大越越南餐廳

营业中

休息中

♡‎ ♡‎‎ ♡‎ ♡ 沙田 - 大越越南餐廳 ♡‎ ♡‎‎ ♡‎ ♡‎ 今次嚟到石門整身份證喺附近搵野食就搵到呢間大越越南餐廳外牆有輻好靚壁畫呢度好近沙田圍站喺港鐵站行出嚟幾分鐘就到餐廳都好多位置 有卡位亦有平時嘅枱櫈用餐位置好闊落🔹番茄牛腩飯 $63哎呦 唔錯喎 本身冇乜期望估唔到有越南風味嘅番茄汁 超開胃啊醬汁好出色 一小匙已經送到好多飯牛腩大大舊 冇乜脂肪🔹生牛肉什錦湯粉 $70湯底比較淡味 唔會過咸生牛肉份量適中 轉咗河粉 份量偏多竟然仲有蘿蔔粒喺湯粉入面🔹烤豬頸肉 $68烤豬頸肉份量足 而且爽口彈牙上面仲有啲蒜 🔹香茅雞翼 $48見到menu 寫recommend 就話試一試比起牛油雞翼冇咁熱氣 用煎嘅方式淡淡嘅香茅味 正常發揮🔹三色鹹檸七 $12◆*．◆*．◆*．餐廳資訊◆*．◆*．◆*．📍大越越南餐廳 (沙田)沙田沙角街8-12號花園城一期地下2號舖►▪▫►▪▫►▪▫ 用餐提示 ►▪▫►▪▫►▪▫►餐廳地面位置比較油淋淋，行路要小心～喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#

Came in lunch for two consecutive weekends. Quality ingredients and good cooks.The menu has quite a variety so I guess I will hit back a couple more times without repeating the choices. But actually I think no harm to enjoy those dishes, such as Hainan Chicken and Satay BBQ, again and again.

都係朋友帶我黎先知呢到有越南野食，位置有少少難搵，可能都係附近返工/住附近會成日食Menu太多野食揀都唔知食乜好，最後揀左海南雞飯一開始睇到個賣相以為中伏，因為感覺有D hea（可能因為鋪頭太忙，lunch時間去，間鋪頭坐滿哂人都係得2-3個伙記，比人感覺唔夠員工）但係食落係好食，差D比賣相嚇親，佢個油飯夠油同香，米係粒粒分明，唔會過硬/過淋，做到呢樣唔容易，至於個雞係皮薄肉嫩，淋埋汁食，三個字：不得了，下次過黎做野要食返呢間先

近排成日去開河畔個頭食野，行行下發現之前間西餐廳變左越南餐廳，價錢唔貴就去試下啦～❤️風味二人餐A $188大越火車頭（2人份量）大大碗相當足料，有生牛肉、牛腩片、牛柏葉、牛筋同牛丸，簡直係餸仲多過粉😂牛肉片夠滑同有牛味；牛丸雖然同振興比差少少，但都比大部分好好多；牛筋稍為唔夠淋；湯底出乎意料地出色！唔油而且唔覺有味精，直接飲都冇問題👍🏻廣寧炸春卷有四大條春卷，啖啖肉，外皮夠薄酥脆，撈埋生菜食啱啱好可以解膩馬拉盞生菜（忘記影相了🙈）馬拉盞舊惹味，好食😋大越小食拼盤 $143有春卷、蝦餅、煎札肉、牛肉蝦片，各四件；較欣賞春卷同蝦餅，扎肉少少hi，牛肉蝦片唔覺有牛肉😂越皇咖喱魚柳黃金包 $68（晚市+$10）正常茶餐廳嘅魚柳，法包同魚都keep到少少脆，咖喱唔算辣大越海南雞 $133 （例牌）雞肉唔算hi，正常水準越式烤豬頸肉 $68燒得唔夠香，同埋味道差左少少總結：個人覺得2人餐幾抵食，包你食得飽之餘，食物質素又ok，唔加一，兩個人一百都唔駛；今次6個人食可以叫多幾款試下，發覺唔叫小食拼盤，單點自己鐘意嘅小食會更好；大家如果去開附近都不妨一試～地址：沙田沙角街8-12號花園城一期地下2號舖

和住沙田老友一齊晚餐，餐廳裝修簡單，牆壁掛立體裝飾很美觀，坐位寬闊舒適。我們點左生牛肉湯粉$62 ：生牛肉放在熱烘烘的湯上面，被熱湯浸熟，牛味香很滑嫩，食得出湯底無味精，用藥材同雞殻熬製，特別鮮味，真不錯好好味👍值得推介👍鮮牛腩叻沙$70 ：牛腩腍夠入味，椰味香濃，流心蛋香滑，好美味😍炸蝦餅$62 ：有蝦香味，炸得香脆可口沾泰式甜辣醬更滋味，非常好吃😋香茅豬扒$58，煎得香口，豬扒肉質嫩加蒜粒、蔥粒，提升味美味。伴碟的酸蘿蔔很爽又甜，酸酸甜甜真美味。

