天后站清湯腩

营业中

休息中

好老實講小編真係好耐冇食過牛腩麵，嚟到呢間天后清湯腩聽聞佢哋嘅牛腩麵相當之出名尤其係崩沙腩，有一日放工小編就膽粗粗自己一個人去到呢間舖頭嗌咗一碗牛肚崩沙腩麵，一食真係驚為天人超級好味。點解呢因為其實佢哋個牛肚相當之彈牙，但同時間用牙齒輕輕一咬又已經斷，另外講到主角嘅崩沙腩比一般嘅牛腩更加軟更加有口感。小編點會食一碗麵就夠啦我當然加咗佢哋最出名嘅炸魚皮同埋佢哋嘅滷水蘿蔔，配埋一齊食真係大滿足小編真係誠意推薦一間餐廳俾大家。

之前一直都有朋友介紹話呢個好正！今日終於都試到啦！一份清湯牛腩河$49呢度嘅牛腩真係冇得輸！！好嫩滑嘅肉質！好香嘅牛肉味，而且好林好林！非常出色！真係一試難忘嘅清湯腩！

康城之前被譽為美食沙漠，今次去咗行下佢個新商場估唔到依家咁多嘢食，完全打破哂對佢嘅舊有印象。見到嘅間餐廳分店開到嚟呢度，仲要大排長龍，價錢又實惠就去試吓。牛三寶酸辣粉 $65（牛腩、牛肚、牛筋）果然係以牛腩為招牌，牛腩超腍又入味，牛肚爽脆唔韌，牛筋入口即化。份量一啲都唔小，每樣都有四件，呢個價錢來講真係算抵，仲要每件都好厚身，唔會比啲牛腩碎你，酸辣粉有咬口彈牙，唯一少少失色係酸味唔夠。咖喱牛腩飯 $59咖喱少少🤏辣，辣到普遍都應該可以接受到，牛腩份量好多，有成十幾件呢個價錢來講真係算幾抵，薯仔都唔少，整體份量來講一個男人食都唔會唔夠，咖喱味道幾好食味道有啲似馬來西亞嘅咖喱，在配有清湯清一清味蕾，呢個清湯真係唔可以睇小你一飲就會愛上。順便讚一讚佢哋嘅員工服務態度超好，我食食吓喺度擤鼻涕員工立刻問係咪太辣使唔使比碗清湯我，講真呢個舉動真係好窩心。

斷捨離真心係個偉大發明🙃積存喺屋企嘅嘢可以比到有需要嘅人係件開心事🥰今日約咗個交收喺康城。之前嚟過呢個新商場，好多鋪頭都未開晒，今日再嚟已經開晒咁滯。揀咗呢間牛腩粉麵餐廳，七點零都已經滿咗九成人。▪️清湯牛腩米粉 $49 拼牛丸 +$6牛腩炆得幾淋，食完唔駛撩牙😂牛丸爽口彈牙，清湯唔會太油膩。▪️牛三寶擔擔麵 $65牛三寶係牛腩牛筋同牛肚，三樣都好入味，牛筋炆得軟淋帶少少韌勁，牛肚爽口。湯麵底有擔擔麵，酸辣薯粉都得，今次就試咗佢擔擔麵，店員有提示要撈勻湯底，食落重花生醬味微酸帶辣，份量仲幾多下。炸魚皮 $25超脆！！油菜（芥蘭）$21而家出街食都會叫碟菜，芥蘭爽口👍🏻

天后清湯牛腩收工攰想喺附近食下，就揸車去咗康城到原來康城都越來越多餐廳進駐到而已間餐廳就絕對係去天后區一定會食嘅牛三寶再配咖喱汁有齊牛筋牛腩牛肚三個牛最主要嘅部位，一次過滿足晒我所有嘅願望，好耐都未試過咁好味園琳琳又好食，配上咖喱汁絕對又係一種體驗清湯牛腩河識食嘅我當然係會加錢升級左牛坑腩係因為河灣難嘅部位絕對係又瘦又好味，比例岩岩好，絕對係出色嘅感覺住喺將軍澳嘅我終於唔使去到天后都食到依間餐廳絕對係難得可貴，出名絕對有原因

