燒得個邊脆脆地的大件豆腐，真係好出色好野味呀！ 燒乳豬連掛包：做得幾有燒腊味，同大大塒軟綿綿的掛包一起食，食落越似食北京田鴨的味道！好正！第一次食無油的乳豬仲要幾好食。 香芋豬扒飯：塊豬扒都幾好食，但就嫌D香芋汁唔夠香，飯亦炒得太乾，幾難吞落肚咁囉。Service都幾好，係有樣覺得好煩嘅，就係阿姐總共問左我地3次食唔食椰皇X奶，又話好搶手好快無，我地都話無興趣囉，仲問......如果搶手就唔會埋單前都再問我地要唔要啦。但整體佢地服務態度幾好嘅，阿姐仲一人送一張95折卡，雖然麻麻地吸引，但我都會再約不同的fds再食過。

自從王經理話要食百日齋後，幾乎每個星期，我地兩個都會四處找尋好味嘅齋菜館。是日又o黎到銅鑼灣，今次決定唔去我地近期嘅飯堂～紫來坊，一於試吓第二間，有比較先有進步嘛！但今次呢間，其實王經理已經o黎過好多次，响未發掘紫來坊之前，佢話呢間係佢覺得最好味嘅齋菜館！王經理平時o黎呢間一定會叫金瓜飯同芝士鮪魚多士，佢話好好味。但今次我地決定試新嘢：美極燒豆腐～講真就唔係點食得出係美極汁，但味道甜甜地，都幾得意！不得不讚佢地個炸豆腐，皮脆內軟，個皮厚薄適中，炸得香脆而不油膩，裡面嘅豆腐依然滑到不得了，真係好想知佢地點將舊咁滑嘅豆腐攞去炸大紅乳豬件（跟自製掛包）～呢道菜係我見Openrice有好多人讚，所以堅持要試嘅！果然無揀錯，簡直係超級好食！素乳豬嘅皮竟然可以整到同真乳豬嘅有八九成似，加埋乳豬醬同爽脆嘅青瓜，夾响件好軟滑嘅掛包裡面，真係唔講都唔知係食緊齋！瑤柱福建炒飯～味道同真嘅福建炒飯無分別，瑤柱絲以金菇代替，素蝦一樣做到有彈性，素肉有午餐肉嘅味道，好味！木瓜雪耳糖水（免費）～不太甜，不錯！整體o黎講，幾樣菜嘅味道都好好！相比之下，反而覺得紫來坊好似較多味精，食完會好口渴！不過兩間其實都好味，各

好朋友提議到這兒吃生日飯，見佢都係 d 新派素食，好似整得幾精緻咁，所以都想試試。這兒是樓上舖，位與位之間的距離比較近，但裝修唔錯。炸軟殼蟹卷: 同真既都有七八成似，隻軟殼蟹爪都比佢做到，寫個服字比佢。口感味道都唔錯，像真度極高。香芒吉列卷: 網上食評大讚，但好友與我覺得不外如是，有點失望。雜菜粉絲煲: 好清，真係可以睇到佢係冇油的。菜既種類同埋份量都好多，全晚最好反而係呢個煲。呢度 3-5 pm 埋單有半價，5-7 埋單有八折。可是，我地埋單時前過了七點，冇折，想去食既朋友可以留意一下。(冇折的話，連埋每人 $10 茶芥同埋加一就大約每人 $80 左右) 另，食晚市會送糖水，質素唔錯。

突然很想清心寡"肉"一下, 所以今天提議朋友食齋去!說食齋其實不當, 應該說是食素才對朋友說不如去銅鑼灣的大自然素食, 我一向幫襯太子那一家, 覺得很有水準, 當然沒有異議!是夜菜單:-南乳燒雞片 好味! 雖然南乳的汁做得較稀所以比較淡味, 不過我反而覺得很不錯, 食南乳卻有清新的感覺.鮑片扒時蔬無味, 完全無味, 已經算是吃得很淡口的我都覺得太寡, 朋友更加不用說了...福建炒飯已經吃過好幾次, 水準跟太子那家差不多, 是夜最滿意的一道!芝麻手撕雞芝麻在那裡? 手撕雞又在那裡? 完全吃不出有芝麻味, 那手撕雞的味道像豬肉鬆, 也有種像吃紙皮的感覺... 菠蘿咕嚕肉好吃! 不過我最欣賞的卻是那鮮甜多汁的新鮮菠蘿片 當然, 整個菜也是好吃的~在太子, 我很少吃到覺得不好吃的菜色, 但公平一點說, 也沒吃過今天點的, 不過感覺上是太子的廚房略勝一籌!

