影片
更多
2012-06-21
40 浏览
話試話試, 終於的起心肝去幫襯啦, 去到見到變左天機棧豬骨煲, 心諗唔係化...原來佢"擴充業務", 搬左去瓊華五樓全層, 對面啫, 咪行番過去囉上到五樓, 真係全層喎, 靚裝, 格調都幾high咁喎 望下門口個餐牌, 覺得整體價格都比印像中貴左, 咁都正常既以前門口寫黑板d餐都係百頭至百中, 而家要百尾起咁上下見到個場都吉吉地, 旺角八點半唔駛等位, 好奇怪喎定係d人未知佢搬左呢? 都嚟到喇, 就入去啦!坐到靚卡位, 好闊落, 同埋侍應都好有禮貌, 感覺暫時ok叫左個二人餐, 有餐包餐湯 + 頭盤 + 主菜 + 甜品 + 咖啡開波就係餐湯同餐包, 餐包係普通牛油餐包唔知點解, 同刀切開個包時係會發出"shock shock"聲, 味道都ok既, 只係個面乾左d硬左d啫~一齊嚟既有餐湯, 要左一個菠菜忌廉湯, 我就加左$15要龍蝦湯個湯嚟到真係有隻小龍蝦浸溫存咁浸左半隻落湯, 但係原來只係得開邊半隻... 加$15咪咁孤寒啦個湯冇龍蝦味, 只係得d龍蝦殼既苦味, 我飲左兩啖覺得好苦 唔係好想飲, 心諗$15好唔值, 但係都係飲晒頭盤有六款揀, 選揀都吸引既, 我地揀左雞凱撒沙律同埋蟹肉
原來佢"擴充業務", 搬左去瓊華五樓全層, 對面啫, 咪行番過去囉
上到五樓, 真係全層喎, 靚裝, 格調都幾high咁喎
望下門口個餐牌, 覺得整體價格都比印像中貴左, 咁都正常既
以前門口寫黑板d餐都係百頭至百中, 而家要百尾起咁上下
見到個場都吉吉地, 旺角八點半唔駛等位, 好奇怪喎
定係d人未知佢搬左呢? 都嚟到喇, 就入去啦!
坐到靚卡位, 好闊落, 同埋侍應都好有禮貌, 感覺暫時ok
叫左個二人餐, 有餐包餐湯 + 頭盤 + 主菜 + 甜品 + 咖啡
開波就係餐湯同餐包, 餐包係普通牛油餐包
唔知點解, 同刀切開個包時係會發出"shock shock"聲, 味道都ok既, 只係個面乾左d硬左d啫~
一齊嚟既有餐湯, 要左一個菠菜忌廉湯, 我就加左$15要龍蝦湯
個湯嚟到真係有隻小龍蝦浸溫存咁浸左半隻落湯, 但係原來只係得開邊半隻... 加$15咪咁孤寒啦
個湯冇龍蝦味, 只係得d龍蝦殼既苦味, 我飲左兩啖覺得好苦
唔係好想飲, 心諗$15好唔值, 但係都係飲晒
頭盤有六款揀, 選揀都吸引既, 我地揀左雞凱撒沙律同埋蟹肉酥盒
沙律都ok, 因為都係菜加汁啫, 但係我個酥盒真係唔知點講好
論味道又唔真差, 食到啖啖蟹肉味, 但係個酥皮好硬, 唔似係新鮮整既咁
硬到用叉都吉唔入, 我要用切扒把刀切先切得開, 家陣係咪玩牙力挑戰賽?!
主菜我揀左牛柳拼鵝肝多士配忌廉薯蓉, 另一份揀左羊鞍配意粉
羊鞍嚟先, 份量好夠, 有三大塊, 每塊真係差唔多有成吋厚
味道都好夠, 不過我個人喜愛多d香草, 佢就落左唔係好多
好期待我個牛柳, 但係嚟到有少少失望, 塊扒望落好細, 大概得4-5安士
其實我唔係十分鍾意鵝肝呢味野, 但係估佢唔會俾得多, 都可以食下
鵝肝係鵝肝乾, 係一塊好硬好脆既嘢撻喺一塊好脆既法包上面, 冇乜味, 算吧...
牛柳我係request三成熟, 心諗應該有番咁上下生喇啩, 但係都係失望, 過熟冇血
塊扒切開都幾腍, 不過同對面羊鞍一樣, 都係用梳打粉"拿"過
令我到塊扒冇乜咬口同有乜肉味, 加上熟過龍, 唔係十分好味
配菜佢係sell特式薯蓉, 所謂的忌廉薯蓉, 冇味的...
食到呢度, 差不多已經有定案了
雖然話塊扒望落好細, 但係食晒都會夠飽的
甜品都有六款揀, 揀左木槺布甸同焦糖燉蛋
又中左招, 呢招我真係接唔住了!! 個蛋係實的的的, 未食過咁有實力的燉蛋!
同埋欠了最最最最緊要的雲尼拿籽呀!!!! 天呀~ 冇落就等如蒸水蛋加焦糖面, 仲要蒸到老晒
我只係食左塊焦煻就唔食了, 平時唔算太挑食的我, 都頂唔順~ 因為真係堅係好難食!!!
最後嚟杯咖啡, 係全晚最出色的! 不過太飽, 飲左半杯飲唔落了
總結: 餐飽太硬, 頭盤酥盒太硬, 鵝肝太硬, 牛扒羊鞍太腍, 焦糖蛋太實, 我...實在搵唔到一樣野係會想食第二次!
埋單有信用咭優惠, 慳左10%, $380食左餐好好坐但係唔會令我回味既飯
值得表揚既係侍應質素係高既, 有禮貌同有common sense, 有好好既service
只係食物就... 亦唔係話十分之差, 只係我相信俾呢個價錢應該找到更好吃罷了
张贴