天后站清湯腩

营业中

休息中

嚟到康城區平民餐廳選擇唔多想食啲河粉所以選擇咗天后清湯腩我哋入坐時間大約11:00左右今次我哋嗌左兩碗面瘦腩河同 雲吞麵兩個味道都不錯雖然叫咗位置比較瘦嘅牛腩咬口完全冇唔會韌 同埋入味👍🏻✨至於雲吞麵嘅雲吞皮薄 餡料充足正常麵底煙韌 容易入口 個人比較喜歡兩個湯底都比較清淡 符合清湯腩呢個名👍🏻想食得清淡啲嘅朋友可以去試吓😉入坐 去想坐卡位嘅時候遭受到店員阻止叫我哋坐旁邊嘅4人枱….當去到旁邊嘅4人枱時候另一個店員亦都阻止我哋話唔俾我哋坐四人枱要求我哋坐圓枱 我拒絕咗 明明仲有好多位覺得好似比佢哋玩來玩去咁 有啲不滿點解一定要求客人坐 佢哋安排嘅位置？

介紹返💁🏻‍♀️。。🇭🇰 清湯腩 在將軍澳 🇭🇰。天后站清湯腩。The LOHAS 4樓422號鋪。清湯牛腩湯河。HKD53崩沙腩墨魚丸湯伊麵。HKD67腩汁蘿蔔。HKD19跟餐 凍檸檬茶。HKD8 🤫 上個星期嘅某一晚..飯腳仔突然之間話好想睇One Piece..好啦..見佢咁有誠意入到嚟將軍澳買晒飛咁樣就陪佢睇啦..然後問佢係邊度等嘅嗰一刻..佢先發現自己買咗康城嘅戲飛🫠..唔該晒..我都係第一次認認真真入康城(平時都係搭錯地鐵入錯康城多🤭)🤫 咁睇完呢一套飯腳仔話好好睇嘅One Piece之後..費事要條友仔陪我斷食..就隨便搵間嘢醫下佢個肚..路經天后站清湯腩見到好多人喺度等外賣..今次就食呢間啦🤫 本身我真係諗住乜都唔食坐喺度陪佢㗎..但係又俾我發現到呢度可以食清湯腩伊麵底..我又忍唔住啦..我叫咗崩沙腩墨魚丸湯伊麵再加一份蘿蔔🤭..反而飯腳仔淨係食咗個清湯腩河🤫 咁先講吓我嘅崩沙腩墨魚丸湯伊麵..崩沙腩牛味香濃肉質厚實..但係唔靭..相當唔錯..墨魚丸食到粒粒墨魚肉..而且彈牙..可惜得兩粒..仲要分一粒俾飯腳仔..至於吸引到我嘅就係伊麵..haha..突然好想食伊麵..但

睇完戲8點，已經好多地方都滿晒等位食飯既人反而呢度就可以即刻有位都冇諗咁多，就直接去醫肚想食米線，都係想清淡d但要40-50蚊一碗平淡無味既米線就真係唔太講得通叫左個menu 上推介既牛腩河其實都幾普通，又冇乜太濃既牛味水餃麵更加食唔到特別多叫左個蠔油菜，係爽口既Hm.. 冇人排隊果然係有原因😢真心失望

第二次，上一次已經一年前，仲記得那次個湯好稀，個麵都係唔熱，一年.足足一年多無再去，以為有所改善，去試多次…比多一次機會，結果…叫咗一碗牛腩，一個乍醬麵，一杯檸茶.牛腩鞋到完全咬唔到.拎到枱個麵係暖，乍醬凍到似係雪櫃拎出嚟，同個阿姐講，想換另一樣，佢居然話佢哋乍醬係咁，係凍食.態度仲好差，惡到不得了，覺得問題只係你食唔慣，佢哋無問題。一間咁嘅垃圾食店，食物差.態度惡劣，永遠唔會再去，何必比錢買難受。

