大餃子 (已結業)

呢間餃子店印象中好似最近才進註銅鑼灣。之前係咩店已經忘記。因為呢幾年在這裡嘅食店經常轉換。我今次係因為睇到佢哋有下午茶餐 所以入嚟試一試 以下係我的選擇：可以免費選擇一杯飲品 可樂或果汁或豆漿可以有6個和10個餃子選擇嚴格來講和平日餐無咩分別 但就平好多職員不是特別熱情 但都無黑面和態度差店舖地方唔算大 如果一人前都還可以接受但如果要多人飯局就真係比較勉強講返食物 這款餃子🥟很厚皮 餡料一咬就散 餡料亦都冇味道 湯頭都係清湯 無任何味道所以應該唔會再選擇這款 如果要特價餃子要加錢 煎餃子又要加錢 變其他飲品又要加錢 所以最抵就係咩都唔改 不過有一個值得讚嘅地方就係餃子真係好大隻 一個人下午茶真係夠食所以女仕選6個都應該足夠 姐姐無生意時都勤奮地包餃子🥟但我發覺原來佢哋收錢時係無洗手就收錢 雖然我唔知佢哋最後返回工作崗位包餃子時會唔會洗手 但其實這裡已經扣分

好少何喺銅鑼灣都會食到平嘢經過渣甸街見到呢間小店好似唔錯佢有餃子、粥同埋麵食試咗佢嘅豬潤牛肉粥個粥底都幾靚，唔會話好稀不過啲料就唔係好足得兩塊豬膶同埋少少牛肉價錢方面以銅鑼灣來講都算平第二日再去試埋佢嘅餃子試咗佢嘅雙拼餃子有得選擇煎或者水煮本身揀咗韭菜豬肉同埋牛肉大蔥餃子但佢比錯咗我牛肉大蔥餃子變咗做京芹豬肉餃子(本人唔食西芹)不過我夜晚趕時間所以都照食餃子皮比較厚，而且同啲餡料分離餡料味道尚算唔錯，不過啲皮真係太厚整體不過不失，環境都算迫要同人搭枱未必會再去

已經食過幾次，但每一次落單同上菜都好慢。今日繁忙時間過去，又得一個人係樓面都預咗佢會好慢已經耐心等候。點知個女侍應只顧收錢同外賣單，一啲都冇理過舖頭入面的客人，已經表示過要落單幾次，但係她就用非常惡劣的態度來對答話”等陣，我好忙，已經做到冇停手” 依個服務態度簡直係一流👎🏻，一等就係10分鐘….😓其實間舖頭好細得幾張枱，有好多坐低咗嘅客人一係就等緊嘢食，一係就未落到單，外賣都是得兩三個客人，實在不明白佢點樣分配工作。有啲客人已經等落單等到不耐煩加上侍應態度差到一個極點而罷食離開，佢仲要話返個客人轉頭。我只係登老闆慘，請着個會幫自己倒米的員工。其實啲餃子同麵都OK，但因為服務態度真係太差了，我亦都比過幾次機會但係次次都係咁，再好食我諗我都唔會再幫襯啦…

啱啱去完cafe high tea,晚餐時間唔係好肚餓， 但又怕夜晚會餓，唔想食咁飽，於是經過見到呢間餃子店，就入去試下啦。環境一般，唔算十分乾淨叫咗韭菜餃同埋白菜豬肉餃，價錢唔算平。一碗有十粒，正常size。皮都算薄，餡都多嘅，有味道，唔係話超級好味，正正常常。不過食完好似食咗陣風咁樣，為食而食囉。

今次去呢度嘅experience唔係咁好，首先，坐得唔舒服，我已經好瘦，竟然覺得好逼！搭枱會踢到對面個人隻腳。第二，服務麻麻地，覺得佢哋態度好懶散。筷子又唔記得俾，好唔願意返工咁。係我食嘢嘅15分鐘內，已經俾客鬧咗一次話張凳好濕，未抹就俾人坐。講講食物，紅油炒手唔辣，肉餡無咩味，係咪想人飽肚就算？個粥普普通通，同出邊差唔多。佢唔係難食，如果好餓入去食ok嘅，但係唔係可以enjoy嘅一餐囉！所以我都費事俾差評，但係應該係我第一次覺得餐廳唔好，野食還可以，其他嘢令我食得唔舒服咁就$82，覺得自己好嘥錢！紅油炒手（六隻） $42皮蛋瘦肉粥$30凍豆漿$10

