天穴

营业中

休息中

屋企人生日🎂全家人都最鍾意食日本🇯🇵料理天穴之前試過冇訂位都食唔到，今次醒目啦提早訂定窗口位😎如果天氣好，仲可以坐室外望住維港景色😍星期日都一樣有lunch set 比較抵食😚先來了前菜，是沙律菜和麵豉湯，仲有茶碗蒸🎏海膽飯 $338～ 太耐冇飛去日本食啦，見到個Menu成碗海膽飯實在太吸引🤤 海膽份量都多，味道鮮甜，有一種回甘味, 不過個人覺得唔夠Creamy 😇🎏特上刺身御膳 $348～ 刺身質素新鮮，除了牡丹蝦及帶子以外，每款刺身包括海膽都有兩件，而且是厚切🤩我哋仲加咗$20將白飯升級做蕎麥麵😚🎏豪華三色飯 $398～ 豪華三色飯鋪滿吞拿魚茸, 海膽及大量嘅三文魚籽🤤日本三文魚子，鮮甜甘香，魚油在口腔中充斥著。海膽也是十分鮮甜，仲好creamy, 非常好的質素。吞拿魚茸幼細香滑，軟綿綿的口感加上魚的油香，食完呢碗三色飯簡直大滿足🥳🏮甜品- 蕨餅～ 蕨餅原來係古代貴族嘅點心，好香黃豆粉味道，超級煙靭，甜度適中。📍天穴 (尖沙咀)尖沙咀廣東道3-27號海港城海運大廈3樓OTE 304 號舖

第四次到訪天穴，頭三次都覺得午餐性價比高質量高，客人也絡繹不絕，以往沒有訂位隨時要等1小時才能入座。不過，可能而家疫情嚴重，所以今日中午一點來到竟然不需要等位，而且餐廳內仍然有很多空位。原來一時嘅光輝，真的未必係永恆既。我們坐在單邊靠窗位置，能看到室外的海景也挺舒服的。我當然介紹朋友食呢度我嘅推介「特上刺身御膳」$328啦。因為一來我已食過兩次這裏的刺身御膳， 二來想試吓其他嘅套餐，看見餐牌 的「特上天婦羅御膳」$288， 有松葉蟹鉗(1件)、海膽(1件)及天婦羅盛盒(7件)，看看價錢比「特上刺身御膳」只相差$40，心想「特上刺身御膳」 質量那麼高，估計「特上天婦羅御膳」應該也不會太差，所以我就叫咗呢一個「特上天婦羅御膳」，不料最終中伏。例牌沙律及前菜先上，但當我吃沙律時吃到生菜的部份，發現有一些生菜不太新鮮，竟然有發黃的生菜提供給客人，令我感覺驚訝。然後湯和燉蛋也繼續上枱，味道正常。朋友嘅套餐先到，一如既往刺身質素新鮮，除了牡丹蝦及帶子以外，每款刺身包括海膽都有兩件，而且是厚切，而今天的白飯換上一個很漂亮的瓷碗(有一條龍的)盛載着，非常高貴，朋友邊吃邊讚賞我的好介紹。佢一邊食我一邊等

今日又去天穴食lunch，除咗叫”例牌”嘅迷你丼餐，想叫D未叫過嘅set試吓～想食天婦羅，又想食得健康啲喎～ 幾矛盾!! 🙄😜所以最後叫咗”野菜天扶良御膳”等緊主角期間，先嚟沙律、前菜、麵豉湯&蒸蛋沙律、前菜、麵豉湯喺之前嘅post都有分享過，呢度唔多講至於茶碗蒸呢，就只係個別嘅lunch set 先至有跟～細細碗但落足料🐔🐟🦐🍄，蒸蛋嫩滑，仲有粒銀杏添～主角到喇～野菜天扶良一上枱有驚喜呢～賣相相當吸引，各類野菜顏色繽紛，亦排放得整齊精美：冬菇、涼瓜、番薯、茄子、秋葵、紅蘿蔔、南瓜……🍄🍠🍆🥕 ～📸📸📸天婦羅即叫即炸，熱焫焫咁食係品嚐嘅最佳時機，所以快快影兩張相之後便開動了～麵衣薄薄的，口感酥脆，野菜的水份保存得好，冬菇肉厚、番薯同南瓜又綿又甜，涼瓜甘甜而質地帶爽，幾款野菜嘅組合配搭得宜，帶嚟唔同嘅口感野菜類配沾汁最夾，蘿蔔蓉新鮮，配合天婦羅食，可清一清熱氣，除沾汁外，亦可點一點咖喱味海鹽、抹茶味海鹽或原味海鹽提一提鮮味～ 今次試新菜式好有驚喜，又望住個靚海景享受左一頓愉快嘅午餐～～

