大良鴻輝記

营业中

休息中

放假食完晚飯行過，口淡淡，於是就試吓入去呢間老派甜品店，地方普普通通，叫咗兩碗糖水，芝麻糊同合桃露。食落去，平平無奇，冇特別驚喜。服務態度又一般，有趕客嘅感覺。唔值得我再去幫襯。

大良鴻輝記荃灣排場龍老牌中式甜品店！💠💠💠💠💠💠💠💠想食d懷舊甜品緊係要黎荃灣大良鴻輝記啦！晚晚都排曬長龍，無論係外賣定係堂食都係咁多人！想食好野就要比d耐性啦~💠大良燉鮮奶 $22每一口都能感受到鮮奶的純正與細膩，搭配上適量的糖，甜而不膩，讓人吃了還想再來一碗。💠冰花燉雞蛋 $20冰花燉雞蛋是一道非常受歡迎的甜品，特別適合喜歡輕盈口感的人。這道菜的特點是雞蛋的鮮嫩和滑順，配上冰花的清爽，讓人一口接一口，停不下來。餐廳環境：🩵🩵🩵🩵/5 服務質素：🌸🌸🌸🌸/5食物味道：😋😋😋😋😋/5 性價比：💰💰💰💰💰/5大良鴻輝記📍荃灣川龍街8號地舖

平時都知道藜麥係健康食品，但自己唔會買嚟整，無諗過加埋紫米兩種營養豐富的食材，口感真係唔錯，椰奶睇落似拉花，睇到個下係幾開心，想講係加上湯圓的藜麥紫米露絕對是一種幸福的升級。藜麥的細緻、紫米的嚼勁、湯圓的糯滑以及椰奶的甜美，這些食材完美融合，形成了一道既健康又美味的甜品。每一口都充滿了驚喜和滿足感。燉蛋是唔算細膩嫩滑的蛋羹。燉蛋的口感比較實，唔算如絲般柔，但都能感受到製作者的用心和藝術創造的魅力。

离譜！叫咗七份糖水俾錯咗四份！真係离晒譜！搵佢哋幫我點糖水嘅人，跟著同我講：你自己都唔知道你自己叫咗麼嘢，哇，真係冇見過咁嘅人，唔會再點了。服務態度真係好冇話講

次次嚟開荃灣都會嚟呢間店幫襯吓，呢間老字號傳統舊式甜品店，我由細食到大。坐低食咗碗桑寄生蓮子蛋茶😙無苦澀味道，飲得出好有咗👶🏻嗰年我成日過嚟食，有安胎作用，調經茶，對經痛好好，仲可以滋潤皮膚，補身，止頭痛，安眠嘅作用，女士食真係好有益處男士食都有補既功效，冬天飲仲正呀，飲完個身暖笠笠😋如果想幫襯嘅朋友記得留意營業時間，由下午至夜晚，千祈唔好咁早去😊眼見好多連鎖式餐廳或者小店都已經倒閉，呢一間店希望佢可以繼續長做啦❤️

荃灣呢間大良，真係食咗幾十年，以前老闆娘日日山磨芝麻糊合桃糊，就算綠豆沙都真材實料，好多綠豆海帶臭草，食落去唔太甜！而家好肯定係轉咗手，入邊老闆娘唔見咗，嗰個男人好唔掂，嘥咗人哋個舊招牌，芝麻糊係芝麻水，冇芝麻味冇芝麻質感，綠豆沙係綠豆水，綠豆數埋唔知有冇10粒，臭草棍一條，海帶犀利，有兩粒，1cm x 1cm 每粒！我究竟食緊乜，想整碗綠豆沙下火，點知係飲緊水溝糖，想食碗芝麻糊通吓大便，點知又係黑色嘅水溝糖！大家唔好俾佢呃咗，佢真係轉咗手好唔掂有冇呀？

荃灣鴻輝記好出名，其實我都唔知點解，應該係個頭都多餐廳，食完晚飯想食甜品糖水但冇其他選擇就焗住要食呢間。你話佢唔好食呢又唔係，好食到要等位又真係唔值得。今晚同朋友去路德圍食完嘢，想傾多陣唯一嘅選擇就嚟咗呢度，朋友叫咗紫米露，我就想食碗薑汁燉鮮奶，我搵薑汁燉鮮奶基本上冇乜奶香，唔知係咪奶成份少，蛋白太多，當然知道會健康啲，但嚟得食甜品都係想滿足一下，呢碗燉鮮奶真係平淡無奇，都幾失望下。以前都食過呢度嘅芝麻糊合桃糊，可以稱為合格，不過不失。

每次去荃灣都要嚟食🥚腐竹蛋糖水🥚真心，香港好少有我就係最鐘意簡簡單單真係得腐竹+蛋+糖水其他咩都唔好落就最原汁原味😋甜度適中~超滋潤😋😋不過鋪頭冷氣不足，唔建議食熱飯

