大鹿鳴居 (已結業)

以前幾乎晚晚都幫襯鹿鳴居外賣，因為方便、快捷、好味道囉。最初諗住飲飽酒回家時先買外賣，但朋友們要請一齊食晚飯，好好好，無所謂。白灼東風螺，壯陽大補螺 ﹗早前幾次都細隻到死，十足花螺那麼細，最初還以為比錯添呀，失望。罕有難得收到巨形東風螺呀，依次仲唔吐氣揚眉﹗新灼起滾熱辣，時間拿捏得非常好，螺汁水潤澎湃，甘香甜美，螺頭脆脆、螺身彈彈、螺尾綿綿，三種味道夾三種質感，超級無敵鮮甜，再沾上甜醬辣椒醬，美味惹味到拍爛手掌，食到停不了﹗生炒骨，鑊氣非凡熱騰騰，果然夠骨感，骨多肉少。外層炸到脆卜卜，炸得太乾，包著硬肉，索汁夠強勁，酸酸甜甜都醒神醒胃的。我覺得配菜紅椒青椒更好味，爽甜清香多汁喎。滷水鵝半隻配豆腐底，都話要大豆芽底咯，唔要豆腐呀 ﹗到底老闆娘係您飲醉，還是廚房師師醉呢，激死我，唯有照食啦。炸過的硬豆腐，外皮香口，白肉實淨帶豆香，點辣油或滷水也不錯。部份位置做鵝片，切成黃金比例，肥美嫩滑瘦肉黏著少少彈滑膠黏的鵝皮，香料滷水清香脫俗，不濁不咸不單調，肉汁強勁，質地豐彈性，不乾不硬，高水準的食材。我夠喜歡連骨的鵝件，損骨輪骨最好味又過足癮，鵝甜味更突出，香料味更霸道，滾酸醋好、滾辣油都好，依舊

一家大細入了大埔賀表妹入伙，參觀完新屋就搵食，因為無訂位，所以早啲去，去到唔使等位，普通中菜小廚格局，地方略殘舊，一般潮洲有嘅食品都有，落單後初期食物好快到，後段加單嘅，因為爆場遲遲都未來！最後要截單！白灼東風螺（$78）肥髀最愛，螺肉彈牙！點辣醬甜醬惹味好食鹵水鵝拼墨魚（$130）鵝肉鹹香唔嚡，墨魚彈牙！韮菜花炒鮮魷（$85）我唔食韮菜花，鮮魷爽脆白切雞（$80/半隻）雞賣相唔錯，不過雞肉較嚡！一般金銀蛋莧菜（$68）三色蛋落得多，皮蛋黃沙沙，蛋白彈牙，鹹蛋鹹香，莧菜爽口，索湯一流！菜脯拼大腸（$80）大腸鹵得入味，無壓味，彈牙好味，菜脯較鹹，又偏硬，喜歡嘅叫有咬口，送粥幾好！墊底大荳芽爽口！索晒汁好味白粥：潮洲粥唔係綿身，米粒多，不過唔夠熱！微暖（😞）蘋果汽酒：罐裝汽酒！食到尾，仲有兩款菜未來，最後問咗兩次都來唔到！所以放棄！沙嗲金菇肥牛煲（$90）三色蒸水蛋（$80）食物幾好味，可惜上菜慢，我哋本來唔趕時間，但加單嘅菜，等到乜都食晒都未來，叫店員入廚房跟，跟完都係無，佢哋態度又唔係差嘅，不過整間店嘅效率在爆場情況下負擔唔到！仲要開埋店外商場走廊嘅枱，店家係唔係要計下廚房有無能力應