有次夜放工無嘢好食入過去老闆幾好人 好招呼 又唔會催你食完走之前食過佢嘅擔擔麵覺得幾好食今次食佢嘅餃子佢嘅餃子都大粒的今次叫左佢嘅水餃暫時未試過佢嘅煎餃十隻餃雙拼 韮菜餃x牛肉葱餃基本上我次次都會叫牛肉葱佢牛肉咬開餡料好足 都香口不過餃皮係偏厚嗰種 有時可能個黏口位會硬少少生左啲韮菜餃 一樣都係勁多餡 但就無乜豬肉仲加多左碟油菜 就略嫌少左啲十幾蚊得5條大菜心希望份量可以多返啲埋單70幾蚊以地段嚟講都算係咁以食餃嚟講就無 八xx集咁抵食但都係比較推薦佢嘅擔擔麵

諗住買個粢飯（$22+$1外賣盒）做晚餐，等左10分鐘，見店員將2條細條的食物放入膠盒，以為其他人叫的炸腸，點知店員比我。我即時話你地粢飯咁迷你，佢話係咁迷你架喎。根本唔係正常粢飯，好幼又短，比個女人的手掌短好多，冇咩餡，幼到根本包唔到餡。似炸腸多啲，根本食唔飽。仲要人加1蚊要個外賣盒，從未見過粢飯要用盒裝住，用咁大個盒放呢2條咁幼的野，唔環保，呃人地1蚊外賣盒錢。就算你想偷工減料，都唔好整咁細份比人地，真係企街食魚蛋燒賣好過。以後唔會幫襯。

去吃一自套餐， 卻變為二個餐的價錢。 職員稱單已打了， 老板不在不爱調整。 騙子店。 我保留追究權利. 有這樣的店， 這橡的店員。 我真的不相信不懂改單， 落單都會， 加單也會。 咁啱不會改單。 明明套餐加餃子， 就變成二個套餐， 你們真會做生意。 各位小心啊。 希望吾會再有人受骗。 和這些人説什麽也没用。 只好提醒其他人， 這店的惡行。 呃錢的職員， 相信都吾系第一次咁做。 希望見到這自評， 有同樣經歷的人也表達一下。 不要再有人被骗。 幾十蚊都呃。 没問題。

叫左個泡菜豬肉煎餃，食第一舊，覺得少少奇怪，點解個餡只係暖，再望真啲，啲豬肉好似生既絞肉咁，粉紅色嘅。同個侍應講，佢話冇可能睇生架！呢啲顏色係泡菜染咗……….爭持咗好耐，入面個姐姐都話無可能會係生，話啲餃子一定係熟。ok我信佢，再食第二舊，係熱既d豬肉，咬開之後好明顯有肉紋，一睇就知係熟……….其實唔熟，咪再煎過？點解要堅持話自己啲嘢係熟，客人食完唔舒服唔通佢會好好過？我冇食晒，就俾錢走咗，以後唔會再幫襯，明明生堅持話係熟，根本係逼人食😅

約好左聽日打邊爐, 所以今日簡單食, 就老公食佢愛吃的餃子🥟。餐廳面積好細, 有大約5張痴得好埋既枱。好彩坐到一張最裡面比較自成一角, 冷氣❄️也比較充足的二人枱。我地嗌左四川擔擔麵配粟米🌽豬肉餃子, 咖喱洋蔥🧅豬肉湯餃同凍豆漿。四川擔擔麵配粟米豬肉餃子 - 花生🥜芝麻醬足料, 啖啖濃郁惹味, 記住食之前先仔細撈一撈碗麵, 芝麻醬汁沉左落個碗底到。大餃子的餃子用料新鮮, 相信正如佢地餐牌寫住: 不做隔夜餡。肉餡調味偏向清淡, 很有家常菜的感覺。咖喱洋蔥豬肉湯餃 - 呢份係我嗌既餃子, 調味同樣給人健康清新既感覺, 不過好辣🥵, 只食得少辣既我同老公交換左D餃子黎食。豆漿(無影相) - 用料同樣新鮮足料, 豆味濃郁, 好飲。我覺得大餃子是依北方做法的餃子, 可能因為餃子是北方人的主食吧, 所以他們的餃子皮都偏厚, 跟我最愛的太子喜相逢相似, 兩者比較之下, 我還是比較喜歡喜相逢, 大餃子的餃子皮太多也偏硬。

