大自然素食

营业中

休息中

The poor service at Gaia has been notorious among all my vegetarian friends. I usually put up a smile when they complained how they were maltreated there. Last Saturaday, I had the luck to come across the "service" first hand. Strictly speaking, we haven't had the chance to even look at the menu, before we were called upon to sit at the table near the door, although the restaurant was 80% EMPTY, with only 3-4 tables occupied. We asked the waitress why we must sit there, she said all other tables

本身覺得自己必不能茹素，因太愛牛排及海鮮，且吃過的素菜不是太清(如功德林)，就是太油，故好感欠奉 (只有遠在天邊的普陀寺除外)。聽聞大自然素食，款式繁多新穎，且調味多變，故今天專程去食晏。中午提供套餐，有中式炒粉麵飯及日西式選擇，跟一碗是日例湯。揀了粟米班腩飯，賣相與一般葷粟米班腩飯無異，透明蛋花汁混有大量清甜金黄粟米粒，最嘖嘖稱奇的是炸班腩的質感及味道竟然跟真的有八成近，用紫菜造成的仿魚皮亦十分神似！有些人可能頗抗拒這些齋口不齋心的菜式，但它們的確能更有效地吸引更多人嚐試素菜。是日例湯必令崇尚天然的素食者笑逐顏開，喝過一口，你會認同肉類是多餘的了，只需加入粟米，蘿蔔，粉葛，蓮藕，眉豆，花生，滿口就是鮮甜。吃畢此午餐，內心不期然有一種舒暢感，是茹素的神奇力量？已約定朋友一起再來，試試魚生及其他特色素材！

已訂位，已確認有位。 朋友自遠方來， 想試試香港的素菜。六半去到餐廳被安排三個人排排坐對住個牆食! 餐廳職員聲稱無位， 但其實位置很多, 我亦同佢地強調book檯既時候係確定有位我先黎。好！我地耐心地等， 但愈坐愈凍。我同個職員講冷氣太大，可唔可以換位。佢話"無得轉位，我幫你整細個冷氣"。咁岩有兩張檯客人賣單, 其中一張檯的食客都主動話俾個位我地。我話唔使整細冷氣, 不如直接換檯。佢竟然好無禮貌咁同我講 "咁講黎講去你都係想換檯姐!" 換左檯之後佢黎我張檯派換碟, 個職員超大力咁飛隻碟去我個位, 我地真係勁嬲! 其實間餐廳其他員工的服務態度都OK, 食物不差... 但只係呢位職員的服務態度, 已經足以令我地唔會再幫趁...

每月聚會，輪到小妹做搞手。呢期食得肉類食物多，故揀左大自然素食。不過，素食不一定等於健康啊﹗坊間大部份素食店均僅是捨肉用菜，其烹調方法多採用煎炸形式，且菜式配搭未必符合均衡飲食之道。尤其是麵根、素叉燒、素燒鵝等，這些全部經油炸及染色的，看見都知道非健康。因此，精明的消費者要自己識揀啊﹗星期四晚，人客不多。因一早訂左位關係，去到已被安排坐係近門口的一張圓枱。枱上有兩小碗各有五粒的餐前開胃小食酸蕃茄仔，淡淡的酸味，幸蕃茄仔鮮甜。茶就較特別，係小妹鍾愛的玄米茶。埋單時，盛惠$625，先驚覺茶芥及服務費超貴﹗六人實際消費約$500，換言之，約$125係茶芥及服務費。 芝麻牛蒡絲牛蒡細切成絲，仍不失鮮爽脆，混合麻油及芝麻，清新自然好味，且有益。粟米雞絲羹羹濃稀度適中，味道OK，配料有粟米粒、冬菇絲，以及麵筋造的、口感偏乾且嚡的雞絲。沙嗲肉片炆米粉米粉入味、爽口彈牙而不油膩，粉靚料足，配料有紅蘿蔔絲、西芹、青黃椒絲及麵筋迼的肉片。不過，「沙嗲」失蹤了。西檸五香鴨嘿嘿，非健康之選，但小妹超愛其既酸又甜、香脆鬆化的口感。一上枱，檸味四溢，香氣撲鼻，口水直流﹗挾一塊腐皮「鴨」，唉，油炸時間過久，雖則脆

