天后站清湯腩

营业中

休息中

今日去完康城站探朋友之後，就係附近搵啲嘢食解決晚餐，想清清地食個河粉，所以就揀左哩間清湯腩。哩間餐廳新開左冇幾耐，所以環境乾淨企理，有卡位同圓枱可以揀。估唔到哩到都有唔同款式既飯麵可以選擇，仲要有酸辣粉，同行朋友即刻揀咗酸辣粉🤣而我就揀左三寶河。🥣清湯牛三寶河（牛腩、牛肚、牛筋） $61三寶河好足料，牛肚非常厚身，而且唔會太霖，口感啱啱好，牛腩我冇揀到崩沙腩，所以哩隻係比較瘦個種，牛筋一啲都唔韌，好易咬，因為預先已經醃製過，所以味道較鹹。我另外加左雲吞，$10有兩粒，餡料豬肉已經醃製過，非常夠味。🥣牛筋酸辣粉 $53薯粉彈牙煙韌，好夠麻辣，嗰種麻辣係會係口腔迴盪嗰隻🤣另外仲有啲肉碎同酸菜，整體味道真係唔錯！飲品：豆漿

行街經過 食過下午茶叫左個 魚蛋河粉 雞翼擔擔麵魚蛋河 正正常常啦魚片幾好食 魚旦有少少腥可能咁啱我個舊🤭.雞翼擔擔麵餐 雞翼有3隻即叫即炸 又大隻40蚊 算抵啦 環境舒服 職員仲好好人見到有小朋友都即刻幫手整食飯椅

第一次嚟康城 好似好大不過冇乜嘢行 所以隨便揀咗一間未試過嘅餐廳食下， 鋪面好乾淨整齊， 啲姐姐都好有禮貌有耐心介紹唔同嘅腩有咩分別😂😂 冇記錯嘅話爽腩會比較實啲, 坑腩就會淋啲， 大家可以按返喜好揀牛腩😊😊 坑腩酸辣粉 （$59）❤❤❤❤❤果然係主打牛腩個坑腩好好食， 好淋又入味， 一碗有六大舊好抵！！畢竟都係粉麵店, 牛腩都係配米粉好食啲。 不過佢哋酸辣粉都唔差，唔係好硬咬唔斷嗰種， 叫咗中辣都唔算好辣， 姐姐話枱面辣椒油係同一款， 可以自己加。 醉雞 （$57）❤❤❤算唔錯， 酒味幾香 。 啲雞肉好滑， 上檯個陣好暖， 唔係冷盤。 鮮蝦雲吞（$43）❤❤❤❤餛飩幾好食， 隻隻都好足料， 除咗蝦仲有其他款， 大家可以研究下～

康城開左天后站清湯腩、趁今晚冇煮飯就去試下。 當然要試一試招牌的清湯牛腩麵 $49 、加$6可選崩沙腩。湯底雖然清、但好濃牛腩味、麵質都好爽口。崩沙腩要了半肥瘦、入口鬆化、肉質軟腍好好食！另外加$8 有油菜、 幾抵食～另外要了牛三寶擔擔麵、比較少牛腩麵店有提供擔擔麵、喜歡它帶有花生醬味的擔擔麵、個湯底好香濃。牛三寶有牛腩、牛筋同牛肚、賣相不錯、牛肚幾爽口、牛肚都好腍。加$6有熱飲，$8凍飲，簡簡單單又一餐～

今午係日出康城見完客，順便一個人行吓新開The LOHAS 商場及找間食肆醫肚，見到「天后站清湯腩」新開嘅分店，記得上次食過寶盈花園總店嘅清湯腩都念念不忘，就一於再光顧🥣，店內裝修簡單，不過乾淨企理，見到牆上掛滿明星食客光顧照片，可見食店都好受明星支持🥰🥰清湯牛三寶轉撈麵底 $61+$12 話明招牌食物，清湯牛腩、牛肚、牛筋，一定唔會令你失望，有一定水準，三寶炆得淋滑入味，牛味十足，幼麵爽滑彈牙，加點辣油食，超正😋😋跟餐凍奶茶🧋$8奶茶茶底香濃👍

