天山小館 (已結業)

今日去天后探BB, 放工約埋老婆先係附近搵野食醫飽個肚。記得之前同事介紹係水星街有一間小店專食新疆菜, 啱哂鍾意食羊肉嘅老婆, 難得經過, 當然要試試啦。😁餐廳唔大間, 我地6點半左右到客人都已經坐滿半間餐廳。餐廳裝修簡潔明亮, 二人卡座寬敞舒適。老闆係新疆人, 不過都精通廣東話同英文, 佢好熱情咁同我地介紹餐廳嘅菜式。原來餐廳除左提供新疆菜之外, 仲有提供廣東菜選擇。我地點左羊肉餡餅, 羊肉水餃, 炒飯同老婆食飯一定要點嘅蔬菜, 兩個人share, 應該好夠食。😙羊肉餡餅 $50羊肉餡餅非常有驚喜, 外皮好香脆, 羊肉唔羶, 肉質煙韌彈牙, 味道香濃, 一人一件, 非常滿足。😋羊肉水餃(半打) $68餐廳自家製嘅羊肉水餃皮薄多汁, 羊肉餡料好飽滿, 沾上醋汁, 非常惹味。👍清炒時蔬 $68時蔬有幾款菜可以選擇, 我地揀左菜心, 味道都唔錯。鮑汁海皇炒飯 $78海皇炒飯材料都幾豐富, 除左有蝦之外, 仲有蜆, 魷魚等, 炒飯粒粒分明。👍另外, 老闆請左我地飲洛神花茶, 埋單每位$145, 性價比唔錯。餐牌

16/07/2019同媽咪來食飯，5點半入座，叫咗半打羊肉餃子同羊肉米線麻辣大辣。羊肉餃子好足料，裡邊是純羊肉，加咗D大蔥去腥。羊肉不像肉餡，有少少筋增加嚼勁，應該是自家制肉餡。皮不算多，但餡料好多，好飽肚。醋是北方的老陳醋，鎮江醋，後味重，但有D咸，可以放D糖。羊肉米線的米線和豆卜有少少硬，但湯底同羊肉好味。麻辣的麻勁好足，但大辣的辣不算太辣，吃完嘴巴都有小小麻感。羊肉好香，似羊腩剁碎的，但有D太碎了。湯底阿媽話有陣孜然味，辣椒直辣不香，但可以接受。

lunch黎左呢間小店。每次諗起想食羊都會諗起佢。餐廳啲位有少少茶記格局。一入去老闆就會好熱情咁歡迎你。叫左招牌羊肉酸辣米線少辣。包左野飲。凍飲都唔駛加錢。湯底冇乜酸味。麻麻辣辣為主。個麻恰到好處。食得好過癮。羊肉好重孜然味。個人就十分鍾意。羊肉帶少少肥。連埋啲蔥同酸豆。勁香。豆卜冇油味。吸哂啲湯勁正。真係值得一試。唔係好多地方食到嘅味道。餐廳請左位聽障人士做侍應。不過有時老闆都對佢幾兇。會大大聲話佢。希望大家多一點包容。支持佢地。

港島區朋友介紹我試新菜，竟然是少有聽聞的新疆菜，當然感覺新奇。一進店已見到一位高挑又充滿霸氣，衣著光鮮的老闆娘，她竟然在親手包餃子，令我覺得這店很有心有誠意泡製美食。坐下不久，便有店員給我們沖茶。店員身上有個小牌，原來他是聽障人士，牌子上寫著可跟他用手語溝通。感覺老闆娘挺有愛心的。我們點了新疆烤羊肉(4串)，羊肉挺腍的，沒有膻味，我平時很怕膻味，廚師在放血時，放得乾淨，羊肉便不會膻了。如果可以最少點2串就更好，可以多嘗其他菜式。新疆手工涼皮子，用了老干媽醬，醬香撲鼻，不會太辣，涼皮子晶瑩剔透，掛上醬汁，烤麩，青瓜絲一起吃，風味十足。新疆手工拌麵，麵條一吃便知道是手工製作，麵條有粗有細，煙煙韌韌，上面有些雜菜粒，蕃茄，翠玉瓜粒，羊肉粒，很有小數民族特色。薑汁炒芥蘭，薑汁味足，有鑊氣，蔬菜健康。