看圖片很吸引以為會很好吃，但…不外如是，日式鰻魚飯的鰻魚是很普通在街市雜貨店也能買到的素鱈魚。另外，賽螃蟹味道非常淡。素三文魚口感也很難吃。算得上是抵吃的只有那個木瓜甜品。素菜一向也比較貴，但這間又貴又不大好吃！

這天跟很久沒見的BM朋友們見面，選址在大自然素食，原因在座有一位是素人，但好笑的是最後這位素人沒有出席。沒關係，香港人工作繁忙完全可以理解，我們也樂得清清腸胃。看來我們以為吃素不會飽，五人瘋狂點了六道菜，而且每份都份量驚人。由於忘了拍menu，不太清楚記得各道菜的名字，大概應該也可以猜得出來吧。乳豬拼盤 (7/10)素鰻魚，燒肉，豬大腸和燻蹄。個人覺得外表素豬大腸和鰻魚最像，味道其實大家都差不多，但素豬大腸和燒肉有好處因為有海鮮醬和甜酸醬作調味。份量頗多的一道「前菜」。芝麻牛蒡絲 (9/10)簡單如牛蒡絲加上大量芝麻，牛蒡絲切得幼細但不失爽脆，有些許麻油和芝麻在之上，好吃程度是我只是慢了半秒拍照，已經剩下這麼少。上湯腐皮浸豆苗 (9/10)另一道個人比較賞識的菜。上湯很清淡，微甜，腐皮吸了湯汁和豆苗同吃，味道清新自然。而且還有我大愛的白果，喜歡蔬菜或者味蕾偏淡的朋友應該會喜歡。素食pizza (8/10)也許沒有期望，所以意外地覺得做得不錯，除了邊邊燶了一點有點失手，芝士部分融得剛剛好，野菜pizza也是我所好，整體味道非常討好。三色骨 (7/10)所謂三色，就是陳皮，士多啤梨和沙律

之前喺美麗華商場發現有間素食店，但好多人排隊，所以被迫放棄。今日7點去到銅鑼灣唔知食乜，就決定去黃金商場嗰間分店試下。You know, 居然一去到就有位。我地三個人唔係好肚餓，就只係叫咗4樣嘢食。首先有個木瓜沙律，十分抵食。 I like it. 蒜蓉菜好清，好味道。菘子魚，菘子當然好味啦，個魚亦當然唔係真魚，standard 嘅素食材料，but 個汁就酸得滯。 野菌卷外貌吸引，我都係因為佢而嚟，可惜食落，我覺得冇特別，甚至係平平無奇。 再回來嘅機會應該係20%啦。

我一向對素食都冇咩興趣 但尋日嫲嫲生日就一家人去咗大自然食素結果我竟然克服咗食素哩個心理陰影個晚我地叫咗d壽司. seafood pizza. 士多啤李骨. 琵琶豆腐. 芋頭魚. 多士. 仲有拉面之類我覺得個個玉子手卷無咩特別 味道又淡左d 麻麻地但個海鮮pizza好好味 佢個底係用酥皮焗既 脆得嚟又鬆化 配搭埋用'苣蒻' (i dont know the correct chinese word for that) 整既'海鮮' 菇類同埋沙律醬 個口感真係好似食緊真既pizza咁. YUMSS士多啤李骨都好香strawberry味 個假既排骨整到好似真既咁 好香口 我好中意琵琶豆腐炸得好好味 雖然係炸過嚟 但配返個sauce中和返 入口直融 正!其他野我冇咩點食 但屋企人都覺得唔錯 不過我既然冇食過就不予至評啦不過總括嚟講 我都中意大自然d野食ill definitely come visit again

