大良鴻輝記

营业中

休息中

喺附近食飯，經過時見到有人排隊，見到係傳統糖水舖，所以試下。外賣買呿合桃胡同紅豆沙(外賣每項加一蚊。)合桃糊唔算甜，但完全無合桃味，杰撻撻一pat嘢，好似BB糊仔咁，咁都可以叫招牌貨？紅豆沙變左綠豆沙！？我住港島區，無理由行返轉頭叫佢換。諗住照食啦 點知一味得個甜字 綠豆沙無綠豆味忍唔住要上嚟寫食評，唔明點解呢間野仲可以生存咁耐？我諗可能同佢哋既立場有關我建議中意食糖水既人，就算唔洗排隊都好，都唔洗試呢間。

呢日無所事事.又落嚟荃灣行街街.行到有點累.便決定到我最喜愛的中式甜品店歇腳.無嚟成個月.真係有點想念你.話咁快便到達門口.入咗去先再講！今天一行三個人.我最喜愛的有芋香馬來喳咋/合桃糊/芝麻糊/芒果涼粉。呢度可以叫芝麻糊/合桃糊加湯圓再加湯丸.美味可.入口香滑.CP值極高。今日點餐如下： 1. 合桃糊加湯圓 X1 $29元 2. 芝麻湖/合桃糊雙拼加湯丸 X1 $29元 3. 芒果涼粉 X1 $28元大良鴻輝記.可以話中式甜品糖水專家

話說上次同R先生食完串燒後，我就好想食糖水，咁R先生就問我想食中式定西式，我答中式，佢就左我去1間好簡單既糖水店食糖水～我自己成日都黎荃灣，但完全冇留意過呢間糖水店，我見到係呆左～行到入去，係1間好港式既糖水店，佢地有既糖水都已經寫曬係牆上面，而枱亦都有簡介唔同既食物有唔同既功效 (好似食個糖水都好有學問咁)咁今日我地叫左：－ 木瓜燉雪耳－ 涼粉西米露因為食完串燒，所以叫返d滋潤d既糖水，黎到重係到出緊煙，名副其實新鮮出爐，木瓜食落去好甜，唔太冧，雪耳亦都好爽，尋於正常發揮～至於R先生的涼粉西米露，我見到勁多西米，涼粉亦都好好食，我地勁快就食完～總結：新式既糖水店有好多唔同花款既糖水，但傳統既糖水店，亦都有佢地傳統既好，或者我好耐冇去過呢d糖水店食糖水，所以食得好開心，小朋友可能都未必識分呢d係中式定西式糖水，所以希望呢d小店做得住，之後就可以帶d小朋友黎食喇～

剛剛同仔仔係荃錦中心（意樂）食完晩飯.仔仔又話要食糖水.大家商議後決定去附近嘅荃灣有名嘅大良鴻輝記食甜品.鴻輝記中式糖水最出名.間舖都好近荃灣地鐵站.地鐵站行過嚟都係五至六分鐘.之前我都嚟過兩次.佢哋個芝麻糊流心湯圓.最好食.湯丸流心.芝蔴糊好香.熱食最好味！自從搬咗去葵涌住.就少咗嚟過嚟依邊。今晚點選甜品如下： 1. 芒果西米露（凍）$28元 X1 2. 芋香馬來咋喳 （熱）$25元X1 3. 芝麻糊加湯圓 （熱）$29元 X1

啱啱食完飯，去咗荃灣行街，想食一啲中式嘅甜品，於是乎就上網搵咗呢一間大良鴻輝記。🍡🍧去到門口見到好多人都賣緊外賣，可能係因為舖頭唔算大嘅關係加上疫情所以啲人都選擇外賣拎走。🥡而我今次就選擇咗堂食，叫咗一個綠豆沙同埋一個紅豆沙拼芝麻糊🤭海帶綠豆沙👅味道清清地，甜度適中，而海帶都幾大塊，真係好足料！！！紅豆沙拼芝麻糊🫘👅紅豆沙同埋芝麻糊，係我最鍾意食嘅甜品，由於我選擇唔到，所以決定咗今晚食雙拼。😋我選擇左食熱嘅，甜度適中，芝麻味都好香，紅豆沙有落陳皮煮，都好好食。👍🏻呢啲中式糖水舖喺香港買少見少，如果大家鍾意食嘅，就記得去試吓啦！😋

