大飯糖甜品小食屋

营业中

休息中

今日在台式料理「大飯糖甜品小食屋」午餐。椰香咖哩豬扒飯，我嘗試一件豬扒覺得不錯， 水晶檸檬茶有點新意。我的午餐是：咖哩麵牛骨湯底、魷魚、魚蛋、腸仔、豬皮、蘿蔔，台南關廟麵，凍薏米腐竹糖水。台南關廟麵，外型像香港的油麵，但比較幼身，麵質尚有口感。「魷魚、魚蛋、腸仔、豬皮、蘿蔔」就像港版車仔麵，除了細細粒的魚蛋、一糰難食的粉團外，其餘的都不錯，咖哩醬舖在碗面，原意是增強色香味，却因為牛骨湯底勁鹹；雖然我已經沒有喝湯底，也實在難抵擋，幸好有凍腐竹糖水解鹹，但都要到自助櫃檯取一大杯白開水沖解鹹味。凍薏米腐竹糖水很綿滑，挺不錯！兩個月曾經來幫趁過，覺得不錯，所以今天經過再嘗，但遇上不適合自己的重味道港版台式車仔麵。

食物一流，價錢合理，惜服務水平一般，兩次光顧都落錯單，其實我地都好客氣要求改更改，之後漏單，某店員仲發悔氣話你地之前唔係cancel 左一個餐咩,雖然最後都有幫我們更改和跟進，可惜態度充滿怨氣，同行一眾人都非常尷尬😳。不過真心，拌麵，鳳梨骨，肉燥飯，炸燒賣，鹽酥雞和豬扒都好好味，芒果小丸子河粉更是水準之作，而且環境衛生，很特別的大排擋，有讀書時期的小食/飯堂風味。整體不錯不錯👍，只是店員服務水平質素參差，有待改善

午飯在「大飯糖甜品小食屋」，椰香咖哩牛展飯與鳳梨黑醋骨飯套飯，看見餐牌甜品選擇很多，我們決定餐飲改甜品：熱焦糖燉蛋&芒果水晶小丸子配芒果汁。我的椰香咖哩牛展飯，起初我以為牛展是薄切，却原來是厚厚的牛展肉，肉質夠稔，還有兩件大薯仔，吃不到椰香，咖哩汁就畧鹹了！我淺嘗鳳梨黑醋骨飯，很喜歡伴碟的新鮮菠蘿，黑醋汁很醒胃，但豬肉肉質比較多粗糙纖維。很香滑的熱焦糖燉蛋。芒果水晶小丸子配芒果汁，小丸子夠稔，水晶有滑滑口感，大大塊香甜芒果配芒果汁很可口。店舖在大門入口處放置小紙袋 ，方便顧客放置口罩，值得一讚。                                 

其實呢間野我一早諗住得閒平平地試下，因為佢啲野食種類都幾有趣，有多款甜品、湯麵、碟頭飯、街頭小食我就冬菇蘿蔔湯麵$37，加$20升級配木瓜3.6奶昔星期三有特價甜品$25手芋一家(香芋雪糕芋圓、紅豆粒、水晶、涼奶、椰奶、花奶)，我買左個做外賣, 但冇影相有時都想清清淡淡食返餐，下下都食肉會變到無胃口俾我見到餐牌有呢個蔬菜+麵，即刻要點黎食下冬菇紅蘿蔔夠淋、生菜爽脆唔會過熟、白蘿蔔唔硬但如果更淋會更好，蘿蔔湯底清甜再加有少許炸蒜都幾香，麵底彈牙木瓜3.6奶昔，係真木瓜奶（sorry我呢句唔係攪笑話木瓜有木瓜味啲廢話，好多時聲稱啲果汁成日都係用糖漿溝成，呢個係新鮮水果打成咁解）奶味香滑，質感厚，唔會稀了了手芋一家，$25真係抵到飛起，芋圓真係有芋頭味，唔會似食擦膠粒（你知有啲芋圓煙韌但完全冇味），size較一般大少許覺得性價比真心唔錯，有得食飽之餘仲有咁多款甜品可以揀唔洗再轉場，難得係兩者都做得唔錯，應該會回頭再食

今日同朋友晚上去左大圍既大飯糖食宵夜！叫左佢地個喳咋，芒果小丸子河粉，同埋咖哩雜錦（羅蔔，魚蛋，豬皮，魷魚，腸仔）必定要食蘿蔔同埋豬皮！非常入味👍🏻芒果小丸子個汁底好濃香芒果既味道！小丸子煙煙un un😋河粉香奶味而且又滑溜，配搭一流。朋友碗咋喳勁多料！而且地方夠大！坐得好舒服！