240831 大良鴻輝記 ~ 來到當然要食傳統糖水啦 食物 : 芝麻糊 $23 ~ 味道正正常常, 價錢都算平 雙圓椰汁西米露 $26 ~ 價錢算好抵食, 但質感有D稀, 芋圓都幾彈, 整體普普通通 環境 : 小店地方比較迫 價錢 : HK$49

久唔久就會掛住佢桑寄生個蓮子蛋茶，我覺得呢單算係個甜度啱啱好，同埋都飲得出好足料，每次飲完之後個身體都會覺得好健康。另外亦都好鍾意佢個芝麻糊，因為煲得好濃好重芝麻味。

見天氣涼涼哋，經過傳統糖水店，走入去叫了一碗熱糖水，味道偏甜，坐近糖水出品位和收銀處，食完拎住張單拎埋錢坐喺度直接叫佢收錢，那個應該是上了年紀的老闆娘，叫我埋單要企過嚟依度，其實只係一隻手臂位之差的位置，我唔想企喺度就係唔想阻礙出入口通道，老人家拎住個老字號又有個人性格，做乜嘢要執着埋單一定要企起身，太執着的應該就要淘汰，就由啲後生來接手吧！沒有服務做服務性行業，唔淘汰個人，遲早令到店舖都被淘汰！

天氣凍，最岩食返碗暖笠笠既糖水，帶左阿媽來食荃灣老字號糖水店 呢度出名叫糊食，叫左個杏仁糊加湯圓，杏仁味夠濃，香滑吾太甜，甜味岩岩好，湯圓係自家制，好香芝麻味，熱食有少少流沙，正 另外叫左個木瓜燉雪耳糖水，有4舊木瓜，呢個糖水太過甜了，飲完要飲返水中和下

經典傳統中式糖水 🌸鴻輝記🌸，每到夜晚，出邊一定會排長龍，佢哋最經典嘅有三寶，芝麻糊，合桃糊，杏仁糊😍😍，而家嘅市道都係成為$22咋，真係超抵食🤣🤣聽聞佢哋嘅芝麻糊係新鮮磨製👍🏻👍🏻下次一定要再食為咗創新同吸引更多嘅食客，好多嘅糖水舖都會加入唔同嘅創意，有好多新式嘅食法，其中呢一款💚雙圓藜麥紫米露 $32 :賣相都好特別，好似咖啡嘅拉花咁🤣，佢哋就用椰奶代替，而另外一樣創新嘅就係佢哋嘅糖水裏面會有🌸藜麥🌸，係有超高嘅營養價值，加上口感有特別，加入糖水就一流😋，除咗紫米外，仲有超煙靭嘅芋圓同地瓜圓😱😱，味道超夾，口感一流👍🏻👍🏻👍🏻💚薑茶湯圓芝麻味 $19 :另外就叫咗一碗中式嘅湯圓，粒粒都超大，第一啖芝麻餡已經流出，好似流心咁🤤🤤另外皮夠煙靭，再配埋香濃嘅薑湯，夠晒暖笠笠🥰，我覺得佢哋嘅薑味適中，有啲會過濃，變咗到好辣口，有啲又好淡，好似冇咩味咁🤷🏻‍♀️，但呢度嘅啱啱好，一碗有四大粒，價錢都非常親民👏🏻👏🏻

同朋友食完飯，講開中式糖水，搵到呢間，叫齊三寶（芝麻糊，合桃糊，杏仁糊），都好滑，杏仁糊好香，芝麻糊同合桃糊兩溝，合桃糊溝入既份量明顯比芝麻糊少，可能因為咁樣，芝麻糊搶左合桃糊既味，所以其實兩溝都食唔出溝完個種味，只有芝麻味😂，但依然推薦想食中式糖水既朋友試試！佢都有啲台灣芋圓糖水可以選擇，下次試試佢個湯圓先

我最近去了一家餐廳，試了他們的燉蛋，不得不說這是我吃過的最難吃的燉蛋！從第一口吃下去，我就想立刻離開並結帳走人！這個燉蛋有點像啫哩糖，非常硬，一點都不滑順！我真的想問服務員是否加了魚膠粉進去！？這個燉蛋完全沒有蛋的味道，也沒有甜味，最後我幾乎卡住了半碗燉蛋，非常難以咽下去！我真的從來沒有遇到過這麼糟糕的糖水！我對這碗燉蛋感到非常失望。除了口感上的問題，這碗燉蛋也讓我對整家餐廳的品質產生了質疑。如果他們連一個簡單的燉蛋都做不好，那麼他們的其他菜式又會如何呢？這次的用餐體驗讓我對這家餐廳的印象大打折扣。作為一個食評家，我經常嚐試各種不同的美食，並且對於質量有著相當高的要求。這碗燉蛋的失敗讓我感到非常沮喪，我希望這家餐廳能夠重視食物的品質，並提供給客人一個更好的用餐體驗。總的來說，這碗燉蛋讓我深感失望。它的口感過硬，缺乏蛋的味道和甜味，讓人難以入口。我不建議任何人去品嚐這道菜式，希望這家餐廳能夠改進他們的烹飪技巧，提供給客人更美味的菜品。