生日飯食到一肚氣！話説今日去大自然素食，原本食得好開心，但係啲侍應好論盡，一係打爛杯碟，一係掛住傾計就倒瀉啲汁喺我朋友張櫈上面。我地先叫左一次餐單上面嘅野食，雖然已經叫左五碟野食，再加每人一碗湯，發現都唔係好夠，之後再想落單，之後有個侍應阿姐話：「你地仲叫野食呀！講左你地聽只可以食一個鐘嫁囉！」跟住我講，我都無聽你講過，侍應阿姐話：「我一定有講，你唔信，有閉路電視睇住，有經理睇住，我講啲咩有錄低嫁！」我堅持話無，因為我第一個入去，入到去只係叫我坐低，佢就走左去招呼其他人，或者你有同之前之後嘅人講就係漏左我地無講呢，佢死唔認，之後借住接電話理由就走左去。我地嘗試揾部長投數，部長話可能出面多人等佢先會咁。咁都算啦，我地當我地自己唔啱，就走啦，話晒真係已經坐左一個鐘，我地唯有叫埋單，臨走時個侍應阿姐仲話：「仲衰過啲大陸人，人地要等位坐吖嘛！」我估佢仲可能想加句「阻住晒！」呢間餐廳食物都唔錯，不過態度差到爆！

[呢日星期日,難得同屋企人出cwb行街,所以就揀左食平時好少食既素菜....最抵既係呢度日日下午茶成個menu都半價,實在太抵!!!!個人最推薦呢度個芋頭魚!!!出面係炸,但一d都唔油又唔會太厚得層粉咁,好鬆化,加上入面d芋頭蓉幾有芋頭味,所以咬落去好夾!!!佢仲有少少菜墊底,個賣相令之餘,仲可以連埋d'魚'一齊食,好似健康d咁!另外,個士多啤梨骨都好出色!!!!!雖然佢應該係用菇黎整,但食落去一d都唔輸蝕比真正既肉!!個汁雖然唔重士多啤梨味,但一樣好惹味!!!食多幾舊都唔濟!!!!IMG:2]

我同男朋友初一，十五都要食素，已經黎過大自然好幾次，因為菜式都幾多花樣。由於我地訂左位，上到去唔洗等可以立刻入去坐。可能差不多9點，唔太多人。今次我地食啲西式野，有白松露芝士焗雲吞，炸鰻魚，芝士焗魚佢啲芝士汁幾好味，但係幾流…………。但雲吞入面啲料味道怪怪地…唔係咁好食佢口感都真係幾似鰻魚，份量都幾多，唔錯嘅衣個芝士焗魚真係唔錯，啲芝士汁好香，我有用佢黎送飯佢有啲西蘭花，仲有得食埋芝士焗西蘭花咁但係有啲痕，叫左個三文魚刺身……不得了，口感好怪，會出水，唔好食如果食素嘅人，衣到其實係唔錯嘅地方，菜式多樣化，唔洗成日諗去邊食

母親生日去食晚飯, 因為早一日訂了檯, 所以唔駛等位3個人點了4個菜, 份量同味道都有水準, 唔錯士多啤利骨最好食,炸的黃金蝦, 因用鹹蛋黃做外皮, 再經油炸後略嫌太鹹海鮮焗飯都好好食差唔多食完就送上白果腐竹糖水, 食完煎炸野o岩晒啦可惜問題黎啦, 七點入座, 當時都未夠八點, 老婆仲食緊糖水就叫我埋單,我話仲有人未食完wor,但個侍應堅持要埋單先啦, 話出面好多人等緊位感覺我地好似食左幾粒鍾霸住個位咁怕左佢, 埋單先啦, 比卡.....轉頭返黎.....得張要簽既信用卡單, 筆,連張收費單, 夾住D單個夾都無埋,...騎呢!!盛惠$350, 食物係好, 服務就真係要改善下......

