天后站清湯腩

营业中

休息中

很久沒有吃清湯腩，所以今天到康城逛的時候特意選擇了這間餐廳懷緬一下。▪️清湯牛肚麵+鮮蝦雲吞🖤 8.5/10首先對於大量的牛肚感到非常滿足，而且每一片金錢肚都是厚切，咬下去非常有咬勁，但是又不會韌到咬不斷。我選擇了幼麵，沒有想到這碗麵會這麼大碗，我稍嫌鹼水味重了一點，但是整體是一碗很不錯的牛肚麵。另外還加配了雲吞，可以選擇菜肉或鮮蝦，而我依然鍾情於鮮蝦雲吞。雲吞皮薄薄的，不會太厚皮，裡面的鮮蝦很大塊，調味剛好。▫️崩沙腩擔擔麵🖤 9/10完全沒有後悔加錢選購崩沙腩！和普通牛腩相比牛肉味濃很多，而且肉質炆到剛好軟身卻不失口感。雖然肥膏比較多，但是入口完全不會油膩膩的，肥瘦的配搭剛剛好。記得吃之前要把碗底的擔擔醬拌勻。這個擔擔麵有上海煨麵的口感，雖然沒有花生碎但是花生味很出，也不會太辣。▪️腩汁蘿蔔🖤6/10蘿蔔很大塊，沒有渣，但是如果可以入味會更好。▫️炸魚皮🖤10/10我們要為它的份量而鼓掌，應該有平常的1.5-2份的份量，而且每一塊魚皮都是大大塊的很完整。能夠吃得到魚本身的鮮味，而不會只吃到油油的感覺。

天后站清湯腩，但位置不在天后，反而在康城站新商場the lohas內。餐牌上有清湯腩、咖喱牛腩、牛肉羹、豬手等等，主打菜色當然係清湯腩啦。咖喱牛三寶飯（$71）咖喱同牛腩係絕配，牛三寶有牛腩、牛筋及牛肚。咖喱汁唔算辣，都幾好撈飯，咖喱牛腩煮得入味，鍾意食飯嘅可以叫呢個。清湯牛腩河（$49，轉牛爽腩+$6）湯頭好清甜，牛爽腩連肉帶筋膜有咬口，河粉滑身又索湯，招牌菜色果然有水準。特色牛肉羹（$43/細）好台式的感覺，跟埋支醋比你，又有另一種風味。

天后站清湯腩之牛三寶 2 食去完新新地嘅the lohas 溜冰又係時候食d 野係個商場度逛左幾逛諗起都幾耐無食依d 港式餐廳而且門口睇落好企理光猛而且睇落都幾多人食就依間啦同朋友都貪心想食多幾樣餸所以我地都係叫牛三寶一個係清湯牛三寶河粉一個係咖哩牛三寶飯清湯飲落好清，清得黎有牛味而且香氣扑鼻食完唔會好口乾😝咖哩汁 有小小辣咖哩味重汁夠杰身👍🏻牛3寶牛根-完全不韌，而且夠膠質牛肚-十分厚身，同時夠彈牙牛腩-炆得算稔，但仍然有咬口食落滿口牛味總結一般諗起食牛腩麵都係去茶餐廳同大排檔環境通常比較差食物衛生亦欠佳依間位於商場嘅天后站清湯腩就無以上問題而且質數唔錯，價錢亦合理值得一試

早排去康城睇樓，自己一條友就求其食個快飯啦。每當獨處時，我就最鍾意食碗麵🥢，於是揀咗門面光鮮嘅「天后站清湯腩」開餐。以麵店來講，佢環境冇得輸，餐枱排列整齊，座位之間唔算迫，而且最重要係感覺乾淨衛生👍。我要咗一碗清湯崩沙腩麵($49+$6升級腩)加墨丸(+$6)。題外話，我留意到店員們嘅服務好細心，例如我同A店員落單時講咗要走青，佢當然記得；而B店員見到碗麵冇青時，亦會問清楚係咪走咗，唔會亂咁嚟🙏🏻。你知啦，唔食蔥嘅人真係頂唔順浸味㗎。個人對牛腩冇乜研究🐮，不過幸好餐廳有喺餐牌同牆壁上列出幾種特別腩嘅特徵。我揀咗崩沙腩，因為見佢寫住係「靚女最愛」嘛，哈哈😆。沙腩好味道，係一個好均勻嘅位置，「有肉有筋有點肥」果然形容得好貼切。牛腩肉嫩得嚟又帶點爽口，而且肉味仲相當濃郁。墨丸$6兩粒，口感爽彈，屬正常水平，未算有太大驚喜🍢。麵條我要咗幼麵，麵質彈牙，而且唔重鹼水味🍜。湯底亦都唔錯，無乜油，亦唔覺有落味精，因為飲完都冇口乾。我另外加咗$10要支裝豆漿🥛。總括嚟講，估唔到喺康城嘅商場內食到一碗幾正嘅牛腩麵，價錢偏貴，不過質素確係幾好😋，難怪都有唔少街坊幫襯。我細閱餐牌，仲發現呢度有擔擔麵同酸辣粉

