天機棧扒房 (已搬遷) 新店位置

candle light dinner環境清靜，好暗第一次係朋友介紹抵食上黎的~ 果時三個人成為全場最嘈xp跟住黎左都有四五次dinner 次次感覺都幾好 set dinner 百幾 有full set! 中意佢野食有誠意 不是頹貨，感覺廚師真係識整 細微至salad既醬汁，餐湯料，蒜容包（熱脆），伴碟既薯菜係薯仔，不是頹薯條，上菜有先後，食完一道上一道。次次都係食扒同薯菜，大食就點牛仔骨扒啦，真係好大份 lol奇怪琴晚星期六都好少人，可能太浪漫（？）7點幾walkin得幾台，仲有卡位，本身仲問我地個半鐘交台有無問題，但全晚都無咩人。服務好

九點半後有七五折 但食物的質素並沒有下降。餐湯偏淡魷魚墨汁意大利飯魷魚鮮甜味 飯的份量剛好三文魚天使麵如果天使麵多煮一分鐘口感會更好甜品心太軟全餐晚飯的失敗之作 心太軟焗燶了 如果焗少3分鐘就剛剛好 就會沒有燶味焦糖布丁焗少1分鐘蛋會更滑 甜度剛剛好

一值聽同事推介要試試這間天機扒房，在天時地利下終於可以跟朋友2人一嚐了。上樓環境暗暗的格調還好，當我查詢餐單時，職員非常有禮貌地介紹和推薦食品我地點左個2人餐另點了1款生蠔。首先生蠔上枱，味道不賴。而餐湯就一定是西餐必有的，可是連最基本既都竟然做吾到因為啲湯竟然係超微温……我同朋友只好大家安慰大家（而家興凍湯）不久職員提示會係我們身後整巴馬沙律，我地都無咩特別興趣去留意，至於沙律麻，對於我地熱愛沙律既人泥講，都算過關既～登登登主菜泥喇，我點既係職員推介既鵝肝牛柳7成熟，鵝肝真的很“乾”牛柳就普普通通又好難切開，切到我吾耐煩。而朋友點好像是肉眼還是什麼的（忘記了）都係7成熟，不過似9成，佢一度食一度話咬吾開，仲比左舊我試，一食天呀！真係好難咬開。由於我地2個都太肚餓，所以大家都花左好多手徑口徑去ko佢。呢個2人餐係跟甜品既，提拉米蘇就正正常常，心太軟就第一次食到啲甘“清淡”既朱古力味由我地開始食到最後，場內啲燈愈熄就愈小，可能都差吾多關門啦，我地一起身就即刻開哂燈，其實我想講我地連埋等出菜都係食左一粒鐘啫，趕關門就吾好比我地入泥麻。

個個星期外出食飯, 都唔知食咩好今次論到男友提議, 到天機棧試試印象好似成日都賣廣告, 定個名似官x棧果d所以感覺佢唔似係食西餐既地方而家食飯都好少會夜食, 六點幾就開飯來到天機棧, 有大量座位, 是晚內裡環境已作聖誕佈置, 整間餐廳的環境都較昏暗, 係幾浪漫既入座前侍應已講明, 限食個半鐘, 以我地既速度, 應該無問題又唔想再諗邊度食, 所以就坐不過我聽到隨我地入座的, 已訂位的一對情侶, 都係限時, 就有時太趕了望到menu, 通常都會望下有咩2人餐, 唔使諗丫嘛包餐湯, 即叫即整的沙律, 2個main, dessert同飲品, 好似差唔多$400主要main有得揀牛扒, 滿足到牛魔王的男友先來餐湯, 係磨菇忌廉湯, d 磨菇打到變茸去煮, 我鐘意, 口感好豐富餐湯還附送每人一片的蒜茸包, 不過好似唔夠新鮮跟住有位侍應定廚師出來, 即製沙律其實都唔係起我地檯隔離, 係隔左幾張檯整可能一次過整幾張檯既order喇, 其實...呢個賣點對我黎講, 唔吸引一黎又唔係起我地檯既隔離整, 二黎落完order都會起廚房即整架喇食出來又唔係有咩特別蔬菜係新鮮, 面頭加左2片ham, 味道唔過咸,

