大良鴻輝記

营业中

休息中

同朋友食完飯，講開中式糖水，搵到呢間，叫齊三寶（芝麻糊，合桃糊，杏仁糊），都好滑，杏仁糊好香，芝麻糊同合桃糊兩溝，合桃糊溝入既份量明顯比芝麻糊少，可能因為咁樣，芝麻糊搶左合桃糊既味，所以其實兩溝都食唔出溝完個種味，只有芝麻味😂，但依然推薦想食中式糖水既朋友試試！佢都有啲台灣芋圓糖水可以選擇，下次試試佢個湯圓先

我最近去了一家餐廳，試了他們的燉蛋，不得不說這是我吃過的最難吃的燉蛋！從第一口吃下去，我就想立刻離開並結帳走人！這個燉蛋有點像啫哩糖，非常硬，一點都不滑順！我真的想問服務員是否加了魚膠粉進去！？這個燉蛋完全沒有蛋的味道，也沒有甜味，最後我幾乎卡住了半碗燉蛋，非常難以咽下去！我真的從來沒有遇到過這麼糟糕的糖水！我對這碗燉蛋感到非常失望。除了口感上的問題，這碗燉蛋也讓我對整家餐廳的品質產生了質疑。如果他們連一個簡單的燉蛋都做不好，那麼他們的其他菜式又會如何呢？這次的用餐體驗讓我對這家餐廳的印象大打折扣。作為一個食評家，我經常嚐試各種不同的美食，並且對於質量有著相當高的要求。這碗燉蛋的失敗讓我感到非常沮喪，我希望這家餐廳能夠重視食物的品質，並提供給客人一個更好的用餐體驗。總的來說，這碗燉蛋讓我深感失望。它的口感過硬，缺乏蛋的味道和甜味，讓人難以入口。我不建議任何人去品嚐這道菜式，希望這家餐廳能夠改進他們的烹飪技巧，提供給客人更美味的菜品。

話說好多人介紹，今日特登去食，點了杏仁合桃糊，所謂杏仁，合桃糊，只係用粉溝水出嚟，仲難食過茶餐廳質素最過分食食下，佢哋員工要我哋借借，佢哋係我哋食物上面拿野，拿完野慢慢執好再放回原位，我哋企喺度等，最可恥係佢將d 麈粒掉咗係我哋糖水，沒有換過不特止，仲要一句sorry 都冇當我哋走的時候，員工仲講一句，咁有益都唔食埋佢，唔係我哋唔想食，係成碗野有千年麈粒點食。我哋奉勸大家，不要特登黎食，係超級市場買沖粉可以仲好食

#大良鴻輝記꧁傳統糖水，味道一般꧂“舖頭長期坐滿人勝在價錢平，可以一試整體味道偏甜，有啲唔天然“#KakaEat食在香港#KakaEat荃灣#KakaEatX宵夜#KakaEatX糖水—- —-✄—- —- —- ✄—- —- —-“✿合桃糊 $23質感濃稠可惜偏甜，合桃味唔夠香“✿杏仁糊 $23有質感，味道偏甜“✿椰香藜麥紫米露 $25藜麥增加口感，少椰香，味偏甜“😋味道：3/5✨環境：2/5👍🏻服務：3/5❤️‍🔥抵食：3/5👧🏻回頭：2/5

好鍾意食中式糖水，平時都成日幫襯呢間糖水舖，最鍾意食合桃糊加芝麻糊，但依家夏天想食啲fresh啲嘅，所以叫咗凍西米露▪️芋頭椰汁西米露椰汁西米露就梗係要配芋頭啦，有好多芋頭，綿得嚟唔爛，西米煙韌，椰汁夠香▪️哈蜜瓜西米露🍈夏天最啱食瓜類水果，蜜瓜夠清甜，同西米露都好夾大良鴻輝記📍荃灣川龍街8號

食完宵夜,附近有間舊式糖水舖當然要過去試下啦😋🥄湯丸靈魂在於糖水夠唔夠薑味,湯丸係大粒既,咬落皮煙韌唔太厚, 芝麻餡有芝麻香味,及做到流心效果,但糖水吾夠薑味😅這間老店🥄合桃糊係三寶之一寶,濃郁程度口感較「稠」,見到顏色比較淺,應該米的份量較多,質感是滑溜的,甜度啱啱好！😋另外叫咗新產品嘅🥄雙圓揶汁西米露話說雙丸係台灣九份空運芋圓地瓜圓確係Q彈,西米份量比較小,有D稀到有啲似水,沒有驚喜😅總括嚟講,始終傳統的味道好😋

很差的店為響應環保同不想用膠碗裝住熱野，帶埋一個樽口有6cm, 又塞得入一包紙巾既保溫壺去買。但店員話樽口太細， 會淥到佢地隻手， 所以要你加$1用佢地既膠碗。但從來冇人要店員拎住入壺， 可以放枱面倒糖水入壺內，真心吾明點解店員拒絕環保⋯⋯ 這間店令人很無語。 更好食都吾會再幫襯。

這碗蕃薯糖水甜度恰到好處，蕃薯煮得軟糯，入口即化，散發出淡淡的甜味，口感柔滑，讓人感到十分舒適。此外，蕃薯糖水還有豐富的營養價值，富含澱粉質、維生素和礦物質，具有滋補身體的功效。湯中還能加湯圓等。為糖水增添了香氣和口感層次，更顯得美味可口。總體來說，這碗蕃薯糖水是一道美味可口且兼具營養價值的甜品，不僅口感十分惹人愛，還能讓人享受到健康滋補的美味。