比較少去到日出康城見到原來細細的商場都超級多人好多餐廳都排晒隊諗住簡簡單單食所以就揀咗呢間天后站清湯腩朋友比較肚餓叫咗個 牛坑腩清湯 配白飯牛坑腩比較爽口 比起牛腩更加重牛肉味我唔係幾肚餓問吓有咩比較特別嘅 職員介紹之後叫咗個牛肉羹係呀40幾蚊一碗入邊有超多超多牛肉類似係牛肉魚蛋片不過條狀既最鍾意上面有啲薑絲 落埋醋 正仲叫左炸魚皮 真係好d牛骨湯度 半淋半脆順帶一提加8蚊嘅話可以配埋嘢飲我就叫咗凍檸茶不過不失。

The Lohas 商場內有各式各樣嘅餐廳今日就試一間主打清湯牛腩的餐廳清湯坑腩幼麵 ｜$55坑腩入口非常軟滑、肉質十分淋，咬落去好快就溶化，幾高質！如果你係好怕煙韌咬唔開嘅牛腩，就要一定要試下！而且咀嚼過後都唔會有肉絲攝牙罅，我呢啲箍牙妹食完已經心心眼😍金錢肚擔擔面 ｜$53金錢肚和牛坑腩每碗都有五至六塊。金錢肚爽口彈牙，擔擔面湯底唔係非常杰身個種，但係都夠味道，每啖麵入口都有芝麻和花生香氣。個人比較喜歡擔擔麵😛腩汁蘿蔔｜$19一碟滿滿的白蘿蔔，非常入味🥰本身已經好鍾意食白蘿蔔因為好吸味，配上腩汁真係不得了😆 清甜的白蘿蔔同腩汁真係好夾♥️餐廳環境寬敞舒適，價錢合理，有興趣值得一試

自從康城開左新商場對於住附近既我地黎講又多咗個地方去玩流星雨成日都叫我同距去玩車車😂😂見距最近表現唔錯 乖左就放低妹妹俾爸爸獎勵距同我單獨去玩 獨享媽媽幾個鐘🙈玩完就順便食埋晚飯先返屋企🏠難得妹妹唔係度唔怕食湯麵麻煩就揀咗天后站清湯腩😋😋點左一碗坑腩河粉拼牛筋坑腩脂肪分布好平均牛筋爽口之餘仲帶一點軟滑嘅嚼感配上清甜嘅湯 更加突出鮮味而另一碗就叫魚蛋米粉拼菜肉餃魚蛋爽甜彈牙 菜肉餃亦都皮薄餡靚唔會一夾就散 另外仲叫咗碟 腩汁蘿蔔菜心腩汁絕對係精華 香濃極致將普通嘅蘿蔔菜心都調得津津有味所有菜式都絕對係香港地道口味相信絕對冇香港人係唔鍾意食即使嚐遍大江南北其實最溫暖嘅味道一直就係身邊

今日去到將軍澳日出康城的全新商場 THE LOHAS，位於4樓的「天后站清湯腩」乾淨企理，餐廳內外燈光足夠，令人舒服地進餐。餐牌設計清楚易明，食物豐富，以粉麵主打。我們叫了一碗清湯牛三寶河粉（$61），湯底清甜，沒有添加味精，令人食得安心。牛三寶包括牛腩、牛肚、牛筋。牛腩很軟嫩，一入口滿嘴都是牛腩的香味，肉質的紋理也相當不錯。牛肚爽口彈牙，也吸收了湯的精華，味道很好。牛筋非常入味，有超重的骨膠原，吃後很滿足。我們也叫了一碗淨鮮蝦雲吞（$43），共7粒鮮蝦雲吞。每粒雲吞內也有鮮蝦和肉，很足料。鮮蝦食落清甜，雲吞皮薄，口感豐富，值得一試！小食方面，我們叫了炸魚皮（$25）和炸雞中翼（$37）。炸魚皮有一大碟，香脆可口，乾身不油膩，炸得十分爽脆，令人齒頰留香！而炸雞翼有4隻，價錢合理，性價比高！炸雞翼非常香，感覺上即叫即炸，皮質爽脆，肉汁豐富，好好味！飲品點了凍鴛鴦，跟餐價$8，價錢便宜！

呢排天氣太熱，無得去室外活動，唯有去商場行吓街，康城呢個新商場開咗之後都冇黎過，今日就同屋企人行吓街，行到攰食個下午茶☕️，大商場嘅舖頭好多都係連鎖，搵咗呢間雲吞麵係小店經營。.叫左「豬手粗麵加菜$51」、「淨鮮蝦雲吞加菜$51」、「淨韭菜水餃$47 」加凍OT$8，價錢比一般雲吞麵舖略貴，但係喺呢個商場來講已經算係平價餐廳，幾十蚊就埋到單唔使加一。.講返嘢食先，又估唔到佢嘅雲吞同水餃🥟係自家製，皮薄餡料多，尤其雲吞嘅蝦大大粒，韭菜餃個皮會相對厚身，但係彈牙有口感。豬手有2大隻，南乳味好香同炆得夠淋身。.總結喺康城呢間雲吞麵都算幾滿意抵食。