平安?！平價聖誕大餐！！平安晚個晚餐單有兩個選擇：有基本聖誕大餐、有廚房推介青口套餐。之後仲有個聖誕生蠔拼盤。因為生病了，對住咁吸引?生蠔同青口呢?生野都要忍一忍口、所以叫左最基本個個ToT頭盤係火雞配凱撒沙律或焗青口什菜沙律，我地兩個人食所以兩樣都叫左。唔少得一紅一白仲有洋蔥包（白比較好飲）之後主菜：深海大花蝦配榛子挪威三文魚最好食係個三文魚！上面有少少介未好野味。香煎法國鵝肝配炭燒紐西蘭一級西冷扒（8oz)我叫左7成熟、但已經太老、不過百幾蚊算唔錯，個鵝肝就幾好，入口容。甜品：法式蘋果卷，超香！唔會過甜！我鐘意。藍苺木糠布丁，唔洗講木糠布丁緊係好味啦！之後到12點佢地比左兩隻公仔比我、哈哈我都唔係小朋友，不過都好多謝。聖誕快樂。

原先係想上樓上某間的，見到超多人，所以決定黎番呢間食，好彩黎到九點仍未坐滿，因為食到中後期見滿座率有9成了! 今次無叫二人餐，叫了普通晚餐，我揀了酥皮羊扒配薄荷沙沙汁，餐湯就係忌廉湯，可以加錢改松露湯，不過上次試過唔特別，所以無加錢轉，這裡的忌廉湯屬於稀身d，味道我覺得比松露湯好飲，而蒜容包就蒜味夠，不過好硬…，酥皮羊扒黎到係兩隻酥皮羊鞍…因為當晚坐的位較黑，影極也好模糊，所以放棄放相了，酥皮加羊再點薄荷汁食唔到蘇味兼唔膩，但食另一隻羊鞍時好苦，發覺係酥皮有部份烤焦，故連酥皮食時變苦了，而跟餐的薯菜有咖哩薯仔，係辣嘅咖哩…好少一般餐廳會整到咁辣嘅薯仔，除非係正宗食咖哩嗰d…連朋友試食也驚訝會整到咁辣，最後我食左兩舊就辣到放棄唔食其他薯仔! 朋友叫左黑椒豬手，黎到時見係好大隻豬手，朋友嫌豬手太乾身，而且皮唔係脆，當食皮時係成舊軟淋淋的一舊肥豬肉般入口…好膩! 朋友唔太喜愛，覺得上次黎食扒好食d!甜品方面有四款揀及有得加錢轉其他，不過我同朋友也是想食餐內的藍莓木糠布甸，不用再加錢轉，當木糠布甸黎到時，朋友忘記了係藍莓味，我提及時他才醒起；有淡淡的藍莓味，不過只得一層，如果份量多d弄多層餅碎

事前打電話訂左位7:15入去，去到發現原來好多位，所以一到就可以入席。餐廳環境同氣氛唔錯，每張檯都有細細地既蠟燭，有啲聖誕燈飾。我同女友點左一個二人套餐1牙蜆一碟2黑松露湯X2 + 蒜包3 A牛,D牛4甜品(心太軟,朱古力慕絲)職員服務態度幾好先講1牙蜆一碟，職員係我地面前煮，煮法平平無奇，其實可以入返廚房整，味道清清淡淡，作為頭盆都可以接受，不過有唔少沙。2黑松露湯X2 + 蒜包湯唔錯，啲蒜包硬到喊(刮口既地步)3 A牛(7成熟),D牛(5成熟)A牛(7成熟)變左外面8成熟,入面3成熟(出面睇幾好,但拮落去會噴血)，外面果層幾好味，入面咬極都咬唔爛，應該用左超猛火煮。D牛(5成熟)變左9成熟，鞋烚烚。4甜品(心太軟,朱古力慕絲)，2樣都唔錯短期內都唔會再去食

我第一次黎依度食野。以下係我用餐後既感受。雖然感覺上好似唔多夠人手，但整晚用餐服務一流，加上我杯水永遠都keep係7成滿。食完之後都回味無窮。我一定會推介比朋友黎食。