昨晚才第一次到朋友介紹的大鹿鳴居潮州飯店，一心以為沒有甚麼特別。誰不知道一試難忘。點了小羊腩煲，蠔餅，鹵水拼盆及例湯蓮藕龍骨湯。本來從不打算寫食評的我不單忘了拍食物照，更是一口氣和朋友把所有食物也淸了。老闆吳生吳太由大牌檔到入鋪經已十多年，明年便是他們四十周年結婚紀念，他們說出品及服務一定要堅持。先說羊腩煲，雖然叫小的但也滿滿的，羊腩嫩滑不羶。湯底十分惹味餸飯一流，蠔餅乃吳生手本，一大碟蠔多餅底薄又鬆化，加魚露簡直絕配。鹵水沒有失準，正宗潮州味道。倒是例湯蓮藕甜加大大舊有骨髓的豬骨。湯清味美。星期五晚九點後仍差不多滿座。這是有實力的表演。那怕樓股升跌，好味好吃的食物永遠有Fans.下次一定要為食物拍照。

涼瓜炆䱽魚，涼瓜厚薄得宜，甘而不苦又爽脆，吸收埋蒜子豆豉芳香，惹味極致。炸完䱽魚再炆，微脆外層更能索汁，皮香肉嫩啖啖肉之餘，還能嚐到甘香甜美味道。而且質地結實又充滿肉汁，鮮魚味突出，真心好味道！油浸筍殼，好事成雙多舊魚，雙魚出征，游水魚最平都 $100 大元條啊！又一較少食既魚類，兒時聽到個名以為係貝類呢。睇下您如何油浸法，原來係走油式炸啫，真係想象唔到。炸得鬆脆可口，薄薄白雪雪香脆炸漿使我突然聯想到天婦羅呢！炸得外脆內嫩，魚肉滑滑味鮮甜，食得過。茄子炆斑腩，鹿鳴金牌茄子真係點著都好食，棉棉滑滑吸盡醬汁精華，招牌炆茄子又滑又棉香噴噴，熱騰騰跣入口，無得輸﹗大大舊斑腩肉厚甜美又多汁，薄薄炸漿吸收晒所有芡汁滑嘟嘟，味道香濃可口。蒜蓉炒皇帝菜，蒜蓉炒都係第一次，食到黃帝菜都係近幾年既事，一般都係雞煲良伴。炒得好油但好好味，爽嫩多汁，趙到索索聲，價位偏高，要成 $70 大元呢。豉汁蒸䱽魚，游水魚即叫即劏，新鮮度無可置疑。蒸得剛剛好，肉質細嫩滑滑，豉汁調得可口香甜而不濁，跟鮮魚肉互相呼應，美味極致！啖啖肉，皮又膠滑，好好味，連骨都要損得乾乾淨淨！小炒皇，勁多腰果囉，我要大量菜大量肉呢！我由細到大

難得一遇最新最強組合，三合一如虎添翼、欲罷不能既美道！滷水鵝片蠔仔粥豉皇淡炒麵，勁過皇金聖鬥士女神之嘆息，將我完全擊潰，體無完膚！炒麵捲上鵝片再黏上大量蠔仔粥搭埋蠔仔直送入口，嚥韌彈牙軟棉肥美幼細滑溜濕潤、甜美鮮味咸香肉香滷水芬芳，萬千質感加味道，暴走般只懂忘情地不停吃！豉汁蒸魚腩，依個係魚腩？頭半截就當魚腩？新鮮出爐剛剛蒸起好味道，肉嫩味鮮沾上香甜豉汁啖啖肉，兇湧鮮魚汁盪漾，舌頭開心到不停舞動打滾，嚷著給我多一點呢！豉油皇炒麵全走，全城焦點個個知，招牌炒麵個個讚，有一輪次次外賣都必食！生抽老抽香噴噴，芳香誘惑口水流，炒功深厚鑊氣迫人，嚥韌彈牙麵條大束大束地輸送入口，塞得嘴裡滿滿，爽爆滿足！滷水鵝片大豆芽底，甜美滷水汁完完全全滲入鵝每吋肌膚，每條肉絲都散發出滷水幽香。鵝片切得厚薄得宜，紋理公整，皮肉黃金比例，刀功精細有序。細緻幼嫩鵝肉黏上滑彈鵝皮，兩種質感交替著撞擊舌尖，味道跟口感非凡出眾！還可以捲上爽脆水潤清甜大豆芽，品嚐另一翻風味！蠔仔肉碎粥，忘了走蔥走芫茜，不過我已開始接受到佢地既獨特香氣。小朋友蠔仔肥嘟嘟白雪雪好可愛呢！飽滿肥美一咬爆汁，蠔味鮮、蠔香正，混上肉碎棉棉甜美粥底，非