假日近近地去左康城逛下街，經過呢間天后清湯腩，好想食佢嘅招牌崩沙腩，就進去開餐啦😋。#沙腩担担麵（併菜肉雲吞）個湯底好香濃，飲落重花生味，加配了菜肉雲吞有2粒，食落新鮮，沙腩牛味重，肥瘦均勻淋而入味，邊位口感咬落煙韌，配搭的麵份量都多。#炸醬撈粗麵（友人叫）港式炸醬風味，甜而帶點辣，撈起麵上黎相當惹味，友人加了醋令味道更加提升☺️。健康的我叫了碟全走菜心🤭。飲品跟餐價☺️熱飲$6，而凍飲則$8便可，抵飲啊！

when you mention tin hau and noodles shop, you automatically think of the great sister wah and her equally good neighbor who's always a good backup for the long queues. however, tin hau station noodle is more like your clothing shop owner Tim, who tells everyone he used to work at saville row, but now selling factory made suits. now for the food. well the fair statement is that the food did the job, I'm full. but it also prompted me to write this. i ordered brisket in ho-fun soup, and a bowl of

餐廳環境同平時潮州粉麵店好唔同，始終係商場裏面所以裝潢都格外乾淨同埋明亮，佢仲有埋隨差可以借，完全可以比都市人充分利用食飯既時間差電😹我叫左個清湯牛肚河加多腩汁，牛肚煮得非常之稔而且腩汁夠入味，平時出去食最驚就係食到橡筋，河粉份量超大碗，麵條滑嫩，叫左碗炸魚皮勁大塊勁脆都只係盛惠25蚊，浸落湯到仲有炸炸聲添😂粉麵跟餐熱飲都只係加6蚊，熱柯華田好飲，個人認為性價比都幾高，因為好食而且大碗，佢地仲有上海擔擔麵食，我落單都糾結左好耐食邊樣，下次會再黎食擔擔麵😛

今日喺附近做完嘢，肚餓想食個下午茶就去附近嘅商場食個下午茶，見呢間環境幾舒服又唔洗等位就諗住試一試啦！😋紫菜三寶河不嬲係我嘅至愛，佢呢度既份量足秤，紫菜多到連面都睇唔到😍三寶有牛丸、墨魚丸、魚蛋。佢嘅牛丸真心抵讚，咬落去彈牙又多汁，完全估佢唔到！😳見到姐姐即場手包緊雲吞就忍唔住叫多碗淨雲吞，一碗有六粒，皮薄但又冇穿。菜肉比例平均，而食落去中間會包涵住鮮甜嘅上湯，人手包好新鮮，味道唔會好似雪左好多日咁！新鮮真係好緊要紫菜三寶丸河粉 $49淨菜肉雲吞 $39☕️凍飲+$3

想簡簡單單食餐飯係the lohas 就揀咗呢一間清湯腩叫咗沙崩腩 +6$ 面湯底值得一讚 非常之濃郁原來係用咗牛骨去煲唔太油膩 清清地但係又濃令人飲完一啖有一啖另外崩沙腩 食落爽口 半肥胖瘦 冇咩筋位我就鍾意食辣所以叫咗個牛筋酸辣粉揀咗紅薯粉口感彈牙又辣又酸 牛筋超多件 仲要煮得好入味好淋另外叫咗個腩汁蘿蔔一個$19超掋叫又係一貫超級入味😂識落好清甜100分總括呢間價錢來講都幾親民人均$50,$60就搞掂順帶一提the lohas 任何消費就可以免費泊車一個鐘啦