食中式糖水，就一定係食芝麻糊，一來喺屋企好難整，二來健康人生，不過唔知食返咁多堂嘅話，仲算唔算健康人生呢今次就食芝麻糊加湯圓，揀咗芝麻湯圓，就知道我幾鍾意黑芝麻啦芝麻糊好滑，唔算太甜，都幾香濃，識落芝麻味真係好重，亦都唔似開粉出嚟嗰啲一嚿嚿，所以個芝麻糊係幾好食至於湯圓，佢唔算好大粒，但係真係做到皮薄餡靚，糯米皮夠煙韌，咬落去就會見到好多餡料，餡料亦都唔會太甜，比起芝麻糊更加杰身，所以真係唔錯，幾好食😋

太遲認識你啦！成日都經過呢間糖水舖，總覺得是舊式的，一啲都唔起眼，今日經過，就決定入去試吓果然係食舊式糖水，主打芝麻糊、合桃糊同埋杏仁糊裝修亦都係舊式大量糖水舖的裝修，淺綠色的牆磚，圓圓的枱子，叫人一定要食中式糖水咁我就決定試吓碗合桃糊合桃糊都算甜嘅，但係唔甜嘅，算糖水呢？合桃糊的合桃味唔算太出，淡淡的，我就覺得有啲稀得滯，但係可以接受，始終唔會漿住過口，始終都係$22 ，要求唔可以太高食完都想試其他糖水，下次要試埋佢個藜麥紫米露

屋企附近最好食嘅中式糖水而且地點都方便每次老公去都有位泊車入去買今日食左合桃露加湯丸合桃露唔太甜味道岩岩好芝麻湯丸係有流心架而且係大大粒既好好食，不過加$7 得2粒覺得少左d🙈而且價錢都係廿幾蚊好抵食蕃薯糖水反而覺得偏甜左少少遮左原有既薑味而蕃薯份量比較多我又係習慣會整碎蕃薯先食呢度發覺蕃薯差少少唔夠淋所以篤唔到碎哂嘅感覺下次會試埋其他中式甜品仲有好多選擇可以慢慢試另外要留意呢度只收現金個日老公都係岩岩好夠比錢😂

呢度有各式各樣既傳統糖水, 仲有啲fusion 左而家後生仔鐘意既元素添, 重點係真係好抵食🤩雙圓椰汁西米露🥥($26)椰汁味好香, 西米好煙韌, 雙圓即係由台灣空運直送味道好濃郁既芋圓同蕃薯圓, 好正😙大良燉鮮奶🥛($22)奶味好香濃幼滑, 係偏挺身完全係真材實料🤩呢度既糖水CP值過, 除左堂食之外都有好多人買外賣, 大家黎開荃灣都要幫襯下💛

📍 📍 大良鴻輝記 (荃灣)荃灣川龍街8號舊式中式糖水舖，店面無乜特別，但係佢啲糖水真係性價比極高，大部分都唔過30蚊。👉 芝麻糊💰22😋😋😋😋/5芝麻糊真係好滑，不愧為招牌之一，甜度又適中，唔會過分甜得黎又有濃濃嘅芝麻味。👉 薑茶湯圓💰19😋😋😋/5同芝麻糊比有啲比下去既感覺，個湯圓皮太厚、薑茶聞落去好濃但食落去又冇乜薑味、但湯圓芝麻餡都幾香👉大良燉鮮奶💰22😋😋😋😋/5無話加蓮子，但店家放左啲蓮子係面，好彩我都ok🤗鮮奶味濃郁，非常滑，甜度適中！回頭:yes 呢個價錢食到咁傳統的味道！#kermit食在荃灣

星期六晚上完堂返屋企, 心思思想食熱辣辣嘅中式糖水。諗返住咗荃灣幾年都未試過大良鴻輝記, 於是就早幾個站落車去川龍街買。由於收緊防疫措施, 晚上6 點後不設堂食, 所以當晚去到都幾多人排隊。門口已經有MENU, 都有好多款糖水揀。因為當晚都比較凍, 於是我揀咗熱椰香藜麥紫米露嚟食。等咗大約10 分鍾就有啦, 期間見到好多人透過外賣平台叫大量訂單, 但我都唔駛等太耐。而且食店都安排得好好, 唔亂! 返到屋企即刻打開黎食, 熱焫焫勁好食!椰香藜麥紫米露一打開見到有椰漿喺面, 溝勻食有椰味, 但又唔算太濃, 我好OK 呀! 因為本身唔係好鍾意食椰味, 但都接受到。食落口, 因為有藜麥, 好有咬口, 好多料, 正! 食落唔算好甜, 但好有飽足感, 暖晒! 