位於海港城行到最盡頭近海邊嘅餐廳所以有超級無敵大海景，室外室內一樣咁好坐！午市lunch set多數都包前菜蒸蛋、漬物小吃、沙律、麵豉湯和甜品。我最喜愛的兩個set就係sashimi platter同埋海膽和三文魚子飯(跟熱辣辣烏冬一碗）有幾好食大家睇相就知道，而且就算冇用海港城coupon價錢都都不會太貴，海鮮新鮮嘅程度和食物味道可以話係性價比好高！雖然個set包嘅甜品都好食，但我都會再嗌多個Hojicha夾餅雪糕，你試過就會知點解，又係好好食！

突然想吃日本菜，一定要滿足自己，立即去😍😍座位對著無敵大海景，心情特別好❣️這天天氣好，藍天白雲下與朋友一起享用美食，開心🥳餐牌選擇多，我目標清晰，非刺身莫屬。先來沙律和前菜⭐️⭐️⭐️⭐️🐠🦐極上刺身御膳（9款） $298 ⭐️⭐️⭐️⭐️朋友和我都不吃三文魚，所以轉了白身魚。除海膽外，全部都很新鮮、不腥。海膽非常失色，稀稀的，完全不creamy，亦不鮮甜，很失望！平時最愛海膽，但這盤刺身中的海膽完全達不到「極上」的水準😏🐟🍚葱呑拿魚腩丼 $198⭐️⭐️⭐️⭐️吞拿魚腩蓉甘香鮮甜，略嫌味淡，加少少wasabi和豉油提味，美味！🐠🌮呑拿魚蓉薄脆（2件）$48⭐️⭐️⭐️⭐️⭐️又是吞拿魚😁😁😁沒辦法，都是我至愛，不介意再吃、繼續吃、以後都吃😁😁超喜歡這款，吞拿魚蓉不是很濃，散發淡淡甘香，配薄脆同吃，口感豐富，層次多元，兩者非常相配，好好味😋😋😋🍮🍧是日甜點⭐️⭐️⭐️🍎🍹蘋果薑特飲 $58⭐️⭐️⭐️飲品是朋友的，味道正常。綜合而言：window seat好正！對著海景品嘗美食，特別滋味🥳🥳

呢間餐廳大部份嘅位置都可以望到海景🌊，枱與枱之間都有足夠嘅距離，環境10分之舒適寫意，啱晒同朋友一齊嚟👭今次黎就試午市套餐🍱，包前菜，茶碗蒸，甜品茶碗蒸🥚菜碗蒸有好香嘅蛋味，質地滑漊，調味適宜鹹淡適中，有堅魚汁做調味，更加帶起蛋嘅鮮香，會有少少海鮮，元具粒同埋蝦🦐，令層次更豐富。特上壽司御膳🍣 （$288）有十貫，每款都好新鮮肥美，有魚油香味，齒頰留香，最欣賞佢係每款壽司會配合唔同嘅調味🍣，有柚子，香草等等可以更加大帶起鮮味👍🏻特上刺身御膳🐟 （$328）會有9款，大部份都有兩片，都有一定嘅厚度，同樣地每款都好新鮮肥美😄，呢個餐會跟埋一碗飯同埋漬物🍚甜品鋪滿左滿滿嘅黃豆粉，非常香濃，而質地非常之Q彈，味道唔會過甜，為今餐劃上完滿嘅句號😋📍 天穴 (尖沙咀)尖沙咀廣東道3-27號海港城海運大廈3樓OTE 304 號舖

海港城呢一年推左好多商場優惠，買野成日都會送膳食coupon 俾你用番o係佢地商場，當日同朋友去行街，食壽司都係唔錯既選擇，所以簡左可以用Coupon 既天穴啦。—————————————🐷特上壽司御膳 $268特上壽司御膳套餐入面有麵豉湯、茶碗蒸、十款壽司以及甜品茶碗蒸入面有銀杏，香軟又入味；十款壽司有Toro、三文魚、左口魚邊、鰻魚、油甘魚、鰤魚、白蝦、帶子、玉子燒同迷你三文魚子丼，左口魚邊入口即溶化好香口，迷你三文魚子丼魚子多過飯，如果可以有多少少飯俾我餸魚子就好啦😝甜品以黃豆粉蕨餅結尾。—————————————總結：以海港城黎講，二百幾蚊一個Lunch 仲要有靚景對住真心超值，仲要可以用膳食coupon，兩個人埋單四百唔洗😋食物質素又唔差，有機會都一定會再Encore。