我地三個人係康城睇完戲，見到下午茶時間，呢間店都幾多人，又無下午茶特價，難道好好食？所以入去試下，不過都幾失望。清湯腩的牛腩係香嘅，但係都幾鞋同硬，好似食緊好瘦嘅瘦肉，食完D肉痴落牙楋。份量正常嘅，但係下午茶時段$50幾，呢個質素，唔值得。我朋友叫左金錢肚麵，望落份量少，有一種被食左一半嘅感覺。朋友話都唔香。金錢肚無咩味。呢個餃子薯粉就正常。招牌清湯腩都唔掂，又唔便宜，對呢間店感覺不良好，有改善空間，

康城有商場,但係其實唔係好多野食,有d仲要幾貴.呢間餐廳都算係正常收費,唔係特別平,又唔可以話佢貴.星期六黎講等位唔算耐,而且好快就有野食上黎.叫左個上海排骨擔擔面,都幾好食,排骨即叫即炸,黎到既時候熱騰騰><仲有個上湯蘿白,好濃既牛腩味好正~下次會再幫襯

好耐之前同朋友去康城睇戲，因為趕時間入左呢間鋪頭諗著快快手食個麵入場，叫左個水餃薯粉。一食之下，哇，好食！因為自己本身鍾意清淡既飲食，佢啲韭菜水餃肉汁鮮美，薯粉粗幼適中又易咬，完全唔會有個種難消化既感覺，大好。今次睇完雷神再去食，依然覺得好好味🤤

今天很忙碌，下晝去完旺角又要去銅鑼灣，今晚更來到將軍澳，現在的將軍澳發展得很迅速，很多地方都有不同的食肆進駐，所以便選擇在這裏吃晚餐。清湯崩沙腩伊麵$61，崩沙腩是牛的橫膈膜部份，除了牛腩肉之外，亦有一層軟淋的筋膜在其中，這裏的崩沙腩處理得很好，煙煙韌韌，牛肉味道十足。伊麵因為之前忘記要軟淋，剛來到的時候比較靭，後來吸收了湯之後，口感就軟滑了很多。招牌牛肉羹$53，用牛肉打成的羹，加點陳醋和薑絲，便可以增加味道層次，是廚師推介的。腩汁生菜$21，可以選擇生菜或者菜心，兩樣都健康。熱鴛鴦$6，茶味香濃，花奶份量十足，如果咖啡再濃一點更好。

今日到將軍澳，突然很想看一看很久很久之前住的地方變成什麼樣子。變化真的很大，感覺很陌生🧐走出地鐵站，於商場不斷逛。到晚飯時間，想選擇粉麵類的食物，所以走進這食店。招牌是寫「清湯腩」，猜想一定很美味吧。這是另一半很喜愛的食物，而我很喜愛牛筋，必會點牛筋米😍點知！另一半點了清湯牛三寶（轉爽腩）幼麵，而我仍是揀清湯牛筋腩米粉、菜心全走及炸魚皮😋每次到粉麵店都忍唔住😜我真係好滿足！牛筋入味好淋、清湯米無腩汁、魚皮又好香又脆卜卜👍🏻👍🏻我鍾意！而另一半，覺得三寶麵的牛腩唔夠滿足，所以再點清湯沙腩😳又點，真的太誇張了！而碗沙腩多得好誇張，完全足料，而且好淋好好入味😋

第一次黎康城，估唔到呢度咁靚！ 商場好大好舒服， 我午飯時間好多都爆滿，見到呢間清湯腩人流算流動得快就決定排呢間啦！ 我地叫左清湯牛腩蕃薯粉，上海排骨擔擔麵，一個油菜，埋單149， 正常價啦！ 清湯腩咁湯底唔錯！ 明顯係自己熬既，不過牛肉略嫌老身。本身今日想食崩沙腩，但又冇左 ，所以冇機會食。蕃薯麵好食，冇咁大負擔。上海排骨擔擔麵，排骨好鬆化入味，個皮炸得好薄。個麵就太多湯，好彩味道喺好食😋的。總體而言，作為日常小店，都幾好既！

