大飯糖甜品小食屋

营业中

休息中

有天看慌張西望介紹過呢間食店，素來對電視節目介紹的都不為所動居然對這店有興趣，既然自居通處吃就踩過來這對我來說陌生的地段。店名很熟悉，原來是洪水橋那間出名好吃又人山人海的甜品店分支。聽過這店出名肉燥飯、三兄弟云云，來的的時間1:30左右，未到2點下午茶時段，見反正午餐和下午茶價錢也差無幾，今次刻意點了以下試試：東坡肉麵，都有四五舊大大舊肥瘦夾雜的肉件，不過不失，一紅一白蘿蔔，麵的份量不算少，所以另外再點小食——鹽酥雞扒，這個是和朋友搶著夾吃，鹹淡適中，乾身又酥香不膩；落單的妹衹見我選甜品🍮有點選擇困難，提議我看看屏幕是日精選，立即就點了扭紋木糠布甸、鹽酥墨魚丸，扭紋雪糕🍦大大杯，而會預算當中的cream會有點滯口感的竟然是三扒兩撥就吃完，不過甜不膩；墨魚丸咬到入心還是很熱，剛炸起，$10/3粒算係咁。是一間價錢似工廈小店、地點屋邨、食物質素市區的店。

坦白講，我非大圍友，如果唔係朋友推薦真的不知道有呢間嘢。有晚朋友夜一夜send個短信話「喂，你黎試下呢間，個榴櫣冰好正」隔無耐就為左呢句說話走左轉大圍，呢間嘢真心隱閉，第一不容易搵到。我以為係細細間糖水鋪，估唔到係甘大而早午晚市都做的餐廳。戲肉到，超級榴槤山，入面有特濃榴蓮綿綿冰+D24榴槤球+水晶+小丸子+椰奶忌廉。榴槤球超級濃郁，似食緊雪凍左的原隻榴槤肉，口感好扎實仲帶一絲絲榴槤肉。綿綿冰入口即化，十分香滑。而且份量好大，兩個人share 剛剛好。我地仲打包左榴槤pancake, 但忘記影相，皮薄餡多，一試難忘，比某B好食好多。榴槤控真的要試下。

見到佢依間野寫住40幾蚊有嘢飲送，所以就入嚟試吓，點知會咁有驚喜。首先講吓個肉燥鹽酥雞扒飯，40 幾蚊真係估唔到可以分量咁多，一個大男人都未必食得晒，雞肉超多又入味但又不會太鹹，肉燥汁撈飯好好食！之後嚟個清淡之選，水餃麵，粒粒水餃都大大粒好足料，啲水餃好香冬菇味，肉質鮮甜。食到好飽㗎啦已經，但係夏日炎炎，無理由唔飲杯免費嘅西瓜汁嘅，即時解渴！再試埋腐粥糖水，真係估唔到連一個送嘅甜品都整得咁好味，好多腐竹！媽啊我好飽！好飽但係黎到糖水鋪唔食下佢啲甜品好似試得唔夠真咁，榴連 pancake 啲榴連餡好多！好正呀！總括黎講，依餐又好食又抵食，好飽又好滿足！我一定會再黎！

真菠蘿冰夏日炎炎絶對要啖返個冰先爽架，熱帶生果配冰就一絶啦，D菠蘿的確係新鮮菠蘿，但偏酸，再加上冰，就又凍又酸，不是預期中的效果，有點失望。榴櫣pancake榴櫣控一定唔會錯過的pancake，貪佢可以食到一榴槤肉，就算現場食唔落都買外賣回家，果然無失望，好多榴蓮肉兼皮好薄，比起某B真的性價比高好多，耐唔耐都會掛住佢，值得推介👍🏻

這間大飯糖食物種類一應俱全，由小食、晚餐小菜、台式料理、甜品都應有盡有，至少有一款滿足你～而且價錢親民，抵到你唔信！今日跟男朋友來了大飯糖餐廳，雖然有很多菜式選擇，但心大心細的我們，什麼都想吃最後我們點了二人套餐 k9 $148二人套餐有分經濟板及豪華板三重起司粟米雞扒三炆三焗牛展蘿蔔湯浸生菜兩碗肉燥飯 或 湯麵湯麵還可以選擇湯底，包括牛骨、豬骨、蘿蔔湯。$150 包括了以上全部的食物，四餸一湯，簡單晚餐～

