大良鴻輝記

营业中

休息中

食完飯想食糖水，見呢間糖水舖都幾出名，而中式糖水真係賣少見少就特試試佢啦！ 🤔星期日夜晚8點幾9點幾要排隊，都好快5分鐘到啦！ 今次叫左一個桑寄生蓮子蛋茶同招牌芝麻糊1️⃣桑寄生連子蛋茶$22似五花茶偏甜 有蓮子同紅棗 蛋好似最後先放入去😕烚蛋都有味過呢隻蛋 ☹️但要讚蓮子真係好好食 好甜 優質蓮子👍🏻👍🏻2️⃣招牌芝麻糊$22芝麻味有啲淡 但質地幾滑 有少少誇張報道 冇話好特別希望下次黎食會濃味啲 都會試下其他甜品 支持下中式糖水小店👍🏻👍🏻

今日去買外賣！店員比錯哂！坐車回到屋企先發現！打電話去一問店員先話佢無接過單！我再講清楚價錢同糖水名稱！店員立即話咁旺我點記得咁多！你話錯既你咪返嚟換law!大聲就覺得自己啱咁

💛💛💛大良鴻輝記💛💛💛我諗呢間舖頭喺荃灣都開咗十幾廿年，我由細食到大。細個時最鍾意食燉奶，貪佢甜甜地，又滑😍。近依一兩年食佢既雙圓椰汁西米露，因為佢啲芋圓好食🥰。近期我最愛嘅湯圓，好煙韌💕。雙圓藜麥紫米露 $32男朋友叫依個糖水既最大原因係佢肚餓😂，依個糖水真係好飽肚，因為有藜麥同紫米露係裡面。藜麥比人叫佢為超級食物，因為食少少份量就會有飽肚感，近幾年好流行架🧐，估唔到呢間傳統小店都會有，都幾驚喜。不過唔係每個人都鍾意食藜麥，我就覺得怪怪地😂😂。雖然我唔鍾意藜麥，但係佢啲芋圓係超級之好味，因為煙韌得黎又唔會話冇芋頭/蕃薯味。整好食既芋圓最大困難係平衡芋頭/蕃薯同粉嘅份量。依到既芋圓平衡得好好，我每次嘅味道都一樣咁好食😚。薑茶湯圓 $18佢嘅湯圓只有芝麻餡，可以話係唯一一間我會食芝麻餡湯圓既舖頭。因為我比較鍾意食花生湯圓，但係我都會食依到既芝麻湯圓，因為真係好好食，流心架💕💕💕。可能因為呢度嘅湯圓係自家包，個皮好煙韌，仲唔會有雪藏湯圓既味。大家黎到真係要試下😚！值得一讚嘅係佢嘅薑茶，唔會太辣，唔會太甜，飲落去好暖胃。一碗有五粒湯圓，再有薑茶跟埋，其實一啲都唔貴。路過食返碗都唔會心痛🤤！重

食完飯突然好想食碗中式糖水先番屋企所以就同友人行咗過去食鴻輝記雖然店內沒有奢華裝修但卻有好多唔同甜入心嘅中式糖水供應有招牌三寶合桃糊、芝麻糊、杏仁糊仲有其他唔同類型嘅紫米露、咋喳、雪耳糖水等等呢度芝麻糊係招牌之一梗係要嗌一碗黎試下芝麻糊$22芝麻糊就哂香滑濃稠食落口濃濃芝麻香甜度適中大良燉鮮奶$22燉鮮奶甚為滑口香滑得來絕對唔會係實的的整體上味道都唔錯價錢亦都非常平民係安排入座嗰度有少少混亂扣咗少少分

香港很少能再看見像這間一樣傳統的糖水舖，餐廳內大多都是中式傳統糖水，選擇不少，價錢亦非常平民化。👍🏻.很多人都選擇招牌三寶中的芝麻糊，可惜的是，我和男朋友都不喜歡招牌三寶中的芝麻、杏仁及合桃。😂.我們同樣地選擇了⋯「大良燉鮮奶」凍 $22🍽：非常滑，鮮奶味濃郁，甜度適中，吃到一半時已經覺得很飽。😂感覺每吃一口都能滋潤皮膚一樣。很好味！值得推介！👍🏻在香港，真的很難以這個價錢品嚐到傳統的味道！☺️