06.NOV.2013 (WED) 4女子同行久未相見, 一別已數年. 今次一定有排傾, 所以我早早就上Open Rice做得功課, 搵定餐廳. 之前未試過哩間, 今次覺得不妨一試. 我地各人點左唔同o既食物. 其中二人點左套餐. 入面有沙律 + 黑松露湯 + 主菜 + 甜品.1)沙律;有職員係你面前即場整沙律, 都係第一次見. 味道 + 美感方面: 不錯. 2) 黑松露湯:沒有深刻印象, 但係味道都唔錯的.3) 羊架:此是敗筆之作. 三件羊架完整咁上菜, 本人嘗試多次都切不開它們.最後我只係吃到外面o既肉, 之後我就已經完完全全放棄了. . . . . 味道方面亦只係一般般. . . 4) 牛扒:我朋友話哩個牛扒都係味道麻麻. . . 5)  墨汁意粉嘩~~哩個就好味道; 意粉又夠彈牙. 我地4個都一致話好味. 可以一試!! (不過一提, 凡係食墨汁意粉都好易成個咀黑晒. 嘻嘻)6) Tiramisu味道不差. 因為唔會過甜, 食完都想再食. 不錯, 不錯. 總結:- 食物: 可能意粉係好味D. 其他兩個肉類都唔多OK.- 價錢: 都OK. 唔太貴.- 地方: 坐得都舒服, 唔會太擠

好耐沒食西餐了，在瓊華樓下見未食過這間，所以黎試下！ 九點未夠，上到黎竟然唔駛等位，不過帶位的服務員話如有需要可能耍1.5小時需埋單……我見個場都未坐滿，所以沒所謂！安排坐在窗邊的卡位，環顧四周見枱與枱之間有一定距離，唔擠逼, 唔嘈雜, 可同朋友傾偈的地方睇餐牌感覺選擇唔多，點了個二人餐, 頭盤是煙三文魚凱撒沙律, 餐牌寫現場製作, 真的是推架車仔出來在你面前逐樣撈菜撈沙律, 之後放碟最後加2塊三文魚上面....; 沙律也現場製作有好傻的感覺, 做的傻, 睇的亦傻..., 早知叫大硯, 起碼也開個火好睇d..., 不過個沙牛係好食的, 沙律醬剛好, 唔會有太多, 不過忘了影相....!!  黑松露野菌磨菇湯 ~ 有菌及磨菇香味, 湯中有磨菇粒, 唔算吸引的湯, 但講唔上好好飲鵝肝+安格斯牛柳 ~ 塊鵝肝醬汗夠又煎得剛剛好, 又夠大塊, 好食, 朋友o個塊細好多; 牛柳要了5成熟, 第一次食到真的五成熟, 通常好多扒房也做到太熟, 可惜我塊牛柳有筋....! 朋友的是跟意粉, 漏上了, 所以分開上, 出其地意粉好食, 軟硬適中亦有蒜蓉味! 奶茶 ~ 完全唔夠茶味, 肯定檸茶也唔會好飲  

同一班fd來吃飯服務都幾好, 有個waiter見我去廁所無拿鎖匙, 主動代我入返餐廳幫手借匙講返食物先首先沙律揀左salame, 味道好腥之後飲西湯, 唔記得係咪南瓜, 味道就幾好主菜係5成熟牛扒配鵝肝, 以呢個價錢來講, 鵝肝雖然薄但夠味, 牛扒煎得好香口, 其實幾OK但就唔知係咪因為配飯, 搞到整體感覺好麻麻建議大家試配薯菜, 可能好D

今日突然想食扒，抬頭望見天機棧扒房就上左黎試。坐定望住個餐牌就真係不知所措，兩個唔同價錢嘅二人餐，或者自選set dinner閒閒地加埋一都要二百幾蚊/位。更唔好話想食好啲可能要四百零蚊/位先落到樓。心諗喺旺角佢值唔值@@食完就真係覺得算抵！雖然最想試主菜嘅炭燒肉眼冇貨，但個炭燒和牛同鵝肝牛柳都唔錯。廚師對火候控制好強！叫5成熟就真係5成熟咁到我個胃，以呢個價錢真係好唔話得。不過前菜果兩隻生蠔⋯就真係麻麻地；火腿沙律就不過不失。但佢嘅心太軟真係錯，但大前題係大家鍾意食甜野^^但個法或焦糖燉蛋就⋯上枱已經唔係熱，燉蛋雖然好幼滑，但同凍左嘅焦糖完全夾唔埋真係好可惜(＞人＜)餐飲方面熱咖啡離遠聞已經很香，不過我飲左杯麻麻地熱朱古力，唔應該叫熱朱古力食心太軟。但最值得讚賞嘅係佢地員工嘅服務態度真係一流！親切嘅笑容，當我想叫嘅肉眼冇貨時唔似得樓上果間cafe會狂介紹其他差唔多嘅野俾我。我同朋友諗黎諗去，佢地仍然好耐心咁等我慢慢做決定。之後有卡位仲即時自動自覺要求幫我地位。雖然好多朋友都會覺得係佢應該做嘅事，但我真係好想喺度讚下佢地^^當然基本嘅流程佢地都做得好足啦。今晚唔想飲酒，佢地員工就不時就