雖然唔係成日食新疆菜，但係呢一間嘅手工拌麵係我暫時食過最好食嘅！ 所以一定要寫食評，大力推介，等多啲人都認識同埋欣賞呢間餐廳嘅招牌菜！首先一入去間餐廳，老闆娘已經好熱情咁招待，我見menu裏邊有四川菜，新疆菜，廣東菜等唔同選擇，佢就推介咗幾款... 但係因為本身唔太食羊，所以就試下佢嘅手工拌麵，另外仲叫咗個重慶雞煲同埋士多啤梨骨...老實講menu本身幅相嘅新疆手工拌麵睇落唔太吸引，但係到咗一上菜，份量好大，而且上面好多牛肉，非常足料！一食落去嘅時候好有驚喜，因為老闆娘話個麵係即叫即拉，面質非常彈牙，個味有少少辣，牛肉好淋，好香， 越食越開胃，大力推薦大家點呢一個菜！至於雞煲亦都非常足料，個味好香，配白飯食就一流！雞肉夠實而唔鞋口... 至於士多啤梨骨就屬於中上，冇話太大驚喜，不過都算係色香味俱全，一上枱嘅時候就已經聞到 士多啤梨嘅香味！雖然天山小館嘅價錢唔算話好平，每碟都大概一百蚊左右，但係佢嘅份量好足料，好適合幾個人嗌餸食飯！另外值得一提嘅係佢地請咗聽障人士做侍應，所以下次會再嚟試下其他菜式，亦都支持下呢一間餐廳，非常之有心！

天山小館原來係屋企附近都開左一段時間，但由於好少行水星街果邊，所以留意唔到。一入到去就見到D裝修好有新彊特色之餘又FUSION香港人餐廳既特色─有卡位！老闆娘熱情為我地推介特色小菜，原來老闆娘係新彊女子，唔怪得咁靚啦。我地係老闆娘既介紹下，叫左個手工涼皮，涼皮好滑，配埋酸酸辣辣既汁好夾、好開胃。雖然我唔太好羊，但朋友鐘意食，於是就叫左烤羊肉串同羊肉餡餅。老闆娘講得岩，D羊一D都唔羶，好好味，連我都忍唔住食左好多。之後就叫左招牌菜陳醋咕嚕肉，果然名不虛傳，外脆內軟，好有肉汁，加上粉漿唔厚身，個汁酸酸甜甜，開胃之餘又解膩。但肉食性既我地最後忍唔住叫左個士多啤利骨，排骨炸到好酥脆，士多啤利味好香，令人一食再食。由於食得好飽又食左好多熱氣野，所以叫左杯紫貝天葵，係我飲過最好飲既紫貝天葵，甜度岩岩好。

從來都未食過新疆菜，踏入呢間餐廳，佢嘅裝橫同餐具，已經令人感覺好有民族嘅味道。嘢食有好多選擇，特別係羊肉類。老闆娘好熱情同詳細咁講比客人聽唔同菜式嘅羊味濃淡度，以便我哋可以按照自己可接受嘅程度去選擇羊類嘅食物。由於有朋友唔太接受到羊羶味，所以我哋就叫咗個羊肉餡餅試吓先。呢個羊肉餡餅真係好有驚喜，皮又薄又脆，入面嘅羊肉加咗洋蔥好香，就連唔食羊嘅朋友都忍唔住試一啖，而且覺得好好食。另外要大讚嘅係佢呢個招牌咕嚕肉，炸得好脆，冇乜粉，個汁酸酸甜甜，好開胃。由於食咗佢個咕嚕肉覺得好正，所以忍唔住叫埋個士多啤梨骨，好特別，好清甜。最後要講一講佢呢杯洛神花茶，夏天飲，消暑一流。