之前已經黎過食過baileys棉棉冰 朱古力三兄弟同榴連棉棉冰 一直對呢到香濃既朱古力 勁滑既軟雪糕同超重味既榴連念念不忘 今次黎試下朱古力雪山同心太軟配榴連球！ 見到都開心 成份甜品好大份 有紅豆 西瓜 脆脆 軟雪糕真係好大個 朱古力比起出面既甜品舖濃好多 變左唔會死甜 配埋棉棉冰入口即溶 朱古力迷必食！好耐無食過咁高質既心太軟 上枱熱辣辣 一切開d朱古力醬流哂出黎 個皮又夠脆口榴連球雖然貴啲 都無令我失望 食到啖啖都有啲果肉係入面 仲有濃郁既真。榴連味一定會再encore

無無聊聊揸車入咗去大圍呢度泊車其實唔係太方便入去食聽講個雪糕好正事不宜遲立即試咗個涼粉再加軟雪糕個軟雪糕幾好食軟林林至於個涼粉就真係好涼粉過依個價錢係時佢一定食唔到依個質素整體比到80分同場試咗個炸墨魚丸超正

平時返工都忙到不得之了，有時候真係唔想諗去食咩，見以前食過呢一間，咁啱放工又想同女朋友撐下枱腳，所以就嚟呢度，不知不覺呢一度都變咗我哋嘅飯堂了。最令我哋深刻嘅就當然係呢度嘅人套餐啦，呢度人套餐大件勁抵食，完完全全滿足我哋兩個人嘅慾望。呢度嘅牛展對我地來講一定係必食嘅，因為醃得超入味，而且入口即溶，如果話呢一個係我識得最好食嘅一個牛展都唔算誇張。凍奶茶仍舊特別，糖漿因應需要自己加，飲落的確大力點台灣嘅風味，正！香炸魷魚鬚炸得剛剛好，調味適中唔會過鹹，食落又唔會咁難咬，值得一試！

朋友相約於大圍的家吃飯， 晚飯過後我們定必吃糖水， 這次的吃糖水的地方是在朋友的家下面的冬菇亭，沒想到冬菇亭也有甜品吃，本來還以為只是傳統的中式糖水，驚喜的事情又來了。冬菇亭位於大圍的屋邨內，距離鄰近地鐵站路程約需十分鐘左右，地理上還算方便，加上這是新形的冬菇亭，已經被活化，所以冷氣還算充足。而我就點選了芒果爺爺，最欣賞的就是上面的軟雪糕，本來還擔心會不會是雪糕球，因為雪糕球太硬，同芒果嘅口感對比爭太太太遠了。下次也會再吃，因為鄰近朋友的家，十分方便。

大飯堂位於大圍 美林邨，餐廳 係由舊式冬菇亭改建而成的， 裝修後的冬菇亭環境舒服有冷氣，樓底高， 即使只是小小的食一餐， 也比以前舒服很多呢。-豚肉叉燒麵（ 豬骨湯底）不要小看小店的 叉燒 ，那片 叉燒 油和肉的比例非常均勻 ，油花一進到嘴裡就化掉的感覺，實在是太讚了。 而且麵的份量也很多， 一個大男人也很久吃呢。-三重起司粟米雞扒撈丁三重起司即是有三種芝士，芝士迷一定要叫。 雞扒煎得香口不會太柴， 一丁面也不會煮得太林。 整個麵的味道鹹鹹香香， 加埋粟米爽脆的口感，感覺非常銷魂。-腐竹薏米流心蛋糖水腐竹薏米糖水食得多， 最欣賞是小店用流心蛋去奉客，誠意十分可加。 這道甜品深得我喜愛， 蛋白質除了可以修補皮膚外，薏米又能去水腫，整碗滋陰養顏抗衰老的觀念，正！-西米露濃濃椰汁香，冰冰涼涼的，比渴冷飲更解暑呢！-咖哩魚蛋八蚊有好多粒， 口痕等正餐到嘅時候，叫八蚊食就最過癮， 咖哩味少少辣，魚蛋肉質唔會太削，正！-柚子蜜跟餐飲品，用大碗裝，好易飲，而且唔會太稀。

2019年2月28日星期四今天難得同老婆及朋友去石馬食飯。食飽飽但我地好似未夠侯。甜品果然係用另一個胃上網搜尋了一陣附近有什麼糖品，老婆找了這間位置方便嘅！附近有一個停車場。啱我地開車過來一見到甜心爺爺系列我以經好快做了決定冇心機再選其他最後選了芒果爺爺。3.6軟雪糕十分吸引。好香牛奶味食咗三分一雪糕開始見到椰果肉同芒果。流曬口水芒果加雪糕非常吸引。老婆選了紫霞仙子有西米露有香芋雪糕香芋雪糕係我老娘最愛隔離嗰台有人叫咗個朱古力天堂，坐喺佢隔離都聞到朱古力嘅香味整體而言呢度食糖水唔錯對於揸車嘅人都幾方便

