3
0
6
| 餐厅: | 天仁茗茶 (形點 I) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
营业时间
今日营业
10:00 - 21:30
星期一至日
10:00 - 21:30
以上资料只供参考，请与餐厅确认详情
唔知係咪因為我用商場積分換飲品嘅程序比較複雜，個男收銀員覺得我煩到佢，所以全程語氣超差。由我查詢是否可以用積分開始到完成整個交易嘅過程入面，佢都係用鄙視、嫌棄、呼喝嘅態度回應，當中包括無啦啦舉個QR code出嚟，然後呼喝我「掃啦！」「你掃完個QR code之後撳退出呀！」。。。最後我真係忍唔住同佢講「點解你啲態度可以咁差嘅？」，佢仲要覆我「咁我咪幫咗你囉！」之後仲要望住店入邊另一個負責沖飲品嘅女職員用極藐視嘅微笑作出投訴。
继续阅读
飲過呢間三款飲料（其他冇興趣）：香芋奶綠、抹茶（唔記得全名，好耐之前飲）、珍奶。抹茶不過不失，香芋奶綠值得推薦，飲過好多次，綠茶味濃，芋泥又多又甜，mix得好夾。夠頂肚，基本上下午茶一杯就得，就算全冰仍夠濃味，價錢合適。但唔知點解咁出色嘅茶底濃度，去到奶茶就勁勁勁淡，無論珍珠奶茶定係珍珠鮮奶茶，無論飲幾多次、全冰少冰（以為人手問題所以唔死心再試）都係超淡，飲水咁，又貴，慳番杯珍珠奶水都食到餐m記啦，就算mccafe嘅珍奶都好飲過佢。好在珍珠算好味。另外一提嘅係服務正正常常，但有次我no.66，落單後聽到店員由61開始逐個no.叫號攞野飲，我諗住聽佢嗌號所以我低頭玩手機。突然嗌完64就冇左聲氣，隔左好耐店員突然心虛細細聲嗌67，我抬頭睇櫃面上有杯擺喺度好耐冇人認領嘅野飲，我以為係咪66未整好，但諗諗吓唔對路，上前去睇先發現係我嗰杯開始融冰出哂倒汗水嘅66！你唔嗌我個no.，唔通我每杯都狗沖出去睇係唔係我嗰杯？仲要係疫情我都唔知應唔應該隨便拎杯野睇吓係唔係我嘅！定係我要時刻mon實數住店員整到第幾杯，數啱個數我就去攞？既然你杯杯都嗌no.，點解淨係唔嗌65、66？次次買完都係店員嗌no.，今次係想點？？
继续阅读
大家都知天仁茗茶係一間好受香港人歡迎嘅台式飲品店,以真茶底真鮮奶做招牌嘅天仁更加令買嘢飲嘅朋友飲得放心,有各種好吸引人嘅飲品,咁我諗味道一定唔會差嘅~當然,不論係甜度,溫度同配料嘅組合都因人而異,好難有個公認好飲嘅飲品.咁我一直都好中意飲佢地嘅香橙綠茶半糖,我住元朗,呢間分店同千色我都成日飲嘅,其實冇分別架!都係咁好飲的.我諗覺得難飲嘅朋友可能係因為放杯嘢飲太耐冇掂,或者係選購時冇問店員飲品入面係咩啫.我有次去買香芋珍珠鮮奶綠,有問收銀店員關於杯飲品會唔會太甜.佢地同我講完香芋同珍珠有糖之後,仲推薦我飲半糖...果然半糖真係啱啱好,適合我呢種唔想飲太甜又想食吓珍珠甜甜地嘅口感.係正嘅!!!所以真心多啲問店員,可能比到啲好好嘅配搭你睇番佢地分店同千色分店比,可能係因為係一田入面,難以令人去搵到呢間店,所以閒日上係比較少人買,等候時間都算快.但一到假日(星期六,日)就好多人,都等咗成5至7分鐘到,可能係因為佢地得一個人沖嘢飲嘅關係啦.或者要解決等候時間嘅問題,真係要好似其他分店搵多個人沖.都試過買一杯嘢飲要等10分鐘(打咗蛇餅),要比少少耐性去等,唔好去為難店員啦整體而言:味道同其他分店冇分別.店員係好熱情同有禮貌(次次都兩隻手比收據架~~)唯獨係假日會等得耐啲,所以加油!
继续阅读
一入到黎見到呢間分店咁多負評真係嚇親。真係唔係好理解呢間分店點解咁多負評。每次落一田買野時經過天仁茗茶都會買杯野飲。而今日我就買左杯913茶王走糖加珍珠，店員態度依然係好友善，好好禮貌，唔知係咪疫情關係，呢間分店嘅員工除左帶住口罩仲帶埋手套沖野飲，真係令人飲得好放心。落完單等左冇耐就有野飲。杯913茶王真係冇得輸👍🏼👍🏼茶味夠濃，飲完仲有少少回甘加埋啲珍珠真係無敵好飲！飲過咁多間台飲都係天仁珍珠最好食，珍珠夠彈牙又有蜂蜜味。希望呢間分店可以繼續維持水準。
继续阅读
我係從2017年開始買天仁茗茶，一有買奶茶都會叫尼間，從2020年開始我就覺得越黎越唔好飲，但係都係覺得可以買其他飲品。。。我明知道佢間店飲品係好甜，之前買五分糖都係超級甜，今日係形點I買左兩杯黑糖珍珠鮮奶，特別叫左3分糖，都係超級甜，甜到飲唔落去，而且唔係我平時飲果陣味，我真的超級失望，一次又一次唔好飲，如果唔係我已經返到屋企，真係好想返轉頭話你地係咪有病。我之前一直都係買呢間，從此之後，我都唔會買。身邊好多friends 都係覺得唔好飲，表示唔會再買。希望天仁茗茶可以改善且越做越好，唔好求其。
继续阅读