每次去都大排長龍嘅糖水鋪吾似出面嘅涼粉 呢度啲涼粉有好濃郁嘅草本味 好滑嘟嘟 面頭有好多芒果 唔會落太多糖水有好自然甜味 咁傳統嘅甜品舖越來越少 真係要去試吓 建議可以早少少去就吾使排咁耐

今日小編同b🐷行完清景台之後出返荃灣食晚餐，weekend食完晚餐就緊係再嚟多碗糖水先滿足啦🤭是日想食傳統中式糖水，所以就簡左大良鴻輝記☺️。1. 大良燉鮮奶 (3.8/5) $22大良鴻輝記最出名的就是燉鮮奶，嚟到無得唔試啦😳依加日夜溫差咁鬼死大，夜晚真係凍親小編喇🥶所以食個熱焫焫既燉鮮奶，焫焫焫焫著去! 奶味果然好重 $22蚊大大碗 食完好暖笠笠🤤 不過可能小編對佢既香滑度期望太高，又或者期望著一種燉鮮奶唔會存在既豆腐滑感😣 但整體嚟講味道都很好🫰。2. 芒果西米露+芋圓 (3.5/5) $31+$10呢個芒西甜度一流，無死甜感覺，再加上佢恰到好處既涼度，整個感覺都好清甜😚芒果好鮮甜，芒果汁都滲透了成碗糖水🫡但要留意既地方係 - 佢唔係芒椰奶西! 所以椰奶味唔重唔係意外😬唔好迷失方向🤣大良鴻輝記既芋圓講到明係台灣空運入貸，好重芋頭同蕃薯味，仲keep到q彈口感，都不錯喲😚。地點：係荃灣美食街附近，川龍街既一間地鋪，算係內街，但睇地圖都算易揾，我見b🐷望一次地圖唔洗砸望就搵到了🫶同埋，真係有超多人等外賣，注目到唔洗再望招牌搵。環境: 傳統中式糖水裝修，鋪裹都係用圓枱，唔好太逼。但食食下

好多時喺荃灣同朋友食完飯想食糖水都會嚟呢度因為呢度嘅傳統糖水選擇多又抵食今次叫嘅呢兩款都好推介比大家🫶🏼🌻🌻🌻🌻海帶綠豆沙🌻🌻🌻🌻勁足料，綠豆煮得夠綿每匙都有好多海帶同綠豆🪵🪵🪵🪵芝麻糊🪵🪵🪵🪵磨得好滑好幼細，芝麻味夠香濃仲可以加埋湯丸，不過因為今次怕太飽所以無加到🤪之前仲有試過佢哋嘅合桃糊都好好味夠濃夠滑，都好推薦比大家而且每碗都係廿零蚊左右，CP值👍🏻

行完個山，琴日喺荃灣以為佢唔開舖，無食到，今日補返數。叫咗仁杏露+合桃露（雙併，以價高者為準），芝麻糊+紅豆沙，喳咋。喳咋無椰汁味；芝麻糊普通；仁杏露+合桃露就仁杏味都算香。今時今日嚟講，呢個價算合理啦。如果整得fanny就係貴野啦！源記（已摺）$37-39蚊，唔值㗎，賣名氣，地點，情懷。

今晚做野做晏左，如果食晚餐又太多，行下行下重諗緊食唔食好，經過呢間糖水舖，心諗都好喎，天氣咁乾燥食返啲野潤下喉都好，又唔會太飽。點左個熱木瓜燉雪耳，店員話冇熱得凍⋯⋯叫我點其他。吓？我心諗～你整返熱佢就得啦？係咁叫我叫芝麻糊。我話唔食啦，佢先話咁你等一下我整返熱佢。等左一陣，佢煮返熱俾我。可能我平時自己整有好左野，例如會放啲南北杏，而呢碗又真係只有木瓜同雪耳。點都好，呢個天氣食返碗啱晒。價錢都只係25蚊。

食完飯十點幾仲見到長長人龍排甜水鋪，本著試一試嘅精神去排下。入到去真係坐滿人食好傳統嘅中式甜品先試個綠豆沙，好中碗好足料，但本人比較鐘意食重果皮味果款多啲，佢就唔係，佢比較甜味重。自己就馬馬地所以食半碗夠。全場半數人都係食糊狀糖水，所以又要叫碗試下，可以雙併唔使加錢。芝麻糊好幼細，口感冇沙冇豆，入口即落喉嚨，味道方面，好香唔算甜。杏仁糊方面就唔夠其他主流中式甜水店出色。想雙併嘅朋友可以試下合桃糊。桑寄生蓮子蛋茶，隻蛋好食出奇地入味，碗菜甜中帶甘，價錢都唔算貴，可以推薦。

今日食完晚飯諗住買定甜品返屋企食 天氣涼涼地 想食中式糖水 去左大良鴻輝記 買左碗熱黃金蕃薯糖水 外賣$21蕃薯糖水 蕃薯份量多 糖水夠姜味 唔會好甜 岩曬我鐘意姜味重嘅番薯糖水👍