越南菜一向是我喜愛的菜式，路經這間越南餐廳，見到門口已經好吸引，一幅壁畫已經好有越南feel,，就入去試試啦！反正個肚已咕咕聲，今次來了半生熟牛肉河粉，肉質亦鮮嫩，牛肉湯香味撲鼻而來，配搭各種配菜，香料味道更是非常清新，河粉吸湯能力也非常出色，每啖都鮮甜可口，大食的我，叫了一份扎肉粉包（2件），如果平時喜歡吃腸粉，你一定喜歡這個粉包，晶瑩剔透的粉皮包裹扎肉，味道清爽不膩，另外加了一碟馬拉盞通菜，馬拉盞配通菜，我個人認為是超級匹配的，夠晒香辣惹味！菜又鮮嫩，口感! 最後加多了一碟牛肉串燒添，烤出肉嫩多汁、配合醬汁一起吃，有好吃不膩的感覺，嚼勁十足，吃了咁多，更係要加返杯凍嘢飲吓啦，叫了一杯椰汁三色冰，當飲第一啖和吃粉條，感覺是粉條軟滑、椰漿香甜，好清新，未試過咁好飲的，真的心滿意足當你見到我最後一張相，你就知道今餐如何？哈哈🥳🥳😄😄😋😋😋！

沙田一帶都好多野食，呢間越南野都係第一次食。#椰汁綠豆紅豆冰 HK$12好多奶，同埋冰係沙冰黎。#鮮蝦米紙卷 HK$52米卷比較薄，咬落都好實正。#火車頭2人份 HK$133超大碗，個湯煮得好濃好香。配料都好多，食極都有，抵食呀！有牛丸、牛肉片、牛腩、蘿蔔，全部都煮得好好食！#馬拉盞椰菜苗 HK$38煮得林左少少，同埋佢係水煮完再淋馬拉盞，所以味道冇咁濃。呢間平民越式菜幾抵食，同埋坐得幾闊落，幾舒服。附上餐牌：

我都幾鍾意去河畔花園呢邊食嘢因為可以揸車泊街邊甚少抄牌而且呢度仲有幾間黃店< 大越越南餐廳 > 就係其中一間外牆嘅大壁畫好易認..餐廳都幾大之前去食過 lunch差唔多坐滿晚市就少人啲..蒜茸牛油雞翼 ($52): 邪惡，好食扎肉米紙卷 ($53): 米紙卷太細啱啱好，外皮滑生牛肉湯河 ($62): 湯底係用藥材加雞殼熬製而成，好入味，河粉非常滑三寶飯 ($70): 好豐富，三款餸都好食熱奶茶 ($13): 沖得幾好，幾幼滑..

每日最困擾既三個決定就係諗早餐、午餐同晚餐🐥同朋友近近地向佢屋企附近食飯，話平時外賣都唔錯既越南餐廳！堂食原來都唔差.▪️大越火車頭/2人份 $133生牛肉、牛丸、牛腩片、牛柏葉、牛腩等配料，十分豐富，而且湯底亦不馬虎！▫️軟殼蟹米紙卷 $62香酥即炸起既軟殼蟹，配上青瓜、生菜、紅蘿蔔，健康得來又有口感▪️烤雞肉串 $33三串雞肉，烤得剛剛好！▫️椰汁珍多冰 $12冰涼，甜入心！最普通嘅菜式通常可以反映餐廳質素😏

呢間都開左好幾年，已經光顧好多次，生牛肉河粉～牛肉靚、嫩滑、湯底香濃夠味，豬頸肉炸得有少少過火有D乾、今次咸魚茸炒菜超級咸，咸到食唔到，自問自己都算食得咸🥹要加油🫶🏻

沙田圍站一出，好似冇乜嘢食，但原來行過少少去到花園城，就有餐廳呀。今次就食一間越南菜，選擇都好多。軟殼蟹米紙卷，$62一份有四件，賣相唔錯，入邊包住生菜、檬粉同埋脆卜卜嘅軟殼蟹，點上酸辣嘅醬汁，非常開胃。三寶咖喱飯，$70三寶係邊三寶呢，有豬扒、扎肉、同埋雞翼呀。三樣嘢都好入味，用咖喱汁撈飯，梗係正啦。另外我哋仲加咗份蒜蓉包，點晒所有咖喱汁食。椰菜苗，$38佢嘅椰菜苗比較特別，唔係炒嘅，係烚熟嚟嘅，之後再喺面加馬拉盞醬，我個人就認為炒嘅比較好味啦。嘢飲方便選擇都好多，我就揀咗薄荷青檸梳打，貪佢冇咁肥，朋友就揀咗杯椰汁綠豆冰，佢話好好飲啊。