心血來潮想食下羊肉揾到呢間天山小館就去左試佢menu原來除左羊都仲有好多唔同選擇，仲有好多飯麵同小菜聽老闆娘推介叫左個手抓羊，呢個真係不得了，第一次食呢個部位，肉質好腍，有少少脂肪食落好正😍,佢連住條骨，但好容易就可以折開舊骨🙈食落真係唔羶，我唔好羊肉都覺得好好食🤗之後仲叫個xo醬炒飯，原本諗住呢間做羊肉出色其他野應該都普通，點知個炒飯都咁好食，佢一碟比左好多料，有好多隻蝦，魷魚，想飽肚d可以試下佢😍食食下見到老闆娘係度包餃子，就再叫多碟羊肉餃食，嘩!一食，個皮真係好滑身，個羊肉都係唔會羶，驚食羊既可以試下呢個，佢羊肉味相對個手抓羊會冇咁濃但都好出色💕呢間小店真係唔係幾出名但佢d食物質素認真好高質，中意食羊既一定要試下😍

本想帶女朋友試試吃羊，所以來到天后這間新疆菜館，可惜女朋友今天不太想吃羊，只可以食其他菜式，不過仍然充滿驚喜！店主推薦這裏的拉麵，是自家親手製的手打拉麵，本身炒嘅醬汁已經好好味，夠鑊氣，味道似乾炒牛河，但拉麵煙煙韌韌，加強了口感。份量都足夠兩個人分享。招牌陳醋咕嚕肉陳醋的味道很特別，香濃得來不會太甜或者太酸，而咕嚕肉炸得很香脆，吃得出層次是先炸好，再拌入醬汁一起炒，所以保持到外皮香脆，有心思和有水準的一碟小菜！金銀蛋浸白菜的上湯幾好喝。食物很有水準，而且老闆娘熱情友善，對每枱客人都會閑談幾句，賓至如歸！

之前去完新疆旅行 好掛住新疆菜知道天后有正宗新疆菜食就即刻約埋朋友去食原來餐廳唔單止有新疆菜食 仲有廣東菜 老闆娘好熱情 介紹左唔同既菜式俾我地又會因應我地既人數 建議我地食咩服務好好👍🏻咁我地就2個地方既菜都試下 叫左個烤羊排 XO醬海鮮炒飯 椒鹽豆腐拼鮮魷 同埋濃湯浸時蔬個烤羊排真係烤得好好外皮酥脆 但又keep 到羊既肉汁我朋友平時唔食羊既都覺得好食一啲都唔so除左新疆菜 估唔到餐廳既廣東菜都做得好好炒飯粒粒分明 椒鹽豆腐炸得好香口好有大排檔風味 👍🏻👍🏻👍🏻下次再黎可以再試試其他菜式

之前飯局大家提起吃羊，原來大家都喜愛羊羶香，友人之前到過天山小館，就建議一起去品嚐。畢竟不是人人也喜歡及接受到羊羶味，能夠遇到同好真是難得！九轉豬大腸大腸炸得外皮香脆，入口咬落十分鬆化軟綿，中間還夾有香蔥，沾點酸辣醬吃十分惹味開胃手抓羊肉食羊肉不能不吃手抓羊肉，大大舊啖啖肉。羊肉軟腍嫩滑，還可以喝幾口羊湯。羊肉餡餅友人推介要吃這個羊肉餡餅，。的確，外皮炸得香脆惹味，咬開即散開出羊肉香。羊肉串，灑上滿滿的孜然粉，更香口惹味之餘，還能帶出羊羶香，羊肉亦燒好剛好，咬落有肉汁。

利申先, 小妹從未到過新疆, 但經常到大陸出差, 食過的新疆菜都係唔岩口味多但朋友力推D間新疆菜, 一於信我朋友試下佢一見到天山, 就會諗起雪蓮, 同埋新疆菜, 起名都唔錯入面既裝修幾有新疆味道連碟都係, 好靚!新疆手工湯麵-$78D個清清地得黎帶少少辣, 開胃得黎又岩香港人鐘意清淡D, 而入面既麵係一塊塊, 而唔係一條條,幾特別, 食落都幾煙靭, 而入面既羊唔蘇, 好好味鐵板海鮮烏東-$78D個炒烏東都幾正, 幾夠鑊氣, 而且海鮮都有唔少, 幾抵食雞翼-$48食落得一口既感覺係....超熱, 但估唔到咁熱, 炸得咁香脆, 入面仲有勁多肉汁, 處理得好好呀羊肉餡餅(半份)-$50老闆娘介紹D個係必食, 又可以叫半份試下個味道, 即叫! 外皮係炸得香脆的, 入面有唔少羊肉, 如前文所講係唔蘇的, 而且仲有唔少肉汁, 唔怪得咁推薦總結來說, 天山令我對新疆菜既感覺完全改觀, 期待下次黎試其他新疆菜!