邪惡指數: 🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️朋友搬咗去康城，既然都要去探佢就諗住睇吓有咩正嘅餐廳😏又俾我發現咗間好鬼馬嘅餐廳喎 - 雖然係康城站但係叫「天后站清湯腩」，見咁得意等我去試吓：⭕️ 清湯牛三寶河嚟到梗係要試吓佢嘅招牌清湯啦🙋🏻‍♀️佢話係用新鮮牛骨加幾十種草本食材熬出嚟㗎。飲落清甜唔似有味精，河粉都夠滑。特別鍾意佢嘅牛筋同牛肚，牛筋腍得黎依然保持彈性，而牛肚咬落爽口唔韌👍🏻⭕️ 牛坑腩擔擔麵湯底好香芝麻同花生醬味，飲落滑身又唔會太杰太膩，同充滿蛋香味嘅麵好夾。而加錢轉咗牛坑腩就幾有驚喜 - 牛坑腩（圖3上）比牛腩更鬆軟嫩口，牛味更足🤤 ⭕️ 炸魚皮好大份抵食，咬落脆卜卜，無論就咁食定係浸湯食都一流👏🏻⭕️自家製辣椒油無辣不歡嘅我食親粉麵都一定會加辣椒油🙃而呢度嘅辣椒油係用咗幾種辣椒自己炒嘅，辣得黎香而有層次。我見佢仲有一樽樽可以就咁買走，所以應該都幾受歡迎🙌🏻整體黎講很不錯，下次可以試埋崩沙腩。同埋店員服務好細心體貼 - 佢見我碗河粉索晒啲湯就主動問我要唔要幫我加啲湯，又見我對辣椒油有興趣又特登拎多個碟仔俾我裝，抵讚👍🏻

已經有一段時間冇食好味嘅清湯腩，今次有機會去將軍澳日出康城天后清湯腩，試下台灣嚟嘅清湯腩味道。今次點咗清湯牛三寶河粉，入面有牛筋、牛肚同牛腩，牛腩就轉咗做崩沙腩，分量好足，牛筋炆得好腍好入味，牛肚夠爽滑又彈牙，崩沙腩肥瘦分佈平均，又好有牛味，而最緊要個湯底，清得嚟但係有香濃嘅味道，應該係用咗牛骨長時間餚製而成。另外叫咗清湯爽腩飯，牛腩一樣轉做崩沙腩，同樣精彩好食，落啲飯入清湯 好似湯飯咁樣食我最鍾意。

同友人第一次行康城嘅新商場，睇戲、溜冰、買嘢、食嘢乜都有齊，今晚就搵咗間牛腩麵醫肚呢間雖則叫天后站清湯腩，但就係康城站食到，幾搞嘢揀咗兩個麵同淨雲吞清湯爽腩幼麵$55-原本諗住嗌崩沙腩，但晚上7點度嘅時間已經賣晒！睇嚟生意唔錯，最後轉咗爽腩，肉質爽彈唔痴牙，都唔錯喎！幼麵夠彈滑，配上清清地嘅湯剛好牛三寶擔擔麵$65-估唔到除咗清湯基本款外，仲有擔擔麵！湯底唔辣，麵身硬度適中。材料方面牛腩、牛肚、牛筋有齊好足料，牛腩比起爽腩冇咁爽，但都好腍，牛肚好爽有口感，牛筋超腍骨膠原充足淨鮮蝦雲吞$43-大大粒蝦味夠重，正！

話說都好耐無食過牛腩麵😆，所以今日夜晚就黎試下呢間都幾出名嘅天后清湯腩啦🥳。。清湯坑腩河粉-拼菜雲吞 $65牛坑腩嘅牛味好夠😌，而且唔會食到筋🔥，口感同味道都好滿意❤️。。清湯沙腩粗麵-拼蝦雲吞 $65食完坑腩之後當然唔少得崩沙腩😗，作為呢度馳名之一嘅牛腩⭐️，崩沙腩口感更加爽滑😝，而且都好肥美😜，雖然味道唔及坑腩咁濃😎，但係口感更加正🤤。。生菜 $21。飲品：凍好立克 $8 + 凍檸檬茶 $8 

平時食開既粉面店質素都好普通😅牛腩無咩味咁 今日食個普通晚餐🌖估唔到主打既清湯腩竟然令我有驚喜🥰 單憑有得選擇升級沙腩/坑腩/爽腩 已經夠曬特別👍🏻 果然係牛腩專家❤️⭐️ 清湯崩沙腩粗麵 🥩崩沙腩肥瘦比例好均勻😊肉質比一般牛腩嫩又帶點爽口感🤪慢慢咬真D 清湯襯托下真係試到牛肉味🍲 值得一讚⭐️ 菜肉雲吞擔擔麵 🍜先講雲吞粒粒都好飽滿🥟餡料豐富調味唔過鹹😋 湯底好濃郁花生味🥜 重口味小小就更完美啦⭐️ 炸魚皮 🐟夠曬香口又有魚味☺️送麵食一流💞⭐️ 炸雞中翼 🍗同樣熱辣辣先炸🔥好香脆仲要啖啖肉🐔 調味再重手D就更正啦🤣

星期日同屋企人入行商場，book左夜晚食好西，咁下午就求求其其食啲嘢，揀咗呢間天后站，睇食評好似得得地，一家人叫咗三個河粉，牛腩牛肚同墨丸，再加一個蘿蔔。味道真係一般，牛腩我唔識分新唔新鮮，但湯就好清~~~淡，牛無乜牛味，牛肚中規中矩，墨丸街市買嗰啲。我食過哂天后三間（華姐大利同八寶），感覺似大利，個湯一樣唔清～～淡，但大利個牛腩炆得好味啲，唔通未學滿師🤨？不過我哋為咗醫肚，所以冇乜期待，唔難食就OK。😃不過晚餐就好正，留返係果邊先寫。*無影相，無諗住寫，不過寫開就寫埋。