🍽酥炸牛腩$73賣相正常但好有驚喜酥脆外皮加軟軟嫩嫩的牛腩味道好好🍽️海南雞飯配雞油飯$73海南雞皮爽肉嫩食落啖啖肉啱晒懶人雞油飯應該用上湯、雞油、蔥、乾蔥等製成飯香而不膩配埋醬汁酸酸辣辣好開胃🍽大越生熟牛肉湯粉$65有生牛肉拼牛腩牛肉湯底好鮮味可以唔洗再落其他調味河粉幼滑 唔會一夾就斷牛腩燘煮得好腍🍽鮮椰青$28清甜可口椰肉而且口感極佳🍽椰汁珍多冰$12 (加配價)D粒粒好好咬 又夠椰香整體都唔錯咁多樣加埋先$251仲要免加一

2022年10月12日 星期三今晚專登係沙田圍等老婆收工，之後一齊食飯諗住近近地就入去呢間越南餐廳，之前都曾經食過外賣，味道唔錯，今次就再決定堂食，好彩入去既時候都唔算太多人餐牌上面有好多選擇，全部都係越南菜，花多眼亂，完全唔知點揀好，於是最後決定要二人餐費事煩，而且性價比幾高，有小食又有兩碗粉，仲有時蔬添，都不過係$278等左一陣間，首先黎到既係椒鹽軟殼蟹，軟殼蟹俾滿滿嘅炸蒜包圍住，感覺有少少似避風塘軟殼蟹，整得好惹味，炸蒜用嚟送飯簡直一流，而軟殼蟹炸得好香，唔算太油膩之後就有我點既生牛肉湯河，牛肉既份量都唔少，浸左湯底一陣之後開始慢慢變色，由粉紅色轉成微紅色，生熟程度食落去啱啱好，完全唔韌，加埋青檸汁一齊食味道更加好跟住當然唔少得有越南嘅傳統美食蒜蓉牛油雞翼，外皮同裡面既肉都食到牛油既香味，外皮脆卜卜，又食到嫩滑既雞肉，可惜得4隻真係唔多夠喉再黎有馬拉盞炒通菜，菜好爽口而且炒得唔老，馬拉盞好惹味不過食完都唔覺口渴最後老婆就要左香茅豬扒檬粉，豬扒幾大份，而且煎得幾香口，加上厚身，所以老婆都食唔晒要share少少俾我，另外檬粉好滑溜，個人覺得仲好食過河粉添！！埋單之前我哋仲買多左一個二

好想食好味嘅生牛肉湯河，食過幾間都好多味精，上網搵吓資料搵到一間喺沙田花園城樓下食越南嘢，今日去沙田行街，順路去食下先，我哋一行二人，埋單二百零蚊。 生牛肉湯河：湯底無味精，用藥材同牛骨熬製，好味我連湯都飲埋。牛肉串燒：牛肉大粒，分量十足，醃得好好味。牛肉串燒撈檬粉：開胃醒神這間餐廳性價比非常高，份量好大碟，價錢又平民，沙田圍站行過去都係5分鐘，非常方便，值得再去的餐廳，真心推介湯粉，湯底真係一流，可以連湯都飲埋。

去到食比較有驚喜，因為Menu嘢食種類豐富繁多😍 有好多比較少見嘅越南小食👍🏻例如扎肉蒸粉包。同埋佢價錢都幾抵食🤫咁首先煮食就叫咗🔸$63 咖哩牛腩飯 -份量超級有驚喜🙌🏻牛腩起碼俾咗八舊😂入邊仲要有牛筋😍佢個咖喱汁偏甜口。🔸$73 海南雞飯自雞油飯 -好有驚喜！雞皮下有啫喱膏😍😍 雞件有油光，嫩滑富雞味，雞皮好滑。跟餐特飲加$12。🔸$12 椰汁冰🔸$8 蜂蜜玫瑰柚子茶另外仲叫咗兩款小食🔸$62 炸蝦餅 -炸得好香脆，裏面嘅口感又夠彈牙，再配上泰式辣醬，好惹味！🔸$33扎肉蒸粉包（2件） -第一次食🤣裏面有粉絲、木耳、肉碎等，口感比較豐富。配上酸甜汁食。