聲稱不做隔夜餡+現包，見到層架有未包既餃子皮，應該都係手包。叫左碗京芹豬肉餃，$38/6隻，完全唔值。首先個餡極唔新鮮，豬肉口感好霉，又冇豬肉既鮮味。而芹菜餃芹菜唔夠香，餃子皮厚，餃子size中等，湯底冇味。整體好難食，唔會再幫襯👎🏻👎🏻👎🏻👎🏻唔知點解佢可以話自己唔用隔夜餡，仲要賣成$6/隻，完全唔值依個價，未食過咁難食既餃子 不會推介，唔會再幫襯！！！👎🏻👎🏻👎🏻👎🏻

食太多冇肉味冇菜味嘅速凍餃子，就會想食番手包餃子。自己包又麻煩又花時間，所以搵到嘅高質嘅手工餃子店超幸運！呢間小店位置唔大，但疫情下都唔會間好多板搞到坐得好逼，可以食得安心。今次嗌左韭菜水餃同白菜餃配擔擔麵。隻隻餃子都落足料，飽滿可愛，一口一隻啖啖肉，非常滿足。韭菜好香，亦唔好因為煮得耐而黃晒，讚！白菜餃味清啲，配濃味擔擔麵啱啱好，擔擔麵香而唔辣，啱晒鍾意擔擔麵而又唔太食得辣嘅朋友。 味道：8/10環境：7/10抵食：9/10

唔知點解細細個已經好鍾意食餃子，到而家仍然都係咁鍾意食，最鍾意點喼汁食... 最近喺渣甸街開咗一間[🥟大餃子]佢入邊除咗餃子之外，仲有幾款🍜麵食，酸辣湯... 最搞笑係仲有腸粉同埋🥣粥，可能係因為之前嗰間老粥店冇咗啦，不過我幾次都係食餃子同埋擔擔麵，因為有我最鍾意食嘅唐芹餃，除咗好香嘅唐芹之外，入邊仲有少少孜然粉嘅味道，仲有食過韭菜煎餃，都非常出色，另外仲有大白菜同埋京蔥牛肉餃，不過呢兩款就未有試過啦，擔擔麵亦都非常出色，麵質好有咬口，絕對唔係淋pat pat，麻醬非常濃郁，另外仲有口水雞，同埋蒜頭泥白肉，不得不讚讚佢好有heart，係用青瓜包住一豬腩片然後捲埋一卷，醬汁味道恰到好處，口水雞夠香辣雞肉嫩滑...仲有控油抄手，雲吞皮係滑脫脫嘅...基本上試過三款餃子，都係皮薄多肉汁... 寫寫下好掛住芹菜飯

I ordered a congee with preserved egg and lean pork.The texture of the congee was not very thick, but not too thin. It was quite smooth and had the right amount of flavorings, without being too bland or too salty.There was a good amount of lean pork in the congee, but only a little preserved egg, which was a bit disappointing.The congee was satisfactory, and the service was good. However, the seating I was assigned to was literally right next to the toilet (see photo for reference) and although

上星期下午茶時段發現這間新的餃子店，就嘗試了不同口味的餃子覺得真的唔錯。今天午市決定再來拜訪，感覺完全唔同，服務態度差到冇朋友！食物質量也差了。叫侍應寫單，她一直固着外賣的，等了很久才來，態度10分差好似不想有顧客。向女侍應說唔該要辣油，她叫我用枱面的辣醬。最後我唯有自己去外賣枱上拿，10分鐘後又好差態度地抌個碗給我。對面客人叫了牛肉餃子，但給了榨菜餃子，也不認錯，好似覺得係客人的錯。見到出面外賣的單大部份都搞錯，或找不到單據。現在餐飲業已經很難做，消費者來幫襯應該用200分的服務態度不是零分。再好食到唔會做得長，真的失望😓