與朋友兩人一齊吃飯後甜品，朋友ching這間甜品店是老店，故來想試一下。1. 杏仁糊質地比較稀，對我來說比較甜，比較似用杏仁粉沖出來的杏仁糊，沒特別沒驚喜。2. 合桃糊質地較杏仁糊的沒那麼氣，相對沒有這麼甜，但味道、口感、濃郁程度亦沒有其他老店的那麼滿足。總括而言：可能是這間老店的杏仁及合桃糊的製作方法與其他老點不一樣，在味道、口感、濃郁程度亦沒給我驚喜，下次來這間老店可能要試吓他的紫米露、黑芝麻糊或其他涼粉等等甜品，再給予實質的評論。

#03052020今日食飽飯之後想食糖水，但係想食啲簡簡單單既傳統糖水。雖然路德圍個條好多甜品鋪，不過都係食西式多。終於比我搵到一間有啲傳統feel既中式糖水—大良鴻輝記。我地嗌咗最簡單既糖水，紅豆沙 ($18) 同芝麻糊 ($22)。其實越簡單既野食先越考技巧。 佢既紅豆沙好足料，有大大粒既蓮子，同埋佢啲紅豆都煮到起沙。 聽講佢地既芝麻糊係自家磨既。食落都覺得唔似沖粉，芝麻味好濃入口都好順滑。甜度都ok既，不過食到尾有啲膩既感覺。下次可以試下兩溝。

喺附近食飯，經過時見到有人排隊，見到係傳統糖水舖，所以幫襯下。外賣買咗凍杏仁糊（$20）+ 涼粉西米露（$23），外賣每項加一蚊。杏仁糊唔算甜，但完全冇杏仁味，杰撻撻一pat嘢，好似BB糊仔咁，咁都可以叫招牌貨？西米露未煮熟，中間嘅心仲見到白色。試埋涼粉，軟綿綿唔彈牙，冇涼粉味，劣食，好多水，涼粉同西米就唔多，掉咗又浪費，勉強食咗一半，最後都係要丟掉。忍唔住要上嚟寫食評，唔明點解呢間野仲可以生存咁耐？

噚日(14-6-2020 Sun)晏晝天熱,買個西瓜俾爸爸食啦,老公就想食晏,但我唔肚餓,行經呢喥,佢見到有芋圓就雙眼發光,話不如食呢間先,我再仔細睇吓menu,都幾攪鬼,我亦都同意食呢間.佢就要$32.00嘅凍雙圓藜麥紫米露,我要$23.00嘅涼粉西米露.好快,兩碗糖水都到嚟,兩碗都好滿.我嗰碗涼粉西米露西米唔多同好腍,開始唔煙韌;椰奶味重但唔太甜,好味,糖水比較稠;涼粉好滑,呢個算唔錯,不過唔算好凍.味道: 4分,抵食: 3分老公嘅凍雙圓藜麥紫米露呢?紫米好足料,成個唔太甜,雙圓係芋圓同地瓜圓,正常煙韌冇問題.味道: 3分, 抵食: 2.5分之後我都買多個涼粉西米露返屋企俾爸爸食,外賣加$1.00,即$24.00.拎到返屋企睇,睇睇都一樣好滿,外賣碗有6厘米高.其他:呢日等一個人踢晒腳,但我覺得佢都已經算手快,不過我俾$100.00佢找$21.00後,我返到屋企睇,個$1.00係新台幣.點解佢可以咁唔老實?嗰時間舖剩返我同老公兩人,我俾咗$100.00佢後至慢慢行出去等佢找錢,佢絕對有好多時間,令我覺得佢係特登搵呢個新台幣俾我.點解啲黃店都要咁?點撐你哋?上次食評: https:/