呢間野D野食都幾好既，例如D日本素食都幾唔錯，不過佢地既受服務態度真係認真差!真係認真差!真係認真差!今日我點左幾樣野食，不過其中一樣黎得特別遲，我叫一個戴眼鏡既STAFF去幫我追下張單，追左成3次都未得，咁我自己本身又趕時間，只好叫佢埋單。跟住果個STAFF無啦啦用D好唔NICE既態度爆左句:「[b]追左咁多次唔要?好]」，真係激到我彈起!其實之前我都去過一次，果次見到有個女人同另一個STAFF爭執，事原個COUSTUMER食唔哂D野想包走，但係佢地居然話要$10一個盒(有點無奈= =....)，之後D STAFF同個COSTUMER講左好耐先傾點數(免費比盒)，一再證明E間餐館既STAFF態度真係唔太好= =+不過，講時講，D野食又真係幾好味既!值得推介:鮑魚片手卷美極燒豆腐

今天與朋友吃晚飯，於是一行三人去大自然吃素食。我們叫素食魚生壽司, 天婦羅, 沙爹羊肉串燒及燒汁魚….Wow…素食魚生真係做得唯肖唯妙, 無論係賣相味道與真實的相近。五彩雞絲粉皮 顏色靚，味道正，素雞絲的味道很似真實的。天婦羅也做得好好….味道唔錯。沙爹羊肉串燒 簡直無得頂。一句字形容，超級好味。總結而論，食物賣相好，味道超好味，環境很舒適。值得再去一次。

香港的素食店越來越有新意，經常搞搞新意思，把平平無奇的素食變為美食，還要以模仿肉食為目標，賣相很相似，很有心思。壽司併盤造得很像真的刺身魚生，而且味度相近，但是與真正肉食最相似的香酥竽蓉鴨用腐片和素肉造成，「鴨皮」脆卜卜「肉質」鬆化，真的以為在吃竽蓉鴨。餐前有一小碟酸瓜，主菜叫了原盅川貝海底椰燉雞懷疑真的是老火湯，客家鹽焗雞是素雞造的味道較咸，肉醬扁意大利意粉就肥膩了一點。埋單二百多元，三個人食到飽飽，環境清潔，服務都算勤力有禮，雖然在銅鑼灣黃金廣場樓上，食飯時間還是很多人，要排隊。http://icuteee.mysinablog.com/index.php?op=ViewArticle&articleId=1824663

最近吃得太多，因此來吃齋來清清腸胃。一直以為齋是很傳統、古板的，但原來我大錯特錯! 齋也可以有天婦羅、魚生等，實在創意萬分! 不過好像套餐抵吃點，3個人叫了個2人餐($168)。湯(2盅) 我們叫的是明火例湯，這天是冬瓜薏米湯，非常清，我真的看不到有半點油呀，不過我對它的翅好像有更大興趣。前菜 我們叫的是五彩雞絲粉皮，裡面有冬菇絲、蘿蔔絲、雲耳絲、西芹、(假)雞絲及粉皮，是很好的組合，好吃之餘又清淡，不過份量不少，我們三人最後也吃不完呢。海鮮雜菜煲 雜菜煲主角當然是菜，但吃的時後也有不少驚喜! (假)海鮮有魷魚、(疑似)鱔片、蝦及蟹，味道雖然不太像，但樣貌真的有幾分相似! 湯底很甜，當然好喝，但不知有否用肉類去熬呢?芋頭扣肉煲 又是一個很特別的小菜! 第一層是肥豬肉，應該是蒟蒻來的，做不出肥豬肉的感覺(其實也很難)。中間是芋頭，煮得很淋，不過我還是喜歡原汁原味地吃芋頭，加了其他汁好像令芋頭失了食。第三層是瘦肉，質感真的很相似，而瘦肉低下就是白菜。大家還想多吃一樣澱粉質，於是叫了:牛柳絲炒麵($52) 樣貌像豉油皇炒麵，但吃的時候幾乎是沒味的，雖然也有點油，但太清了! 牛柳絲當

這天我和一個好朋友去食晚餐, 聽講呢間大自然素食比太子o個間仲好食。太子o個間我有去過都幾好食丫, 如果仲要比太子更好食咁真係要去見識吓了。抱住一個平常心去食素, 不敢抱太大期望, 始終素同葷無論味道同質感都有好大o既差別。朋友來過好幾次, 點菜就交由她負責了。首先點了一個香芒吉列卷, 真的非常好味, 勁似真o既壽司, 無論鮮味跟味道都很像啊!!! 當然入面o個件吉列卷就當然唔會好真實o既炸蝦味啦! 之後就點了一客多士, 真係無諗過可以咁香咁好食, 真係完全一d都唔"dry"囉~~仲有其他每一樣都好出色, 講多無謂, 快d親身去食吓啦! 真係值得推介啊!!!!當你去過第一次佢o地就會送一張5%off o既卡俾大家下次去o既時候有返個折扣囉! 下次我要約埋一大班朋友去食先得!!! 咁樣可以試多d款嘛

4個人叫左:1.(細)魚剌身 $6x: 有齋三文魚,鮑魚同后拿魚, 共12塊左右,質感好似, 要試要試 !我次次去都食家…2.煎魚塊 : 鞋口, 麻麻地….3.炸軟殼蟹壽司 $3x: 超似真o既, 脆卜卜,必食4.海鮮Pizza : 勁多料, 勁多汁, 好好味, 雖然係齋但好過好多西餐廳,5.”麗互”焗炸豬扒飯 : 炸豬扒超似真肉, 有”互”頭味. 6 海底椰湯 $28一位: 一般啦送紫米露, 好滑好潤, 唔太甜, 正!結帳 : $455 , 有95折卡不過唔坐得耐 , 多人等位, 食完d侍應就會請你埋單 !!