咸蛋蒸肉餅，如此美食怎可以無飯撈呀，加個楊州炒飯就襯到絕 ﹗滾熱辣出晒煙既肉餅鬆軟有趙口，肥瘦比例夠標準，香口滑滑不肥膩。沾少許咸蛋、少許肉餅撈上炒飯，飽滿飯粒將豬肉汁完全吸收，甜美帶微微蛋黃咸香，非常開胃惹味 ﹗一定要大啖大啖食先夠滿足 ﹗早幾日專程落上水小廚知味想試火山肉蛋，點知滿座要等位，深深不憤 ﹗依家食個普通咸蛋蒸肉餅頂住先。其實我心裡面係諗住瑤柱蒸水蛋，但把口就講咸蛋蒸肉餅，似乎真係好醉喎。茄子雞柳，本想茄子牛仔骨，突想起醉芬芬唔食牛喎，立即轉雞啦。永無失手既茄子，大師級水準無甩拖，軟棉棉、滑嘟嘟，茄子肉索得醬汁滿滿，連嫩滑雞柳齊齊啜入口，濃郁中不失肉香。跟肉餅一樣都係撈飯良伴，配上炒飯更加美味可口。西蘭花鮮魷，陳太特約 order。西蘭花爽口清甜，香氣迫人，脆卜卜好好食，淋上鮮魷芡汁更加津津有味。鮮魷彈彈的而帶微爽，掩蓋不了的海鮮味道，新鮮度極高，好味道。大馬站煲，我以前因為好奇而試過一次，但已經遺忘了 ﹗原來大雜會一樣，油豆腐、韮菜、青蔥、燒肉，恰似豆腐火腩煲？依個味道十分熟識，係蝦醬既香味 ﹗咸香濃厚，但不澀不嗆剛剛好，味道跟油豆腐及火腩尤其合襯，火腩豬肉味甜而泛著蝦

楊州炒飯走菜，鑊氣迫人，蛋香四射！飯粒乾爽嚥韌又飽滿，加上絕代雙驕叉燒蝦仁，又香又爽，點可以唔大啖大啖地吞呢！係兩個濃味多汁小菜面前完全裸露，不停被強盜抽水，各食家都如狼似虎地鯨吞，轉眼灰飛煙滅！太好味喇！芋頭油鴨煲，油香四溢唔肥膩，鴨油已溶入芋頭之中，使到肉質更加幼嫩結實富彈性、鴨肉味更加香濃。超好味無投訴，我要芋泥鮮鴨煲，唔要芋頭油鴨啊，老闆又唔肯幫我煮！超級無敵勁惹味香口，無飯唔掂！撈上有鑊氣楊州炒飯，如虎添翼，不停連汁連飯爬入口，停唔到手！擦出火花，美味至極！茄子魚腩煲，茄子棉滑，索透醬汁，正到痺！魚腩啖啖肉大大舊，炸得外脆內嫩香口非常，紅燒汁已牢牢包住魚腩，用炒飯捲住跳進口中，味道提升到最高層次！香甜燒汁、蛋香炒飯、魚腩鮮味、水潤茄子，夢幻組合！撈成盒炒飯都唔夠喉。