以為屋村無好野食？我食左幾次既大飯糖都無令我失望過。今次呢個朱古力雪糕拼焦糖燉蛋，雪糕係好濃嘅朱古力味，個焦糖燉蛋好滑，裡面仲有雲尼拿籽，絕對有質素。除左甜品，大飯糖都有提供主食，之前午餐晚餐都試過個咖哩，佢個咖哩豬頸肉飯，甜甜地少少辣好好味，真係必食首選。今次食下午茶，以為燒賣拼雞翼好普通，燒賣係炸架，脆卜卜非常香口，配埋雞醬一齊食，其實一打都食得哂。雞翼又甜又脆，加埋芝麻一齊食，正！餐飲我一定㨂黑糖薑茶，勁薑但唔算好甜，飲完好爽～

食完晚餐，梗係唔少得食糖水啦！今次黎左係大圍美林既大飯糖。呢到除咗可以食甜品之外仲可以叫熟悉小食或者飲品既！ 我哋叫咗個炸燒賣（12粒）、魷魚拼盤同埋一個超級榴槤山。燒賣配埋泰式辣醬真係好好食！仲只係買$20咋🤩 魷魚拼盤裏面就包左腸仔魚蛋魷魚蘿蔔同埋豬皮，都幾抵食既。而榴槤山係包括左小丸子、榴槤綿綿冰、榴槤球同埋水晶，鍾意食榴槤嘅朋友都會愛上佢😊

想搵間可以坐耐少少又可以食好西又抵既餐廳真係少之又少 咁啱去大圍食dinner 見到呢間大飯糖 仲要係冬菇亭設計 幾有特色 睇餐牌唔太貴就即刻入咗去 果然冇令我失望Hahaha 叫咗一個肉燥冬菇飯 包一杯餐飲或加錢食甜品 上菜都幾快 肉燥飯個肉燥幾夠味 食到肉碎 同埋真係有冬菇 幾入味又夠冧 好食！仲要跟餐包杯菠蘿冰 裡面都足料 有幾舊菠蘿 飲既時候飲到菠蘿絲服務態度都幾好可惜太飽冇機會試佢既甜品 下次一定會再嚟食!!!!!!!!!!!

見到咁多好評緊系要嚟試下啦 完全冇令人失望😋嗌左炸雞翼&蜜汁豬頸肉肉燥飯 飯量十足 細食嘅朋友記得要少飯炸雞翼唔油 個皮咬落好脆 仲唔會一咬就甩曬塊皮出嚟 真系好值得讚👍🏻豬頸肉d味就好似叉燒 但系肉質就軟軟地又有咬勁嘅豬頸肉 如果第一次嚟食會推薦食左炸雞翼先另外好似冇乜人提過 個兩舊蘿蔔真系超好食😍 睇落好似普普通通 但系咬落會爆汁 絕對唔系水煮 似燉過或者炆過 超好食可惜食個日唔系平日😭 冇得享受免費轉菠蘿冰 但系冇唸過連熱柚子蜜都有驚喜 平時茶餐廳飲開柚子蜜都系過淡或者過甜 已經好耐冇飲過咁啱比例嘅柚子蜜 feel到有好細心咁做每一事 下次有錢再嚟一定要試下三兄弟！

聖誕唔想出街就food panda叫左呢間餐廳，結果真係好有驚喜！首先一打開膠袋，見到外賣盒上面畫左個雪人寫住Merry Christmas已經好warm。然後到正式開餐，真係每一樣野，係由正餐到甜品嘅每一樣野都好好食最有驚喜嘅係陳醋酸辣伴烏冬配東坡肉，好有味道又唔會太鹹，東坡肉非常嫩。然後就係肉燥飯，d肉燥又係好好食，屬於鹹香中帶少少甜味嘅肉燥。小食叫左蜜脆雞翼&咖哩魷魚拼盤，又係勁好食（魷魚d味好有以前食小販檔個種feel，爽&入味）最後就到甜品，心太軟真係好有質素！朱古力味好濃但又唔會好甜，入面嘅流心程度剛剛好（試過喺其他餐廳食過溶得濟嘅心太軟...)。蛋白杏仁茶又係正，杏仁味勁香，而且入面真係有好多一舊一舊嘅蛋白，食完就係有種好養生嘅感覺LOL 屋企人再叫左個芋圓紫米露&芝麻糊，食完都係讚口不絕。簡單黎講於係好好食，一定會再幫襯