話說坐我隔離的餓底同事住康城，成日話康城有一間好出名的清湯腩店，叫我一定要試下。見今日放工有時間就跟我同事一齊放工去食😋。聽聞老闆曾於天后著名的清湯腩店任大廚10多年，自研藥包炮製獨家湯底煮清湯腩，故店名取名「天后站清湯腩」，小店並非於天后站，不要混淆😆。🍜清湯🐮牛三寶河(牛腩、牛肚、牛筋)$61 清湯味濃，略嫌有點偏咸，牛腩無騷味之餘有牛味，牛魔王首選。🍜牛三寶擔擔麵(牛腩、牛肚、牛筋)$65第一次試擔擔麵配牛三寶，麵條彈牙有口感，擔擔湯底不算很辣，有著傳統的花生味。🥟淨鮮蝦雲吞$43鮮蝦雲吞真材實料，粒粒都有原隻鮮蝦，蝦肉爽口，又不會有好多肥豬肉，怕肥膩的人士都可以放心食😅。

星期日同男朋友到康城The Lohas行下，午餐入左去天后站清湯腩醫肚。我地叫左金錢肚擔擔麵、清湯崩沙腩番薯粉、淨鮮蝦雲吞同飲品。清湯牛腩番薯粉加左$6升級做崩沙腩同埋加左$2轉番薯粉。崩沙腩果然好食太多，肉質軟腍，入口即化，份量亦夠多。番薯粉滑溜滑溜，口感好得意。金錢肚擔擔麵一定要撈一撈先食，撈完花生味同麻味即刻出晒黎，麵質幾爽口彈牙，唔係去上海鋪都食到高質既擔擔麵，金錢肚索晒啲汁，腍身又入味。淨鮮蝦雲吞有7粒，欣賞佢粒粒都好飽滿足料，正呀。熱飲跟餐加$6，叫左熱華田，另外加左$10要支裝豆漿。

今日放工要去The LOHAS買野，順便約左個住附近既朋友食晚餐。佢話食過The LOHAS有間清湯腩好正，一定要帶我黎試下。原來就係呢間「天后站清湯腩」，有齊招牌崩沙腩、坑腩、爽腩選擇，睇完個餐牌覺得好吸引，一於試下先。餐廳環境簡潔乾淨，燈光明亮，卡位坐得舒適。坑腩擔擔麵好得意，竟然有擔擔麵揀，試下先!我再加錢將牛腩升級做坑腩～主角坑腩肥瘦相間，爽滑帶韌性，牛味香濃。擔擔麵麻香味重，濃稠度剛好，香辣惹味，濃郁鮮香，好正。清湯牛腩米粉牛腩軟嫩帶Q，嫩口無渣，食落汁多味美、入口即化，米粉爽滑又彈牙。招牌牛肉羹第一次試牛肉羹，估唔到咁好味!充滿牛肉鮮香，食落口感相當嫩滑~芥蘭加腩汁後特別好味，芥蘭新鮮翠綠有咬口。

天后站清湯腩日出康城對於我來說實在是遙遠，感覺上沒有什麼東西好吃。今天不知為何就來到日出康城附近覓食，附近有個挺新的商場，冷氣很大，也許是因為今天是黃色暴雨。想吃點暖烘烘的。來到4樓尋尋覓覓，終於選了沒有什麼人排隊的清湯腩。他們菜單上也有很多選擇，竟然有擔擔麵，酸辣湯還有咖喱湯底。我還以為只是吃清湯腩。當然要試一些較特別的菜式！牛三寶擔擔麵 $65擔擔麵的份量很多，麵質和粗幼度都想幼麵。上算彈牙。擔擔麵湯底而言，微辣程度，嚐到有花生講的味道，但作為重口味人士，我曾經吃過更加濃郁的花生醬味道的擔擔麵，但這個擔擔麵也很不錯。配料來說，份量也很多，牛三寶包括：牛腩，牛肚和牛筋，口感煮得剛剛好，味道也很足。重口味人士會極度喜歡。牛三寶酸辣粉 $65除了擔擔麵，竟然還有酸辣粉。份量多，薯粉彈牙，超煙韌。辣度酸度的平衡剛剛好。酸辣粉而言，算是很高分。牛三寶和剛剛介紹的一樣。就我自己而言，我還是喜歡吃牛腩本身的味道，清湯會更適合它，但我弟弟則認為挺配的。所以都是要看個人口味作選擇。韭菜餃 $35大大隻，很飽滿。它是屬於厚皮類型的餃子，我個人是挺喜歡的。皮煙韌有口感。下午茶$35/6隻 挺劃算。下午茶