呢間清湯腩好似幾出名，一直都想試下，終於有日行街經過可以一試～食物選擇算多！除咗有招牌清湯腩，仲有雲吞、韭菜餃、酸辣粉麵等。上菜速度超快呀👏🏻清湯牛腩米粉 $53揀咗配米粉～牛腩份量算多！肉質唔錯，唔肥膩👌🏻但冇咩痴牙問題👌🏻牛味香濃、味道有特色！湯底比較清，食晒成碗都冇問題😆整體來講都幾高質👍🏻腩汁蘿蔔 $19好清甜呀🤤菜心 $21配蠔油食👌🏻韮菜餃 $45揀咗七隻，水餃幾飽滿👍🏻 多餡、味道好食！不過個皮就厚咗少少🙈凍檸茶 +$8正常～

又周圍去食清湯牛腩啦！今次去呢間康城新商場嘅天后站清湯腩！我哋分別叫咗一碗崩沙腩河粉同埋普通牛腩上海麵 呢度幾特別可以有上海麵伊麵呢啲比較少見嘅面底 首先講吓賣相 湯夠清 份量都唔錯！俾個崩沙腩嘅橫切面大家睇睇！佢係上面有層筋膜 然後厚切 食落去又爽又有膠質！湯底方面請切得來好夠味！飲晒成碗！再睇睇普通牛腩 呢個部位都好靚食落去都係爽口！非常滿意！上海麵有咬口 亦都唔普通沙面粗麵咁大浸鹼水味都不妨係一個好嘅牛腩清湯配搭！另外仲叫咗個炸雞翼小食同埋兩杯咖啡 質素都好好 呢度環境唔錯又喺冷氣商場入邊衛生乾淨！

今晚在將軍澳做運動，尾站是康城，順便吃碗麵。餐廳位於商場，裝潢簡潔企理，設有卡座、圓檯和方檯。餐牌上除了牛腩，也有飯等選擇。⭐️清湯牛腩河$53牛腩河份量足，配上河粉，是最容易勾起回憶的味道。記得中學的時候差不多每日中午都會吃一碗牛腩麵。湯底清甜，牛腩偏瘦，牛味突出，越嚼越香。⭐️清湯牛三寶撈麵$77牛三寶撈鹼水麵，我對鹼水麵情有獨鍾，麵條很油，很有彈性。牛三寶有金錢肚、牛腩和牛筋，份量足。配上麵條，牛筋柔軟，金錢肚柔韌，牛腩味道濃郁，一次過滿足多個願望。⭐️魚蛋$8魚蛋是白魚蛋，入口彈牙爽口。⭐️鮮蝦$10鮮蝦味道彈牙，雲吞啖啖蝦肉，真材實料。

今日一條友嚟到康城商場行街竟然見到天后清湯腩，入面仲坐到差唔多滿晒人，所以我就行咗入去食晏喇。啲枱都幾大，坐得舒服。價錢都好合理，就算唔想食麵，都仲有多款飯類同小食。而麵類仲有擔擔麵同酸辣麵，好多元化。清湯牛三寶湯河（$65）- 嚟得呢度就梗係要試呀佢哋個清湯喇～個湯真係好清甜。牛三寶有牛腩、牛肚同牛筋。個牛腩就淋而入味，牛肚就爽口彈牙，而牛筋都非常煙韌，好掋食！豆漿（$10）- 仲有壹品豆漿，味道唔錯喎！

「康城」一個較少來到嘅地方，來過後又覺得幾方便，都係地鐵沿線，睇完戲一出來，又到諗咩食嘅時候…就見到一間粉麵店「天后站清湯腩」，就被佢嘅牛牛招牌吸引了入內。跟餐更可以以優惠價$6-$10就可以有得飲啦！淨魚蛋牛丸牛丸順滑不起渣、牛味味濃、肉汁鮮香。魚蛋口感彈牙，咸香鮮味。清湯牛肚米牛肚入口爽口彈牙，有嚼勁，而又不失其香濃味道。清湯牛腩河未食已聞到陣陣濃香牛腩香，鬆化腍滑，加點辣油，令層次更豐富。而且這裡的河粉口感順滑，吸滿了牛腩香，令人食唔停口。