用海港城coupon食，半價但食物質素無降低！難得海鮮雜錦刺身飯，好豐富，好生鮮，淨講賣相已經令人好有食慾，重點海膽一啲都唔腥！作為一個本身唔食海膽的人來講，都覺得好食，所以鍾意海膽的朋友應該覺得好好食個！正價248都係ok的，半價真係不能不食，太扺了另一個叫左吉列黑豚豬咖喱，咖喱好香濃，唔係好頹好普通個種日式咖喱，豬扒亦唔油膩，肉質林身，我會比80分不過野飲一般，唔使花錢叫加埋海景，環境好好，食得好開心🥰

早排Harbour City响應政府鼓勵市民消費，派發咗dinning 及shopping coupon, 因限期快到，今天就去海運大厦3樓天穴試下他的日本魚生和寿司。因天穴午膳只接受walk in, 2点幾鐘來到天穴，接待登記咗我的手机號碼，話前面有35個籌，如果4:30 pm 前冇SMS確認就排不到了，都打定輸數冇位的，可能個個咁惗，好快的3点幾可入座了，並安排坐在玻璃幕牆邊，面對維港，望住中環IFC，挺不錯的用膳位置，抵讚👍計啱數，度好coupon的優惠，order 咗個特上寿司和刺身set。前菜沙津、蒸蛋和麵豉湯先到，味道都ok但不是突出，可接受的。寿司set有8件已連一件玉子燒，每件經火炙上枱，味道最好的是和牛和Toro, 其如白魚寿司不如預期的新鮮，最失望是没有海胆寿司，以$300幾來說又好似cp值低咗D。刺身御膳到了，9款魚生置於冰上用一個頗大的碟上枱，可惜整體魚生切得薄了一点，邊位微彎，刀功不是師傅級功力👎，魷魚和牡丹蝦明顯放了很久，不挺身没有光澤👎，其他魚生可能不新鮮的原固，帶有魚腥味，一面吃一邊惡心👎，海胆偏淺黃色👎，食相不佳，不吃也吧！雖然這份刺身不合格，但看見

今年嘅平安夜就book左呢間睇靚景嘅日本菜食，我地一個月book位揀左窗口位，佢地當日都比到我，晚餐佢地分開2個時段，我就揀左8:30呢個時段，入到去坐左陣發現都唔係滿坐，可能大家都習慣係屋企食飯🤣窗口位睇唔到景，要坐out door先會睇到，當日人均消費最低$800，我地都淨係鍾意食壽司，所以都叫左好多壽司食，佢地嘅壽司好新鮮😍三文魚食落好肥美😍每件壽司都好好食😍😍鵝肝壽司- 食落香脆，反而無咁油利，鵝肝味唔得唔太重，一般大拖羅-呢件有啲失望😔夾上去件拖羅就爛咁😔呢個都唔算特別，正常天婦羅冬菇-呢個炸物好好食，佢讓左啲滑嘅野落去，食落好好食😋串燒都燒得好好，但個汁就一般燒帶子-帶子鮮甜加上佢嘅汁好夾呢個松葉蟹甲羅石鍋飯我就一心想黎食，但原來無咩特別😔又唔會唔好食😄成餐飯2個人埋單2千幾，平安夜算係咁，但佢個餐牌嘅食物都唔算好貴

之前有半價coupon就去咗try刺身超新鮮！半價咗真係超抵食對住個海景食真係好正好chill不過冇折就不了 其他鋪頭性價比會高啲 不過個景真係一流！如果唔介意價錢想睇景冇半價都可以去嘅

天穴從名字上推算應該比穴更高一級係價錢上同食物質素上我相信價錢要黎買食物同服務之外好重要就係個海景景色講番野食先蟹皇卷有心思既一味炸物蟹黃同蟹肉都包裹係紫菜入面食落味道濃郁又層次豐富吞拿魚蓉米餅依個真係每次去穴都點既一味多重口感，足料吞拿魚蓉秋刀魚11月依然當造既秋刀魚唔洗去omakase依到都食到不過就比較貴原條蟹腳壽司係唔同自助餐煮熟左果d食個係生既肉質無咁實在，不過蟹味有係到劍魚腩壽司唔係到到都有好味既劍魚腩油香，入口無筋，正深海池魚都係一致的肥美可口炙燒左口魚邊，牡丹蝦，鱆紅正常輸出總結： 坐位位置距離適中上菜快普遍質數中上3分1既錢預左係比租😂