從社交網站得知，昨晚「大飯糖」被爆玻璃打劫，損失不菲。為了助它渡過難關，今晚我就決定親身出錢出力，去美林邨支持良心飯店。「大飯糖」6月12日已為反送中發聲，期間更提供學生優惠，絕對是又黃又有良知的街坊飯堂。顧名思義，「大飯糖」除了有正餐飯餸醫肚外，亦有甜品糖水醫胃，款式多籮籮！一坐下，望兩望，我就點了49元的肉燥鹽酥雞扒飯，再加3元配凍檸檬茶。肉燥鹽酥雞扒飯的鹽酥雞無骨，啖啖肉，正！味道不會太鹹，而且口感不肥膩！凍檸檬茶可自行加糖漿，調較甜度，怕肥的我當然是少甜啦！嘆完正餐，我再點了甜品超級三兄弟，盛惠64元。三兄弟包括朱古力軟雪糕、朱古力布甸和心太軟，全部又滑又香濃，絕對是朱古力控必食首選！

I was not really hungry but wanna eat something . Just went to eat a lunch dessert with my friend.  I have ordered tore with red bean and ice cream which is tore flavor . The texture of the tore was really great . The red bean was not too sweet As for the mango noodle , the fruit was fresh and the noodle was rich . Just like eating coconut . Also , the shopkeepers were nice.

今天收工約了朋友打羽毛球，在運動前小吃一點兒。朋友帶我到這個非一般的冬菇亭趕上下午茶的LAST ORDER!我去過的冬菇亭都是舊舊的，總給人一種不整潔的感覺。這所大飯糖卻很乾淨企理，而且十分光猛!下午茶餐的選擇也十分多，價錢相當親民!我點一客迷你肉燥東坡肉飯，朋友則點了其他。飲品方面跟餐不用加錢便可以選揀鮮菠蘿冰，感覺超值。說明了迷你飯，飯的份量都真是比例細。如果是一個大男人的話，應該就不夠飽了。不過東坡兒的份量也有幾舊，也算是可以吧!肉質軟硬適中，口感頗佳，也很入味。配上肉燥飯，配搭無得輸。菠蘿冰菠蘿大大粒，也不是罐頭菠蘿。不過飲料的味道較淡，個人喜歡較濃味些。不過整體來說，不過不失吧!4個人埋單也只是$128，每人$40左右!  正LA

成日都好恨黎呢度食野今日見男朋友放假, 咁我都一於放半日一齊去大圍搵食啦 不過都同大圍港鐵站有d距離我地行左差唔多10分鐘先到好開心~~tea time不過可能行到個肚餓感都無哂所以係咁依叫小小野share食我地叫左2個下午茶, 餐飲先黎,  我叫左杯台式奶茶茶味重, 不過不失男朋友加錢叫左黑牛(+$13)先講佢朱古力雪糕見住佢咁大pat雪糕, 我已經好開心唔止好重好濃既朱古力味, 而且夠滑仲有既係, 佢既可樂唔係氣水機斟出黎係成罐咁比你鍾意加幾多就幾多所以就算係要加成13蚊, 成件事都係超值鹽酥三寶 ($28)分別係>>>炸魚片頭~炸墨魚丸~炸魚腐<<<炸魚片頭同炸墨魚丸食之前都幻想到會係點樣但炸魚腐平時打邊爐就食得多,用黎即炸即食真係第一次食口感帶點鬆化, 但就有dd油味三重芝士粟米豬頸肉飯 ($34)睇相都已經好開心, 芝士同粟米汁我都鍾意, 但呢個配搭我第一次食但感覺呢2種味道不太夾,而頸肉都有4-5片 , 每一片都係厚切相信一般女仔食一碗都飽到上心口見到呢張學生優惠, 我不禁會心微笑呢個新式冬菇亭不單環境整潔, 食物性價比高,更

肉燥飯好食到爆 雞翼又香，雞扒又無so味 好好食吖救命，完全愛上，甜品份量大到爆，好抵食，店舖環境舒服幾好坐，屋村黎講簡直完全打贏外面既食肆同糖水舖！住附近真係會食上癮😳👍🏾👍🏾👍🏾