今晚同朋友係荃灣食小菜，未夠九點就食完晚飯，見時間尚早，一於搵下附近有冇糖水舖，食埋糖水先返屋企之後由朋友帶路，去左一間中式糖水鋪叫「大良鴻輝記」；餐枱上有一張食材功效供客人參考，原來合桃嘅功效係「固腎健腦」，最後我揀左：「招牌三寶之一：合桃糊 (熱) $22」合桃糊都幾滑，下次有機會我會再試埋其餘兩寶 - 芝麻糊 及 杏仁糊，還有 湯圓 都要試下之後聽朋友講呢間原來係好野黎，話我識食！價格💰：$22味道😋：OK

大良鴻輝記-人大左食甜品已經由鍾意食沙冰轉咗做熱嘅糖水啦！-大量鴻輝記喺荃灣都好多年，傳統嘅中式糖水舖買少見少，希望大家都識欣賞啦。-今次揀咗桑寄生蓮子茶，對女士好補㗎！可以去濕、延緩衰老！其實我都唔知桑寄生係應該咩味，所以要形容佢嘅味道的話，我會話係一啲好甜又有少少藥材嘅味道。-至於朋友就叫咗椰香藜麥紫米露，我偷食咗一啖，藜麥同埋紫米露都好夾！又飽肚！正！- 不過咁熱既天氣咁啱坐門口位，再加想食熱野，食完都出曬汗

大良鴻輝記係一間傳統中式糖水舖，我哋今次先試吓佢哋嘅燉鮮奶啦～ 大良係一個喺中國廣東嘅城市，燉鮮奶好出名～ 鴻輝記嘅燉鮮奶同中國嘅有少少唔同，中國用水牛奶，鴻輝記就用咁澳洲全脂奶。個燉鮮奶燉得幾滑，有奶味但唔係好甜，仲好似有啲苦。下次試埋招牌三寶芝麻糊、合桃糊同埋杏仁糊先～

天時暑熱就最好食番碗凍嘅糖水落肚，可以消暑之余又可以解一解悶氣🤪 不過呢... #小秘書 天生喉嚨敏感，熱飲會比較適合自己身體。冇辦法啦身體要緊👉🏻👈🏻 一場嚟到 #荃灣，點可以唔嚟 #鴻輝記。呢日我叫咗個#芋香馬來喳咋，好香椰汁味、配料亦都十足，#西米、#芋頭、#紅豆... 樣樣都有，口感非常豐富。不過咁熱仲要食碗咁熱嘅糖水落肚，搞到我成頭大汗，仲要比姐姐安排坐喺門口， 的確有啲難受😅 估唔到食完呢碗 #咋喳 會咁飽肚，eee 我今晚咪可以慳返餐😋😉

人人都話女人有兩個胃，就算正餐食到幾飽都好，都總會有位放多碗糖水，食多個甜品既。而年紀開始大，過左鍾意食沙冰、涼粉既時候，開始鍾意食中式糖水，感覺養生啲～食完晚飯，經過荃灣依間大良鴻輝記就岩晒啦，佢嘅招牌三寶係芝麻糊、合桃糊同杏仁糊，個人對糊就唔係咁好既，鍾意啲水啲嘅糖水，桑寄生蓮子蛋茶就岩晒我啦。舖頭有大大張紙話你知啲食材有咩好，桑寄生可以通絡袪濕，成日坐辦公室又飲埋晒啲凍嘢，袪濕嘢就一定幫到手啦；蓮子可以延緩衰老，而且我食過咁多次，次次都係甜到入心，又唔會煲到淋晒咁，食一大碗都唔覺膩；而雞蛋就可以補肺養血，簡簡單單就可以滋補養顏，飲完仲暖笠笠添。

突然好想食中式糖水 選左木瓜雪耳 同 西米露 甜入心 暖入心 懷舊的味道 係西方糖水不能取締 木瓜雪耳 煲到木瓜林 入哂味道 夠哂滋潤西米露 椰香 既香又滑當日好多人排隊食 提提大家要預時間