牛三寶擔擔麵+雲吞牛三寶即係有牛腩、牛肚同埋牛筋，個人覺得最抵食同埋性價比高!牛腩肉味濃郁而且好淋又冇筋，一咬就好似有種入口即溶既感覺。牛肚爽口而且牛筋又彈牙，整體好出色! 擔擔麵既花生醬味濃而且仲有少少辣味，成個麵煮得岩岩好，彈牙又唔會太硬! 雲吞個人覺得必食，蝦肉味好濃同埋夠彈牙，索哂湯汁，超正!清湯牛肚+芥蘭配白飯清湯真係冇得輸而且加埋飯一齊食好易入口，味道清啖得嚟牛味又濃。牛肚既份量好多，基本上可以食到最尾都仲有牛肚係個碗到。蘿蔔都幾入味唯獨今日食有少少渣，但整體都已經好好食!

今日路過康城The Lohas見到天后站清湯腩，突然好想食牛腩，就行入去食個lunch .午飯時間都幾多人，好彩感啱有位，立即入坐，坐低時原本想食個招牌清湯牛腩，但諗諗吓又想食d辣，見到餐牌有牛三寶（牛腩，牛肚，牛筋）酸辣粉，好想食就叫左呢個！$65價錢都幾合理，加多$8仲有青菜加添！加多杯凍檸茶。個粉利左之後，d辣椒幾野味，本身都中意食辣，更加啱我口味！仔細睇下，原來呢間都幾出名！牆上好多明星到訪的合照，裝修都好新！下次得閒都要過嚟食哦！可能下次試牛腩飯套餐😃

通常人哋嚟食呢間天后清湯腩都係會食佢嘅牛腩麵，咁今次我就想試吓佢個酸辣粉。☺️佢個酸辣粉都係可以揀薯粉嘅，揀左小辣，餸就揀左雲吞。先講雲吞就大大粒，啖啖肉嘅👍🏻。，值得食架😍。而酸辣粉老實講就唔可以同出面嗰啲四川酸辣粉相比啦😬。呢間嘅酸辣粉就比較係只有辣同埋少少麻，完全冇酸味，同埋冇一啲花椒八角之類香料嘅香味。比較遜色😔。好似只係食緊辣既薯粉。大家可以自己諗諗食唔食了。😉😉下次會試埋其他食品再分享。

朋友岩岩搬入康城, 上星期入去HOUSEWARMING, 晏晝開完PARTY勁飽, 夜晚都未係好落隔, 想食D清清地, 朋友帶左我去食牛腩河, 估唔到LOHAS入面都有牛腩河食!環境企理乾淨, 樓底高, 可以係度舒舒服服食碗粉麵係唔錯既! 仲見到牆上掛滿明星既相, 先知原來係咁出名架?朋友叫左個清湯牛腩飯, 加$6轉左坑腩。我試左啖湯, 湯底除左清甜帶牛腩味外, 仲有蘿蔔既甜味。坑腩牛味濃, 肉質嫩又腍, 入口仲帶有肉汁同湯汁, 6蚊抵加比佢!清湯牛三寶河望落賣相靚, 份量足。牛三寶有牛腩, 牛筋同牛肚,牛筋黏口最中意依種口感, 牛腩亦炆得腍身, 三寶都好入味, 真係唔錯。食完就上網搵下天后有冇分店, 諗住有時係個邊做野就可以去食LUNCH, 但原來天后係冇分店架, 唯有下次同朋友再黎食過~~~

呢一間位於康城地鐵站上蓋嘅「天后站清湯腩」，落單外賣自取嘅時候小編都望多兩望～確認真係啱地址～🐂今次試咗個清湯牛腩河，店家好細心可以俾顧客選擇湯麵同上或者湯麵分開上。由於小編都住得有一段距離所以就揀咗湯麵分開上，一打開碗湯就有好鮮甜嘅牛骨香，可惜味覺讓嗅覺失望了，因為聞起上嚟格外香，但入口就爭咁啲。河粉比較幼身，牛腩嘅份量都幾充足實在。整碗湯粉嘅份量小編覺得七成飽啱啱好，可以再加多個小食又得。🙂整體來講，小編覺得正常便宜飽肚嘅選擇，但又未至於好好食好想返嚟再食。✍🏻利申：小編見食物熊貓外賣自取有八折，再加上pro會員有另外九五折，所以小編落單試下。原價$59，最後實際付款係$44.3

今日同阿媽去到康城搵食見到有牛腩專門店就忍唔住要入去試下！有招牌牛腩有多種煮法，咖哩/清湯都可以亦有正常麵店有的選擇實滿足到你崩沙腩擔擔麵(+$6)本身係牛腩，但只要加$6就可升級到崩沙腩，爽腩或坑腩非常抵牛腩軟淋爽口上下2層脂肪包住中間既肉食落好有層次擔擔麵湯底亦香濃，好開胃雲吞河雲吞好大粒足料，有完隻鮮蝦好新鮮彈牙河粉爽滑好高水準淨魚蛋又點可以唔試埋魚蛋呢！食到好濃既魚香味，完全唔腥好彈牙，應該用黎當乒乓波都得！