茄子雞球煲，超正呀！次次茄子牛仔骨好悶，突然腦海中響起新菜色，就試試啦！茄子炆得半溶，又棉又滑，透徹地吸盡醬油及雞汁，味道極香濃！1234567 毫不留情一件又一件掉入口中，好味呀！雞肉香香滑滑，用白飯包住茄子雞球大大啖掃入口，滿足到達至忘我境界，食左先講！最衰靚女早前問我依味蕃茄炒蛋應該點煮呢？搞到我日日都掛住，日日都好想食，因我都多年無食過啊！今晚機會黎喇，飛雲！蕃茄炒蛋，賣相一流，仲香噴噴添，不知味道如果。急急夾幾舊蕃茄加一大片炒蛋撈飯，鮮甜微酸蕃茄加香口炒蛋，白飯又索晒啲汁係口腔內纏綿，無投訴！我喜歡！即刻咀多幾啖先！味道可以更濃一點，可以更酸甜一點，我就更開心一點！好味道！掛住食唔記得左仲有個香芋油鴨煲未影遺照呢！冷落左佢喇。香芋大部份已炆到變成芋泥，係功夫、係火候既證明。芋泥緊緊擁抱著油鴨髀墜進深淵，鴨肉油脂豐富，咸香四溢。肉質勁彈勁滑有嚼勁，油香跟芋香超級合襯，撈上白飯來互相緊扣，好味香口致極，冬天食更加惹味！三個佳餚同白飯既係良伴又係閨密，左撈一大羹、右撈一大羹，一盒白飯比我食左大半，真係唔好意思，要留返比朋友仔呢。事關實在太美味，完全停不了！起勢爬呀爬、再爬呀爬，飽到

成家晨早到左，我收工趕到已經太遲喇，點晒菜囉。吓？order 左白灼花螺、梅菜扣肉、椒鹽豬扒、馬拉盞炒通菜、滷水大腸併墨魚，即時背脊一寒，心知不妙，大鑊！點會叫埋啲咁既餸架？遲黎出事。我即刻要條鮮魚先得啦，百幾蚊條合理價錢。居然撞到展鵬同成家人食飯喎，好耐無見。清蒸石蚌，細個唔識真係以為係蚌，原來係海魚黎既。滑溜剛熟一絲血，火喉十足亦無過火，鮮魚味濃，骨少肉多啖啖嫩肉，游水魚最好食啦，簡單調味搞掂。白灼花螺，我好少會叫黎食，因為東風螺比較鮮甜彈牙。花螺帶微微海水咸味，螺頭硬而帶脆，螺身嚥韌，稍為烚耐左有點過熟，跟辣醬甜醬食，不過不失啦。梅菜扣肉煲，半點煙也沒有，靜蠅蠅送到，扣肉非常沉默，跟梅菜無任何交流。溫度暖暖地，近乎室溫既感覺非常差，完全提唔起食慾。煲仔菜理應熱騰騰，鬼殺咁嘈咋咋聲上台，但依家眼前既演繹係現成梅菜扣肉用個煲裝住，用微波爐求其叮完就算。勁多梅菜，再加硬屈屈帶澀白菜墊底，菜多肉少，整體味道偏甜，不香又單調。五花腩扣肉乾鞋硬有齊，不軟棉不鬆化。馬拉盞炒通菜，終於有道菜有點鑊氣熱辣辣喇！水通翠綠爽甜亦充滿水份，我既至愛。馬拉盞輕辣夾香，只不過勁油。細妹話最初爸媽想叫腐乳通菜

飲醉又食宵夜，超標超標！星期一再加操、忍口節食！仲有十日遊船河！魚香茄子，熱騰騰茄子軟棉又質地滑啫啫，吸收晒咸魚既梅香同肉鬆既甜美，散發著淡淡辣味，好食好食！不過食到最尾時凍左，好咸呢！勁多咸魚呀！豉油皇炒麵全走，最終意叫個麵底黎撈汁食，因為炒麵香口又掛湯汁一流，撈麻婆豆腐、撈咖哩、撈粟米魚肚羹、撈皮蛋瘦肉粥，超級百搭好伴侶！今次係魚香茄子撈豉油皇炒麵，炒麵勁有鑊氣乾爽嚥韌彈牙香濃豉油味！千絲萬縷麵條縛住茄子肉鬆跟汁液跳入血盤大口，忍不住不停地吸啜，美味致極！多重質感跟舌頭糾纏，香辣咸甜味道交錯，好味到腦袋一片空白，good！白灼游水中蝦，貴得有道理，鮮到無論，無得輸！烚既時間剛剛好，火喉拿捏得宜。爽夾滑，彈彈又鮮味香甜！摵開蝦頭，蝦膏霎時噴射！甘甜澎湃，啜一啜精神爽利！新鮮到活既一樣係肚裡面紮紮跳，太美味！蠔仔粥全走，唔要芫茜唔要蔥，但好似真係咩都走晒，水汪汪似無米粥，湯汁勁淡口如水一般，勁落胡椒粉救一救。好采蠔仔還算肥美，食得到的鮮味，只係甜味稍遜。豉汁蒸魚腩，您阿媽教您咁蒸魚架？豉汁還豉汁、魚還魚，太那西求其麻？掉一篤豉汁係面就算，唔好話要撈得均勻喇，連最基本搽好面頭都無呢！蒸完