未食之前已經有點動氣... 訂了枱一樣要等, 而且人手又唔夠, 企係度 10 分鐘都冇人理, 問又不聞不問, 禮服又欠奉, 等侯位置又細又迫, 一條走廊迫入 30 人... 仲慘過排隊等銀行開門... 奉勸各位, 要等位, 就等 8:30 過後, 否則只有迫餐死...全晚只叫了 5 樣食物露荀牛肉卷, 中規中矩, 沒什麼特別... 和外邊的素牛肉一樣的...壽司拼盤, 又是沒有特別, 只是用了素食來作刺身而已...三色骨, 做到有點肥肉的質感, 三款咪道以話梅味較突出, 其他兩款就沒什麼特別了.咖哩羊腩農夫包, 首先我發現不出牛肉及羊肉的分別. 而且咖哩汁是沒有味道的, 不辣也不鹹...木瓜沙律, 我沒有吃, 但朋友說不錯...以 Gimmik 來說, 此餐廳做到了, 但服務及食物卻大有進步的空間... 10 點已經趕人走... 這可是銅鑼灣呀...

平時好少食齋, 不過好老實, 好多齋菜都好難食...又多油...味又怪...還好近年試過既齋菜都幾出色呢間就係其中一間出色既齋菜食齋都可以飲啤酒，仲要係德國啤添！無酒精版本聽德國朋友解釋呢支本來係KING OF BEER但而家變左QUEEN OF BEER...全場笑左XD但話時話，個味真係幾似德國啤架！沙嗲羊肉串（齋）呢個似到爆！質感、味道、香料、沙嗲汁既味都係無敵！掂到不能！！ 必試！猴頭菇，唔知佢想扮乜只知佢係猴頭菇....味道OK～又係無特別芝麻雞絲...味道都幾好，雞絲又幾似但睇怕都無乜必要encore因為真係唔太特別雞絲粉皮咁，無乜特別...個雞絲都幾似既～呢個...唔知叫乜....蕃茄湯拉麵咁上下...味道都好，麵夠彈牙係無乜特別咁囉...下面既係素豬扒，質感似似地啦，無乜特別！上面既係素炸蠔，個樣真係睇唔出佢係蠔囉！但個味同口感又好鬼似架喎！真係估佢唔到～諗極都唔明用咩齋可以扮蠔味....典型齋菜，芋頭魚芋蓉做成魚型再炸～香口野！點埋個五柳汁（酸酸甜甜果D），正！寿司個樣又點呢～？都OK似掛！ 入面扮鰻魚既齋都幾似架！呢盤刺身，又係刺身，但又唔係刺身...點解咁講？ 因

今晚一個很差的同客食飯晚餐經歷, 來自一位極差的服務態度的待應!因為約客食飯, 我們已經早兩天去訂枱, 並已千叮萬囑要靜一點的位置今晚去到有很多人在排隊, 他們說要等, 然後走開, 等了良久, 那待應竟然說現在沒枱, 如現在要的話要搭枱囉!!!!跟住我地話有冇搞錯!然後她一面不願意的樣子招待我們的樣說, 而家咁鬼多人你唔係見唔到吧! 你等等啦! 個邊好快有架啦!!因為我們要靜一點的枱, 我們就自己走過去一邊較靜的地方, 剛好一張三人枱, 我們見客人已經非常不耐能煩, 所以就說, 不如坐這裡好啦, 然後, 問題就出現了, 首先, 我們MENU不夠, 要人拿來, 叫天不應, 叫地不聞, 要自己去找!!!!第二, 因為裡面還有一枱, 有人出出入入我們坐在通道上, 出入都要起身讓位, 客人看到都不耐煩!!!!第三, 我地同經理講, 佢竟然叫頭先個待應交代, 完全唔掂!!!第四, 我個客同佢理論話, 你咁樣, 我地點食飯!! 出入都要起身!! 個待應竟然鬧返我地轉頭話我地都係打工你咁樣對我唔得!!鬧到我地起身轉枱之後都仲鬧!!! 我FEEL 到佢將客人多到招呼唔哂既怨氣發洩係我地身上!!!!第