今晚再次去到這間新商場。買票睇戲，之後食飯。大部份餐廳都好多人排隊，揀了這間唔使等位的「天后站清湯腩」。裝修普通，同街坊地舖小店、或者屋邨商場的粥粉麵小店沒有分別，似乎唔太配合私人屋苑商場餐廳的裝修要求；唔係指強制性要求，而係配合商場級數的裝修標準。不過，地方總算乾淨企理。牆上大幅壁報寫上《香港傳承 百年天后》，闡述清湯腩四大靈魂：牛腩、牛骨湯、蘿蔔及刀工；最後用《匠心十年 獨具一腩》作結語。文章內容完全同意，只係唔明標題及結語出處。究竟清湯腩同天后有什麼關係？餐廳歷史只有短短二年左右，何來《匠心十年》？除非另有背景，老闆及廚房班底來自其他清湯牛腩名店。未入去之前，已經覺得個名好熟，唔記得幾時、喺邊度幫襯過。打開餐牌一望，記憶即刻返嚟。冇錯，就係將軍澳寶盈花園的同名小店，呢一間係分店。唔知點解，四人餐枱上黏了兩個膠架，唯一可以想像的用途就是夾附單據。清湯牛腩河粉（$49）如果指明要崩沙腩、坑腩或者爽腩，就要加 $6，再轉伊麵就要加多$2。結果，清湯爽腩伊麵就要 $57了。見到牛骨清湯的顔色，很清、很淡色，表面浮了薄薄一層肥油。飮一啖，入口有少少肥膩，牛味很清淡，同總店的牛骨湯質素差

讚1.環境算幾企理既，同埋姐姐服務都幾好彈1.點左清湯腩飯，伏左噃，湯底油得黎係味精feel，啲甜味好假，牛腩雖然份量多，但真係好柴呀，係咬唔開果種，就算有肥位都咬唔開，咁樣仲要收五十幾銀，唔係嘛

非常有名的餐廳！專門食清湯牛腩！依家吾洗過海都食到。係康城站都食到！當然食佢嘅招牌菜！我仲+$6轉咗坑腩！油脂分布均勻，肉味超濃！真係有坑紋！特別好食！湯底好清甜，原來係用左牛骨、紅棗、甘草、果皮等草本食材，長時間熬製。我覺得好鮮甜，吾係平時啲清湯淡而無味。除左牛腩，我仲加左墨魚丸，非常彈牙爽口！仲有雲呑，入面有大蝦，好足料，皮薄餡靚！令我碗牛腩河更添豐富😚跟餐的話+$8就可以有涷飲，我叫左凍西洋菜蜜~幾清涼💕

係康城想話食返D比較香港地道既食物，牛腩應該都算其中一樣，因為咁黎到天后站清湯腩 ，諗住黎食返個牛腩麵。等左一陣就有位喇，等既時候見到呢間餐廳真係將牛腩既食法發揚光大，因為唔再係牛內臟配搭，河粉、米粉、生麵、油麵同飯呢D基本野。而係有担担麵、酸辣麵同埋咖哩粉麵既新式配搭。今次我就試下咖哩三寶飯，自己就未想像到咖哩粉麵既口感味道會係點，可能會同食沙爹牛肉麵差唔多，所以都係保險D試返飯。但係其實三寶，即係牛腩、牛肚同牛孖筋，基本上所以大型連鎖餐廳都有咖哩配上以上食材，但係由粉麵舖既，又有少少期待睇下同出邊同唔同。結果食落去都好味，明顯多左陣中式香料包如八角既味道 ，溝埋有輕微既咖哩香辣，又幾特別。外加左份牛丸墨丸，爽口彈牙，唔錯，值得下次再黎。

今日放假，同屋企人去左將軍澳行街，知道有個康城站好耐，但就未去過就一齊去行下，商場都大又好行，避開午餐時間，2點左右就係The LOHAS 4樓既天后站清湯腩 食晏。去到既時候門口其實都仲要排隊十，不過好快就到我地。今次我地叫崩沙腩酸辣粉、清湯牛肚河、淨牛丸墨魚丸、炸雞翼同埋腩汁芥蘭。崩沙腩酸辣粉，佢地既酸辣粉仲有得選擇要大，中，小辣，岩晒鐘意食唔同辣度既朋友仔。清湯牛肚河，香軟既牛肚吸入晒腩汁，加埋清湯配河粉，正👍🏻牛丸墨魚丸，爽口又彈牙 ；炸雞翼，外皮香脆，肉質嫩滑；最後加個埋腩汁芥蘭😍， 冇加蠔油唔太鹹，岩晒我屋企人。