假日有不少的時間都在旺角流連，行累了，肚餓了，自然要找個地方坐坐。在旺角處處是人，環境好，食物好的地方着實不多，偏偏在熙來攘往的西洋菜街附近卻有處這樣的地方。已經不是首次來到這裡用餐，只不過每次都來也匆匆，去也匆匆，沒有機會認真細味，於是這天的課後特地來到這裡。紅湯茄味香濃，常見的甘荀、椰菜和薯仔已經在內。不過火候未夠，湯身依然比較稀薄，而且沒有能起調味作用的香辣，因而顯得較乏味，若不另添黑胡椒口味可見過份清淡。白湯100%白汁做法的湯，質感偏向稠身呈糊狀，好的是甘荀比較爽脆。不過奶味欠奉，同樣調味不足，建議要求添加黑胡椒，整體未至於差卻已顯得平凡。蒜蓉牛油包焗得鬆脆可口，蒜蓉和牛油香味到位不過火，看似不夠大體，不過還是聊勝於無吧。巴馬火腿雜菜沙律巴馬火腿色澤明顯偏淡，欠油光，幸好鹹香依然不變，而且肉質也尚帶韌性，已算不錯。雜菜沒說特別新鮮，亦沒說特別差勁，伴上黑醋作為經濟午餐的前菜是合格有餘。西冷牛扒伴鵝肝多士配薯菜由於是薄扒，這次點了三成熟，要求的都做到。外到內，深到淺，雖然是三成熟，但是也能輕易切開。以西冷來說，肉味未算突出，不過肉質不會太實，雖然薄身，但是還尚帶肉汁。由於燒汁味

晤係好食肉, 不過有朋友會幾好, 所以試下. 三個女仔較左個二人餐. 其實都夠飽~ 不過3個人最少3個order, 就有d麻煩…餐湯應該係蘑菇忌廉湯, 湯入面真係有一粒粒菇, 味道還好.三文魚沙律特別之處係芝士片好香, 亦都夠沙律醬~牛柳鵝肝餐配薯菜牛柳 : 叫左7成熟, 不過上桌依然係超多血, 好明顯得五成熟… 味道一般.鵝肝 : haha, 我從來都無食過咁硬ge鵝肝, 一d都晤鬆化. 好麻麻地…薯菜 : 佢真係酌薯仔, 太好喇, 晤係炸薯條! 味道… 都有薯仔味, 晤係白酌, 同埋煮得arm arm好, 晤會太腍.汁 : 正常洋蔥汁, 代出食物鮮味~大蝦+三文魚扒配飯大蝦 : 大大隻, 夠份量. 都幾先甜, 不過肉質有d “鞋”口.三文魚扒 : 都係有d“鞋”口, 不過已經算ok, 三文魚扒上面有輕輕ge鹽, 帶番個魚ge鮮味出黎.汁 : 係橙味ge汁, 晤知點解超甜lo… 晤點好過點…甜品 – 朱古力mousse蛋糕賣相晤吸引, 味道呢… 普通…甜品 – 心太軟軟心係金沙朱古力, 幾好食~Overall: 老實講, 呢個quality, 晤match 個price… $428一

無論環境 食物響旺角黎講,.其實真係好ok...9:30後仲要有75折..真係好抵食...仲有d set dinner可以叫..有前菜...主菜同甜品都係4-5百中蚊職員有禮貌...食物方面: 有水準啦~佢個牛扒肉汁好夠多....唔會話有肥膏...出面好多話牛扒...但我試過其實好多都係好大舊肥膏冇得食架個鵝肝煎得好好味....入口即溶架...配菜其實都唔錯..係我最中意食嘅翠肉瓜...叫佢指定嘅頭盆仲有廚師響你面前煮俾你睇架...個蜆就正正係即場整啦..好鬼香架...又唔係話細碟..兩個人食好夠啦...但好可惜幾次黎都話我知龍蝦湯冇貨..冇得食...唯一係生蠔拼盤呢..d蠔好細隻...唔係好夠肥美...同埋d甜品麻麻地...個心太軟個味道有少少怪..應該係個朱古力醬我唔係太中意啦佢咁嘅價錢,可以有咁嘅服務同食物真係超晒班架...