早前朋友試過這家新彊小菜館的羊肉不錯, 這天朋友專程再相約來一次. 在等朋友到達之前, 先點一款冷菜吃吃. 點了一道中辣的新彊手工涼皮.材料簡單, 但辣度恰到好處. 最好吃的是手工涼皮有少許煙韌的口感.跟普通的炸大腸相比, 這個九轉炸大腸鬆化許多. 而且裡頭塞了蔥, 更覺美味. 這個手抓羊用湯灼熟肉質, 吃起來肉質柔軟又不會有太重騷味, 滋味非常. 羊肉饀餅的餅皮厚身鬆脆, 內饀不會做得太乾, 配上裡頭的羊肉碎很好吃. 愛吃辣的我, 自然要點上一道新彊烤羊肉串配上大辣. 加上大量辣椒粉的羊肉串與羊肉是絕配. 這道菜是老闆娘的推介镵包肉, 但按我們要求轉了拉麵. 原來一談之下, 這裡的麵條均用上手工拉麵, 難怪麵類菜式都特別好吃. 今晚的主菜是這道烤羊排, 每位朋友都不約而同的充滿期待. 一問老闆娘, 原來這裡的羊肉都用上綿羊, 相對黑草羊騷味較少, 但肉質更鬆化. 這道烤羊排烤得外層有點焦脆, 內裡的肉質保持嫩滑. 最好吃是中間烤得有點焦脆的肥肉. 吃至最後其實已有8,9分飽, 但這裡的麵食系菜式太吸引, 我加點了一份拌麵. 這道拌麵的麵條短身而煙靭, 配上有點酸辣的湯汁用匙羹來吃十分

我非常鍾意食新疆菜，但係係香港，正完嘅新疆菜真係買少見少，今次就比我搵到呢間天山小館，相當值得推薦。我最鍾意就係呢個羊肉手抓飯，飯以羊油煮成，入口有非常香嘅羊酥味，上面嘅羊排亦煮得非常腍，十分好食。烤羊排亦都相當唔錯，上面加左好多孜然，北方風味十足，味道較手抓飯入面嘅羊排濃，但就較硬身，因此我都係比較鍾意手抓飯入面嘅羊排多啲。羊肉咸餅亦非常好食，入面加左好多羊肉粹，咬落啖啖肉汁，值得推薦。黃金南瓜簡直係我嘅最愛，南瓜外面以咸蛋黃炸成，味道非常香脆，南瓜嘅清甜中和左咸蛋黃嘅膩感，相當好食。黃金炸蠔大大食，食落非常新鮮好食!同樣值得推薦。呢間餐廳算係我係香港食過最地道嘅新疆菜，價錢唔貴之餘又好食，下次應該會再幫襯!

小妹一向鐘意食羊肉，今日難得揾到間可以食到新疆羊肉嘅餐廳，當然要嚟食下。老闆娘係內地人，而且都有幾多內地人幫襯，應該唔錯。餐廳嘅碟都有好靚嘅花紋。新疆手抓羊排飯 ($98)喺北京食過嘅手抓飯有葡萄乾，雖然依間冇，但個飯好好食，好有油香。成碟看似簡單，但羊排好有羊味，肉質層次分明。雖然冇落好多調料但一樣咁好食。面頭有一層薄肥膏羊肉餡餅原本係四個，但可以叫半份 ($50)個皮好脆，而且夠薄，食完唔會太飽。肉餡份量幾多，肉汁豐富。愛羊嘅我地叫咗個烤羊排4件 ($138)脆皮上灑滿孜然，肉質香嫩，算係唔錯。黃金生蠔 ($198)蠔夠大隻肥美，外面包住咸蛋醬炸到金黃色，令人食欲大增呀。