位置係美林村內的美食亭, 大圍火車站行過去大約10分鐘左右, 呢D應該係重新裝修的公屋小食亭, 依家又大又乾淨, 仲好舒服添!MENU有大量港式/台式食品, 仲有大量甜品選擇!下午有二人套餐, 百幾蚊就有交易, 有3餸, 飯/面, 仲有飲品同甜品!呢個$148 二人套餐可以有齊8樣野:蜜汁豬頸肉蜜脆雞翼蘿蔔牛展上湯浸生菜肉燥飯淨麵腐竹糖水奶茶蜜汁豬頸肉 - 又香又大塊, 片片都蜜味重, 算係厚切好好味!蜜脆雞翼 - 4隻, 幾大隻, 新鮮即炸, 非常熱, 一樣蜜味重, 仲有少少芝麻係面, 好好食!蘿蔔牛展 - 一定要試, 切到大大舊, 不過超級林, 超入味, 推介推介!!上湯浸生菜 - 生菜非常新鮮, 脆口架, 唔係放左好耐既生菜, 即刻煮的, 好難得有店舖整到高質素, 呢個生菜真係帶俾我驚喜!肉燥飯 - 大量肉燥, 味道不錯, 飯底唔濕, 十分OK!淨麵 - 仲有埋蘿蔔同紅蘿蔔, 有HEART!腐竹糖水 - 超濃郁的腐竹糖水, 大量腐竹已經溶曬, 好似奶甘, 仲有再加入片片大腐竹, 唔太甜, VERY GOOD!奶茶 - 付有糖水自己加, 茶味香, 有點台灣茶FELL2人餐份量夠3人

常會到的飯堂，小食店，糖水店，吹水好地方。喜歡地方大，坐位多，選擇多。有飯有面，推介大家多人來，試試炸拼，炸牛展，炸燒賣，炸餃子，炸雞扒。絕對唔會失望今日做完gym, 兩個人share食少少野，有面食，小食，菜同甜品，滿足！必食牛展面厚身軟身，不會鬆散大愛骨膠原推介蜜脆雞翼繼m記後，另一喜愛雞翼炸野係熱氣d超大分量的糖水蛋白杏仁茶養顏佳品中午時間有套餐點了面，有野飲或者加錢轉糖水 亦可$10追加生菜一碟

記得聖誕前夕,唔想同人迫餐慒,就黎左美林附近呢間冬菇亭既大飯糖黎食聖誕大餐,唔好睇呢處唔係市區就無好野食,之前小胖女黎得就知係好食又抵食既選擇啦,set餐有飯有野飲有甜品食,真係必食,小弟叫左個咖哩律腩飯,而小胖女就叫左個肉燥鹽酥雞扒麵,但首先係上左餐飲先,台式奶茶夠香夠滑,真係必試,另外小胖女唔要餐飲叫左個腐竹意米糖水,都幾足料,好多意米向入面,之後主食黎啦,先上係小弟個牛腩飯,份量足夠,加上個咖哩唔算好辣,岩哂唔食辣既人之後係小胖女個雞扒麵,麵就可能份量細小小,男仔食未份夠喉,雞扒就做得岩岩好,唔會太咸最後當然係小弟個甜品出場啦,心太軟+雪糕,朱古力夠多夠熱,甜度岩岩好,雪糕都好大球,簡單又夠平咁搞掂一餐

終於來到大飯糖用膳，試齊大圍三間冬菇亭的食物。大飯糖的格局真係街坊飯堂式，没有甚麼設計，臨近新年，貼了好多布藝式的揮春，感覺親切。午市惠顧的人不算多，只是半滿。不知道食肆是否主打甜品，飯麵等餐食不算多，而且走台式路線。看了其它食評，便點了肉燥盐酥雞扒飯，跟一碗腐竹糖水。等了十多分鐘，終於可以開動。食物上枱時溫度够高，那飯幾乎是燙口的，而且粒粒分明，令人抱有很高期望。飯餐捨棄跟雜菜的做法，轉為跟紅白蘿卜各一大件，頗為新鮮。白蘿卜合時清甜，紅蘿卜則與飯餸不太配襯，味道略嫌單調。台式肉燥做得馬虎，所以味道普通，用了絞碎的免治肉及切得十分單薄的冬菇，配上調味汁便奉客，完全吃不出油穌及五香粉等關鍵味道。重頭戲當然是盐穌雞扒，雞扒外皮相當脆，但肉切得太薄，炸了之後又乾又硬，完全吃不出肉汁，可能店家為了彌補肉本身的不足，便加了很多由淮盐及五香粉混成的味粉，吃了十分口渴。最後是跟餐甜品，因為要了糖水，便没有飲品。吃完了極咸的飯餸，糖水便是極甜，雖然有足料腐竹及小量薏米，但卻不知滋味。埋單48蚊，不算貴，卻也不便宜，性價比不高。