路過見到老闆娘，相識多年，中學係大元邨地舖冬菇亭到海寶花園再到太和中心停車場，坐低飲兩杯藍妹傾兩句想當年。原來太子爺係我跆拳道師兄弟，仲要同期，估您唔到，但一直無緣係道場撞到呢。豉油皇炒麵，今次專登唔走蔥唔走芽菜試試。豉油濃到漿嘴，利害！還可接受，撈大量麻婆豆腐濕濕地好入口，雖則佢地個麻婆豆腐唔多掂，但傋上重口味炒麵都唔錯，麵質嚥韌彈彈，蔥白同炒帶出清香，滿意。麻婆豆腐，點解樣樣都切到大大舊啫，洋蔥、青紅椒全部半熟爽口多水，唔喜歡！仲要用硬豆腐一啲都唔舒服，撈飯撈麵都麻麻，不能融合為一體！味道還可以，豆腐味重，咸而不香不辣，唔難食，但最失敗係唔熱囉。食過無數間迚飯店、酒樓、茶餐廳，最好食都係曉廚！肉鬆、滑豆腐、咸魚、榨菜，等等。熱騰騰噴晒煙，香辣無比，汁多濃郁，撈飯天下無敵！紅燒茄子魚頭煲，叫魚腩變左魚頭，算數，煮左費事換。好采魚頭都炸得透徹香口，雖然無肉食，當食炸魚皮囉。師傅您今日好硬喎，茄子生左少少唔夠棉滑，好趕時間咩？今晚個場好靜乍喎。煲仔無吱吱聲、出晒煙地出場，靜蠅蠅咁放係度。整體味道可以，免強接受。淨豬紅，豬紅無味既？浸得唔夠耐，要勁撈辣椒油先得。而且鞋烚烚，半點嫩滑也沒有，

天氣急劇轉涼，一起身需要食熱野暖暖身 ，便落街覓食，無頭緒就隨意行，咁岩經過開左幾個月既鹿嗚居睇下早餐有咩食時，就比入面好熱情既侍應姐姐介紹叫入去坐，橫惦無頭緒就試試吧，早餐都算多選擇，麵類已有好多款鮮奶麥皮餐，$27叫完後，唔使5分鐘已經有得食，有麥皮，單拼三文治，連熱飲，餐牌講既鮮奶麥皮變了花奶麥皮，麥皮煮得過'結'，似食緊糊仔，三文治揀了芝士，係茶餐廳飲咖啡已無咩期望，但呢杯真係過酸，飲唔落

很久沒有吃過潮州打冷。雖然我們不是潮洲人但鹿鳴居是家父生前很喜歡吃所以常常陪他去由海寶花園開始到現在的地方。我當日在附近整頭髮所以未夠五點就去買外賣回家。四點幾打冷檔仲未開好事頭婆問我想要咩睇吓搞師傅掂未我要了：潮州三寶~即炸花生、菜圃、酸菜。我老公同工人都話炸花生很香脆。菜甫較咸如果用來送潮州粥應該剛好。我的至愛是酸菜這店做得非常好吃。鹵水雞腳~雞腳和花生也炆得十分入味和軟不太咸。鹵水豬手~炆得剛好有咬口又不過硬。鹵水墨魚鵝腸~墨魚、鵝腸皆爽口墊底的大荳芽很爽脆。鹵水鵝加頭頸~一向不愛吃鵝片反而愛吃連骨的鵝件鵝頭頸尤其是我們的至愛鹵水入味鵝肉鬆軟。