去《天穴》食咗好多次lunch，覺得佢哋嘅lunch set性價比高，今晚試下佢嘅dinner同欣賞下維港嘅夜景睇緊Menu之際，一個相熟的Staff推介我哋試吓當造嘅香箱蟹～我哋order左一隻，另外再order左天婦羅、串燒同石鍋飯～～首先嚟嘅係《香箱蟹》🌸🎁🦀師傅將蟹拆肉，連埋D蟹膏（内子）用蟹蓋盛好，再配以紫蘇葉花💐同日本楓葉🌿🍁裝飾成一件藝術品，另外蟹籽（外子）堆成一座小山，伴以蟹腳作裝飾，再配一杯金箔紫蘇葉花啫喱醋，呢道藝術品般嘅菜式真係有啲唔捨得食，我哋影咗好多唔同角度嘅相先開動 📸📸🥢😋香箱蟹嘅肉質出名鮮甜，果然名不虛傳！蟹籽蟹膏甘香，再配以清香嘅啫喱醋，真係冇介紹錯👍🏻👍🏻（後記：香箱蟹原來係雌性版嘅松葉蟹，因為要反覆產卵和孵卵，故此冇時間脫殼🤪，size一般比松葉蟹小，原來日本政府為保護海洋生態，每年只可以喺11月初至第二年1月初先至可以捕捉，所以香箱蟹可以講係季節限定嘅日本空運海產！）食完香相蟹，就到《串燒牛舌》🐮👅，牛脷嘅厚度啱啱好，香口之餘有嚼勁又唔會韌，非常有水準！《串燒鹿兒島黑豚荔枝卷》🖤🐷則帶點驚喜！之前食過有提子嘅串燒，今次係第一次試用荔枝入饌～荔枝嘅

鍾意午餐時段去《天穴》食佢哋嘅lunch set，性價比非常高！除咗食材質素穩定，都鍾意佢環境舒適，餐廳大部份位置都可以望到開揚海景，一邊食一邊欣賞靚景，份外心曠神怡！今日天氣少少涼，除咗叫返之前‘例牌’叫嘅“迷你丼物餐”，仲叫咗從來未試過嘅 - ”日本產黑豚泡菜溫泉蛋石鍋飯”，希望有D熱食暖吓肚～迷你丼餐跟一小碟前菜同麻醬沙律，另可選擇烏冬或蕎麥麵，我兩樣都試過，比較喜歡烏冬，佢個湯底好清，烏冬亦煙韌，我朋友食得辣，會加七味粉，佢話《天穴》嘅七味粉有柚子味，令烏冬帶微辣之餘亦帶清新，佢每次都會連湯都飲埋～ 😋石鍋飯則跟前菜、沙律同麵豉湯。《天穴》嘅麵豉湯唔鹹，有適量嘅昆布同圈圈腐皮🌀～跟住到主菜嚟la…迷你丼物餐(呢個set係可以喺10多款迷你丼裏面揀選兩款，”賣飛弗”combo 係鰻魚飯同蔥吞拿魚生飯）今次個”鰻魚飯”一貫嘅好味道，鰻魚汁濃度甜度適中，鰻魚入口仲係暖嘅，可惜今次嘅鰻魚係魚尾部份，無之前食嘅腩位咁厚肉肥美”蔥吞拿魚生飯”水準不變，我反而想推介吓飯面唔同顏色嘅芝麻，問過侍應，原來係《天穴》師傅自己炒嘅，芝麻嘅香配襯住吞拿魚蓉，Oishi~~~~😋日本產黑豚泡菜溫泉蛋石鍋

今天是本人第三次到訪天穴，試過這裏的午餐，覺得質量好而且性價比高，難得還有商場優惠券，所以更值得再次到來，今天是一行三人，中午12時左右來到天穴門口，來到立即取票等了約50分鐘，在等位期間發現原來天穴有很多捧場客，可能餐廳午餐有很多選擇，而且性價比也高，以及這間餐廳還有無敵海景伴餐，因此吸引了不少食客光臨。我們被安排坐在吧枱，午餐餐牌看了又看，最後我們三人都選擇了刺身御膳，同行另外兩位朋友選了特上剌身御膳，(九款剌身)$328，因為他們喜歡吃海膽，而我則最愛吃大八爪魚，所以選擇八款刺身的午餐$248。半年間這裡的午餐也加了價，刺身御膳分別加了$20和$30元不等，但朋友試完也大讚用料新鮮，雖然加左價，性價比還很高。這裏的刺身午餐非常受歡迎，等待午餐是時看見剌身師傅們熟練的技巧和專注，切片和擺盆，分工合作，動作非常熟練，雖然欣賞不到海景，但是其實我是比較喜歡坐吧枱可以看見新鮮的食物和師傅們工作的情況。以前盛戴剌身的玻璃餐盆金碧輝煌，非常高貴漂亮，不知道是否因為太常用所以損耗速度也很快，刺身送上枱時發現特尚刺身御膳已轉用了另外一款日式傳統的深色瓷碟，而刺身御膳也不是用琉璃金碟，眼睛已享受不