本來打算去第二間甜品店 但吃光好想食嘅甜品賣晒 所以輾轉之下就嚟到大良鴻輝記🐷見到每張枱面 都人手一碗大良燉鮮奶 點可以唔帶飯一碗試吓呢 燉鮮奶嘅精髓 要有奶嘅香味同時唔可以過甜 仲要夠熱夠呢度嘅燉鮮奶就可以一次過滿足你嘅願望❣️芒果西米露亦都係令一個驚喜 本來以為平平無奇嘅西米露 唔會有咩特別 呢度最特別嘅係完全唔吝嗇材料 超多芒果🥭 每一啖都係果肉嘅感覺真係好😙😙見到隔離枱嘅雜果西米露 啲水果滿瀉晒 好想即刻嗌多一碗 可惜真係食唔落 下次再嚟！

食中式糖水首選，招牌三寶簡直冇得輸👍呢啲老鋪其實都已經係信心保證，我已經食過好幾次樸實既店面芝麻糊(熱)睇相都知佢咩料啦，香，滑，濃，絕對唔係出邊果啲溝水芝麻糊，食落好有質感,做到曬應該要有既味道同口感😉杏仁糊(凍)可能係雪過既原因冇左滑溜溜既感覺，似食緊軟忌廉既質感，不過杏仁香依舊香濃，老實講食呢啲中式糖水都係食熱既原汁原味好啲😉而家食呢個凍杏仁湖就有種食緊西式甜品既感覺🤣價錢合理，而且味道又好，而家呢啲良心店舖真係好少架喇🙏💪

別人說女生有兩個胃，一個吃正餐，一個吃甜品！😈 大家覺得說得對不對呢～ 😙 之前跟大家介紹了很多我第一個胃的美食，今天就來分享一下我的第二個胃的糖水吧！甜品胃表示：#我要開動了 ❣️❣️❣️ 撐飽肚子之餘，更要撐爆 #dia_良心小店💛 ❣️❣️❣️其實比起西式甜品，我是比較喜歡中式糖水的。煮過中式糖水就會發現熬糖水的工序很繁複，家裡有時真的很難可以自己磨到香滑的芝麻糊、杏仁糊、核桃糊等⋯⋯ 所以這些在外面吃糖水的錢是該花的（嘗試合理化自己為什麼花那麼多錢在吃東西上）☺️☺️☺️-💜雙圓藜麥紫米露（熱） $32不知道是不是因爲即叫即煮的關係，我輕輕舀了一羹，發現它居然還是冒煙的♨️♨️♨️ 店家用了台灣🇹🇼直送的九份芋圓、蕃薯圓🍠～ 超煙韌超Q彈！！！咬開真的會吃到裡面有一點點的芋頭蓉和蕃薯蓉～ 紫米露加上藜麥，特別有嚼勁～ 店家超有佛心，放了很多進去，所以我沒有數到實際上有多少粒🤣  重點來了‼️‼️‼️ 女生通常都會怕吃太甜，對皮膚不好。但這裡的糖水只是淡淡的清甜，不會過分甜（我真的很喜歡甜品，但又好怕螞蟻甜、死甜的那種😖😖😖）這碗糖水一吃就會吃得出來沒有用很多糖，反而主要吃到的都是用紫米熬出來的的香甜，個人覺

同朋友係荃灣食完晚餐實在傾得唔夠喉🤣依家又去唔到酒吧🥺所以唯有轉場食甜品而荃灣保持高水準既中式甜品店😎就非「鴻輝記」莫屬😍我例牌叫熱既「椰香藜麥紫米露」真係超～好～味😋😋😋唔會太甜太膩食完完全無負擔😎唯一唔好既係啲位唔會坐得好舒服同埋舖位有啲細🥺如果多過6人去食就會有啲難坐埋一枱不過還掂限聚令都係坐得4個人😂而且姐姐會有點唔耐煩因為keep住好旺場但I~don’t ~care😆因為實在太好味要我立食都仲得🤣